 |
| ဒေါ်အောင်ဆန်းစုကြည်နှင့် ကာချုပ် မင်းအောင်လှိုင်တို့ ဖေဖော်ဝါရီ ၁၇၊ နေပြည်တော်တွင် တွေ့ဆုံစဉ် |
ဗိုလ်ထက်မင်း – ပြောင်းလဲချိန်တန်ပြီဆိုရင် ပြောင်းလဲရေးမဟာဗျုဟာ နည်းဗျူဟာအစီအစဉ် တိုက်တွန်းချက် – ၁၀
(မိုးမခ) ဖေဖော်ဝါရီ ၁၈၊ ၂၀၁၆
၁၀၃။ ဒီမိုကရေစီအသွင်ကူးပြောင်းရာမှာ အောင်မြင်မှူရရှိကြတဲ့ ချက်နိုင်ငံနဲ့အင်ဒိုနီးရှားနိုင်ငံဖြစ်စဉ်တွေကို ခြုံငုံ တင်ပြခဲ့ပြီးဖြစ်ရာအတိုင်းအတာတခုထိ အထောက်အကူရမယ်လို့ ယုံကြည်မျှော်လင့်ပါတယ်။ နိုင်ငံရေမြေသဘာဝ၊လူမျိုးအခြေခံ၊နိုင်ငံရေးဖြစ်ပေါ်မှူ မတူညီသော်လည်း အခြေခံထားရမည့် ပြောင်းလဲရေး မဟာဗျုဟာ၊ နည်းဗျုဟာသဘောတွေဟာ ပစ်ပယ်လို့မရဘဲ သူတို့နိုင်ငံတွေရဲ့ သွေးချွေးရင်းပြီးမှ ရတဲံ့ အတွေ့အကြုံတွေကို မြန်မာနိုင်ငံမှ စာတွေ့အနေနဲ့ရရှိလို့တန်ဖိုးရှိနိုင်ပါတယ်။ NLD နဲ့ တပ်မတော်ဟာ လက်ချင်းချိတ်ပြီး ပွင်းလင်းမြင်သာစွာ အမျိုးသားသင့်မြတ်ရေးစံပြလုပ်ဆောင်ကာ တိုင်းရင်သားတွေကို လက်တွဲခေါ်ဆောင်နိုင်ရင် ငြိမ်းချမ်းရေးနဲ့ ဖက်ဒရယ်ပြည်ထောင်စုကို အောင်မြင်စွာ ရောက်ရှိလိမ့်မယ်လို့ယုံကြည်ပါတယ်။ ဆက်လက်ပြီး Standard Army အတွက် ဘာတွေလိုအပ်သလဲ၊လွှတ်တော်အတွက် တပ်မတော်ပြင်ဆင်လာမှု၊ အစိုးရအဖွဲဖွဲ့စည်းရေး တပ်မတော်နဲ့ NLD အတွင်းရေး ညှိနှိူင်းမှု၊ ငြိမ်းချမ်းရေးလုပ်ငန်းစဉ်၊ ဒေါ်အောင်ဆန်းစုကြည် သမ္မတ ဖြစ်ရေး အားပြိုင်မှူ နဲ့ Change Over Strategic plan ဆက်တိုက် တင်ပြသွားပါ့မယ်။
၁၀၄။ တပ်မတော်ကာကွယ်ရေးဦးစီးချုပ်၊ ဗိုလ်ချုပ်မှူးကြီး မင်းအောင်လှိုင်က Professional Army မသုံးဘဲ Standard Army လို့သုံးရတဲ့အကြောင်းရင်းမှာ တပ်မတော်ဟာ အမျိုးသားနိုင်ငံရေးဦးဆောင်မှုကဏ္ဏထဲပါ ဝင်ဆောင်ရွက်နေရလို့ မြင်မိပါတယ်။ လက်ရှိနိုင်ငံရေးအခင်းအကျင်းအပေါ် တပ်ချုပ်ရဲ့ သဘောထားကို လေ့လာကြည့်ပါက ၂၀၁၅ခုနှစ် ဒီဇင်ဘာလ ၈ရက်နေ့၊ ရှမ်းပြည်နယ်အရှေ့ပိုင်း၊ ကျိုင်းတုံ တန်းမြင့်လေ့ကျင်းရေးသင်တန်းကျောင်း၊ သူ့မိန့်ခွန်းမှာ တပ်မတော်ဟာ နိုင်ငံတော် ကာကွယ်ရေးတာဝန် ထမ်းဆောင်ရာတွင် စစ်ရေးတာဝန်တခုသာ မဟုတ်ဘဲ တိုင်းပြည်အန္တရယ်မှန်သမျှုကို ကာကွယ်သွားရန် တာဝန်ရှိတယ်လို့ဆိုကြောင်း၊ တပ်ချုပ်က ဖေဖေါ်ဝါရီလဆန်းမှာ ပြီးစီးသွားတဲ့ ကက(ကြည်း) လေးလပတ် အစည်းအဝေးမှာ ၂၀၀၈ခုနှစ်အခြေခံဥပဒေကို ပြင်ဆင်ဆိုင်းငံ့ရန် အခြေအနေ မရှိသေးကြောင်း ပြောသွားတယ်လို့သိရပါတယ်။ တပ်မတော်သားကိုယ်စားလှယ် ဒုတိယအကြိမ် လွှတ်တော်အစည်းအဝေးတွေ တက်ရောက်ခဲ့တဲ့ ဗိုလ်ချုပ်တောက်ထွန်းနဲ့ ဗိုလ်မှူးချုပ် ကျော်ကျော်စိုးတို့က ပုဒ်မ(၅၉)(စ)နဲ့စပ်လျဉ်းပြီး အထက်က ညွှန်ကြားချက်မလာကြောင်း၊ လွှတ်တော်မှာ ဆိုင်းငံ့ကိစ္စလိုမျိုး တင်လာခဲံ့ရင် အခြေခံဥပဒေအတိုင်း ဆောင်ရွက်မယ်လို့ မီဒီယာတွေ အမေးကို တုံ့ပြန်ခဲ့ပါတယ်။
၁၀၅။ ရှေးဦးစွာ တပ်မတော်က ၂၅% ယူထားရတဲံ့ အကြောင်းရင်းတွေရှိတဲ့အနက် ထင်ရှားတဲ့ အချက်တွေကတော့ တပ်မတော်က အငြ်ိမ်းစားယူသွားတဲံ့ လူကြီးတွေအပါအဝင် တပ်မတော်ရဲ့ အကျိုးစီးပွါးကို နိုင်ငံရေးသမား၊ အစွန်းရောက်သဘောထား တင်းမာသူများက အငြိုးတရားနဲ့မြေလှန်ပစ်ရင် တပ်ပြိုကွဲပြီး အချုပ်အချာအာဏာ ထိခိုက်မှာစိုးလို့ဖြစ်ကြောင်း၊ အစွန်းရောက် လက်နက်ကိုင်တိုင်းရင်းသားတချို့တွေနဲ့ နိုင်ငံရေးပါတီတချို့က ဖက်ဒရယ်အကြောင်းပြပြီး ပြည်ထောင်စုမှ ခွဲထွက်ဖို့ ကြိုးစားလာရင် တားဆီးဖို့ ဖြစ်ကြောင်း၊ လွှတ်တော်ထဲ တွင် အမျိုးသားအကျိုးစီးပွါးနဲ့လုံခြုံရေးထိခိုက်လာစေမဲ့ ဥပဒေပြင်ဆင်ချက်လိုမျိုး ၊ လတ်တလော ပုဒ်မ (၅၉) (စ) ကိစ္စမျိုးကို ဟန့်တားလာမှာ ဖြစ်ကြောင်း၊ သူတို့အကြောင်းပြတာကတော့ အခြေခံဥပဒေမှာလည်း ဆိုင်းငံ့လုပ်ခွင့်မပါသလို၊ ဒီလိုဆိုင်းငံ့မျိုး တကြိမ်ခွင့်ပေးလိုက်ရင်လည်း တချို့နိုင်ငံရေးသမားများက ဒါကိုထောက်ပြီး ဥပဒေလက်တလုံးကြားလုပ်ပြီး အခြားဥပဒေတွေကိုလည်း လုပ်လာနိုင်ကြောင်း သိရပါတယ်။ တပ်မတော်က နိုင်ငံရေးမှာ ပါဝင်ပတ်သက်နေတာကြောင့်လည်း Standard Army ကိုဘဲ သုံးနေတာဖြစ်ဟန်တူပါတယ်။
၁၀၆။ Professional Army ဝေါဟာရဖွင့်ဆိုချက်နဲ့စပ်လျဉ်းပြီး တပ်မတော်အရာရှိတစ်ဦးက စာရေးသူရဲ့ဖေ့စ်ဘုတ်စာမျက်နှာကို ပေးပို့လာလို့ ကောက်နှူတ်ပြီး ဖေါ်ပြပေးလိုက်ပါတယ်-
Professional Army ကို ဆင်မြူရယ်ဟန်တင်တန်က ဖွင့်ဆိုရာမှာ (၁) စွမ်းရည်ထက်မြက်ရမည်။ (၂) Army အပေါ် စည်းစည်းလုံးလုံး သစ္စာရှိရှိ၊ အဖွဲ့အစည်းစိတ်ဓါတ် ထားရမည်။၊ ဆိုလိုတာက တပ်မတော်မှာ ဂိုဏ်း ဂဏ ခွဲစိတ်၊ လှေကြီးပေါ်လှေငယ် မတင်ရ ဆိုလိုတာ ဖြစ်ပါတယ်။ (၃) ကိုယ်စောင့်ရှောက်ရမဲ့ သူအပေါ် သစ္စာရှိရမယ်။ ဆိုပြီး ပါရှိလေရာ ဒီ(၃)ချက် ပြည့်စုံအောင်ကြိုးစားနေသရွေ့ တပ်မတော်ဟာ နိုင်ငံရေးမှာ ဘယ်တော့မှ ဝင်ရောက် စွက်ဖက်ဖြစ်မှာ မဟုတ်ဖူးလို့ဆိုထားပါတယ်။ အဲဒီအရာရှိက တပ်မတော်မှာ စွမ်းရည် (၃) ရပ်နဲ့ပြည့်စုံရမယ်လို့ ပါပြီးတဲ့အတွက် နံပါတ်(၁)နဲ့ ကိုက်ညီတယ်လို့ ပြောပါတယ်။ ဒါပေမဲ့ စာရေးသူကတော့ နံပါတ်(၂) ဖြစ်တဲ့ ဂိုဏ်းဂဏခွဲစိတ် မရှိရဆိုတာကတော့ မကိုက်ညီဘဲ တပ်မတော်မှာ DSA အုပ်စုစွဲကြီးနေတာရှိပြီး နောက်ပိုင်းမှာ အသေးစိတ်ရှင်းပြပါ့မယ်။ နောက်နံပတ်(၃)အချက်က သစ္စာရှိရမည်ဆိုတာ မေးခွန်းရှိနိုင်ပြီး နောက်တစ်ဦးဖြစ်တဲ့ ဆင်မြူရယ်ဖိုင်နာရဲ့ ဖွင့်ဆိုချက်မှာ တပေါင်းတည်း ထည့်ရေးပါ့မယ်။ သူက ဆင်မြူရယ်ဟန်တင်တန်ကို စိန်ခေါ်ပြီး Professional Army ကို တမျိုးအဓိပ္ပါယ်ဖွင့်ပါတယ်။
(၁) ဖြစ်တဲ့ စွမ်းရည်(၃)ရပ် ထက်မြက်မှူကို အရပ်သားနိုင်ငံရေးသမားတွေက အားမပေးဖူးဆိုရင်၊ စွမ်းရည် (၃) ရပ် အတွက် လုံလုံလောက်လောက် အသုံးစရိတ်မပေးဖူး၊ လေ့ကျင့်မှူကို လျှော့ချမယ်ဆိုရင် စစ်တပ်က ဝင်ရောက်စွပ်ဖက်ရတော့မယ်၊ အရပ်သားအစိုးရမပေးတဲ့ အခွင့်အရေးတွေကို ကိုယ်တိုင် နိုင်ငံရေးထဲဝင်လာပြီး လုပ်ယူရတော့မယ်လို့ဆိုသွားပါတယ်။ (၂) ဖြစ်တဲ့ တပ်မတော်ထဲမှာ နိုင်ငံရေးအုပ်စု၊ စစ်သားအုပ်စုကွဲနိုင်ပြီး အဖွဲ့အစည်းစိတ်ဓါတ်ဆိုတာလည်း မရှိနိုင်လို့ သူက ပြောပါတယ်။ (၃) ဖြစ်တဲ့ စစ်တပ်အနေနဲ့ ကာကွယ်စောင့်ရှောက်ရမယ့် သူတွေအပေါ်မှာ သစ္စာရှိရမယ်ဆိုတာက စစ်တပ်က တည်ဆဲအစိုးရထက် ပြည်သူလူထုရဲ့အသက်အိုးအိမ်စည်းစိမ်နဲ့ လုံခြုံရေး၊ တည်ငြိမ်ဧချမ်းရေးက ပိုလို့ အရေးကြီးတယ်လို့ ထင်မြင်ယူဆလာရင် တည်ဆဲအစိုးရကို သစ္စာစောင့်သိတာထက် ပြည်သူလူထုအပေါ် ပိုမို သစ္စာစောင့်သိဖို့ စစ်တပ်က ပါဝင်မှဖြစ်တော့မယ်ဆိုတဲ့ အတွေးနဲ့အာဏာ ဝင်သိမ်းတတ်ပါတယ်လို့ ဆင်မြူရယ်ဖိုင်နာက ဆိုပါတယ်။
၁၀၇။ အဲဒီအရာရှိက အဆိုပါပညာရှင်နှစ်ဦး ရဲ့ ဖွင့်ဆိုချက်ကို ဝေဖန်ရာမှာ မြန်မာနိုင်ငံမှာခေတ်စားတာက ဟန်တင်တန်ရဲ့ အယူအဆဖြစ်ပြီး စစ်တပ်ကို နိုင်ငံရေးလောကထဲက မောင်းထုတ်ချင်နေတာဖြစ်ကြောင်း၊ ဖိုင်နာရဲ့အယူအဆကိုလည်း မြန်မာနိုင်ငံရေးအတွက် ထည့်သွင်းစဉ်းစားသင့်ဖို့လိုကြောင်း၊ နံပါတ်(၁)၊ (၃) တွေဖြစ်တဲ့ စွမ်းရည်ထက်မြက်ရေး၊မှာ လိုအပ်ချက်တွေ၊အသုံးစရိတ်တွေမှာ လုံလုံလောက်လောက် မပေးဖူးဆိုရင် နိုင်ငံရေးသမားတွေက ဖြတ်တောက်တာ လုပ်လာရင် တပ်က ထဲထဲဝင်ဝင် မပါဝင်နိုင်ဖူးလား ဆိုတာမေးထားပါတယ်။
စာရေးသူ ဖြည့်စွက်ချင်တာက မကြာသေးမီကမှ နိုင်ငံရေးတင်းမာသူတချို့က ဦးပိုင်နဲ့ မြန်မာ့စီးပွါးရေး
ကော်ပိုရေးရှင်းကို မျက်စောင်းထိုးတဲ့ လေသံပစ်လာတာ စစ်တပ်အဖို့ အထိတ်တလန့် ဖြစ်လောက်ပါတယ်။ ဒါပေမဲ့ အရာရှိက ဖိုင်နာရဲ့ နံပါတ် (၂) အချက်က မြန်မာနိုင်ငံတွင် မရှိနိုင်လို့ ဆိုတာကတော့ စာရေးသူ လက်မခံခဲ့ပါ။ လတ်တလော ဦးရွှေမန်းတို့အုပ်စု သာကူးသွားတာမို့ အဲဒီအချက်က မြန်မာနိုင်ငံအဖို့ ရှိနေပါတယ်။
နံပါတ်(၃) အချက်က စာရေးသူကော၊ အရာရှိပါ လက်ခံတာက သစ္စာရှိမှုဟာ နှစ်မျိုးမြင်ပြီး တည်ဆဲအစိုးရနဲ့ ပြည်သူလူထုအပါအဝင် နိုင်ငံ အမျိုးသားအကျိုးစီးပွါးနဲ့ လုံခြုံရေးအပေါ်သစ္စာရှိ စောင့်ထိန်းရမယ် လို့ မြင်ပါတယ်၊
အနီးဆုံးဖြစ်စဉ်မှာ ထိုင်းနိုင်ငံမှာ ဒီမိုကရေစီအရ ရွေးကောက်တင်မြောက်ထားတဲ့ အစိုးရပင်ဖြစ်သော်လည်း လူထုရဲ့ဆန္ဒပြမှုများ မထိန်းသိမ်းနိုင်သလို မိမိပါတီအကျိုး၊ အနိုင်ရရေးအတွက် အလွဲသုံးစားလုပ်မှုကြောင့် စစ်တပ်က အာဏာပြန်သိမ်းတာ တွေ့မြင်နေရပါတယ်။
၁၀၈။ Standard Army ဖြစ်ဖို့ မိမိတပ်ကို ပြန်ကြည့်ရပါမယ်။ ဖွဲ့စည်းပုံကအစ ဦးဆောင်တဲ့ Commanders အရာရှိတွေ ၊ ယာဉ်၊ စစ်လက်နက်ပစ္စည်း အရည်အသွေး တကယ်ကော ရှိရဲ့လား၊ တနည်း – တပ်ပြုပြင်ပြောင်းလဲ မလုပ်သင့်ဖူးလား၊ တပ်မတော်ပြုပြင်ပြောင်းလဲရေး ဆိုတာနဲ့ တပ်ချုပ်က သူ့ဂုဏ်သိက္ခာထိလို့ အလွယ်တကူ လက်ခံလိမ့်မှာ မဟုတ်ဖူးလို့ မြင်ပါတယ်။ တပ်မတော်ရဲ့ အရည်အသွေးကျဆင်းနေတာ ရှိမရှိ ဆိုရာမှာ လူမှုမီဒီယာတွေမှာ ရှမ်းပြည်နယ်၊ ဟိုပုန်း၊ အကြပ်ကြီး လေ့ကျင့်ရေးသင်တန်း၊ အဆောင်တခုအတွင်း သင်တန်းသားတွေကို ထိုးကြိတ်ကန်ကျောက်တဲ့ ဗွီဒီယို တက်လာတာတွေ၊ ကိုးကန့်ဒေသတိုက်ပွဲမှာ အရာရှိများ ရန်သူ့စနိုက်ပါ မိလို့ ကျဆုံးသလို စစ်သည်များ ကျဆုံးဒဏ်ရာရ ပိုများတာတွေ၊ မကြာသေးမီကမှ နေပြည်တော်မှာ လေယာဉ်ပျက်ကျလို့ အရာရှိ (၃) ဦးနဲ့ အခြားအဆင့် (၁) ဦး ကျဆုံးတာတွေ၊ ခေတ်မှီပါတယ်ဆိုတဲ့ MIG-29 ဂျက် စက်ချွတ်ယွင်းလို့ လေသူရဲအရာရှိ နှစ်ဦး ခုန်ထွက်ခဲ့ရတာတွေ၊ ရခိုင်ပြည်နယ်မှာဖြစ်ပွါးခဲ့တဲ့ တိုက်ပွဲငယ်မှာ တပ်ရင်းမှူးအဆင့် ကျဆုံးခဲ့ရတာတွေ၊ ရန်သူ့သတင်းဖေါ်ထုတ်မှု အားနည်းချက်ကြောင့် ကိုးကန့်ဒေသစစ်ပွဲမှာ တပ်မှာရှိသမျှ အားကုန်ထုတ်သုံး လိုက်ရတာတွေ သက်သေပြနေပါတယ်။
ဒီလိုကျဆင်းနေတာဟာ ဆိုးမွေထုတ်ကို ပိုက်ထားရတဲ့ တပ်ချုပ် ဗိုလ်ချုပ်မှူးကြီး မင်းအောင်လှိုင်ကြောင့် မဟုတ်ဘဲ တာဝန်ရှိသူဖြစ်တဲံ့ ယခင်ဒုတပ်ချုပ်နဲ့ ကာချုပ် (ကြည်း) ဖြစ်ခဲ့သူ ဦးမောင်အေး ကြောင့်ဆိုရင် လက်ခံမလား။ ဒုတိယတာဝန်ရှိသူတွေကတော့ ဦးသန်းရွှေနဲ့ ဦးနေဝင်းတို့ဘဲ ဖြစ်ပါတယ်။ ဦးမောင်အေးကို လူကြီး တစ်ဦးတစ်ယောက်လို ဂါရာဝတရားထက် မပိုသင့်တော့ဘဲ သူရဲ့မူဝါဒတွေကို ပြန်လည်သုံးသပ်ပြီး ပြုပြင်သင့်ပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
လက်မခံပါဘူး။မင်းအောင်လှိုင်တပ်ချုပ်ဖြစ်တာကြာပြီပဲ။မောင်အေးမူဝါဒတွေမကောင်းဘူးလို့မြင်ရင် သူပြင်မှာပေါ့။ပြင်တယ်ဆင်တယ်လို့ မကြားမိပါဘူး။