Photo – MoeMaKa, Dec 2008, LA |
အောင်ဝေး – အိ မ် ပြ န် သွား သူ ကြီး
(မိုးမခ) မတ် ၁၊ ၂၀၁၆
မှိုင်းရိပ်ကယ်တည့်
ဝေမှောင်
မစ်ရှီဂန်အနောက်တောင်က
နှင်းမှောင်ကန္တာရထဲမှာပါဆရာ။
တောက်လောင်အေးခဲ
နှင်းမုန်တိုင်းထဲမှာပါဆရာ။
အနောက်တောင်ပိုင်းဟာ
နှင်းလှိုင်းအဖြတ်
နှင်းတံတိုင်းခတ်လို့ 
(မြင်းရိုင်းကို)
နှင်းရိုင်းသတ်တဲ့ည။
ပြာခြေဆိုင်း
ဝေမှိုင်း
မြူမှောင်ချယ်နေတော့တာပါပဲဆရာရယ်။
ဟောဒီ
မစ်ရှီဂန်ဆိုတဲ့မဲဇာမှာလေ
အောင်ဝေးဟာ
နှင်းမုန်တိုင်းထဲ
ငန်းရိုင်းတွေပျံသလို
ရှင်ပြန်နေတဲ့ကောင်ပါ။
ဒီတစ်ညမှာ
နှင်းရိုင်းသတ်တဲ့ညမှာ
ခရမ်းပြာမြင်းရိုင်းဟာ
ဗိုင်းခနဲ ဗိုင်းခနဲ
ငှက်ကြီးတောင်ဓားနဲ့ ပိုင်းလိုက်သလို
သမိုင်းထဲ
ပစ်လဲမကျပေမဲ့
စစ်အာဏာရှင်ခေတ်ထဲ
မသေဘဲ
လူးလဲထလာသလိုပါပဲဆရာ။
မြင်းရိုင်းဟာ
တုန့် ခနဲ ပတတ်ရပ်
ဇက်ခွံ့ ပြီးအရှီန်သတ်လိုက်ရတယ်။
ပြည်ပြေးဘ၀
ဆရာဆုံးပြီဆိုတဲ့သတင်း
နှင်းမုန်တိုင်းက
သယ်လို့ လာတဲ့ညမှာပဲပေါ့ ။
မစ်ရှီဂန်မဲဇာမှာ
ဆရာက
လာ့စ်ဗေးဂတ်ဆိုတဲ့
ကာစီနိုကန္တာရမှာ။
ပြည်ပြေးတွေလား
ကျနော်တို့ ဟာ
ပြည်ပြေးတွေပါပဲဆရာရယ်။
တိုင်းပြည်ကထွက်ပြေးမိပါတယ်
တစ်သက်လုံး
ပြည်ပြေးဖြစ်ရောလားဆရာရယ်။
ကျနော်တို့ ဟာ
ပွေမချိပူဗျာဝှန်
လူတွေမသိတဲ့သာလာယံမှာ
ကဗျာမဆန်တဲ့
အိမ်နိမ့်စံတွေပါဆရာ။
ကျနော်တို့ တိုင်းပြည်မှာ
မိုင်းထောင်ဗုံးခွဲတဲ့သူတွေလည်း
မဟုတ်ခဲ့ရပါဘူးဆရာရယ်။
ကျနော်တို့ တိုင်းပြည်မှာ
အခွင့်ထူးခံရေပေါ်ဆီတွေလည်း
မဖြစ်ခဲ့ရပါဘူးဆရာရယ်။
ကျနော်တို့ တိုင်းပြည်မှာ
စာရေးတဲ့သူတွေပါ
ကဗျာရေးတဲ့သူတွေပါ။
ကျနော်တို့ တိုင်းပြည်မှာ
ယဉ်ကျေးတဲ့သူတွေပါ
နူးညံ့ သိမ်မွေ့ တဲ့သူတွေပါ။
ပြိုယောင်မှန်း
ညိုယောင်ယောင်ကမ်းမှာ
ကျနော်က
တိုင်းပြည်ကိုလွမ်းနေတဲ့သူပါ။
မှိုင်းမှိုင်းကျတဲ့ညမှာ
ကျနော်က တိုင်းပြည်ကို
တဗိုင်းဗိုင်းလွမ်းနေတဲ့ကောင်ပါ။
ရှင်ကွဲ တဲ့
သေကွဲ တဲ့
ကြေကွဲရခက်လှချည်ရဲ့ ။
ဆရာမောင်သာရ ဆုံးပြီတဲ့
ဒီသတင်းသယ်လာတဲ့
နှင်းအရိုင်း မုန်တိုင်းကိုလေ
အောင်ဝေးဆိုတဲ့
မြင်းရိုင်းက
ဟောဒီလို ဟောဒီလို
ဒိုင်းခနဲ ဒိုင်းခနဲ
ကဆုန်ရပ်
ခွာရှပ်ပြီး
အသေသာသတ်လိုက်ချင်ပါရဲ့ ။
ရီဝေပြာပြာ
မလွမ်းသာတဲ့အဖြစ်ပါလား။
နှင်းရိုင်းရက်စက်တယ်
ကျနော်တို့ တိုင်းပြည်ကြီးကလည်း
ရက်စက်တာပါပဲဆရာရယ်။
တိုင်းပြည်ကမလိုလို့ 
စွန့် ပစ်ခံရတဲ့သူတွေများလားဆရာရယ်
တစ်ခါတစ်ခါ
အားငယ်တယ်။
ကဗျာရေးလို့ 
ပို အားငယ်ရင်
မစ်ရှီဂန်မဲဇာဟာ
ကိုယ့်ကိုယ်ကိုယ် ငရဲပို့ မိသလိုပါပဲ။
ဟောဒီမှာ
လင်ကွန်းနဲ့ တွေ့ ရတာလည်း
မပျော်ပါဘူးဆရာ။
ကျနော် ပြန်ချင်တယ် လို့ 
ပြောရင်
ဆရာက မကြိုက်ချင်ဘူး။
ဆရာလည်း အိမ်ပြန်ချင်မှာပဲဆိုတာ
ကျနော်နားလည်တယ်။
ပြန်ပါဆရာ
ဆရာ အရင်ပြန်ပါ။
တစ်ပွေ့ တစ်ပိုက်ကြီးနဲ့ 
ဆရာပြန်ပါ
အရင်ပြန်နှင့်ပါဆရာ။
ဆရာ့ကို အသင့်ကြိုနေမှာပါ။
၃၃ လမ်း
ခရေညို ညတစ်ခြမ်းမှာ
ဆရာ့ကို
တခမ်းတနားကြိုဆိုနေကြမှာပါ။
ရန်ကုန်မြို့ ပေါ်
နွေဦးလေ ညို့ ဆိုင်းရင်
ကျနော်တို့ 
အတိုင်းမသိတဲ့ လွမ်းဓလေ့ဖွဲ့ 
ဆရာ့ကို လာတွေ့ လှည့်ပါ့ မယ်
ေ အာ င်ေ ၀း
မတ် ၁- ၂၀၁၆။