 |
| Photo – YIT |
မင်းညွန့်လှိုင် – စ က် ဝို င်း
(မိုးမခ) အောက်တိုဘာ ၂၉၊ ၂၀၁၅
သားရေ
ဘောလုံးကို တင်းနေအောင်လေထိုး
ပြီး အမြင့်ဆုံးကန်တင်လိုက်
ကမ္ဘာကျော်မယ့်ခြေနဲ့ကန်တင်လိုက်
မြေဆွဲအား လွန်အောင်ကန်တင်လိုက်
ကောင်းကင်ခေါင်မိုးပေါ် တင်နေရင်
အဲဒါ လပြည့်ပဲပေါ့ ။
အိပ်မက်လုံးဝ မမက်တဲ့ည
အိပ်ယာကနိုးနိုးချင်း
မေမေ့မျက်နှာပေါ်က
ဆံနွယ်စတွေ ဖယ်လိုက်လေ
အဲဒါ လပြည့်ပဲပေါ့ ။
ဖေဖေ ငယ်ငယ်က
ကျောက်သင်ပုန်းပေါ်မှာ
ဆရာတော်လက်နဲ့
ကူလှည့်ရေးတဲ့ဝလုံးတွေ..
သင်္ချာဆရာမ
အစနဲ့အဆုံး ဆက်မိအောင်
ရေးခြစ်လိုက်တဲ့ မျဉ်းကွေးတွေ..
အဲဒါလပြည့်ပဲပေါ့ ။
ကစားလို့ဝတဲ့ သားသားရယ်
အိပ်ရေးဝတဲ့ မေမေရယ်
စာဝဝရေးနိုင်တဲ့ ဖေဖေရယ်
အေးအေးလူလူစကားဝိုင်းဖွဲ့
လပြည့်ညကို ထိုင်ကြည့်ကြတဲ့အခါ
စကြဝဠာထဲမှာ
အဲဒီလဟာ အဝိုင်းဆုံးပဲပေါ့ ။
သားရေ
လကို ဒီအတိုင်း ပစ်မထားလေနဲ့
သားဘောလုံး လေလျော့သလို
လဟာ ပိန်သွားတတ်တယ်..
အိပ်ရေးမဝတဲ့ မေမေလို
လက မျက်နှာချောင် သွားမယ်..
မရေးဖြစ်တဲ့ ဖေဖေ့စာလို
လက ကွယ်သွားနိုင်သေးတယ် ။
ဒီတော့
အနက်ရောင် မျက်နှာကျက်ကြီး
လင်းပွင့်သွားအောင်
စက်ဝိုင်းပေါက် တစ်ပေါက်
ဝိုင်း စက် နေအောင်
ဖောက်စို့ ။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
