ဟန်ဇော်ဝင်း – ဆင်အကောင် (၂၀) ကျော် အကြောင်းမဲ့ သတ်ဖြတ်ခံနေရ

ပဲခူးတုိုင်းဒေသကြီး၊ ဒုိုက်ဦးမြို့နယ် ဘောနီဆည် အနောက်ဘက် (၅) မုိုင်အကွာ ပဲခူးရုိုးမအတွင်း ဒေသခံ မုဆုိုးအမည်ခံ လူတစ်စုတုို့မှ ဆင် များအား သတ်ဖြတ်လာသည်မှာ ယခုအခါတွင် အကောင် (၂၀) ကျော်ပြီဟု သိရပါသည်။ 

ဒေသခံရွာသားများအနေဖြင့် တာဝန်ရှိသည့် သစ်တော၊ ရဲစခန်းများကုို သွားရောက်အကြောင်းကြား တုိုင်တန်းခဲ့ခြင်းများ ပြုလုပ်ခဲ့သော်လည်း ယခုအချိန်အထိ တစုံတရာ အရေးယူမှု မရှိဟု သိရသည်။ 

အဆုိုပါဆင်များအနေဖြင့် ယင်းဒေသတောင်ယာစုိုက်ခင်းများအားလည်း လာရောက်ဖျက်ဆီးမှုမရှိပဲ ၎င်းတုို့ဘာသာ ပဲခူးရုိုးမထဲတွင်ပင် ကျင်လည်ကျက်စားနေသည့် ဆင်များဖြစ်ပြီး သတ်ဖြတ်သူတုို့အနေဖြင့် မည်သည့်ရည်ရွယ်ချက်ဖြင့် ယခုလုိုသတ်ဖြတ်နေရသည်ကုိုတော့ သိရှိရခြင်း မရှိသေးပါ။ 

ယင်း ဆင်မုဆုိုးတုို့သည် ဆင်များအား ကျင်းတူး၍ ဆူးငြောင့်ထောင် ဖမ်းနည်းများဖြင့် သတ်ဖြတ်လျှက်ရှိနေပြီး ယခုအခါတွင်းလည်း ထပ်မံ၍ သတ်ဖြတ်ရန်ကြိုးစားနေကြပါသဖြင့် တုိုင်းပြည်တွင်း တောရုိုင်းတိရိစ္ဆာန်များ မျိုးသုဉ်းပျောက်ကွယ်မည့်အရေးအား ဒေသခံများမှ စုိုးရိမ်နေကြပါသည်။ ဤသုို့ ဆင်များအား အကြောင်းမဲ့သတ်ဖြတ်နေခြင်းအား အချိန်မှီထိန်းသိမ်းပေးစေလုိုကြောင်းလည်း သိရပါသည်။