မောင်မောင်စိုး – NCA နှင့် Failed State – အပိုင်း (၅)

● တက်သုတ်ရိုက်နေသော NCA
တိုင်းရင်းသားခေါင်းဆောင်များ အစည်းအဝေးထိုင် ဆုံးဖြတ်ချက်မချမှီပင် အောက်တိုဘာလအတွင်း NCA လက်မှတ်ထိုး မည်ဟု MPC က ဆိုသည်။ NCA လက်မှတ်ထိုးပြီး ဆောင်ရွက်မည့်ခြေလှမ်းများကို ချပြနေသည်။ ၂၀၁၅ စက်တင်ဘာ၁၁ ကMPC တွင် သတင်းစာရှင်းလင်းပွဲပြုလုပ်ပြီး NCA လက်မှတ်ထိုးပြီး ခြေလှမ်းများကို ချပြခဲ့သည်။

၎င်းတို့ထဲတွင် JMC Joint MonitoringCommittee ခေါ် အပစ်အခတ်ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ UPDJC UnionPeace Dialouge Joint Committee ခေါ် ပြည်ထောင်စုငြိမ်းချမ်းရေးဖေါ်ဆောင်ရေး ပူးတွဲကော်မတီတို့ဖွဲ့ စည်းရေး ရက် ၆၀ အတွင်း နိုင်ငံရေးမူဘောင်ရေးဆွဲရေး ရက် ၉၀ အတွင်း နိုင်ငံရေးဆွေးနွေးပွဲများကျင်းပရေးတို့ပါဝင်သည်။

သို့သော် ၎င်းစက်တင်ဘာ ၁၁ ရက်ည ရန်ကုန်စမ်းချောင်းမြို့နယ်တွင်ရှိ ကချင်နှစ်ချင်းအသင်းတော် KBC ၌ ရန်ကုန် ကချင် လူထုရနှင့် တွေ့ဆုံပွဲတွင် KIO ဒုဥက္ကဌ နှင့် UNFC ဥက္ကဌ ဖြစ်သူ ဦးအင်ဘန်လက လာမည့် အောက်တိုဘာပထမပတ်၌ NCA လက်မှတ်ထိုးရန် မဖြစ်နိုင်ဟု ဆိုခဲ့သည်။

ထိုတွေ့ဆုံပွဲတွင် ဦးအင်ဘန်လ က KIO အနေဖြင့် NCA လက်မှတ်ထိုးရာတွင် အားလုံးပါဝင်ရေးမူကို ဆုပ်ကိုင်ထားကြောင်း အားလုံးပါဝင်ရေးကို သမတက လက်မခံ၍ စိတ်မကောင်းကြောင်း AA ကိစ္စ KIO ကတာဝန်ယူရန်မဖြစ်နိုင်ကြောင်း အဖွဲ့သေးသော်လည်း ရခိုင်ပြည်သူများကို ကိုယ်စားပြုသည့်အဖွဲ့ဖြစ်၍ အလေးနက်ထားစဉ်းစားရန် သမတအားတိုက်တွန်းခဲ့ ကြောင်း မိမိတို့အနေနှင့် NCA လက်မှတ်ထိုးရန် ဆုံးဖြတ်ထားသော်လည်း အောက်တိုဘာလတွင်မဖြစ်နိုင်ကြောင်း သမတကမ်းလှမ်းတဲ့ အောက်တိုဘာပထမပတ်ထိုးရေးကို တိုင်းရင်းသားခေါင်းဆောင် ၅ ယောက်အနက် တစ်ယောက်ထဲက ခေါင်းငြိမ့်လိုက်၍ စိတ်အနှောက်အယှက်ဖြစ်ရကြောင်းတိုင်းရင်းသားအဖွဲ့များ၏ စည်းလုံးညီညွတ်ရေးပျက်ပြားမှာ စိုးရိမ် ကြောင်း အားလုံးပါဝင်ရေးကိုမူအရလက်ခံသည့် သမတဦးသိန်းစိန်သဘောထားကို ကြိုဆိုကြောင်း ပြောကြားသွားပါသည်။

KIO အတွင်းရေးမှူး ဒေါက်တာလဂျာကတော့သမတနှင့်တွေ့ဆုံခဲ့သည့် အချက်များကို တိုင်းရင်းသားအဖွဲ့ခေါင်းဆောင်များ တွေ့ဆုံဆွေးနွေးဆုံးဖြတ်ရန် အစည်းအဝေးကို စက်တင်ဘာ ၂၅/ ၂၆ များတွင် ကျင်းပရန် စီစဉ်ဖိတ်ကြားထားပြီဟု ဆိုပါသည်။ တက်ရောက်သည့် ကချင်လူထုက ပြန်လည်ဆွေးနွေးရာတွင် ယခုလက်မှတ်ထိုးသည်ကိုအားမပေးကြောင်း စောင့်ကြည်စေလိုကြောင်းဆွေးနွေးသည်ဟု ဆိုပါသည်။

၂၀၁၅ စက်တင်ဘာ ၁၂ ရက်က ကျိုင်းတုံမြို့တြိဂံတိုင်းစစ်ဌာနချုပ်၌ ဦးအောင်မင်း ဦးသိန်းဇော်ခေါင်းဆောင်သည့် UPWC နှင့် UWSA မှ ပေါက်ယိုရိ ခေါင်းဆောင်သည့်အဖွဲ့တွေ့ဆုံခဲ့သော်လည်းNCA တွင် UWSA ပါဝင်လက်မှတ်ထိုးရေးအတွက်ပြီး ပြတ်သည့် သဘောတူညီချက်မရခဲ့ဟုဆိုပါ သည်။

ဤသို့သောအခြေအနေအောက်တွင် အစိုးရနှင့် MPC တို့အနေနှင့် အောက်တိုဘာပထမပတ်အတွင်း လက်မှတ်ထိုးရန် တက်သုတ်ရိုက်နေရ ပါသနည်း။ အားလုံးကြေနပ်သဘောတူမှုမရှိသည့်အခြေအနေတွင် NCA လက်မှတ်ထိုးခြင်းသည် အခြေ ခံကောင်း ရနိုင်ဘွယ်ရှိမရှိ စဉ်းစားရန်လိုအပ်ပေသည်။

အစိုးရနှင့် MPC အဖို့ အချိန် ၂ နှစ်ကာလအတွင်း တရားဝင်တွေ့ဆုံမှု ၁၀ ကြိမ် အလွတ်သဘော တွေ့ဆုံမှုအကြိမ် ၅၀ ခန့်ပြုလုပ်ခဲ့ရာ လုံလောက်ပြီ ယူဆသဖြင့်လော။ သို့မဟုတ် ကုန်ခဲ့အချိန် ငွေကြေးတို့အရ ရလဒ်တခုကို ဖေါ်ပြချင်၍လော။ ဦးသိန်းစိန်၏ သမတသက်တမ်း ကုန်ဆုံးခါနီး၍လော။ သို့မဟုတ် နောက်အစိုးရမတက်မှီ နိုင်ငံရေးဆွေးနွေးမှုမူဘောင်များကို ချမှတ်ထားလို၍လော။ သို့မဟုတ် တိုင်းရင်းသားကိစ္စ ဆက်လက်ဖြေရှင်းရန် ဦးသိန်းစိန်အနေနှင့် သမတ သက်တမ်း နောက်တခုလိုသည်ဟု အကြောင်းပြရန်လော။ လောပေါင်းများစွာသောမေးခွန်းတို့ပေါ်လာပေသည်။

တကယ်တော့ တိုင်းရင်းသားအရေးတွင် ရလဒ်တခုထွက်ရန်ဆိုသည်မှာ စာချုပ်စာတမ်းတခုပေါ်တွင် လက်မှတ်ထိုးသည် ထက် အရေးကြီးသည်မှာ နှစ်ဖက်နားလည်မှု ယုံကြည်မှု တည်ဆောက်နိုင်ရေးဖြစ်သည်။ လက်ရှိ NCA လက်မှတ်ထိုးရန် အတွက် ပထမပြဿနာမှာ အားလုံးပါဝင်နိုင်ရေးကို အစိုးရက လက်မခံနိုင်ဘဲ MNDAA/TNLA/ AA တို့ ၃ ဖွဲ့ကိုချန်ထား ခဲ့ခြင်းဖြစ်သည်။ ဤပြဿနာနှင့်ပတ်သက်၍ အစိုးရနှင့် MPC ဘက်မှ ကြည့်မြင်ပုံသည် လုပ်ငန်းစဉ်ပြဿနာ အဆင့်ဆင့်လုပ် သွားရမည့် လုပ်ထုံးလုပ်နည်းပြဿနာအဖြစ်ကြည့်သည်။ တိုင်းရင်းသားလက်နက်ကိုင်အဖွဲ့များဖက်ကမူ သူတို့၏ တပ် ပေါင်းစု မဟာမိတ်ပြဿနာအဖြစ်ကြည့်သည်။ မြန်မာပြည်တောင်ဖက်ခြမ်းရှိ ကရင်အဖို့ ၎င်းပြဿနာသည် မလေးနက်သော် လည်း မြောက်ပိုင်းရှိ တဆက်စပ်ထဲရှိနေသော KIA/SSPP-SSA/UWSA/NDAA တို့အတွက်မူ အရေးကြီးသည့် စစ်ရေး နိုင်ငံရေး မဟာမိတ်တပ်ပေါင်းစုပြဿနာအဖြစ်ကြည့်မြင်သည်။ သူတို့အဖို့ တဖွဲ့နှင့်တဖွဲ့ ကျောချင်းကပ်နိုင်ပါမှ အင် အားတောင့်တင်းနိုင်သည်။ အင်အားများ တစတစကွဲပြားပါက နောက်ဆုံး မိမိအင်အားပါပြုန်းတီး အကြပ်တည်း ဆိုက်နိုင် သည်ဟု မူအရခံယူထားကြသည်။

ဒုတိယပြသနာ မြန်မာစစ်ဖက်ခေါင်းဆောင်မှ NCA လက်မှတ်မထိုးမှီ လက်နက်ဖြုတ်သိမ်းရေးကိုဇောင်းပေးပြောဆိုခြင်းသည်၎င်း သမတဦးသိန်းစိန်မှ MNDAA/TNLA/AA ၃ဖွဲ့နှင့်ပတ်သက်ပြီးပါဝင်ရေးနှင့် နည်းနာရှာသွားမည်ဆ်ိုသော်လည်း၎င်းအဖွဲ့များ လက်နက်ချမှလက်ခံမည်ဟု ပြောထားသော ကာချုပ်မှ သမတ၏တွေ့ဆုံပွဲတွင် မပါဝင်သည့်ပြင် နောက်ပိုင်းတွင်လည်း သမတ၏ သဘောထားကို အတည်ပြုခြင်းမရှိသေးခြင်းသည်၎င်း နည်းနာရှာသွားမည့် သမတ၏လုပ်ဆောင်မှုများကို ရှင်း ရှင်းလင်းလင်း မတွေ့ရသေး၍၎င်း တိုင်းရင်းသားအဖွဲ့များတွင် ယုံကြည်ရန်ခက်ခဲနေပြီး သံသယရှိနေဆဲဖြစ်ပုံရသည်။

တကယ်တော့ တိုင်းရင်းသားပြသနာဖြေရှင်း ရန်အတွက် NCA လက်မှတ်တက်သုတ်ရိုက်ထိုးရန်ထက် တဖက်နှင့်တဖက် ယုံကြည်မှု နားလည်မှုကောင်းများ တည်ဆောင်နိုင်ဘို့ ပိုအရေးကြီးသည်။ ယခုရက်ပိုင်း ရှမ်းပြည်မြောက်ပိုင်းတွင်တိုက်ပွဲ များက ပိုပြင်းထန်လာနေသည်။ RCSS နှင့်လည်းကောင်း၊ TNLA ဒေသတွင်လည်းကောင်း၊ ကိုးကန့်ဒေသတွင်လည်းကောင်း၊ တိုက်ပွဲများဖြစ်ပွားရာမှ KIA နှင့် မုန်းကိုး ဖေါင်းဆိုင်ဒေသတွင် တိုက်ပွဲများရက်ဆက်ပြန်ဖြစ်လာနေသည်။

ပြီးခဲ့သောရက်ပိုင်း ဖြူးနယ်မဲဆွယ်ပွဲတခုတွင် ဗိုလ်ချုပ်ကြီးဟောင်း သူရဦးရွှေမန်းက အပြုတ်ဖြုတ်အပြတ်ရှင်းပြီး ပုံစံမျိုးစုံ သွင်း နေရာယူ၊ နေရာနေရင်တော့ ငြိမ်းချမ်းရေးရမှာမဟုတ်ဘူးဟု ဆိုသည်။ အထိုးနှက်ခံလိုက်ရသည့် စစ်ဗိုလ်ချုပ်ကြီးဟောင်း တဦး၏ သံဝေဂဟု ဆိုရပေမည်။

မည်သို့ပင်ဖြစ်စေ မြန်မာပြည်ငြိမ်းချမ်းရေးအတွက် သင့်လျော်သည့်အဖြေရရန်အတွက် ပြဿနာကို ကြည့်မြင်ပုံ စဉ်းစား တွေးဆပုံတို့ ပြောင်းလဲရန်တော့ လိုအပ်ပေလိမ့်မည်။ ထို့ပြင် အားလုံးမပါဝင်နိုင်သည့် အပစ်ရပ်ရေးနှင့် နိုင်ငံရေးဆွေးနွေးပွဲ သည် ပြဿနာကို ပြီးပြတ်အောင်ဖြေရှင်းနိုင်မည် မဟုတ်ပေ။

● နလံမထူသည့်နိုင်ငံတော် Failed State
သယံဇာတပေါကြွယ်ဝသည်ဆိုသော မြန်မာနိုင်ငံမှာ လက်တွေ့တွင် ချမ်းသာကြွယ်ဝသော နိုင်ငံတခုဖြစ်မလာဘဲ ကမ္ဘာ့အဆင်းရဲဆုံးနိုင်ငံဖြစ်နေဆဲဖြစ်သည်။ လွန်ခဲ့သော နှစ်ငါးဆယ်ကျော်က အရှေ့တောင်အာရှတွင် ထိပ်ဆုံးကဟုဆိုသော်လည်း ယခုတော့နောက်ဆုံးကဖြစ်နေသည်။ သစ်တောသယံဇာတ ပြုန်းတီးမှုတွင် ထိပ်ဆုံးကရောက်နေပေမဲ့ တိုင်းပြည်ကတော့ အမွဲဆုံးဖြစ်နေသည်။ လူတစုကျိကျိတက်အချမ်းသာနေပေမဲ့ အများစုကြီး မွဲပြာကြနေဆဲဖြစ်သည်။ ပညာတတ်များ များစွာ ထွက်နေ သည်ဆိုသော်လည်း အလုပ်အကိုင်မရှိ၍ နိုင်ငံခြားတိုင်းပြည်များတွင် လူဦးရေသန်းအချို့ အလုပ်လုပ်နေရသည့် တိုင်းပြည်ဖြစ်သည်။ ယိုးဒယားကို အောင်ခဲ့တာ ဒို့ဗမာဟု ကြွားဝါနေသော်လည်း ယနေ့ကာလတွင် ထိုင်းနိုင်ငံသို့ လူသန်း နှင့်ချီ သွား၍ မျက်နှာငယ်နှင့်အလုပ်လုပ်နေရသော တိုင်းပြည်ဖြစ်သည်။ Failed State ဟုခေါ်ကြသည့် နလံမထူသည့် တိုင်းပြည်ဖြစ်နေသည်။

တိုင်းပြည်အခြေအနေပြောင်းနေသည် ဆိုသော်လည်း နှစ်ငါးဆယ်ခံခဲ့ရသည် စစ်အာဏာရှင်စနစ်က ခိုင်ခိုင်မာမာ အမြစ် တွယ်နေဆဲဖြစ်သည်။တိုင်းပြည်၏ ကဏ္ဍအသီးသီးတွင် ပညာရှင်များ နေရာမရဘဲ လူမှန်နေရာမှန် မဖြစ်နိုင်သေး။ အဂတိ လိုက်စားသော အစိုးရယန္တယားနှင့် တရားဥပဒေစိုးမိုးမိုးမှုကင်းမဲ့သော ဥပဒေအထက်မှ လူများကြီးစိုးဆဲဖြစ်သည်။ နိုင်ငံတကာက အရင်းအနှီးများအကူအညီများဝင်ရန် နိုင်ငံရေးစနစ်ကို ပြုပြင်ပြောင်းလဲမှုပြည့်ပြည့်ဝဝ မလုပ်နိုင်သေးပေ။ နိုင်ငံတကာရင်းနှီးမြှုပ်နှံမှုများအတွက် လိုအပ်သည့် အခြေခံအဆောက်အအုံ ဘဏ္ဍာရေးစနစ် တရားစီရင်ရေးစနစ်များ ပြည့် စုံရန် များစွာလိုအပ်နေသေးသည်။

ထိုထဲတွင် လွတ်လပ်ရေးရကထဲကစလာသောပြည်တွင်းစစ်ကို မရပ်တန့်နိုင် အဆုံးမသတ်နိုင်ပေ။ နှစ် ၆၀ ကျော်ကြာ ပြည် တွင်းစစ်ကို မဖြေရှင်းနိုင်သေးပေ။ ၂၀၁၀ နောက်ပိုင်းမှာပင် စစ်ဘေး ဒုက္ခသည်အရအတွက် သိန်းအချို့တိုးလာပြီး အာ ရှတွင် ဒုက္ခသည်အများဆုံး ဒုတိယနေရာ ရောက်လာသည်။ စစ်ဘေးစစ်ဒဏ်နှင့် စစ်စားရိတ်ဖြင့် ပိနေသောတိုင်းပြည်ဖြစ် နေဆဲဖြစ်သည်။ ဤပြည်တွင်းစစ်ပြဿနာကို မဖြေရှင်းနိုင်ပါက တိုင်းပြည်သည် နလံထူနိုင်လိမ့်မည်မဟုတ်ပေ။

တိုင်းပြည်ငြိမ်းချမ်းရေးအတွက် စားပွဲဝိုင်းတွင်တွေ့ဆုံဆွေးနွေးနွေးမှုသည် ကောင်းမွန်သော အစချီချက်ဟုဆိုရပါမည်။ သို့ သော် ငြိမ်းချမ်းရေးပြဿနာကို တဖက်ဖက်က လိုချင်သောပုံစံအတိုင်းဇွတ်သွင်း၍ ဖြေရှင်း၍မရနိုင်ပေ။ အပြန်အလှန်ယုံကြည်မှုနားလည်မှုတည်ဆောက်သည့် အခြေခံပေါ်မှ စေ့စပ်ညှိနှိုင်းရယူဘို့ လိုအပ်ပေမည်။ နှစ် ၆၀ ကျော်ဖြစ်ပွားခဲ့သည့် ပြည် တွင်းစစ်မှ ရခဲ့သည့်အစိုင်အခဲနှင့် သံသယများကား နဲလှသည်မဟုတ်သည်ကို အထူးဂရုပြုရန်လိုပေလိမ့်မည်။ တဖက်ဖက်က လိုချင်သည့်ပုံစံအတိုင်းဖြေရှင်းပါက ပြဿနာမပြေလည်ဘဲ စစ်ပွဲဆီသို့ ပြန်လည်ဦးတည်သွားနိုင်ပေသည်။

ပြသနာဖြေရှင်းရေးတွင် တိုင်းရင်းသားများ တန်းတူရေး ကိုယ်ပိုင်ပြဌာန်းခွင့်နှင့် ကိုယ်ပိုင်အုပ်ချုပ်ခွင့်ပြသနာသည် အရေးပါ သည့်အခန်းမှပါသည်ကို အသိမှတ်ပြုရန်လိုအပ်သည်။ လွတ်လပ်ရေးရယူရန်အတွက် ပင်လုံစာချုပ်လက်မှတ်ထိုးရန်လုံးပမ်းစဉ်က ပြည်မနှင့်တွဲပြီး လွတ်လပ်ရေးယူပါ။ ၁၀ နှစ်နေလို့ မကြိုက်ပါက ခွဲထွက်နိုင်ပါသည်ဆိုသည့် တိုင်းရင်းသားများအားဗိုလ်ချုပ်အောင်ဆန်းပေးခဲ့သည့် ဂတိတလုံး အဖတ်တင်နေသည်ကို ဂရုပြုရန် လိုအပ်ပါသည်။ အနှစ်သာရပြည့်ဝသော တိုင်း ရင်းသားများလည်းလက်ခံနိုင်သော ဖက်ဒရယ်ပြည်ထောင်စုတရပ်ပေါ်လာရန်လိုအပ်ပေမည်။

ထို့ပြင် လက်ရှိတိုင်းရင်းသားလက်နက်ကိုင်တပ်ဖွဲ့များပြဿနာ သာမန်ပြည်တွင်းငြိမ်းချမ်းရေးသက်သက်သာမကဘဲ ဒေသ တွင်း အားပြိုင်နေသော အင်အားအားကြီးနိုင်ငံများကြား ရောက်ရှိနေသည်ဖြစ်ရာ အထူးသတိထား ကိုင်တွယ်ရန်လိုအပ် သည်။ သို့မဟုတ်က မြန်မာပြည်သည်ပြင်းထန်သော စစ်မြေပြင်အဖြစ် ပြောင်းလဲသွားနိုင်ပေသည်။

သို့ဖြစ်က တိုင်းပြည်သည် နလံမထူသည့်နိုင်ငံ Failed State အဖြစ်က ရုန်းထွက်နိုင်လိမ့်မည် မဟုတ်ပါ။

ပြီးပါပြီ