ကဗျာ

မင်းကိုနိုင် – နွားကြီး… သေသွားပြီ !!!

 

မင်းကိုနိုင် – နွားကြီး… သေသွားပြီ !!!

(သူ့ဖေ့စ်ဘွတ်) မိုးမခ၊ နိုဝင်ဘာ ၂၃၊ ၂၀၁၅

 

မြက်ပင်တွေတောင်၊ ခေါင်းမထောင်ခင် 

နေ၀င်လေအေး၊ မိုးလေးညိုယုံ

ချည်တိုင်ကို လွမ်းတတ်တဲ့

နွားကြီး… သေသွားပြီ

.

သခင်မ မျက်နှာ

မမြင်ရ ရက်ကြာလို့

နာတာရှည် လွမ်းနေကြောင်း

ဖိနပ်ဟောင်း တရံလို

ဇာတ်ကြောင်း ပြန်ချင်တဲ့

နွားကြီးသေသွားပြီ

.

ချို(ဂျို)နဲ့ သားရေ မကျန်စေနဲ့

ခုတ်ဟဲ့ ထစ်ဟဲ့ အရက်ငှဲ့လေ

ကေတီဗီ မာဆတ်တွေကြား

သက်သတ်လွတ်စားပြီး

စားမြုံ့ပြန်တတ်တဲ့

နွားကြီး… သေသွားပြီ

.

အားနာပါတယ်..ရှင်

ဒီသံစဉ်ကြားဖို့ အရေး

ထောင်ဂဏန်းတန် ကဒ်ပြေးဝယ်

ဆက်သွယ်မှုဧရိယာပြင်ပ

မကြာခဏရောက်ခဲ့တဲ့

နွားကြီးသေသွားပြီ

.

အော်စကာဆုရ.. ဟာသသရုပ်ဆောင်

မင်းသားကြီး ရော်ဘင်ဝီလျံတောင်

သတ်သေတဲ့ လက္ခဏာနဲ့ သေသွားပြီဆိုတော့

ငါဘယ်လို ရှင်သန်ရပါ့

တွေးမရတော့တဲ့

နွားကြီးသေသွားပြီ

.

ရှင်ရင် ခိုင်းစားကြမယ်

သေရင် အသားပေါ်စားဦးမှာ

ဒီအကြောင်းတွေကြောင့်

ငါနေမကောင်းဖြစ်ချင်တာ ဆိုတဲ့

နွားကြီးသေသွားပြီ

.

နှစ်စဉ်နှစ်ဆန်းတရက်နေ့ဆို

သူတကာလို …

ဘေးမဲ့လွှတ်ပေးနိုးနိုး

ငေးခဲ့ရတဲ့ …

နွားကြီးသေသွားပြီ

.

အသပြာပုံလောင်းဆဲ

အညာ ကုန်ရောင်းပွဲနဲ့

အာရုံ အပြောင်းအလဲတွေကြား

နောက်ဆုံးချိန်ထိ ထမ်းပိုးဖြုတ်မခံ

အဓိဌာန် ကျင့်ကြံခဲ့တဲ့

နွားကြီးသေသွားပြီ။

.

ရှိလျက်နဲ့ မရှိသလို အနေဝေးရ

သိလျက်နဲ့ မသိသလို နေပေးသမျှ

နွားကြီးပါကွာ”..လို့  အထင်ခံခဲ့ရတဲ့

နွားကြီးသေသွားပြီ

.

အနှီထို ကိစ္စတွေမှာ

သူ့ကိုယ်သူ ကျားကြီး ထင်ခဲ့တဲ့

နွားကြီးသေသွားပြီ

.

သြော် …

ကောက်ရိုးပန်းချီကားကို

လူတွေ ခံစားပုံနဲ့

(ရိုးရိုးသားသား)

မတူခြားနားခဲ့တဲ့

 

နွားကြီ သေသွားပြီ။      


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts