ကိုသန်းလွင် – အစိုးရသစ်အတွက် စကားလက်ဆောင်

(၁)
ပြည်သူအများက လာမည့်နိုဝင်ဘာလ ၈ ရက် ရွေးကောက်ပွဲပြီးလျင် ပြည်သူတို့၏ ဆန္ဒကို ကိုယ်စားပြုသော ကိုယ်စားလှယ် အသစ်များနှင့် အစိုးရသစ် ပေါ်ထွက်လာမည်ဟု မျှော်လင့်နေကြပါသည်။ အစိုးရက ရွေးကောက်ပွဲကို လွတ်လပ်ရမည်၊ မှန် ကန်ရမည်ဟု ကတိပေးထားသောကြောင့် အများပြည်သူတို့ လိုလားသောကိုယ်စားလှယ်များ ပေါ်ထွက်လာမည်ဟု မျှော် လင့်ရပါသည်။

ပြည်သူလူထုက တင်မြှောက်ခြင်းမရှိဘဲ ပြည်သူ့ဆန္ဒမပါဘဲ အုပ်ချုပ်သောအာဏာရှင်၊ အစိုးရဆိုသည်မှာ ယခုခေတ်တွင် မရှိသင့်တော့ပါ၊ လူ့ယဉ်ကျေးမှု တိုးတက်ရာလမ်းကြောင်းသည် အကောင်းဘက်သို့သာ ပြောင်းလဲနေရမည်ဟု မဟတ္တမ ဂန္ဓီက ပြောခဲ့ဘူးသောစကားရှိပါသည်။ အများပြည်သူ၏ အလိုကျ တင်မြှောက်ခံရသော အစိုးရများသည်သာ ပြည်သူလူထု အပေါ်တွင် အုပ်ချုပ်ခွင့်ရှိပါသည်။

ပြည်သူအများမျှော်လင့်သကဲ့သို့သန့်ရှင်းသော ရွေးကောက်ခံ ကိုယ်စားလှယ်များဖြင့် ဖွဲ့စည်းမည့် အစိုးရ လုပ်ဆောင်ရမည့် နိုင်ငံတော်တည်ဆောက်ရေးလုပ်ငန်းများအတွက်  ပြည်သူများ၏ မျှော်လင့်ချက်များကို ကျွန်တော်စဉ်းစားကြည့်မိပါသည်။ ထိုလုပ်ငန်းစဉ်များနှင့်ပါတ်သက်၍ ခေါင်းစဉ် ငါးခုခွဲပြီး ကျွန်တော်တင်ပြလိုပါသည်။

(၁) ပြည်သူက ယုံကြည်သောအစိုးရ
အစိုးရသစ်၏ပထမဆုံးလုပ်ရမည့်တာဝန်မှာ သူတို့သည်ပြီးခဲ့သော စစ်အာဏာရှင် အစိုးရများ နှင့်မပါတ်သက်ကြောင်း ပြည် သူအများ လက်ခံလာအောင် လုပ်ဆောင်ရေးဖြစ်ပါသည်။

ယခင်အစိုးရများ၏ ချို့ယွင်းချက်များရှိခဲ့ကြသောကြောင့် တိုင်းပြည်မှာ တိုးတက်မှု လျော့နည်းခဲ့ရခြင်း ဖြစ်ပါသည်။ အစိုးရ အဆက်ဆက်သည် အစိုးရဖွဲ့စည်းရာတွင် တပ်မတော်အရာရှိကြီးများ အများစုဖြင့် ဖွဲ့စည်းခဲ့ခြင်းဖြစ်ရာ ၎င်းတို့၏စီမံခန့်ခွဲမှု အရည်အသွေးမှာ အားရစရာမရှိပေ၊ ၀န်ကြီးများမှစ၍ အောက်ခြေ ၀န်ထမ်းများ အထိခြစားလာဒ်ယူနေကြသောကြောင့် စနစ်ကြီးအတွင်း ခြစားမှုများမှာ ဥပဒေက ခွင့်ပြုထား သကဲ့သို့  ပြုမူဆောင်ရွက်ခဲ့ကြပါသည်။

ထိုချို့ယွင်းချက်များကိုပြုပြင်နိုင်မှသာပြည်သူလူထုကလက်ခံသော အစိုးရဖြစ်လာနိုင်ပါသည်။ ထိုသန့်ရှင်းသော အစိုးရဖြစ် ရေးကို ခေါင်းဆောင်တယောက်ထဲလုပ်ရုံဖြင့်မရ၊   အစိုးရတဖွဲ့လုံးက ပြုပြင်ရန်လိုအပ်ကြောင်းကို သဘောပေါက်ရန်လိုပါ သည်။

ယခင်အစိုးရများက ပြည်သူသည်အုပ်ချုပ်ခံ လူတန်းစားသာဖြစ်သည်။ ပြည်သူ၏ဆန္ဒသည်အရေးမကြီး စည်းကမ်းရှိသော ဒီမိုကရေစီ ဖြစ်ရမည်ဟုဆိုကာ တဖက်သတ် ဆောင်ရွက်လေ့ရှိခဲ့ကြပါသည်။   ပြဿနာကို လုံခြုံရေးတပ်သားများနှင့်လက်နက် နှင့်ဖြေရှင်းခဲ့ကြပါသည်။ အစိုးရသစ်သည် ပြည်သူ့ဆန္ဒကို ဦးစားပေး အလေးထားသည့်အစိုးရသာ ဖြစ်ရပါမည်၊ ဤနည်းဖြင့် သာ ပြည်သူလူထုက ပူးပေါင်းပါဝင်လာကြ ပါလိမ့်မည်၊ ပြည်သူလူထုပါဝင်ပူးပေါင်းခြင်းမရှိသည့် အကျိုးရလဒ်ကို ကျွန်တော် တို့ မျက်ဝါးထင်ထင် တွေ့မြင်ခဲ့ကြပါပြီ။

အစိုးရသစ်သည် ပေါ်လစီ အသစ်၊ စည်းကမ်းနည်းလမ်းအသစ်များ ချမှတ်ရန်အတွက်ပြည်သူများ၏ ဆန္ဒ၊ အကြံဥာဏ်များကို တောင်းခံရန်လိုအပ်ပါသည်။  နိုင်ငံတော်ရေးရာများမှာ အကြောင်းအရာ ပေါင်းစုံနေပေရာ ခေါင်းစဉ်ကြီးများခွဲပြီး တွေ့ဆုံပွဲ၊ ဆွေးနွေးပွဲနှင့် ကွင်းဆင်းလေ့လာခြင်းကိစ္စများ စာတန်းဖတ်ပွဲများ  ကျင်းပပေးရပါလိမ့်မည်။ အလွှာစုံ လုပ်ငန်းဌာန အသီး သီးမှ စိတ်ပါဝင်စားသူ ပြည်သူများကို ဖိတ်ခေါ်ပြီး အကြံဉာဏ်နှင့် ပြဿနာများကို အစိုးရအသစ်က နားထောင်ပြီး သင့်တော် သော ပေါ်လစီများကို ချမှတ်ကြရပါမည်။

အစိုးရသစ်က ပထမဆုံး လုပ်ရမည့်အလုပ်မှာ နိုင်ငံတော်တည်ဆောက်ရေးအတွက် အကြံဉာဏ်ရယူရန် ကုလသမဂ္ဂမှ ပညာရှင်များလွှတ်ပေးရေး မေတ္တာရပ်ခံရန်ဖြစ်ပါသည်။  နိုင်ငံ၏ စက်မှုလက်မှုလုပ်ငန်းဆိုင်ရာ အခြေခံအဆောက်အဦး များ တည်ဆောက်ရေးအတွက် နိုင်ငံတကာမှ အကူအညီယူရန်ဖြစ်ပါသည်။ ကမ္ဘာနှင့်အ၀ှမ်း ပြုပြင်ရေးလုပ်ငန်းလုပ်ခဲ့ကြသည့် Case Study များမှာ မြောက်များစွာရှိနေပါသည်။ မိမိနှင့် အခြေခံတူ ပုံစံအမြောက်အများထဲမှာရွေးချယ်ရန် နိုင်ငံရပ်ခြားမှ ပညာရှင်များ၏အကူအညီကို ယူကြရပါမည်။

ယခုခေတ်သည် အင်တာနက်၊ ဖေ့ (စ) ဘွတ်ခေတ်ကြီးဖြစ်ရာ သတင်းအချက်အလက်တို့ကို ဖုံးအုပ်ထား၍ မရ၊ သတင်းဖြစ် ပေါ်တိုင်း ချက်ခြင်းပြည်သူအကြားပျံ့နှံသွားနိုင်သည်ကို အများသိကြပြီးဖြစ်ပါသည်။ ထို့ကြောင့်အစိုးရ၏ လုပ်ငန်းများတွင် ထင်သာမြင်သာရှိရမည် (Transparency) ဆိုသောအချက်သည် အရေးကြီးလာပါသည်။ နိုင်ငံရေးလုပ်ခြင်းသည် တိုင်းပြည် တာဝန်ထမ်းဆောင်ခြင်းသာ ဖြစ်ရပါမည်။ မိမိစီးပွားရေးအတွက် အစိုးရလုပ်ရခြင်းမဟုတ်၊ အစိုးရလုပ်ခြင်းဖြင့် မိမိကိုယ်ကို ချမ်းသာလာစေရမည်ဟု မယူဆသင့်ပေ။

စင်္ကာပူပုံစံကိုယူမည်ဆိုလျှင် ကက်ဘိနက်ဝန်ကြီးများ၏ လစာသည် လာဒ်စားရန် မလိုတော့လောက်အောင် ပေးထားကြပါ သည်။   မိမိ ဒရိုင်ဘာ၊ အိမ်ဖော်ကိစ္စ၊ ရေဘိုး၊  မီးဖိုးကိစ္စ အားလုံးကို မိမိဖာသာ တာဝန်ယူရပါသည်။ ၀န်ကြီးဟူ၍ နိုင်ငံတော် ပစ္စည်းကို အလကားသုံး၍မရ၊ ၀န်ကြီးတာဝန်ချိန်မဟုတ်ဘဲ ရထားစီးလျှင် ရထားခကို မိမိဖာသာပေးရပါသည်။ ဤနည်းဖြင့် နိုင်ငံတော်ဘဏ္ဍာက သပ်သပ်၊    မိမိ၏ ကုန်ကျစရိတ်က သပ်သပ်ဖြစ်လာပါသည်။

တိုင်းပြည်ထူထောင်ချိန်တွင် အခြေခံအဆောက်အဦး လိုအပ်ချက်များ ကိုတည်ဆောက်ကြရပါသည်။ အစိုးရတာဝန် ရှိသူ များက မိမိအကျိုးစီးပွားအတွက် မိမိနီးစပ်ရာလူများနှင့်ပူးပေါင်းကာ ခရိုနီလူတန်းစားကို ဖန်တီးခဲ့ကြပါသည်။ ခရိုနီများချမ်း သာသလို ထိုအရာရှိကြီးများလည်း ကြွယ်ဝချမ်းသာသွားကြပါသည်။

မြန်မာနိုင်ငံတွင် လွန်ခဲ့သော နှစ်ပေါင်း (၅၀) အတွင်းအစိုးရ အဆက်ဆက်တွင်ပြည်သူတို့၏ ယုံကြည်ကိုးစားမှုကို မရရှိခဲ့ကြ ပါ၊   အာဏာရှင်ကြီးများ  အဆက်ဆက်က  အစိုးရ အဖွဲ့ ရွေးချယ်ရာတွင် လုပ်ငန်းကျွမ်းကျင်မှု၊ အတွေ့အကြုံ  စီမံခန့်ခွဲနိုင်သည့် စွမ်းရည်အမျှော်အမြင် ကြီးမားမှု စသည့်ခေါင်းဆောင် ကောင်း တို့တွင် ရှိရမည့်အရည်အချင်းများ ရှိမရှိကို ဆန်းစစ်ရမည့် အစား မိမိ နှင့် ရင်းနှီးမှု ရှိ/ မရှိ  မိမိအပေါ် သစ္စာ ရှိ/မရှိ ကိုသာ စဉ်းစားရွေးချယ်ခဲ့ကြခြင်းကြောင့် တိုင်းပြည်တွင် လုပ်ခဲ့သမျှ စီမံကိန်း လုပ်ငန်းများမှာ  အောင်မြင်သင့်သလောက် အောင်မြင်သည်ဟု မရှိခဲ့ပါ။ လဒ်စားခြင်း ပရောဂျက်ရရှိရန် တန်ဘိုး ကြီးလက်ဆောင်ပေးရခြင်းဟူသော အကျင့်မှား၊ အကျင့်ဆိုးများကြောင့်  ဘက်ဂျက်ချပေးသော ငွေမှာ  စီမံကိန်းအတွက် အပြည့်အ၀သုံးရသည်ဟု မရှိခဲ့ပါ။

ထို့ကြောင့် အစိုးရ အသစ်တွင် ထိုက်သင့်သော ပညာအရည်အချင်းရှိခြင်း၊ လုပ်ငန်းအတွ့အကြုံရှိခြင်း၊ မိမိဝန်ကြီးဌာနလုပ် ငန်းနှင့် ပတ်သက်၍ အခြေခံ ဗဟုသုတနှင့်ပြည့်စုံသော လူများကိုသာ နေရာချ ခန့်ထားပေးရပါမည်။ ထိုလူပုဂ္ဂိုလ်များသည် ရိုးသား၍ မိမိကိုယ်ကျိုးစီးပွားကို ရှေ့တန်းမတင်သောလူများဖြစ်ရပါမည်။

လူငယ်ထုကို ပြုစုပျိုးထောင်ရေးမှာ အဓိကလိုအပ်ချက်ဖြစ်ပါသည်။ ခေါင်းဆောင်ကောင်းများသည် စစ်တပ်မှလာသည် ဆိုခြင်းအစား၊ လူငယ်ထုအတွင်းမှ  ရွေးချယ်ပြုစုပျိုးထောင်ပေးရသည့် အစဉ်အလာကောင်းများကို ချထားပေးရန် လိုပါ သည်။   အထက်တန်းကျောင်းများ၊ တက္ကသိုလ်နှင့် ပညာသင်ရာဌာနများမှ ခေါင်းဆောင်သစ် လူငယ်များကို ရှာဖွေမွေးထုတ် ပေးရန်လိုပါသည်။ သမ္မတ၏ပညာသင်ဆုကို တိုင်းပြည်နေရာစုံမှ ထက်မြက်သောလူငယ်များကို သမာသမတ်ရှိရှိရွေး ချယ်ကြရပါမည်။

အစိုးရသစ်သည် ပြည်သူလူထု၏ထောက်ခံမှုရရှိရေးသည် အရေးကြီးဆုံးဖြစ်သည်။ ထိုအချက်မပါလျင် ကျွန်တော်တို့နိုင်ငံ သည်ယခင်အစိုးရများနည်းတူ ပြည်သူလိုလားသည်ကတဖက်၊ အစိုးရသွားနေသည့် လမ်းကြောင်းကတဖက် ကွာဟနေမည် သာဖြစ်သည်။ ကာလုံအဖွဲ့က တဖက်လှည့်နှင့် စစ်ဦးစီးချုပ်က စီမံခန့်ခွဲမှုအာဏားကို ယူမြဲယူထားလျှင် ပြည်သူ့အစိုးရ ဖြစ်ပေါ်လာရေးမှာ အခက်အခဲများရှိနေဦးမည်သာဖြစ်သည်။

(၂) ကူညီရိုင်းပင်းတတ်သော လူ့အဖွဲ့အစည်း
ကျွန်တော်တို့နိုင်ငံသည် ထေရ၀ါဒ ဗုဒ္ဓဘာသာ ထွန်းကားရာ နိုင်ငံဖြစ်ပါသည်။ မြန်မာပြည်သည် သန့်ရှင်းသောဗုဒ္ဓ၏ အဆုံး အမ တရားတော်များကို ထိန်းသိမ်းထားနိုင်သည့် နိုင်ငံဖြစ်ပါသည်။

ကံ၊ ကံ၏ အကျိုးကို အလေးအနက်ယုံကြည်ပြီး ကူညီရိုင်းပင်းတတ်သော မြန်မာတို့၏ဓလေ့မှာ မြို့ကြီးများမှစတင်ကာ တစတစ ကျေးရွာလူထုအထိ တဖြည်းဖြည်း အရည်အသွေး ကျဆင်းလာခြင်းကို တွေ့မြင်နေရပါသည်။

စီးပွားရေးလုပ်ငန်းလုပ်၍ ငွေရှာကြရာတွင် ခင်မင်ရင်းနှီးမှု နှင့်ယုံကြည်မှု (Trust) ၏တန်ဘိုးမှာ တရားဥပဒေ မစိုးမိုးခြင်း၊  အထက်အာဏာပိုင်တို့က ဥပဒေကို မိမိတို့အလိုရှိသလို အဓိပ္ပါယ်ဖော်အသုံးပြုခြင်းတို့ကြောင့် နိုင်ရာစားသည့် ၀ါဒသဘော သာ ပြည်သူလူထုအတွင်း စိုးမိုးနေပါသည်။

ဥပဒေနှင့် တရားစီရင်ရေးကိစ္စများသည် အုပ်ချုပ်သူ လူတစ်ဦးတစ်ဖွဲ့အောက်၌ ရှိရသည်မဟုတ်ပါ၊  အစိုးရသစ်သည် ဥပဒေ ပြုခြင်းနှင့် တရားစီရင်ခြင်းကိစ္စကို သမာသမတ်ကျကျ ဆုံးဖြတ်တတ်သော ပညာရှင်များ၏လက်ထဲတွင်သာ ထားရှိရပါ မည်၊   ဥပဒေကို လိုသလိုပြင် လိုသလိုသုံး၍ တစုံတဦးကို လွတ်စေ၊ တစုံတဦးကို အပြစ်ဒဏ် ကျခံစေဟူသော အလေ့အထ မရှိ သင့်ပါ။

တာဝန်ရှိသူများ လာဒ်စားနေကြခြင်း၊ တရားစီရင်ရေးကို အထက်အာဏာပိုင်များကလည်းကောင်း၊ ဘေးမှလာဘ်ပေး သူတို့ကလည်းကောင်း၊ လိုသလိုသုံးစွဲနေကြခြင်းကြောင့် လူနေမှုအဖွဲ့အစည်းအတွင်းတွင် ကြီးမားသော အန္တရာယ်များရှိ နေကြပါသည်။

ပြဿနာတစုံတရာဖြစ်ပြီဆိုလျင် ဖြေရှင်းရန် တာဝန်သိသောရဲတပ်ဖွဲ့နှင့် သမာသမတ်ရှိသော တရားစီရင်ရေး စံနစ်ရှိရန် လိုအပ်ပါသည်။   ခြစားမှုတိုက်ဖျက်ရေးအဖွဲ့သည် လုပ်ပိုင်ခွင့် အပြည့်ဖြင့် ပြည်သူကို ကိုယ်စားပြုသူများနှင့်သာဖွဲ့စည်းရပါမည်၊ အစိုးရကို အစီရင်ခံရန်လိုသော်လည်း အစိုးရက အဖွဲ့၏လုပ်ငန်းများကို ၀င်ရောက်နှောင့်ယှက်ခြင်းမပြုရပါ၊ အထက်က ဆိုခဲ့သည့်အတိုင်း  ဥပဒေပြုအာဏာနှင့် တရားစီရင်ရေး အာဏာကိုအစိုးရက လွှမ်းမိုးခြင်းမပြုနိုင်အောင်စီစဉ်ရေးမှာ အစိုးရသစ်၏ ပထမဆုံးလုပ်ရမည့်အလုပ်များတွင် ပါဝင်ပါသည်။

စာပေလွတ်လပ်ခွင့်နှင့် မိမိအယူဝါဒ ဆန္ဒထုတ်ဖေါ်ခွင့်များရှိမှသာ ပြည်သူလူထု၏ဆန္ဒအစစ်အမှန်ကို အစိုးရက အမြဲသိနိုင် ပြီး ပြည်သူနှင့် ဆက်သွယ်ရေးလမ်းကြောင်းကို အမြဲဖွင့်ထားရပါမည်။

(၃) အခွင့်အရေးများနှင့် ဒို့နိုင်ငံ
၁၉၈၀ နှင့် ၁၉၉၀ ခုနှစ်များသည် ဘွဲ့ရ အင်ဂျင်နီယာများ၊ ဆရာဝန်များ၊ ရိုးရိုးဘွဲ့ရသူများ နိုင်ငံရပ်ခြားသို့ ထွက်ခွါကြသည့် အဆိုးဆုံးအချိန်များဖြစ်ခဲ့ပါသည်။   နိုင်ငံတွင်း၌ အခွင့်အရေးမရှိ၊ မိမိတို့သားသမီးများ ကို အရည်အချင်း  ပြည့်ဝသည့် ပညာ သင်ကြားပေးနိုင်ရေးမှာ များစွာသောပြည်သူများ၏လိုအပ်ချက်ဖြစ်ပါသည်။    အစိုးရသည် ပညာတတ်များကိုမွေးမြူရမည်၊ ပြုစုပျိုးထောင်ရမည်ဟူသောဝါဒအစား မိမိနှင့် ဆွေမျိုးနီးစပ်သူ၊   မိမိအပေါ်သစ္စာရှိမည့်သူများ နှင့်သာ အလုပ်လုပ်ရမည် ဟုမူဝါဒ ချမှတ်ခဲ့သည်။   လူတော်လူကောင်းမဟုတ်၊  လူကောင်းလူတော်များကိုသာ အလိုရှိသည်ဟု ကြွေးကြော်ခဲ့ဘူးသည်။

အကျိုးရလဒ်မှာ Brain Drain ဖြစ်ရခြင်းခေါ်စွမ်းရည်ရှိသည့် အလုပ်သမားကောင်းများ ပြင်ပသို့ရောက်ကုန် ကြရခြင်းဖြစ် ပါသည်။ ထိုနည်းတူ  ယခုမိုးကျရွှေကိုယ်ဟု လူအများက ပြောဆိုနေကြသော စစ်တပ်မှ အနားပေးလိုက်သူများ  ကိုပြင်ပ အစိုးရဌာနများ၌ အုပ်ချုပ်သူ အရာရှိများအဖြစ်ပို့ လိုက်ခြင်းမှာလည်း ဘရိန်းဒရိန်းကိစ္စကိုဖြစ်စေသည့် မှားနေသော ပေါ်လစီ တခုသာ ဖြစ်သည်။

စစ်တပ်အတွင်း၌ ထူးချွန်ပြောင်မြောက်စွာ တာဝန်ထမ်းဆောင်ခဲ့သူများကို Track Record ကိုကြည့်၍ ဌာနကြီးများတွင် ၀န်ကြီးလုပ်ရန်၊ အုပ်ချုပ်ရေး အရာရှိများ ခန့်အပ်ခြင်းကို ကန့်ကွက်ရန်မရှိပါ၊   သို့ပါသော်လည်း အသုတ်လိုက် အသုတ်လိုက် စီမံခန့်ခွဲရေး အရာရှိအဖြစ် ပို့လွှတ်ခြင်းမှာ မဖြစ်သင့်ပါ၊   စစ်တိုင်းမှူးလုပ်ပြီးလျင် ၀န်ကြီးဌာနတွင် ၀န်ကြီးခန့်အပ်ခြင်းမှာ တယောက်တလေ၊ တခါတရံသာ အထူးကိစ္စများ၌ဆောင်ရွက်ရန်ဖြစ်သည်။   ဌာနနှင့် ပတ်သက်သည့်ဗဟုသုတ မရှိဘဲ စစ်တိုင်းမှူးဖြစ် ခဲ့ဘူးသောကြောင့် ၀န်ကြီးဖြစ်ရမည်ဟူသော  ပေါ်လစီမှာ ခေတ်သစ်အစိုးရသစ်နှင့် မကိုက်ညီတော့ပါ။

အနာဂါတ်အတွက် လူတော်လူကောင်း နှင့် ခေါင်းဆောင်ကောင်းများကိုရွေးချယ်ရန် နေရာမှာ ကျောင်းများနှင့် တက္ကသိုလ် ပညာသင်ရာဌာနကြီးများသာဖြစ်သင့်သည်။ တိုင်းပြည်၌ ကိစ္စကြီးငယ်ပေါ်ပေါက်တိုင်း တက္ကသိုလ်နှင့် သုတေသန ဌာနကြီး များမှ ပညာရှင်ပုဂ္ဂိုလ်များ၏ အယူအဆများကို နားထောင်သင့်သည်။ သတင်းမီဒီယာများကလည်း  ပြဿနာ ဖြေရှင်း ပြေလည်စေရေးအတွက် အသိပညာရှင်၊ အတတ်ပညာရှင် တို့၏ အယူအဆကို အများပြည်သူ သိအောင် ဆောင်ရွက်ပေးကြ ရမည်ဖြစ်သည်။

မြန်မာနိုင်ငံ တိုးတက်ဖွံ့ဖြိုးရေးအတွက် နိုင်ငံခြားရင်းနှီးမြုပ်နှံမှုများ လိုအပ်ပါသည်။  ပြင်ပမှရင်းနှီးမြုပ်နှံမှု ရန်ပုံငွေများ ၀င် လာမည့်နည်းတူ၊ အတတ်ပညာ Technical Knownhow နှင့် အဆက်အသွယ်များကို ဖိတ်ခေါ်ကြရပါမည်၊ မြန်မာ နိုင်ငံသားများ အလုပ်အကိုင်အခွင့်အလမ်းများ ပေါ်ပေါက်ကြသည့်အပြင် ပြင်ပကမ္ဘာကြီးနှင့်ဆက်စပ်လုပ်ကိုင်ရသော အတွေ့အကြုံ (Experience and Exposure) ကိုရကြမည်ဖြစ်ပါ သည်။

မြန်မာနိုင်ငံတွင် စင်္ကာပူနိုင်ငံ၏ (EDB- Economic Development Board) ကဲ့သို့သော နိုင်ငံခြားမှ ရင်းနှီးမြုပ်နှံလိုသူတို့အတွက် တနေရာထဲတွင် လိုအပ်သမျှ ဖြည့်ဆည်းပေးမည့် အဖွဲ့အစည်းတခု ရှိရန်လိုပါသည၊် ထိုအဖွဲ့တွင် ငယ်ရွယ်ပြီး ထက်မြက် သောပညာတတ် လူငယ်အရာရှိများကို နိုင်ငံခြား ရင်းနှီးမြုပ်နှံမှု ၀င်လာရေးအတွက် ဆောင်ရွက်ဖို့ တာဝန်ပေးအပ်ရပါမည်။

မြန်မာနိုင်ငံသည် တိုးတက်ဖွံ့ဖြိုးရန်  ပညာတတ်   များစွာရှိသည့် နိုင်ငံဖြစ်ပါသည်။   မြေလွတ်မြေရိုင်း နေရာ ကျယ်ဝန်းပြီး သယံဇာတမျိုးစုံပေါများသော နိုင်ငံလည်းဖြစ်ပါသည်။   စက်မှုလက်မှုလုပ်ငန်းများအတွက် လျှပ်စစ်နှင့် ရေဆပ်ပလိုင်းကို လုံလောက်အောင်ဖန်တီးပေးရပါမည်၊ အစိုးရသစ်သည် ပြည်တွင်း၌ စွမ်းအင်လိုအပ်ချက်ကိုဖြည်.ဆည်းပေးမည့် စီမံကိန်း များကို ဦးစားပေးလုပ်ဆောင်ရန်လိုအပ်ပါသည်။ စက်မှုလုပ်ငန်း အသေးစား၊ အလတ်စား၊ အကြီးစားသည်ဖြင့်   ပြည်သူ လူထုတရပ်လုံးက အလုပ်လုပ်လာနိုင်အောင် အစိုးရက ပိတ်ပင်တားဆီးနေသည့် ကြိုးနီစံနစ်များဖယ်ရှားရပါမည်၊ ထို့နောက် လုပ်ငန်းရှင်များ ကိုထိခိုက်စေမည့် လုပ်ငန်းများကို အဟန့် အတား ဖြစ်နေသော ဥပဒေ များကို ပြင်ဆင်ပေးရပါမည်။

အနောက်နိုင်ငံများမှ MNC -Multi National Companies  ကုမ္ပဏီကြီးများဝင်ရောက်လာပြီဟုဆိုလျှင် အစိုးရပေါ်လစီ မှန်ကန်နေပြီဟု ယူဆနိုင်ပါသည်။ နိုင်ငံ၏အဓိက ၀င်ငွေမှာလယ်သမားတွေက စိုက်ပျိုးလိုက်သော ကောက်ပဲသီးနှံ များမှဖြစ်ပါသည်။ အိမ်တွင်းစက်မှုအသေးစားလုပ်ငန်း ကလေးများ တိုးတက် လာရေး မှာ စက်မှုနိုင်ငံကြီးမဖြစ်မီ ပထမအဆင့် ဖြစ်ပါသည်။ သယံဇာတကို  အလုံးအရင်းနှင့် နိုင်ငံခြား သို့ရောင်းချသောစံနစ်မှာ တိုင်းပြည်ကို ထိခိုက်နစ်နာစေပါသည်။ တိုင်းပြည်တွင်းမှာပင်ကုန်ကြမ်းကို ကုန်ချောဖြစ်အောင်လုပ်သော စက်ရုံများရှိရပါမည်။

(၄) နေချင်စဘွယ်ဒို့နိုင်ငံ
ကျွန်တော်တို့နိုင်ငံ၌ ၀န်ဆောင်မှုဆိုသောစကားသည် အဓိပ္ပါယ်တမျိုးပေါက်နေသည်။   အစိုးရ၀န်ထမ်း၊ ကုမ္ပဏီ  ၀န်ထမ်းတို့ ၏တာဝန်မှာ ပြည်သူကို ၀န်ဆောင်မှုပေးရန်ဖြစ်သည်။ အစိုးရနှင့်ပတ်သက်ပြီး လုပ်စရာရှိတိုင်း ၀န်ထမ်းများက အပိုကြေး ပိုက်ဆံမရလှင် ဘာမှလုပ်မပေးနိုင်ဟူသောအဖြစ်ကြောင့် မလိုအပ်ဘဲ လာဘ်ငွေပေးကြရသည်။ ဘဏ်၌ ငွေသွင်း ငွေထုတ် လုပ်ရန်သွားသူသည်  (Customer /စားသုံးသူ၊ ဖောက်သည်) ဖြစ်ပြီး ဘဏ်မှဝန်ထမ်းမှာ သူ့အတွက်လိုအပ်သော ၀န်ဆောင် မှုကို ပေးရန် ဖြစ်သည်။    ကျွန်တော်တို့သည် အပေါက်စောင့်သူကို လ္ဘက်ရည်ဘိုးပေးရခြင်း၊ ငွေထုတ်ကို ငွေကိုင်စာရေးက မြန်မြန်ရေတွက်အောင် ပိုက်ဆံပေးရခြင်း၊ ငွေအရေအတွက်များလျှင် မှားတတ်သောကြောင့် ငွေလျော့သည်ဆိုကာ ပိုက်ဆံ ပေးရခြင်းတို့မှာ လက်မခံနိုင်သော အခက်အခဲများဖြစ်ကြသည်။ ဘဏ်နှင့် အလားတူနေရာတိုင်း၌ ထိုသို့သောပြဿ နာများ ရှိလျှင်  Complain  လုပ်နိုင်သောနေရာ၊  ပြည်သူလူထုက အကြံပြုချက်ပေးလာလျင် နားထောင်မည့်သူ ပြဿနာကို ဖြေရှင်း ပေးမည့်သူများကို နေရာတိုင်း၌ ရှိနေစေရပါမည်။  တိုင်းပြည်နိုင်ငံနှင့်အ၀ှမ်း ပြဿနာပေါင်းစုံများပြားလှသောကြောင့် နေရာများစွာတို့၌ ဖြေရှင်းရန်နည်းလမ်းမရှိ၊ မျှော်လင့်ချက်မရှိဖြစ်နေရပေသည်။

ရဲဌာန၊ တရားသူကြီးရုံး၊ အကောက်ခွန်ဌာန၊ မှတ်ပုံတင်ရုံး စသည်ဖြင့်၊ ပြည်သူတို့၏ အရေးကိစ္စများကို ကိုင်တွယ်ဖြေရှင်းပေးရာဌာနများတွင်၊ ပြည်သူတို့အပေါ်၌၀န်ဆောင်မှုပေးသော၊ အလေ့အကျင့်များ အားနည်းလှပါသည်။ ၀န်ထမ်းများကလည်း လစာငွေမလုံလောက်ဖူးပာုဆိုကာ ၀င်လာသမျှလူသည် သူတို့ ငွေတောင်းနိုင်သောလူတွေဖြစ်သည်။ ငွေရမှ အလုပ်လုပ်ပေး သောစနစ်မှာ အစိုးရသစ်မှ ဖြေရှင်းပေးရမည့် ပြဿနာတခုပင်ဖြစ်ပါသည်။

တပြည်လုံးတွင် လမ်းပန်းဆက်သွယ်ရေး၊ ဖြောင့်ဖြူးကောင်းမွန်ရေး၊ ခရီးသွားများ စိတ်အေးချမ်းသာ နိုင်ငံအနှံ့ ခရီးသွားနိုင် ရေးမှာ တိုးတက်၍လာနေပါသည်။ ပိုပြီးကောင်းအောင် နိုင်ငံတကာအဆင့်မှီလာအောင် လုပ်ဆောင်ပေးရေးမှာ အစိုးရသစ် ၏ တာဝန်များပင်ဖြစ်ပါသည်။ နေပူပူတွင် ဘတ်စ်ကားတိုးဝှေ့ စီးနေကြရခြင်း၊ လမ်းပေါ်တွင်ကားများ ကြပ်သိပ်နေမှုကြောင့် ခရီးမပေါက်နိုင်ခြင်း၊ ရန်ကုန်မြို့ပေါ်တွင် လေအေးပေးစက်ဖွင့်ထားသော မီးရထားစံနစ်များ ပေါ်ပေါက်လာရေး၊ လေကြောင်း၊ ရေကြောင်း၊ ပိာုက်ဝေးလမ်းမကြီးများ၊ နေရာအနှံ့ပေါ်ပေါက်လာရေးတို့မှာ လစ်လျူရှုထားရမည့်ကိစ္စများမပာုတ်ကြပါ၊ အသွားအလာလွယ်ကူချောမွေ့မှသာ သာယာဝပြောသော နိုင်ငံတရပ်ဖြစ်လာ  နိုင်ပါသည်။

ပြည်သူက ယုံကြည်အားကိုးလောက်သော ဆေးရုံများနှင့် ကျန်းမာရေးစောင့်ရှောက်မှု စံနစ်ပေါ်ပေါက်စေရန် ဘတ်ဂျက်ကိုအလုံအလောက်ချပေးရပါမည်၊ ထိုနည်းတူ ပညာရေးအတွက်သုံးစွဲငွေသည် အလုံအလောက်ဖြစ်စေရပါမည်၊ နိုင်ငံတော် ဘတ်ဂျက်ကို နှစ်စဉ်နှစ်တိုင်း ပြည်သူ့ဆန္ဒကိုထင်ဟပ်သော ဘတ်ဂျက်ဖြစ်စေရန် ပြည်သူနှင့်အတူရေးဆွဲရပါမည်၊ အစိုးရ သက်တမ်းတခုစီတွင် ညီမျှသော (Balanced Budget ) ဘတ်ဂျက်တခုဖြစ်ရန် တာဝန်ရှိကြောင်း အခြေခံဥပဒေတွင်ထည့်သွင်းရေးထားရပါမည်၊

(၅) ချစ်စရာအိမ်
မြန်မာတို့၏ သာယာချမ်းမြေ့ဘွယ် အိမ်များတည်ဆောက်ရန်အရေးမှာ ၂၀၀၄ ခုနှစ်က ဖြိုခွဲလိုက်သော စစ်ထောက်လှမ်းရေး အဖွဲ့၏ အလွန်အကျွံလုပ်ရပ်များကြောင့် မျှော်လင့်စရာမရှိလောက်အောင် စိတ်ဓာတ်များ ပျက်ပြားတုန်လှုပ်ခဲ့ကြပါသည်။ စစ်ဖိနပ်စီးပြီး လှံစွပ်တပ် သေနတ်များကိုကိုင်ကာ ဧည့်စာရင်းစစ်မည်ဆိုသော အကြောင်းပြချက်ဖြင့် ပြည်သူတို့၏ အိမ်များ အထိ ရမ်းကားခဲ့ကြပါသည်။ စစ်ထောက်လှမ်းရေးဟုဆိုခါ ညည့်နက်သန်းခေါင်တံခါးခေါက်ပြီး လူတွေကိုခေါ်သွားနိုင်ခဲ့ကြပါ သည်။ မိမိအိမ်ကို ဧည့်သည်လာလျှင် လက်ခံနိုင်ခွင့်ကို ဧည့်စာရင်းတိုင် လျှောက်ထားခဲ့ကြရပါသည်။

နိုင်ငံရေးစိတ်ဓါတ်နီုးကြားတက်ကြွသူများမှာ လမ်းပေါ်မှာလမ်းလျှောက်ရင်း၊ ကားတွေပေါ်မှာ စီးနင်းလိုက်ပါရင်း ရာဇ၀တ် ကောင်များကဲ့သို့ အဖမ်းအဆီးခံခဲ့ကြရပါသည်။ ထောင်သို့ပို့သည်နှင့်လည်း မပြီးသေးဘဲ ထောင်ထဲအထိ အနေအထိုင်ခက်ခဲအောင်နှောင့်ယှက်ခဲ့ကြပါသည်။ တိုက်ပိတ်ခြင်း၊ သံခြေချင်းခတ်ခြင်း စသည့် လူမဆန်သောလုပ်ရပ်များကို အလွန်အကျွံ လုပ်ဆောင်ခဲ့ကြပါသည်။

အစိုးရသစ်သည် ဥပဒေလေးစားလိုက်နာသော မိသားစုအိမ်ကို ထိုသို့ ကျူးကျော်စော်ကားသည့် လုပ်ရပ်မျိုး မဖြစ်ပေါ် ရအောင် တားဆီးပေးနိုင်စွမ်းရှိရပါမည်၊ လူသည်မိမိယုံကြည်ရာကို ယုံကြည်ပိုင်ခွင့် ရှိသည့်နည်းတူ ပြည်သူတို့၏ အိမ်ဆို သည်ကို ပြင်ပလူများဝင်ရောက်ရမ်းကားခွင့်မရှိအောင် အကာအကွယ်ပေးကြရမည် ဖြစ်ပါသည်။

ပြည်သူပြည်သားတို့အိမ်သည် ရာသီဥတုဒဏ်ကိုခံနိုင်ပြီး ခိုင်ခံ့သောအိမ်ဖြစ်အောင် အစိုးရကဖန်တီးပေးရပါ မည်၊ အိမ်ယာစီမံကိန်းအသစ်သည် လမ်းများ ရေနှင့်လျှပ်စစ်မီး အလုံအလောက်ရရှိသည်နှင့်နည်းတူ ကျောင်း၊ စာတိုက်၊ ဈေး၊ ဘဏ် စသည့်ဌာနကြီးများနှင့်လည်းနီးစပ်ရပါမည်၊ မိမိအိမ် မီးဖိုချောင်သုံးပစ္စည်းကို ၀ယ်ယူနိုင်သည့် ၀င်ငွေရှိရမည့်အပြင် လောင်စာဆီ၊ စားသုံးဆီ၊ အလုံအလောက်ဖြစ်အောင် ဖန်တီးပေး ရမည်ဖြစ်ပါသည်။

ဆက်သွယ်ရေးအတွက် အင်တာနက်လိုင်းများ အိမ်တွေအနှံ့ရောက်ရှိရေး၊ နိုင်ငံတ၀ှမ်းလုံးအင်တာ နက်လိုင်းများသွယ်ပေး နိုင်ခြင်း၊ ဆက်သွယ်ရေး တယ်လီဖုန်း၊ TV နှင့် လိုအပ်ချက်များကိုလည်း ဖြည့်ဆည်းပေးရမည်ဖြစ်ပါသည်။

ဆားဗစ် ကုမ္ပဏီများအနေဖြင့်လည်း အစိုးရကချပေးလိုက်သည့် လုပ်ပိုင်ခွင့်များမှာ ၎င်းတို့လည်း အကျိုးအမြတ်ရှိစေ၊ ပြည်သူလူထုအတွက်လည်း လိုအပ်ချက်ကိုဖြည့်ဆည်းပေးရာရောက်အောင် ဆောင်ရွက်ပေးရမည်ဖြစ်ပါသည်။ ထိုကုမ္ပဏီ များက ပြည်သူ့လိုအပ်ချက်အပေါ် မတရားအမြတ်မထုတ်ရန်မှာ အစိုးရက ရေးဆွဲပေးလိုက်သော နည်းဥပဒေများက အကာအကွယ်ပေးရပါမည်။

ကျွန်တော်တို့သည် အစိုးရသစ်၏ဆောင်ရွက်ရန်ရှိသည်တို့ကို ရေးချ၍ မကုန်နိုင်ပါ။ ကျွန်တော်တို့သည် ရာစုနှစ်တ၀က် ကျော်ကျော် ပေါ်လစီအမှားများနှင့် တလျှောက်လုံးစခမ်းသွားခဲ့ကြရပါသည်။ ထိုမှားခဲ့လေသမျှကို အစိုးရတခု သက်တမ်း တခုထဲဖြင့်အမှန်ကို လုပ်နိုင်လိမ့်မည်ဟု ကျွန်တော်တို့ မယူဆပါ၊ သို့ပါသော်လည်းလမ်းမှန်ပေါ်ရောက်ပြီ ကောင်းဘို့မျှော် လင့်နိုင်ပြီဆိုသောကာလ ၏ကိုမူ အမြန်ဆုံးရောက် စေချင်ပါပြီ။

ကိုသန်းလွင်