ရသဆောင်းပါးစုံ

လောအယ်စိုး – လေနီရိုင်းကိုဆန်ကာ ပျံသည့်ငှက် (ဇာတ်သိမ်းပိုင်း)

 
လောအယ်စိုး – လေနီရိုင်းကိုဆန်ကာ ပျံသည့်ငှက် (ဇာတ်သိမ်းပိုင်း)
(မိုးမခ) နိုဝင်ဘာ ၂၇၊ ၂၀၁၅
(၂) နှစ်ကျော်ကျော်ကြာအောင် ချစ်သူဖြစ်သူ မလေးရှားမှ အမေရိကန်နိုင်ငံသို့ရောက်ရှိလာမည့် မဟာ့မဟာနေ့ရက်ကြီးကို မျှော်ရင်း ကိုမူထန်ကြီးတစ်ယောက်စားသောက်ဆိုင်တွင် မီးဖိုချောင်အကူ၊ ထိုမှတစ်ခါ ပေါင်မုန့်ဖုတ်သမားတစ်ဦးအဖြစ်၊ အ ချိန်တော်တော်များများပေးပြီး ငွေကိုအလုံးလိုက်ဝင်သည့် ဂျပန်စားသောက်စရာဆူရှီလိပ်ခြင်းဖြင့်တစ်မျိုး ဘဝ၏နေ့ရက်များ ကို ကျော်ဖြတ်သည်။

တစ်ကြိမ်တည်းဖြင့် လက်တွေ့ကားအမောင်းစာမေးပွဲကိုအောင်မြင်ကာ ဘာဖလိုမြို့တွင် ၂ စီးမြောက်ဖြစ်သည့် ဘဲခေါင်းစိမ်း ရောင်၂ဝဝ၂ ခုနှစ်ထုတ် ဖို့ကားကြီးတဝီဝီနှင့် ဖြစ်သွားခဲ့လေသည်။

 

သူ၏ဘဝကြီးသည် သံလွင်မြစ်ဘေးတစ်လျှောက် ပေါက်တတ်သော တောမြက်ရိုင်းပင်လေးတွေကဲ့သို့ တစိမ်းစိမ်းစိုပြီး နေ ရောင်ခြည်အထတွင် အားနှင့် မာန်နှင့် ရှင်သန်နေသည်။ လန်းဆန်းတက်ကြွနေသည်၊ လေးစားအားကျလောက်ပါသည့် ကိုမူထန်။

 

ချစ်သူလေးမလေးရှားမှဘာဖလိုမြို့နိုင်ငံတကာလေဆိပ်သို့ရောက်ရှိလာသည့်
ညနေခင်းတွင်မူထန်တစ်ယောက်စိတ်လှုပ်ရှားမှုအားကြီးကာနေမထိ၊ထိုင်မသာ
ဖြစ်နေသောခံစားမှုကြီးကိုချုပ်ထိန်းပြီးကျွန်တော်နှင့်အတူလေဆိပ်သို့ဆင်းကြသည်။
အားလုံးလည်းမုဒိတာပွားကြပါသည်။

ကြည်နူးစရာကောင်းလိုက်သည့်မြင်ကွင်း။ချစ်သူကလာကြိုသောလူပျိုကြီး
အဖြစ်မှမကြာမမြင့်သောကာလအတွင်းအိမ်ထောင်သည်ကြီးဘဝကိုကူးပြောင်းမည့်
ကိုမူထန်ကြီးတို့အတူတွဲ၍လေဆိပ်ကြိုကျွန်တော့်ရှေ့တွင်ပင်အနမ်းပန်းလေးတွေ
သုံးပွင့်လောက်ချွေလိုက်၏။ဘေးဘီကိုကြည့်ရင်းမူထန်ကြီးတစ်ယောက်၏မျက်နှာရဲရဲနီ
ကာချွေးတွေတောင်ပြန်သွားလေသလားမသိ။ဖုံး၍ဖိကာမရသည့်အဖြစ်ကတော့
အတိုင်းမသိသူပျော်ရွှင်နေ၏။ရင်ထဲကနှလုံးခုန်သံကြီးသည်အရွယ်ကောင်းတော
မြင်းရိုင်းကြီးတစ်ကောင်၏အပြေးနှုန်းခွာသံစဉ်လိုဂလုပ်-ဂရပ်-ဂလုပ်နှင့်။
မုဒိတာပွားပါ၏။ကြည်နူးမှုကိုဝေမျှခံစားပါ၏၊ချစ်သောကိုမူထန်။

ချစ်သူကလည်းကျွန်တော်တို့ဘာဖလိုမြို့တွင်နေထိုင်ပြီးမှဤမြို့ထက်သူ၏
သွေးရင်းကဲ့သို့ချစ်ခင်ရသည့်သူ့သူငယ်ချင်းရှိရာတက္ကဆက်ပြည်နယ်၊ဟူစတန်မြို့သို့
သိပ်မကြာမမြင့်သောကာလတစ်ခုတွင်ပြောင်းရွှေ့သွားသည်။
သူတို့နှစ်ဦး၏အနာဂတ်ချစ်ဗိမာန်ကြီးသည်ဟူစတန်မြို့မှာပင်အုတ်မြစ်ချ
တည်ဆောက်ရမည်ဖြစ်ကြောင်းမူထန်ကြီးကိုတိုင်ပင်၏။

အချစ်သည်သာအရာရာ၊အချစ်သည်သာအကျွန်ုပ်၏ဘဝကြီးပင်ဖြစ်သည်
ဟူသောဖီလော်ဆော်ဖီကိုခေါင်းရင်းတွင်မချိတ်ဆွဲရုံတမည်ဘဝနှင့်ရင်းပြီးခံယူထားသည့်
မူထန်ကြီးသည်ချစ်သူတက္ကဆက်ပြည်နယ်ရှိဟူစတန်မြို့သို့ထွက်ခွာသွားပြီးသိပ်မကြာ
သောလအနည်းငယ်အတွင်း’ဆံထုံးနောက်သျှောင်ပါ’ဆိုသည့်ဆောင်ပုဒ်အသစ်ကို
သူ၏ကားရှေ့မှန်ပြားကြီးပေါ်ပလတ်စတစ်အသား(စတစ်ကာ)မကပ်ရုံနှလုံးမူပြီး
ပိုင်ဆိုင်ထားသည့်ဖို့ဘဲခေါင်းစိမ်းလေးလေးဘီးစလုံးရုန်းသည့်ဖိုးဝှီးကြီးကိုမောင်းကာ
အချစ်နန်းတော်ကြီးဆီသို့ဦးတည်ကာထွက်ခွာဖို့ပြင်ဆင်လေပြီ။

ချစ်သောဘာဖလိုမှမိတ်ဆွေကြီးများ၊’တာ့တာ’ဆိုတာတောင်ယောင်၍
နှုတ်မဆက်နိုင်ရှာတော့။မပြန်လမ်းတော့သူ့အတွက်မဟုတ်ပါ။အချစ်ညွတ်ကွင်းကြီးထဲ
ရဲရဲခုန်ကာကိုမူထန်ကြီးတစ်ယောက်သက်ဆင်း၍သွားလေပြီကော။

‘ဘုရားရှင်စောင်မပါစေကိုမူထန်’
‘ကံကောင်းပါစေမူထန်ကြီး’ဟုဘာဖလိုမြို့မှရောင်းရင်း၊သွေးသောက်တွေက
ရင်မှတစ်မျိုး၊နှုတ်မှလျှံကာတမည်ဆန္ဒတွေပြုကြသည်။

ကားမောင်းလက်လှည့်ခွေ(စတီယာရင်)ကိုကျစ်ကျစ်ဆုပ်ကိုင်ထားရင်းမူထန်ကြီး
တစ်ယောက်အဝေးမှကောင်းကင်ပြာကိုငေးရင်း၊
‘အို..အချစ်၊အသင်ရှိရာတက္ကဆက်ပြည်နယ်၊ဟူစတန်မြို့သို့ကျွန်ုပ်ဦးတည်
၍ခရီးစပြုပါပြီ’ဟုသူ၏ဝင်းပနေသောမျက်လုံးအစုံကကျွန်တော့်အားအသံပြင်းပြင်း
မာန်ဟုန်ဖြင့်ပြောနေသလို။

အချစ်သည်တံတိုင်း၊နံရံအတားအဆီးအလုံးစုံကိုဖောက်ထွင်းကာကျော်ဖြတ်မှု
ကိုပေးနိုင်စွမ်းသည့်လူသားတို့အတွက်ဆေး၊ခွန်အားအစွမ်းတစ်မျိုးဖြစ်သည်မဟုတ်
ပါလား။ဗိုလ်အောင်ဒင်ကြီးသည်ဒီခရီးစဉ်မှတော့နောက်ကြောင်းလှည့်၍ပြန်လာ
စရာလမ်းလည်းမမြင်တော့။

‘ဟယ်လို’လို့ဆိုပြီးတစ်ဖက်မှကျွန်တော့်တယ်လီဖုန်းခေါ်ဆိုသူ၏နံပါတ်ကို
ကျွန်တော်ကောင်းစွာသိပါသည်။တက္ကဆက်ပြည်နယ်၊ဟူစတန်မြို့ကိုရောက်သွား
လေပြီဖြစ်သောကိုမူထန်ကြီးပင်။

‘ဟေ့လူ..ကျုပ်ပါဗျ။ဗိုလ်အောင်ဒင်လေ..ဟားဟား’ဆိုပြီးချစ်သူ့
အနားဟူစတန်မြို့ကိုရောက်သည့်နေ့မှစပြီးသူသည်ဗိုလ်အောင်ဒင်ဝိညာဉ်ပူးကပ်သွား
လေပြီ။
‘နေရာအသစ်ဆိုပေမယ့်သိလား၊ဒီမှာကအားလုံးဝိုင်းကူကြတယ်ဗျ။အသည်း
လေးလည်းမကြာခင်အလုပ်ရတော့မှာ။ကိုယ်လည်းနောက်(၂)ပတ်လောက်ဆိုလိုင်စင်
အမဲသားစက်ရုံမှာအလုပ်ရပြီကိုယ့်လူရေ။မင်္ဂလာစရိတ်အတွက်စုရဆောင်းရတော့မယ်
လေ’ဆိုပြီးတက်ကြွရွှင်လန်းနေသည့်အသံ။

‘နေပါဦး၊ခင်ဗျားတို့နှစ်ယောက်အတူတူနေနေကြပြီလား’ဟုမေးမိလိုက်
သောအခါ…

‘အား..ပေါက်ကရ၊တစ်သက်လုံးထိန်းလာတဲ့လူပျိုကြီးသိက္ခာနဲ့အသည်း
လေးရဲ့ဂုဏ်သိက္ခာ၊မျိုးရိုးဂုဏ်တွေကိုမင်္ဂလာပွဲပြီးတဲ့အထိထိန်းရမယ်သိလား။ကျုပ်
ကိုများအမေရိကန်ကိုရောက်သွားလို့ဒီကစရိုက်တွေဝင်သွားတယ်လို့များခင်ဗျား
ထင်နေသလား’

ဒေါသသံပါးပါးလေးနှင့်တစ်ဖက်မှသူ၏ချေပသံကိုငြိမ်ပြီးနားထောင်
နေရပေသည်။သွားမေးမိသည့်မိမိကိုယ်တိုင်ကအပြစ်ကြီးတစ်ခုကျူးလွန်လိုက်သလို
တောင်ခံစားမိလိုက်သည်။တကယ်ပါ။

‘ဒီမှာ..အသည်းလေးရဲ့သူငယ်ချင်းလင်မယားအိမ်မှာနေတယ်။မင်္ဂလာမဆောင်ခင်အထိဒီအိမ်မှာပဲနေမှာ။
နီးလာမှအိမ်ငှားမယ်။အားလုံးမင်္ဂလာဆောင်ပြီးမှ
အတူတူနေကြမှာဗျာ။ဘယ့်နှယ်မဟုတ်မဟတ်တွေ၊ခင်ဗျားကပြောရတယ်လို့ဗျာ’ဆိုပြီး
ဒေါသကထွက်လိုက်သေးသည်။

‘ဆောရီးပါ။ခင်ဗျားတို့ကိုစော်ကားမိသလိုဖြစ်သွားရင်ခွင့်လွှတ်ပါဗျာ’ဟု
နှိမ့်နှိမ့်ချချနှင့်ပြန်၍တောင်းပန်တာတောင်မှ..

‘ခင်ဗျားဗျာ၊မူထန်ဖြတ်လာတဲ့သမိုင်းကိုပြန်ကြည့်ပါဦး။ရမ်းမပြောပါနဲ့။
အသည်းလေးကိုလည်းသူဖြတ်လာတဲ့အသိုင်းအဝိုင်းနဲ့မိဘမျိုးရိုးကိုနည်းနည်းလေး
စုံစမ်းပါဦးဗျာ။မူထန်ဗျ၊မူထန်။တစ်မူထန်ထဲရှိတယ်’

ခွင့်လွှတ်ဖို့အတန်တန်တောင်းပန်မှသူ့ခမျာဒေါသမီးလျှံတစ်ဝက်ငြိမ်းသွားပုံ
ရသည်။

‘မအားရတဲ့ကြား၊ခင်ဗျားကိုတယ်လီဖုန်းခေါ်လိုက်တာမှအမင်္ဂလာဖြစ်ရတယ်ဗျာ’
ဆိုပြီးတယ်လီဖုန်းကိုချလိုက်သည်။

ခံပေါ့။ကျွန်တော်လည်းမိမိအပြစ်နှင့်ကိုး။ခွင့်လွှတ်ပါ၊ဗိုလ်အောင်ဒင်တစ်ဖြစ်လဲ
မူထန်ကြီးရယ်။
(၄)ရက်လောက်ကြာမှပုဂ္ဂိုလ်ကြီးဒေါသမာန်ငြိမ်းလုလုရှိနေသည့်အချိန်ကို
ရွေးပြီးတစ်ခါဖုန်းပြန်ဆက်ကြည့်မိသည်။

‘အေးဗျာ..နောက်ဆိုရင်စကားကိုဆင်ခြင်ပြီးပြောပါ့မယ်ဗျာ’ဆိုတာကို
နှိမ့်ချပြီးနူးညံ့သိမ်မွေ့လှသောအသံအနေအထားဖြင့်တစ်လုံးချင်းပြောရသည်။

‘အေး..ဒီမှာအနာဂတ်အတွက်ပြင်ဆင်နေတယ်။မင်္ဂလာပွဲစရိတ်တွေ
စုနေရတယ်ကိုယ့်လူရေ။ခင်ဗျားဘာနားလည်လို့လဲ။မင်္ဂလာတစ်ပွဲဆောင်တာ
လွယ်တာမှတ်လို့ဗျာ’

‘ဟုတ်ကဲ့ပါ၊ဟုတ်ကဲ့ပါ’ဟူ၍သူ၏စကားကိုဆုံးအောင်လေးစားစွာဖြင့်
နားထောင်ရသည်။သူလည်းသိဖို့ကောင်းသည်ကမည်သူတစ်ဦးကမျှမိမိ၏မင်္ဂလာပွဲ
အတွက်အစမ်းသဘောဖြင့်ကြိုတင်ဆင်နွှဲခဲ့ခြင်းမရှိကြောင်းကိုပါ။နှုတ်မှမပြောဝံ့။
တစ်ခါဒေါသထပ်ထွက်ပါကဒီတစ်ခေါက်မိတ်ဆွေအဖြစ်ကရပ်စဲကြဖို့ပဲရှိတော့မည်။

‘အသည်းလေးကလည်းကြိုးစား၊ကိုယ်ကလည်းကြိုးစားဆိုတော့မကြာခင်
အားလုံးအဆင်ပြေမှာပါဗျာ’

‘ဒါပေါ့၊ဒါပေါ့၊ဗိုလ်အောင်ဒင်ရယ်’လို့မိမိကတုံ့ပြန်မှ..

‘ဗိုလ်အောင်ဒင်တို့ကတော့မပိုင်ရင်ခြင်တောင်မရိုက်ဘူးဗျဟေ့လူ။ကျုပ်က
သမိုင်းရှိတဲ့လူဗျ၊သမိုင်းရှိတဲ့လူ’

လေးစားပါတယ်၊သမိုင်းကြီးသောဗိုလ်အောင်ဒင်ကြီးရယ်။

မကြာမကြာကျွန်တော်တို့တယ်လီဖုန်းသံတမန်ဆက်ဆံရေးပို၍ကောင်း
လာသည်။မုန်တိုင်းလွန်ကာလသို့အချိန်တစ်ခုကိုဖြတ်ပြီးလေပြည်လေညင်းလေးတွေ
ငြိမ့်ငြိမ့်လေးတိုက်ခတ်လာခဲ့သည်။

ပန်းချီကားတွေအကြောင်းပြောဖြစ်သည်။မြန်မာနိုင်ငံမှစာရေးဆရာကြီးတို့၏
စာတွေအကြောင်းဆွေးနွေးကြသည်။သူဘာကြောင့်ရွှေလုပ်ငန်းပိုင်ရှင်သန်ြး<ွကယ်
သူဌေးကြီးဘဝကိုတေ့လွဲလွဲခဲ့ရပုံကလည်းတစ်ခါတစ်ခါကြားညှပ်၍ပါရသေးသည်။
ချင်းတွင်းမြစ်ကမ်းဘေးမှရွှေရှာပုံတော်ဇာတ်လမ်းတွေ။

မလေးရှားဒုက္ခသည်ဆိုင်ရာမဟာမင်းကြီးရုံး၌သူ၏စကားပြန်ဘဝရွှေရောင်
နေ့ရက်များ၊အခုတော့အမေရိကန်အသားစက်ရုံမှရှင်သန်ရေးအတွက်အမဲသား၊
ကြက်သား၊ဝက်သားတို့ကိုထုပ်ပိုးနေပုံကိုဝမ်းနည်းမှုအရိပ်သန်းလျက်ရင်ဖွင့်ပြန်သည်။

‘ဒီလိုအလုပ်လုပ်တာအသည်းလေးနဲ့ကိုယ်၊ဘဝအနာဂတ်နေ့ရက်တွေအတွက်ဗျ’
ဆိုပြီးအသံမာန်ကလည်းဝင့်၍ဝင့်၍ရုတ်တရက်ကြီးတက်လာပြန်သည်။
ဇွဲကပင်တောင်ခြေ၊ကရင့်မြေမှသူ၏ခင်မင်ရင်းနှီးလှသည့်မိတ်ဆွေသစ်များ
အကြောင်း၊လူပျိုကြီးကိုဂျက်ဆိုသူ၏အကြောင်း..။

‘ဟေ့လူ..ဒါဆိုခင်ဗျားမလေးရှားမှာတုန်းကကျွန်တော့်အသိဘားအံက
မိတ်ဆွေတွေအတော်များများနဲ့ရင်းနှီးခဲ့တာပေါ့’

‘ဟာ..ရင်းနှီးရုံတင်ဘယ်ကမလဲဗျာ။တစ်အိမ်တည်းမှာတောင်အတူနေခဲ့
ကြတာဗျ’

နာမည်များကိုမူထန်ကြီးတစ်ယောက်စီရွတ်ပြသည်။ကျွန်တော်အရမ်းအံ့သြ
ဝမ်းသာသွားသည်။သူရွတ်ပြသည့်အမည်စာရင်းများထဲတွင်အထက်တန်းကျောင်းသား
ဘဝဘားအံအ-ထ-က(၁)မှကျွန်တော့်သူငယ်ချင်း၏အမည်ပါနေသောကြောင့်
ဖြစ်သည်။

‘ဟ..ဟနေပါဦး။ခင်ဗျားကျွန်တော့်ကိုပြောတဲ့နာမည်ထဲမှာကျွန်တော့်
သူငယ်ချင်းတကယ့်အရင်းခေါက်ခေါက်တစ်ယောက်ပါနေလို့။လူများမှားမလားဗျာ။
သူရဲ့ပုံပန်းသဏ္ဍာန်၊စကားအပြောအဆိုကိုနည်းနည်းသေချာအောင်ပြောပြပါဦး’လို့
ကျွန်တော်မေးမိတော့၊

‘သူ့မှာနာမည်နှစ်မျိုးရှိတယ်မဟုတ်လား’

သေချာတာပေါ့ဗျာ။မူထန်ကြီးပြောပြနေသည်ကိုကျွန်တော်ဝမ်းသာအားရဖြင့်
ဆက်ပြီးနားထောင်နေမိသည်။သေချာပါသည်။ကျွန်တော်၏အထက်တန်းကျောင်းသားဘဝမှသူငယ်ချင်း
အရင်းတစ်ယောက်မှန်းဒီထက်ပို၍သေချာသည်ကားမရှိ။မူထန်ကဆက်ပြီး၊
‘ခင်ဗျားတို့နှစ်ယောက်မှာအရမ်းကိုတူတဲ့အချက်ရှိတယ်ဗျ။စကားကို(၇)အိမ်
ကြား၊(၈)အိမ်ကြားအကျယ်ကြီးပြောပြီး၊အော်အော်ပြီးရယ်တာကတော့သိပ်ကို
တူလွန်းတယ်ဗျာ’

‘ကျေးဇူးတင်လိုက်တာဆရာသမားရယ်။အခုဟိုမှာသူဘာတွေလုပ်နေသလဲ။
ဆက်ပြီးသူ့ရဲ့တယ်လီဖုန်းနံပါတ်ကိုအပြန်ဆုံးရအောင်ကူညီပေးပါဗျာ။ကျွန်တော်
တို့နှစ်ယောက်အဆက်အသွယ်တွေမရှိတာနှစ်ပေါင်း(၂ဝ)ကျော်ကျော်ကြာသွားပြီဗျ။’

‘ဟာ..ဟေ့လူ..ခင်ဗျားသူငယ်ချင်းသေသွားတာ(၁ဝ)နှစ်ကျော်တောင်
ရှိသွားပြီဗျ။’

‘ဟေ’ဟူ၍တစ်ခွန်းသာ။ကျွန်တော်ငိုင်သွားပြီးလွန်စွာတုန်လှုပ်မိသည်။

မည်မျှကျွန်တော်ကြေကွဲသွားသည်ကိုတလှပ်လှပ်ခုန်နေသည့်တစ်စုံသောကျွန်တော့်၏
နှလုံးသားကပို၍နားလည်နေပါလိမ့်မည်။

‘ဘယ်လိုဖြစ်တာလဲဗျာ’
မူထန်၏အသံသည်လည်းတိမ်ဝင်သွားကာသူသည်လည်းအတိုင်းအတာတစ်ခု
ထိရင်းနှီးခဲ့သောမိတ်ဆွေဟောင်းတစ်ယောက်အတွက်ကြေကွဲနေပေလိမ့်မည်။

‘ငွေ..ငွေ..ငွေ..ကြောင့်ပေါ့ဗျာ’

ဆက်ပြီး၊
‘တကယ့်ကိုအလုပ်ကြိုးစားတဲ့သူတစ်ယောက်ပါ။ပျော်ပျော်လည်းနေတတ်တယ်။
ရည်မှန်းချက်ကလည်းအတော့်ကိုကြီးတယ်ဗျာ။မလေးရှားကိုသူရောက်လာတော့
အရက်လည်းကောင်းကောင်းသောက်တတ်
နေပြီးတရုတ်စကားကိုလည်းတော်တော်ပြောနိုင်တယ်။သူ့ရဲ့အမျိုးသမီးမိတ်ဆွေ
(GirlFriend)ကတရုတ်အမျိုးသမီးဗျ’

ငြိမ်၍သာကျွန်တော်နားထောင်နေမိသည်။

‘သူကအရမ်းအရမ်းကိုချမ်းသာချင်နေတာဗျ။အဲဒီငွေစိတ်ကြောင့်ပဲသူ့ဘဝ
အဆုံးသတ်သွားရတာပဲဗျာ’

သက်ပြင်းကိုမျှင်မျှင်လေးဆွဲပြီးကိုမူထန်ပြောနေပါသည်။

တယ်လီဖုန်းကိုနားဖြင့်ကပ်ကာကြိုးစားပြီးအာရုံစိုက်နားထောင်နေပေမယ့်
ကျွန်တော့်၏အတွေးပုံရိပ်တို့သည်ဘားအံမြို့ရှိ’ဝင်းဝင်းစာပေ’၊စာအုပ်ဆိုင်ကြီးကို
ရောက်သွားသည်။မင်္ဂလာဝင်းလက်ဖက်ရည်ဆိုင်၊ရွှေဖားစည်လက်ဖက်ရည်ဆိုင်တို့ဆီ
ဝမ်းနည်းစွာဖြင့်ဝေ့ဝဲကာမြင်ယောင်နေမိသည်။

ဆယ်ကျော်သက်ရွယ်ဘဝရင်ခုန်မိသည့်အထက်တန်းကျောင်းသူလေး၏အိမ်
ရှေ့သို့မရဲတရဲလေးလူလုံးပြ၊မိမိရင်ခုန်ခြင်းကိုဖွင့်ဟကြိုးစားအန်ထုတ်ဖို့ကြိုးစား
စဉ်တုန်းက၊ဘေးနားမှအစဉ်လိုက်၍ကျွန်တော့်ရင်ခုန်သံကိုဝေငှခံစားပေးခဲ့သောသူ။
ချီခွေဗားရားအတ္ထုပ္ပတ္တိ၊ကက်စထရို၊အမေရိကန်သမ္မတနစ်ဆင်၊အေဘရာဟမ်လင်ကွန်း
စသောဘာသာပြန်စာအုပ်တွေကိုဖတ်ပြီးအားကျခြင်းများစွာဖြင့်ဆွေးနွေးခဲ့ကြသော
ကျွန်တော်တို့နှစ်ဦး၏ညနေခင်းစကားဝိုင်းများ။ကျွန်တော်တို့၏အဖြူရောင်နေ့ရက်များ။

ရသည့်မုန့်ဖိုးလေးများစု၍ဝယ်ခဲ့ကြသောဆရာကြီးပီမိုးနင်း၊ဆရာနန္ဒာ
သိန်းဇံတို့၏စာအုပ်များ။(၈၈)လူထုအရေးတော်ပုံကြီးဘားအံမြို့တွင်ကူးစက်ပျံ့နှံ့
လာသောကြောင့်နှစ်ဦးသားထခုန်မတတ်ဖြစ်သွားရအောင်ပျော်ရွှင်ကြည်နူးခဲ့မှုတွေ။

‘ကဲ..ရော့ရော့၊ငါ့အမေကိုမနည်းပြော၊အကြောင်းပြချက်တွေအမျိုးမျိုး
ပေးပြီးတောင်းလာတဲ့ပိုက်ဆံ’

ကျွန်တော်ကြည့်လိုက်တော့(၃ဝ)ကျပ်ဆိုသည့်မြန်မာကျပ်ငွေ။ဝမ်းသာ
လိုက်သည်ဖြစ်ခြင်း။

ဓာတ်ပုံဆရာသတင်းထောက်ဖြစ်ချင်လွန်းလှ၍အဖေ၏ကင်မရာကိုသူခရီး
သွားနေတုန်းဖခင်၏သေတ္တာသော့ကိုဖျက်၊အဖေမြတ်နိုးသောကင်မရာကြီးကိုယူပြီး
ဘားအံမြို့၏လူထုလှုပ်ရှားမှုကြီးကိုမှတ်တမ်းတင်ဖို့စိတ်ဇောကပ်နေသည့်ကျွန်တော်။
‘ကဲ..အဖေ့ဒေါသကိုတောင်ကျွန်တော်၏သတင်းထောက်ဖြစ်ချင်လွန်းလှ
သည့်ဆန္ဒမီးလျှံကလွှမ်းမိုးစေလောက်အောင်ကင်မရာကိုဖခင်ကြီးသေတ္တာအားဖျက်
လိုက်ရသည့်အခြေအနေအထိဖြစ်အောင်အားမာန်သတ္တိတွေကျွန်တော်ဘယ်ကရရှိ
သွားမှန်းတောင်မိမိကိုယ်ကိုမိမိမေးခွန်းတွေထုတ်ရသည့်အခြေအနေဖြစ်ခဲ့သည်။
ကင်မရာတော့ရပါပြီ။ဘယ်မှာလဲဖလင်ဖိုး။ဘယ်မှာလဲဖလင်ဆေးခ၊ကူးခ။

‘ဟေ့ကောင်လုပ်ပါဦးကွ။ဒါတော်တော်အရေးကြီးတဲ့သမိုင်းမှတ်တမ်းနော်။

ငါတို့မှတ်တမ်းမတင်လို့ကိုမဖြစ်ဘူး။နည်းလမ်းလေးဘာလေးရှာပါဦးကွာ’ဟုကျွန်တော်
ကပြောသည်ကိုသူကလေးလေးနက်နက်နားထောင်ပြီးအိမ်ပြန်ကာထိုဖလင်ဖိုး၊
ဆေးကူးခကိုဘယ်လိုအကြောင်းပြချက်တွေဖြင့်သူ၏မိခင်ကြီးထံမှငွေအသပြာ(၃ဝ)ကျပ်
ကိုယူခဲ့သည်လဲကျွန်တော်မသိ။မေးလည်းမမေးမိတော့။မေးစရာလည်းလိုမည်မထင်။

နှစ်ဦးသားဘားအံမြို့လယ်ရှိ၊မြတ်မင်းဓာတ်ပုံတိုက်ကိုအမြန်ပြေး၊အဖြူအမည်း
တရုတ်ဖလင်အလွန်ဈေးပေါသည်ဆိုပေမယ့်ကျွန်တော်တို့နှစ်ဦးမှာမူထိုဖလင်ဖိုးအတွက်
အသည်းအသန်ကြိုးစားခဲ့ရသည်။’တို့အရေး..တို့အရေး။အောင်ရမည်အောင်ရမည်’ဆိုသောကြွေးကြော်သံတို့
၁၉၈၈ခုနှစ်၊သြဂုတ်လနှောင်းနှင့်စက်တင်ဘာလဆန်းကာလအတွင်းဘားအံမြို့၌
ထစ်ချုန်းသောမိုးကြိုးသံတို့နှင့်အပြိုင်ကောင်းကင်ယံဝယ်မြည်ဟည်းနေသလားတောင်
ထင်ရသည့်ကာလ။

ဘားအံမြို့၊ဘုရားဝင်းကြီးသပိတ်စခန်းတွင်နေ့နှင့်ညအချိန်တော်တော်များများ
ကျွန်တော်တို့နှစ်ဦးရှိခဲ့ကြသည်။ဝေရီမှုန်ဝါးသောအတိတ်၏ပန်းချီကားတွေတစ်ကား
ပြီးတစ်ကားတစ်ချပ်ချင်း၊ကျွန်တော့်အာရုံထဲတဝဲဝဲပေါ်လာသည်။

‘ကျောင်းသားတွေကစလိုက်တာပဲ။အခုတော့မဖြစ်ခင်တုန်းကမပတ်သက်
ပါရစေနဲ့ဆိုပြီးအကြောက်အကန်ငြင်းခဲ့ကြတဲ့လူကြီးတွေသပိတ်စခန်းမှာကော်မတီ
ဝင်တွေဖြစ်နေတယ်ကွာ။ဘယ်လိုလူတွေမှန်းလည်းမသိပါဘူး’

သပိတ်ကော်မတီဝင်ထဲမှလူကြီး(၃)ဦးခန့်ကိုတော်တော်သူမကျေမနပ်
ဖြစ်နေသောကြောင့်အမြန်ဆုံးကျွန်တော်သူ့ကိုဘုရားကြီးဝင်းသပိတ်စခန်းမှချော့မော့
ခေါ်ခဲ့ပြီးထိုစဉ်ကရွှေထုံမောင်အအေးဆိုင်တွင်သံဗူးဆိုသည့်အချိုရည်တစ်မျိုးကို
သောက်ပြီး၊မာန်ပြေအောင်လုပ်ခဲ့ရသည့်နာရီ၊မိနစ်၊စက္ကန့်များကပြောင်းပြန်ဖြစ်သွားပြီး
ကျွန်တော့်ကိုတိုးတိုးလေးစကားပြောနေသလို။

‘အေး..သူကအရမ်းကိုချမ်းသာချင်တာကိုယ့်လူ။ဒီမှာကျွန်တော်ခင်ဗျားကို
ပြောခဲ့သလိုပဲ၊တရုတ်လူမိုက်ဂိုဏ်းနဲ့ပေါင်းမိသွားတယ်ဗျာ။သူကသတ္တိကလည်းရှိတော့
အဲဒီတရုတ်တွေကကောင်းကောင်းအသုံးချသွားတာပဲဗျာ’
ကိုမူထန်လည်းဝမ်းနည်းသောသူ၏နှလုံးသားမှထွက်လာသည့်အသံဖြင့်
ကျွန်တော့်ကိုဖြည်းဖြည်းလေးဆက်၍ပြောနေ၏။

ကျွန်တော်၏နှလုံးသားခံစားမှုအာရုံသည်မူထန်၏စကားသံနှင့်ဘားအံမြို့တွင်
အတူနေထိုင်ကျင်လည်ခဲ့သောချစ်သူငယ်ချင်း၏ပုံရိပ်နှစ်ခုတို့အကြားဝေ့ကာဝဲကာ။

‘နေပါဦးဗျာ၊ဘယ်လိုလုပ်ပြီးသူသေသွားရသလဲဗျာ’ဟုကျွန်တော်သက်ပြင်း
ရှည်ချပြီးမေးမိလိုက်သည်။

‘ကျွန်တော့်ကိုတောင်လာပြီးစည်းရုံးသေးတယ်ဗျ။သူကငွေတွေတစ်ချီတည်းနဲ့
ရင်းဂစ်သိန်းနဲ့ချီပြီးရမှာတဲ့။အဲဒါနဲ့ကျွန်တော်ကမင်းဘာလုပ်မှာတုန်းလို့မေးမိတော့
ကျွန်တော်လည်းအရမ်းကိုချောက်ချားသွားတယ်ဗျာ။သူက၊

”ကိုမူထန်ရေ၊ဘယ်သူ့ကိုမှမသိစေနဲ့၊ကျွန်တော်တို့ရွှေဆိုင်ကိုဓားပြတိုက်
ရအောင်”တဲ့ဗျာ။

‘ဟာဗျာ’ဟူ၍သာကျွန်တော်အော်မိလိုက်သည်။

မူထန်ကဆက်၍’မလုပ်စကောင်းအလုပ်တွေကွာ။မင်းအဲဒီလိုမကြံစည်ပါနဲ့လို့
သူ့ကိုကျွန်တော်ပြောလိုက်ပါတယ်။ဒါပေမဲ့သူတို့တစ်တွေကြံစည်ထားကြပြီး၊အစီ
အစဉ်တွေကြိုပြီးလုပ်ထားပုံရပါတယ်ဗျာ။သူ့ရဲ့အမှောင်လောဘကဆင်ခြင်
စဉ်းစားဥာဏ်တွေကိုဖုံးအုပ်သွားခဲ့ပြီပဲ’

‘ခင်ဗျားမတားဘူးလားဗျာ’ဟူ၍သာကျွန်တော်ပြောနိုင်တော့သည်။

‘ဘယ်လိုမှလည်းပြောလို့မရတော့ဘူးဗျာ။နောက်ပြီးဘယ်သူ့ကိုမှလည်းမပြောဖို့
နှုတ်ပိတ်တယ်ဗျ။ကျွန်တော့်ကိုလည်းအဲဒီအချိန်ကစပြီးအဆက်အသွယ်လည်းမလုပ်
တော့ဘူးဗျ။ဒီလူမိုက်တယ်ဗျာ’

‘အေးပေါ့လေ..ဘာတတ်နိုင်တော့မှာလဲဗျာ’

တယ်လီဖုန်းကိုနားဖြင့်ကပ်ထားရင်းကျွန်တော်ငိုင်သွားသည်။

‘တစ်နေ့တော့မလေးရှားသတင်းစာမှာရွှေဆိုင်ကိုဓားပြဝင်တိုက်တဲ့လူတွေကို
ရဲကအသေပစ်သတ်လိုက်တယ်ဆိုတဲ့သတင်းနဲ့အလောင်းပုံတွေကိုတွေ့လိုက်ရတယ်။
အဲဒါသူ့ရဲ့နောက်ဆုံးပုံရိပ်နဲ့သူ့ရဲ့ဘဝနိဂုံးပဲ’

ကျွန်တော်တို့နှစ်ဦးစလုံးစကားပင်ဆက်၍မပြောနိုင်လောက်အောင်တိတ်ဆိတ်
သွားသည်။

‘ကျွန်တော်သတင်းစာကိုကိုင်ပြီးသိလိုက်တယ်။ဒီလူလောဘမီးလျှံကြီးထဲ
ခုန်ဝင်ပြီးကိုယ့်ကိုယ်ကိုယ်ရင်းပြီးလောင်ကျွမ်းခံလိုက်တယ်လို့’

‘ဝူး’ဆိုပြီးကိုမူထန်သက်ပြင်းရှည်ကြီးချလိုက်သောအသံကိုကျွန်တော်
ကြားနေရသည်။

‘ခင်ဗျားကိုကျွန်တော်ခဏနေတယ်လီဖုန်းထဲကနေမလေးရှားကကျွန်တော့်ရဲ့
သူငယ်ချင်းကိုဆက်သွယ်ရမယ့်ဖုန်းနံပါတ်၊မက်ဆေ့ရိုက်ပြီးပို့ပေးလိုက်မယ်။ကျန်တဲ့
ဟာတွေသူ့ကိုသာဆက်မေးလိုက်ပါတော့ဗျာ’ဟုနောက်ဆုံးပြောပြီးကိုမူထန်
တယ်လီဖုန်းချသွားလိုက်သည်။

(၁၅)မိနစ်လောက်ကြာမှကျွန်တော့်ကိုမူထန်ကတယ်လီဖုန်းထဲမက်ဆေ့
ရိုက်ပြီးသူတို့နှစ်ဦး၏မိတ်ဆွေရင်းဖြစ်သည့်မလေးရှားမှမိတ်ဆွေဆိုသူ၏အမည်နှင့်
တယ်လီဖုန်းနံပါတ်ပို့ပေးလိုက်သည်။

မလေးရှားကိုခေါ်ဆိုရမည့်တယ်လီဖုန်းနံပါတ်ကိုကြည့်ရင်းကျွန်တော်ငေးငိုင်
နေမိသည်။မိမိ၏နှလုံးသားထဲမှခေါ်ဆိုမှုအတွက်တုံ့ပြန်လာမည့်’ဟုတ်တယ်’ဆိုသည့်
သတင်းစကားကိုလက်ခံနားထောင်ရန်ကျွန်တော်ခွန်အားပင်မရှိတော့ပါ။
မည်သူတစ်ဦးတစ်ယောက်ကိုမျှလည်းစကားပြောဆိုချင်စိတ်မရှိတော့ပါ။ဝမ်းနည်း
ကြေကွဲမှုမုန်တိုင်း၏အရှိန်ပြင်းစွာတိုက်ခတ်သည့်အရှိန်ကြောင့်ကျွန်တော့်နှလုံးသားသည်
တစ်စစီကြေမွပျက်စီးသွားပြီလားဟုခံစားမိသည်။

ဘာဖလိုမြို့နွေနှောင်းကာလဖြစ်သည့်ညနေခင်းတွင်ကျွန်တော်တစ်ယောက်၊
ဘာဖလိုမြို့ကိုရစ်ခွေ၍စီးဆင်းနေသောအီရီမြစ်ကမ်းနံဘေးသို့တိတ်ဆိတ်စွာဖြင့်
ထွက်ခဲ့သည်။ယနေ့သာယာလှပသောအီရီမြစ်ကမ်း၏ကြည်နူးမှုအပေါင်းသည်
ကျွန်တော်နှင့်မဆိုင်သလိုပင်။ငါးမျှား၍သော်လည်းကောင်း၊ရှပ်ပြေးယာဉ်များစီး၍
ပျော်ရွှင်နေကြသူများ၊တစ်နေ့တာအလုပ်ခွင်၏နွမ်းလျမှုကိုအီရီမြစ်ကမ်းနံဘေးတွင်
တစ်မျိုး၊မြစ်ယံပေါ်ဝယ်အေးချမ်း၊ငြိမ်သက်နေသူများတို့သည်ကျွန်တော်နှင့်လားလားမျှ
မဆိုင်သလိုပင်။သူတို့တစ်တွေနှင့်ကျွန်တော်တစ်ကမ္ဘာဆီခြားနေသည်။
အေးမြသောမြစ်ပြင်ကိုငေးကြည့်နေရင်းမီးလျှံကြီးဖြင့်တဟုန်းဟုန်းထနေသော
သဲကန္တာရ၏မြင်ကွင်းမျိုးနှလုံးသားမှခံစားရသည်။

စိတ်ကိုတည်ငြိမ်စွာထားပြီးကိုမူထန်ပေးသည့်မလေးရှားကိုဆက်သွယ်ရမည့်
တယ်လီဖုန်းနံပါတ်လေးများကိုတစ်လုံးစီကျွန်တော်နှိပ်လိုက်မိသည်။
ကွာလာလမ်ပူဆိုသောမလေးရှား၏မြို့တော်ကြီးသည်ယခုအချိန်၌နံနက်ကို
လုသောအရုဏ်ဦးအခါဖြစ်ပေလိမ့်မည်။

‘တူ..တူ’ဆိုသည့်ဖြည်းညင်းစွာမှန်မှန်ဖြင့်တစ်ဖက်ဖုန်းကိုခေါ်ဆိုသည့်
အသံလေးသည်အရှိန်ပြင်းစွာဖြင့်ခုတ်မောင်းနေသည့်မီးရထားကြီး၏ပြင်းထန်သည့်
အသံမြန်နှုန်း၊လောင်စာတို့၏ပေါက်ကွဲမှုလေအလားဟုကျွန်တော်ခံစားမိသည်။

‘ဟုတ်ကဲ့ပြောပါခင်ဗျာ’

ဖြေဆိုသူ၏အသံ။
ကျွန်တော်၊ကိုမူထန်ရဲ့မိတ်ဆွေလောအယ်စိုးပါ။အမေရိကန်နိုင်ငံ၊ဘာဖလို
မြို့ကခေါ်တာပါခင်ဗျာ’

‘သြော်..သြော်..ကိုမူထန်ကျွန်တော့်ကိုခင်ဗျားရဲ့အကြောင်းပြောဖူးပါတယ်။
ဘယ်လိုလဲ၊ဟိုမှာအဆင်ပြေကြလား။အေး..ကျွန်တော်လည်းဘားအံသားပါပဲ’ဟု
ခင်မင်ရင်းနှီးဖွယ်ကောင်းလှသည့်အသံ။

‘ဟုတ်ကဲ့၊ကျွန်တော်တစ်ခုသိချင်တာလေးရှိလို့ပါ။အဲဒီကိစ္စအတွက်ကျွန်တော်
ဖုန်းဆက်တာပါခင်ဗျာ’ဟုကျွန်တော်ဆက်၍ပြောလိုက်မိသည်။

‘ပြောပါ..ပြောပါ။ကျွန်တော်ဘာကူညီပေးရမလဲ’

‘သြော်..ကျွန်တော့်ရဲ့ငယ်ပေါင်းမိတ်ဆွေသူ့ရဲ့အကြောင်းသိချင်လို့ပါ။’

‘ဟာ..သူကခင်ဗျားသူငယ်ချင်းအရင်းလား။သူသေသွားတာ(၁ဝ)နှစ်ကျော်
ကျော်ရှိသွားပါပြီ။ရွှေဆိုင်ကိုတရုတ်လူမိုက်ဂိုဏ်းနဲ့ပေါင်းပြီးဓားပြသွားတိုက်တော့ရဲတွေ
ကအသေပစ်သတ်လိုက်တာလေ’

တစ်ခွန်းမျှသောတုံ့ပြန်မှုကျွန်တော်၏နှုတ်ဖျားမှထွက်မလာနိုင်တော့။
မိနစ်ဝက်အထိတယ်လီဖုန်းကိုကိုင်၍ကျွန်တော်ငြိမ်သက်သွားသည်။
သူကဆက်၍’ဟယ်လို..ဟယ်လို’ဟု။

မိမိ၏အသိအာရုံနှင့်ခံစားချက်ပြန်လည်၍လှုပ်နှိုးလိုက်သလိုဖြစ်သွားသည်။
‘ဟုတ်ကဲ့..ဟုတ်ကဲ့..ကျေးဇူးတင်ပါတယ်ခင်ဗျာ’ဟုပြောရင်းတယ်လီဖုန်း
ကိုကျွန်တော်ချလိုက်ကာအသက်ကိုပြင်းပြင်းရှိုက်၍ရှိုက်၍ရှူလိုက်မိသည်။

စီးကျလာသောပါးပြင်ပေါ်မှမျက်ရည်များကိုကျွန်တော်မသုတ်တော့ပါ။
ဆည်းဆာရိပ်သန်းသောအီရီမြစ်ယံပေါ်ဝယ်စင်ရော်တို့ဝေ့ကာဝဲကာ၊
သတ်မှတ်ထားသည့်ဦးတည်ရာအရပ်ကိုအုပ်စုဖွဲ့၍ကောင်းကင်ယံတွင်လေဟုန်ကိုခွင်း
ပျံသန်းနေသည့်ကြိုးကြာရိုင်းတို့၏ခရီးစဉ်။ကျွန်တော်တို့၏ဘဝနေ့ရက်များတို့သည်
လည်း…။

တမ်းတခြင်းများစွာဖြင့်
လောအယ်စိုး
(၈၊၄၊၂ဝ၁၄)

အပိုင်း (၁)အပိုင်း (၂)အပိုင်း (၃)အပိုင်း (၄)

အပိုင်း (၅)အပိုင်း (၆)အပိုင်း (၇)အပိုင်း (၈)၊


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts