(မိုးမခ) နိုဝင်ဘာ ၁၅၊ ၂၀၁၅
ရန်ကုန် (Myanmar Now) – အမျိုးသားဒီမိုကရေစီအဖွဲ့ချုပ် (NLD) ရွေးကောက်ပွဲမှာ အပြတ်အသတ် အနိုင်ရရှိသွားတာကို အမျိုးဘာသာ သာသနာ ထိန်းသိမ်းစောင့်ရှောက်ရေးအဖွဲ့ ဦးဆောင် ဆရာတော်တချို့က သောကြာနေ့မှာ ကြိုဆိုလိုက်ကြပြီး အငြင်းပွားဖွယ် မျိုးစောင့်ဥပဒေတွေ ပြင်ဆင်၊ ဖျက်သိမ်းရေးတွေကို မလုပ်ဆောင်ဖို့လည်း သတိပေးလိုက်ပါတယ်။
နိုဝင်ဘာ ၈ ရက်နေ့ ရွေးကောက်ပွဲမှာ NLD အနိုင်ရရှိခဲ့မှုက ပြည်သူတွေရဲ့ ရွေးချယ်မှု ဖြစ်တယ်လို့ မန္တလေးက မဘသ ဆရာတော်တစ်ပါးဖြစ်တဲ့ ဦးဝီရသူက မိန့်ပါတယ်။ တခြားပါတီများ၊ ပါတီငယ်များ အနိုင်မရရှိခဲ့တာကိုတော့ စိတ်မကောင်း မိကြောင်း ဦးဝီရသူက မှတ်ချက်ပြုပါတယ်။
ဦးနေဝင်းလက်ထက်ကနေစတင်ပြီး အာဏာရှင်စနစ်နဲ့ အုပ်ချုပ်လာခဲ့တဲ့ မြန်မာနိုင်ငံဟာ ဒီမိုကရေစီဘက်ကို ရွေ့လျား လာပြီလို့ ရန်ကုန်မြို့က မဘသ ဦးဆောင်ဆရာတော်တစ်ပါးဖြစ်တဲ့ ဦးပါမောက္ခက မိန့်ကြားပါတယ်။
“မြန်မာနိုင်ငံမှာ ငွေပေးနိုင်တဲ့သူ၊ အာဏာရှင်၊ ခရိုနီတွေသာ အနိုင်ရတယ်။ ကနေ့ အဲဒီခေတ် ကုန်ဆုံးတော့မယ်။ ပြည်သူ တွေ တရားဥပဒေရဲ့ စောင့်ရှောက်မှုအောက်မှာ အကာကွယ်တွေ ရတော့မယ်လို့ ဦးဇင်းမျှော်လင့်နေတယ်”လို့ ဦးပါမောက္ခက မိန့်ပါတယ်။
● NLD အနိုင်ရမှာကို မဘသ ဆရာတော်များ စိုးရိမ်ခဲ့
NLD ပါတီကို မဲမပေးဖို့၊ အမျိုးဘာသာ သာသနာကို စောင့်ရှောက်မယ့်ပါတီကိုပဲ မဲပေးဖို့ တိုက်ရိုက်လှုံ့ဆော်မှု၊ သွယ်ဝိုက်လှုံ့ ဆော်မှုတွေ နိုင်ငံအနှံ့အပြားမှာ မဲဆွယ်ကာလအတွင်း ပေါ်ပေါက်ခဲ့ပါတယ်။
NLD သာ အနိုင်ရခဲ့ရင် ရခိုင်ပြည်နယ်အတွင်းက ဘင်္ဂါလီ/ရိုဟင်ဂျာတွေ နိုင်ငံသားဖြစ်ခွင့်ရသွားမယ်လို့ ကန့်ကွက်သူတွေက ဆိုပါတယ်။
မဘသ ဗဟိုရဲ့အတွင်းရေးမှူး ဆရာတော် ဦးဝိမလဗုဒ္ဓိကလည်း ဒေါ်အောင်ဆန်းစုကြည် နိုင်ငံအုပ်ချုပ်ဖို့ အချိန်မတန်သေး ဘူးလို့ ရွေးကောက်ပွဲမတိုင်ခင်မှာ မိန့်ကြားခဲ့ဖူးပါတယ်။
“ဘာမှမလုပ်ဘူးတဲ့လူကနိုင်ငံတော်ကို တက်အုပ်ချုပ်မယ်ဆိုတော့ အတိုက်အခံက ဘယ်သူဖြစ်သွားမလဲ၊ ကြံ့ခိုင်ရေးဖြစ် သွားမယ်။ အဲဒီနောက်မှာ ဘယ်သူရှိလဲ၊ စစ်တပ်ရှိတယ်။ ငါတို့က အဲဒါမြင်တာ။ တိုင်းပြည်အတွက်မြင်တာ။ သူ့ကိုမုန်းလို့ မဟုတ်ဘူး” လို့ ဆရာတော်ဦးဝိမလဗုဒ္ဓိက Myanmar Now ကို မှတ်ချက်ပေး မိန့်ကြားပါတယ်။
● မျိုးစောင့်ဥပဒေ ပြင်ဆင်ဖျက်သိမ်းရေးကို လက်မခံ
တပ်မတော် ကျောထောက်နောက်ခံပြု ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ အားကောင်းတဲ့လွှတ်တော်က မျိုးစောင့် ဥပဒေတွေကို ရွေးကောက်ပွဲမတိုင်ခင် ရေးဆွဲပြဋ္ဌာန်းလိုက်တာပါ။
မဘသအဖွဲ့ရဲ့ အဓိကရပ်တည်ချက်ကိုက အဲဒီဥပဒေတွေကို ကာကွယ်ဖို့ဖြစ်ကြောင်း ဦးဆောင်ဆရာတော်တွေက အတိအ လင်းကြေညာထားပါတယ်။ NLD ပါတီအစိုးရဖွဲ့ပြီးရင် မျိုးစောင့်ဥပဒေတွေကို ပြင်ဆင်၊ ဖျက်သိမ်းမှာစိုးရိမ်ကြောင်း ဦးဝီရသူ က မိန့်ပါတယ်။
“နိုင်ငံကို ပြန်လည်ထူထောင်ဖို့က အရေးကြီးသလား၊ မျိုးစောင့်ဥပဒေကို ဖျက်ဖို့က အရေးကြီးသလားဆိုတာ သူတို့တော့ စဉ်းစားရမှာပေါ့”လို့ ဆရာတော်က မိန့်ပါတယ်။
ဦးပါမောက္ခကလည်း NLD ဟာ မျိုးစောင့်ဥပဒေ၊ ၁၉၈၂ ခုနှစ် နိုင်ငံသားဥပဒေတွေကို မပြင်ဆင်သင့်ဘူးလို့ မိန့်ပါတယ်။
“မျိုးစောင့်ဥပဒေကို ဖျက်မယ်ဆို ပြန်လည်ရင်ကြားစေ့တာမျိုးတွေလည်း မဖြစ်နိုင်တော့ဘူး။ အမုန်းတရားတွေက တစ်ဖက်နဲ့ တစ်ဖက်ပို၍ ပွားသွားမယ်။ မေတ္တာတရားရှေ့ထားပြီး တိုင်းပြည်အနာဂတ်ကို ပြည်သူတွေမျှော်လင့်ထားတဲ့ အတိုင်း လုပ် ဆောင်သွားဖို့ကိုလည်း NLD ကို ဘုန်းကြီးက တိုက်တွန်းပါတယ်” လို့ ဦးပါမောက္ခက မိန့်ပါတယ်။
လယ်သမား၊ အလုပ်သမားဆိုင်ရာ ဖြေရှင်းစရာတွေ၊ မြန်မာနိုင်ငံအတွင်း အဘက်ဘက်က နိမ့်ကျနေတတာတွေကိုပဲ NLD က အဓိက ဦးတည်ဖြေရှင်းသင့်တယ်လို့ ဦးပါမောက္ခက ဆက်လက် မိန့်ကြားပါတယ်။
မဘသရဲ့ အထင်ကရ ဆရာတော်တွေရဲ့ သတိနဲ့ကြိုဆိုမှုနဲ့ပတ်သက်ပြီး NLD ပြောရေးဆိုခွင့်ရှိသူ ဦးဉာဏ်ဝင်းက ကျေးဇူး စကား ဆိုပါတယ်။
“ဘယ်သူတွေဖြစ်ဖြစ်ပါတီရဲ့ရွေးကောက်ပွဲ အောင်နိုင်မှုအပေါ် ဂုဏ်ပြုတယ်ဆိုရင်တာ့ ကျေးဇူးတင်ကြောင်းပြောချင်ပါတယ်” လို့ ဦးဉာဏ်ဝင်းက ပြောပါတယ်။
“(မျိုးစောင့်ဥပဒေတွေကို) လက်ခံနိုင်ခြင်း၊ လက်မခံနိုင်ခြင်းကြိုက်ခြင်း မကြိုက်ခြင်းဆိုတာဟာ လွှတ်တော်ရဲ့အလုပ်ပါပဲ။ ခု လောလောဆယ်မှာ ဒါတွေပြင်ဆင်ဖို့နဲ့ပတ်သက်ပြီး မစဉ်းစားနိုင်သေးပါဘူး” လို့ ဦးဉာဏ်ဝင်းက ဆက်ပြောပါတယ်။ ။
Photo : AFP
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
