သူတို့အာဘော် မောင်လူရေး

မောင်လူရေး – အားသာချက်တွေများစွာရှိသော လက်ရှိနိုင်ငံရေးအခြေအနေ

My Friend Tin Moe By Maung Swan Yi - Selection of MoeMaKa Articles



မောင်လူရေး – အားသာချက်တွေများစွာရှိသော လက်ရှိနိုင်ငံရေးအခြေအနေ

(မိုးမခ) မတ် ၅၊ ၂၀၁၆ဒေါ်စုသမတဖြစ်မည်၊ မဖြစ်ဖူး။ ဒေါ်စုကို သမတမဖြစ်ဖြစ်အောင်လုပ်မည်၊ အနှေးနဲ့ အမြန်ဘဲ၊ ဖြစ်ကို ဖြစ်မည်။ နိုင်ငံခြားရေးဝန်ကြီးလုပ်ပြီး ကာလုံမှာထိုင်မည်စသည်ဖြင့် ပြောနေကြသည်။

မြန်မာပြည်မှာ အထူးသဖြင့် မြန်မာ့နိုင်ငံရေးမှာ ဘာမဆိုဖြစ်နိုင်သည်။ ထို့ကြောင့် သမတဖြစ်သည်ဘဲဆိုပါစို့။ ဒီမိုရေစီအခြေခံအုတ်မြစ်ချရေးနှင့် လာဘ်ပေးလာဘ်ယူတိုက်ဖျက်ရေး ဖွံ့ဖြိုးရေး တိုင်းပြည်နစ်နာသည့်စာချုပ်တွေ ပြန်လည်ပြင်ဆင်ချုပ်ဆိုရေးစတာတွေ လက်ရှိသက်တမ်း ၅နှစ်အတွင်း သမတကြီးဒေါ်စုလုပ်နိုင်တာတွေအများကြီးမှ အများကြီး။

ဒေါ်စုသမတမဖြစ်တော့ဘူးဘဲဆိုပါစို့။ သူ့စိတ်ကြိုက်ခန့်ထားသည့် သမတဘဲရှိမည်ဖြစ်ရာ သမတလုပ်နိုင်သည့်အလုပ်တွေအပြင် ပါတီကိုကောင်းကောင်းကိုင်တွယ်နိုင်မည်။ လက်ရှိမှာ အရပ်ဘက်နိုင်ငံရေးပါတီအနေနှင့် NLD ဘဲရှိသည်။ ကြံ့ခိုင်ရေးပါတီ၏ နိုင်ငံရေးမှာ သေသလောက်နီးနီးဖြစ်သွားသည်။ အခြားနိုင်ငံရေးပါတီများလည်း အားကောင်းကောင်းနဲ့မရှိသေး။ဒီမိုကရေစီကူးပြောင်းရေးဖြစ်စဉ်တွင် အင်အားတောင့်တင်းသည့် နိုင်ငံရေးပါတီတခု မဖြစ်မနေလိုအပ်သည်။ လက်ရှိသက်တမ်း ၅နှစ်အကျော်တွင်ပါ နိုင်ငံရေးအားကောင်းမောင်းသန်ရှိနေမှ အထိုင်ငြိမ်သည့် ကူးပြောင်းရေးကို သွားနိုင်လိမ့်မည်။ မဟုတ်လျှင် စစ်အုပ်ချုပ်ရေး အချိန်မရွေး ခေါင်းထောင်လာနိုင်သည်။

ထို့ပြင် ဒေါ်စုသည် သမတမလုပ်ဘဲ နိုင်ငံခြားရေးဝန်ကြီးလုပ်ပြီး ကာလုံထဲ ဝင်ထိုင်မည်ဆိုလျှင် သမတသည် ဒေါ်စု၏အရှိန်အဝါအောက်မှာ ပြားပြားဝပ်ကာ ကာချုပ်နှင့် ကျန်ကာလုံအဖွဲ့ဝင်တို့၏ အရိုအသေတန်မှုဖြစ်ပေါ်နိုင်သည်။ ပါတီ၏နိုင်ငံရေးပုံရိပ်လည်း မှေးမှိန်နိုင်သည်။ ယင်းသည် ဒေါ်စုအလွန်နိုင်ငံရေးအတွက် စိတ်မအေးစရာအခြေအနေပင်။

အရပ်သားအုပ်ချုပ်ရေးသည် တစုံတယောက်၏သြဇာကြောင့်မဟုတ်ဘဲ အစစ်အမှန်အုပ်ချုပ်နိုင်စွမ်းရှိကြောင်းပြနိုင်မှသာ စစ်ဘက်၏ အရပ်သားများသက်သက်အုပ်ချုပ်နိုင်ခြင်းမရှိဟူသော ရာသက်ပန်စွဲကိုင်ထားသောအယူအဆကို အားပျော့အောင်၊ ထိုမှ ပျောက်ကွယ်အောင်၊ တစတစဖြင့် အရပ်သားအုပ်ချုပ်ရေးသက်သက်ဖြစ်လာအောင် လုပ်နိုင်ပေလိမ့်မည်။

NLD အစိုးရ၏ ၅နှစ်သက်တမ်းသည် လောလောဆယ် ပြည်ထဲရေးနှင့် ကာကွယ်ရေးဌာနများကို တိုက်ရိုက်ခန့်ခွင့်မရသော်လည်း စစ်ဘက်အုပ်ချုပ်ရေးကာလ နှစ် ၅၀နှင့် နှိုင်းယှဉ်ကြည့်ခံရမည်ဖြစ်ရာ မြန်မာ့ဒီမိုကရေစီရှေ့ရေးနှင့်လည်း တိုက်ရိုက်အချိုးကျပါသည်။

ဒေါ်စုသည် သူရဲ့ ရွေးကောက်ပွဲအခြေပြု နိုင်ငံရေးဦးဆောင်မှုရယူရေးမဟာဗျူဟာအရ လူကိုမကြည့်နဲ့၊ ပါတီကိုကြည့်ပါ၊ လူကို သူကိုယ်တိုင်ထိမ်းကျောင်းမည်ဟု အာမခံထားရာ ပါတီဝင်များကို အသေအချာစောင့်ကြပ်ကြည့်ရှုပြီး အရည်အသွေးမြင့်မားရေးလုပ်ဆောင်ပေးရမည့်တာဝန်ရှိနေပါသည်။

ထို့ပြင် ဒီမိုကရေစီကူးပြောင်းရေးဖြစ်စဉ်တွင် ပါတီနိုင်ငံရေးတခုတည်းဖြင့် ခရီးမတွင်နိုင်ရကား တပြိုင်တည်းမှာပင် နိုင်ငံရေးဟန်ချက်ညီရွှေ့လျားဖို့ အရပ်ဘက်ကိုလည်း ထိတွေ့ဦးဆောင်ရမည်၊ လတ်တလောတွင် ဒေါ်စု၏ဦးဆောင်မှုကိုသာ ပြည်သူလူထုက လက်ခံထားသည်။ ယင်းအနေအထားဖြင့်ပင် စစ်တပ်၏မြန်မာနိုင်ငံရေးအပေါ် တုပ်နှောင်ထားသည့် ကြိုးတွေကို ဖြေလျော့ခဲ့ရာ ဆက်လက်ဖြေလျော့ရင်း စစ်ဖက်၏ယုံကြည်ကိုးစားမှုကိုပါ ရယူရမည်။

နွံထဲက စတင်ရုန်းထွက်သည့်အပိုင်းတွင် တက်ညီလက်ညီရုန်းအောင်၊ လမ်းကြောင်းပေါ်ရောက်သွားအောင် ဆွဲခေါ်မည့်သူလိုပါသည်။

အုပ်ချုပ်ရေးကစဥ့်ကလျား၊ ပညာရေးကစဥ့်ကလျား၊ သယံဇာတစီမံခန့်ခွဲမှုကစဥ့်ကလျား၊ စည်းလုံးရေးကစဥ့်ကလျား၊ စာရိတ္တကစဥ့်ကလျား၊ နိုင်ငံရေးဦးဆောင်မှုကစဥ့်ကလျား၊ ယုံကြည်မှုကစဥ့်ကလျား၊ ကဏ္ဍတိုင်းမှာ ကစဥ့်ကလျားဖြစ်နေသည့် ကျဆုံးနိုင်ငံတော်ဖြစ်စဉ်ကြီးထဲက မြန်မာနိုင်ငံတော်အတွက် လူထုခေါင်းဆောင်တယောက် အသေအချာလိုအပ်ပါသည်။

မောင်လူရေး


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts

One thought on “မောင်လူရေး – အားသာချက်တွေများစွာရှိသော လက်ရှိနိုင်ငံရေးအခြေအနေ

Comments are closed.