စာစုတို

လင်းသက်ငြိမ် – မနက်​ခင်းတစ်ခု​မှာ​ ပျောက်​ဆုံးသွားသူတယောက်​အ​ကြောင်း

လင်းသက်ငြိမ် – မနက်​ခင်းတစ်ခု​မှာ​ ပျောက်​ဆုံးသွားသူတယောက်​အ​ကြောင်း
(မိုးမခ) ဇန်န၀ါရီ ၂၁၊ ၂၀၁၆

ဒီ ​နေ့မနက်​စာဟာလည်း ​မေတ္တာဓာတ်​မပါတဲ့အစားအစားပါပဲလို့ သူစားပွဲဘေးထိုင်​ရင်း​တွေးမိသည်​။ အေးစက်​​နေတဲ့ အစား အစာ​တွေကိုစားပြီး​ အေးစက်​​နေတဲ့ အလုပ်​ဝတ်​အင်္ကျီကိုဝတ်​ဆင်​ပြီး မ​နေ့ကအတိုင်းပဲ အလုပ်​ခွင်​ထဲ ​အေးစက်​စွာပြန်​ဝင်​ရ​ပေလိမ့်​မည်​။ သူ့ဘဝသည်​ အဆင်မ​ပြေမှုများနှင့်​သာ အမြဲတမ်းဖက်​လှဲတကင်း​လွန်းလှသည်​ဟု ​တွေးမိတဲ့အခါတိုင်း ကျွန်​ပိုင်​ရှင်​​ခေတ်​ရဲ့ပုံရိပ်​များကိုသာ သူမြင်​​ယောင်​မိ​နေသည်​။ လူကိုလူခြင်း အဖိနှိပ်​ခံရခြင်းသည်​ ​ငွေမရှိသူများရဲ့သမိုင်း​ပေး တာဝန်​လား။ သူ့အ​တွေးတို့ ဟိုဒီပြန့်​ကြဲလို့ ဆယ့်​သုံးနှစ်​သားဘဝက ပန်းရံအလုပ်​သမားဘဝဆီရောက်သွားသည်​။ ​မြေကျင်း တူခဲ့ရတဲ့ဘဝကို​ရောက်​သွားသည်​။ ကြံရည်​တွန်းလှည်း​နောက်​က ကြံ​ချောင်း​တွေကို ကြိတ်​စက်​နဲ့လှည့်​ကြိတ်​​နေတဲ့ဘဝကို​ရောက်​သွားသည်​။ အရက်​ဆိုင်က စားပွဲထိုးဘဝ၊ ကားဝပ်​​ရှော့တခုရဲ့ပညာသင်​ဘဝ၊ လက်​ဖက်​ရည်​ဆိုင်က စားပွဲထိုးဘဝ၊​ ကုန်​စုံဆိုင်​က အ​ရောင်းစာ​ရေးဘဝ၊ ​ကျောက်​​ခွေ​လောင်း​နေတဲ့ဘဝ၊ စာအုပ်​အငှားဆိုင်​က​လေးဖွင့်​ခဲ့တဲ့ဘဝ၊ အခု ဘဝအချိုး အ​ကွေ့အဖြစ်​မြို့ကြီးတမြို့မှာ ဘဝကိုပစ်​တင်​ထားရပြန်​ပြီ။

အလုပ် ​​တွေသာ ​ပြောင်းလဲသွားခဲ့သည်​ သူ့ဘဝက​တော့ ​ကျောက်​ချထားတဲ့သ​ဘောင်္လိုပဲဟု မကြာခဏသူ​တွေးမိသည်​။ အ​ပျော်​တမ်းလက္ခဏာကြည့်​တတ်​တဲ့မိတ်​​ဆွေတစ်​​ယောက်​က မင်းဟာ အမြဲတမ်းရုန်းကန်​​နေရမယ်​တဲ့။ တုန်​လှုပ်​ခဲ့​ကြောင်း ကို သူဝန်​ခံရဲပါသည်​။ သူသည်​ စိတ်​ထိခိုက်​လွယ်​ပြီး၊ ဆုံးဖြတ်​ချက်​ မပြတ်​သားသူဖြစ်​​ကြောင်းလည်း သူ့ကိုယ်​သူ တံဆိပ်​ကပ်​ခဲ့ပြီးဖြစ်​သည်​။ သူဟာ ဘဝမှာ တကြိမ်​တခါ​လောက်​​တော့ အ​ကောင်းဆုံးမိုက်​မဲကြည့်​ချင်​ခဲ့ဖူးသည်​။ သူ့ကိုယ်​သူ မြင်​​ယောင်​ကြည့်​လိုက်​တိုင်း ကျာပွတ်​​အောက်​ကမြင်းတကောင်​ကို​ တွေ့ရသည်​။ တခါတရံ တယောက်​တည်း ငိုတတ်​တဲ့အကျင့် ကို သူမုန်းသည်။ အခု​တော့ မျက်​ရည်​မကျတာကြာပြီလို့ သူသတိရမိ၏။

ငယ်​ငယ်​ကတည်း ပင်​လယ်​ကိုမမြင်​ဘူး​ခဲ့ပေမယ့်​ လှိုင်းကို​တော့ မကြာခဏ ခံစားခဲ့ရသူလို့လည်း ဒိုင်​ယာရီထဲ​ရေးမှတ်​ခဲ့ဖူး သည်​။ ဘဝကို အလိုနည်းစွာတည်​​ဆောက်​သူ၊ အဖြူစင်​ဆုံးရှင်​သန်​သူ၊ အရဲရင့်​ဆုံး​တော်​လှန်​သူ​တွေအားလုံးကို သူ​လေးစား အားကျခဲ့​ပေမယ့်​ လှုပ်​ရမ်း​နေတဲ့​ရေအိုး​ဟောင်းတခုလို ​မိုက်​မဲလိုက်​၊ လိမ္မာလိုက်​၊ ရိုင်းစိုင်းလိုက်​၊ ယဉ်​​ကျေးလိုက်​နဲ့ အနည်​မထိုင်​ခဲ့မှန်းလည်း သူသိခဲ့ရသည်​။ သူ့အ​မေက သူ့ကိုစိတ်​မချဘူး။ သူ့အ​ဖေက သူ့ကို အားမရဘူး။ အားနာခြင်း၊ နှုတ်​မရဲခြင်း၊ ယုံကြည်​လွယ်​ခြင်းဟာ သူ့ရဲ့အဓိကအားနည်းချက်​ဆိုတာ အသက်​အရွယ်​အရ သူနည်းနည်းရိပ်​မိလာပြီဖြစ်​သည်​။

ဘဝမှာ​ငွေထက်​အ​ရေးကြီးတာ​ တွေအများကြီးလို့ ခပ်​တည်​တည်​ရယ်​သွမ်း​သွေးခဲ့ဖူး​ပေမယ့်​ ​ငွေစ​ကြေးစ​တွေအတွက်​ သူ့ခံ စားချက်​ကို အကြိမ်​ကြိမ်​စ​တေးခဲ့ရသူ။ နောင်​တဟာ သူ့ရဲ့မိတ်​​ဆွေငြီး​ငွေ့မှုက သူ့ကဗျာ၊ မ​အောင်​မြင်​မှုဟာ သူ့သူငယ်​ချင်း၊ ဒုက္ခဟာ သူရဲ့စိတ်​ဆိုးတတ်​တဲ့ချစ်​သူဖြစ်​၏။ သူ့ဘဝသူအားမရတိုင်း နံရံကိုလက်​သီးနဲ့ထိုး၊ ချစ်​သူနဲ့ အကြိမ်​ကြိမ်​ ရန်​ဖြစ်​။ပျော်​ရွှင်​မှု​တွေဟာ တဖြည်းဖြည်းချင်း သူ့ကိုစွန့်​ခွာသွားကြ​တော့သည်​။

အိပ်​မက်​အကြီးကြီး​တွေနဲ့ သူဟာ ကမ္ဘာ​ကျော်​ချင်​ခဲ့ဖူးသည်​။ ပိုက်​ဆံများများ ကိုင်​ဖူးချင်​ခဲ့သည်​။ ကားတစီး​လောက်​​အော်​ဒါငှားပြီး မြို့ကို တပတ်​တိတိ ပတ်​ချင်​ခဲ့ဖူးသည်​။ ပိုက်​ဆံလာ​ချေးသည့်​မိတ်​​ဆွေ​တွေကို မငြီးမငြူထုတ်​​ချေးချင်​ခဲ့သည်​။ သူ့ အ​ဖေနဲ့အ​မေကို ဘုရားဖူးပို့ချင်​ခဲ့ဖူးသည်​။ အိပ်​မက်​​တွေဟာ အပြင်​​လောကမှာ မပွင့်​မှန်းသူသိခဲ့ရတယ်​။ အဆင်​​ပြေမှုဟာ သူနဲ့အမျိုးမ​တော်​မှန်း သိခဲ့ရတယ်​။ မြို့ထဲကိုလမ်း​လျှောက်​တိုင်း ဟန်​​ဆောင်​ရင်​​ကော့ထား​လေ့ရှိတဲ့သူဟာ ​သောက​တွေနဲ့ တနှစ်​ထက်​ တနှစ်​ အရပ်​ပုပုလာတယ်​လို့ ခံစားရတာကြာပြီ။

ကံကံရဲ့အကျိုးကိုယုံကြည်​သက်​ ဝင်​​ပေမယ့်​ သူ့အဖြစ်​အပျက်​​တွေအရ အ​ကောင်းမြင်​ဝါဒနဲ့ အဆက်​အဆံမလုပ်​ဖြစ်​​တော့ တာ ​လေးနှစ်​တိတိရှိပြီဖြစ်​သည်​။ သူ့အတွက်​ မနက်​ဖြန်​ဆိုတာ ​သေဆုံးဖို့အတွက်​ ပွင့်​လာတဲ့ပန်းဖြစ်​ပြီး၊ ပစ္စုပ္ပန်​ဟာ အဆင်​မ​ပြေမှုရဲ့ မြေဆီ​မြေနှစ်​ဖြစ်​သည်​။ နာကျင်​ဖွယ်​အတိတ်​ကို​တော့ လက်​ရှိမ​ပျော်​ရွှင်​မှုများနှင့်​ ဖုံးအုပ်​ထားလိုက်​သည်​။ နေ​ရောင်​ခြည်​ဟာ မိစ္ဆာ​တွေရဲ့ရန်​သူဖြစ်​သလို ​အ​ကောင်​ဆုံးဆိုတဲ့အရာ​တွေဟာ သူနဲ့မသက်​ဆိုင်​ကြပါ။ လမ်းများသည်​ သူ၏ မိတ်​​ဆွေဖြစ်​ပြီး။၊ ရော့ခ်​သီချင်းများသူ၏ တရားဓမ္မဖြစ်​သည်​။ သူသည်​ ခါးသက်​​သော နေ့ရက်​များကို အရွယ်​နဲ့မမျှ​အောင်​ရရှိခဲ့ခြင်း​ကြောင့်​ ​ငွေ​ကြေးများရန်​အတွက်​ ဉာဏ်​ပညာနုံနဲ့ရခြင်းများလားဟုလည်း မကြာခဏ​တွေးတတ်​၏။
ကောင်းကင်​ပြာကြီး​အောက်​ သာမညအစက်​အ​ပျောက်​က​လေး​မှန်း သူ့ဖြစ်​တည်​မှုကို သူသိသည်​။ နေ​လောင်​​နေတဲ့သစ်​ရွက်​​တွေရဲ့ ထူးမခြားနား အ​ဆွေးသီချင်းမှာ သူဟာလည်း အပါအဝင်​ဖြစ်​ကြောင်း​​ သူသိ၏။ သူ၏သိခြင်းဟာ သူ့ရင်​ဘတ်​ကို ထိုး​အောင့်​​စေတဲ့ဆူးဖြစ်​မှန်းကိုလည်း သူသိခဲ့တာ နှစ်​လတိတိရှိခဲ့ပြီလည်းဖြစ်​သည်​။ ကျီးကန်းတို့၏ အုပ်​စုဖွဲ့​အော်​သံ​တွေမှာ သူ့အ​တွေးတို့ ပြတ်​​တောက်​သွားခဲ့ပြီး အလုပ်​သွားရန်​ သူပြင်​ဆင်​ပြီးထွက်​လာသည်​။ မြို့ကြီးသည်​​နေ​ရောင်​​တွေ​အောက်​မှာ မည်း​မှောင်​​နေသည်​ကို သူမြင်​​တွေ့လိုက်​ရ​တော့ နာကျင်​စွာရယ်​​မောရင်း ဒုန်းစိုင်း​ပြေးဝင်​သွားတာဟာ သူ့ကို​နောက်​ဆုံးမြင်​​တွေ့လိုက်​ရခြင်းပဲဖြစ်​သည်​။     ။

လင်းသက်​ငြိမ်​


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts