ဗိုလ်ထက်မင်း သတင်းဆောင်းပါး

ဗိုလ်ထက်မင်း – ဒီမိုကရေစီက နုနု၊ မုန်တိုင်းက ထန်ထန် အပိုင်း (၂)

 

ဗိုလ်ထက်မင်း – ဒီမိုကရေစီက နုနု၊ မုန်တိုင်းက ထန်ထန်  အပိုင်း (၂)

(မိုးမခ) သြဂုတ် ၂၆၊၂၀၁၅

 

၈။ ဗိုလ်ချုပ်မှူးကြီးမင်းအောင်လှိူင်ဟာ ၁၉၉၅ခုနှစ်တပ်ရင်းမှူး၊ ၁၉၉၉ခုနှစ်ဗျုဟာမှူး၊ တပ်မ(၄၄)တပ်မမှူး၊ စစ်တက္ကသိုလ်ကျောင်းအုပ်ကြီး၊ နပခနှင့် တဂခ တိုင်းမှူး၊ ကစထ၂ မှူး၊ညှိနှိူင်းကွပ်ကဲရေးမှူး ကနေ ဒုဗိုလ်ချုပ်ကြီး သူရမြင့်အောင် တပ်ချုပ်မဖြစ်တော့လို့  ဒုတပ်ချုပ်ရာထူးနဲ့ ပြိုင်ဘက်များကို ခုန်ကျော်ကာ တပ်ချုပ်တိုက်ရိုက်ဖြစ်ပါတယ်။ ထားဝယ်ဇာတိဖြစ်ကာ မိဘများက ဝန်ထမ်းဖြစ်ပြီး ဇနီးသည်က သံတွဲမြို့ကဖြစ်ပါတယ်။ ဗေဒင်ကိန်းခန်း ယတြာကို ယုံကြည်သူဖြစ်ကာ ဗိုလ်လောင်းတက်စဉ် သူငယ်ချင်းတွေက သူ့ကို ကြောင်ချီးလို့ အမည်ပေးထားတယ်လို့သိရပါတယ်။ သူက ၂၀၁၆ ခုနှစ်ကျမှ ပင်စင်ပြည့်မည် ဖြစ်ပြီး နေကာမျက်မှန်တပ်ပါက  ရုပ်ရုင်မင်းသားနဲ့တူကာ အာဆီယံတပ်ချုပ်တွေထဲမှာ စင်္ကာပူကလွဲလို့  နုပျိုတယ်လို့ ခေါ်ရပါမယ်။ ရုပ်ချောသလောက် ကြောင်ပူသလို ရစ်တတ်လို့  လက်အောက်ငယ်သားများက ခန့်မှန်းရခက်တယ်လို့ သိရပါတယ်။

 

၉။ တပ်မတော်က ဦးဖုန်ကြားရှင်ရဲ့ ကိုးကန့်တပ်အခိုင်အမာ တောင်ကုန်းစခန်းအားလုံးကို သိမ်းပိုက် ရရှိခဲ့လို့တပ်ချုပ်ပုံရိပ်တက်လာခဲ့ပါတယ်။ ဒီလို အမှတ်တက်နေချိန်မှာ မိမိက တဖက်သတ် အပစ်ရပ်မဲ့ အစါး ကိုးကန့်တပ်ဖွဲ့တွေက တဖက်သတ်အပစ်ရပ်ကြောင်း ကြေညာလိုက်လို့ တရုတ်နဲ့ ဒေါ်အောင်ဆန်းစုကြည်တို့ ပုံရိပ်တွေ တောက်ပသွားပါတယ်။ ကျန်မာရေးဝန်ကြီးဌာနကို တပ်မတော်အရာရှိတွေ ပြောင်းရွေ့မဲ့ ကိစ္စအတွက် ဆရာဝန်တွေ ဆန္ဒပြပြီး ဝေဖန်သံတွေ ဆူညံလာလို့ အစီအစဉ်ဖျက်လိုက်ရသလို ရွှေတိဂုံနယ်မြေနှင့် မလွတ်ကင်းတဲ့ တပ်စီမံကိန်း ရုပ်သိမ်းခဲ့ရပါတယ်။ တပ်ချုပ်ဟာ ပါကစ္စတန်နိုင်ငံခရီးစဉ်ကအပြန် ရခိုင်ကိုချက်ချင်းဝင်သလို ကလေး ချင်းပြည်နယ်၊ ဟားခါးရေဘေးဒေသတွေဆီ ဆက်တိုက် ကူညီပံ့ပိုး လုပ်ကိုင်ပေးခဲ့တာမို့ ပုံရိပ်ပြန်လည် တောက်ပခဲ့ပါတယ်။ ပြည်သူလူထုဒုက္ခရောက်နေမှူကို တပ်မတော်သားများက အားတက်သရော ကူညီခဲ့ကြလို့ ပြည်သူတွေရဲ့မေတ္တာရရှိသွားခဲ့ပါတယ်။ ဒါ့အပြင် ဒီလိုသဘာဝဘေးအန္တရယ်ကိစ္စတွေမှာ ခေတ်မှီတပ်မတော်တွေအနေနဲ့လေ့ကျင့်ရေး၊ ကိရိယာတန်ဆာပလာ၊ ယာဉ်၊ အထောက်အကူ ပစ္စည်းတွေရှိကြပြီး မြန်မာတပ်မတော်မှာတော့ ချို့တဲ့၊ မပြည့်စုံရတဲ့အထဲက ရအောင်ကူညီနေတဲ့ စွမ်းရည်ကို နိုင်ငံတကာက ချီးကျူးလိုက်တာဖြစ်ပါတယ်။ 

 

၁၀။ ဗိုလ်ချုပ်မှူးကြီးမင်းအောင်လှိူင်အနေနဲ့ ရေဘေးကိစ္စ ဆောင်ရွက်ပေးရင်း ပြည်သူလူထုထံ ထိတွေ့ ဆက်ဆံကာ ရင်နှီးမှူရယူ ခဲ့ပါတယ်။ ဟင်္သာတမြို့ကို တပ်ချုပ်ရောက်ချိန်မှာ ပြည်ခိုင်ဖြိုး (ဥက္ကဌ) ဦးဌေးဦးက သူ့ကို ရေဘေးဒုက္ခသည်တွေနဲ့ မိက်ဆက်ပေးနေတာ တွေ့လိုက်ရပါတယ်။ ဒါကိုကြည့်ရင် နိုင်ငံရေး ခြေ လှမ်းလှမ်းဖို့ အခုကတည်းက စည်းရုံးနေတယ်လို့ ယူဆပါတယ်။ ဒါပေမဲံ့ သူဟာသမ္မတနဲ့လွှတ်တော်ဥက္ကဌ တို့  မုန်တိုင်းထန်နေတာမို့ ဒို့တာဝန်အရေး (၃)ပါး အခြေအနေစောင့်ကြည့်ဖို့  လိုအပ်လာလို့ တပ်က တိုက်ရိုက်တင်မြှောက်တဲ့အစီအစဉ် ချိန်ဆနေဟန်တူပြီး ထိပ်ဆုံးက ပြေးနေပါတယ်။ မကြာခင်ကမှ အစိုးရ၊ပါတီထဲ တပ်မတော်အရာရှိတွေပြောင်းရွေ့လိုက်တဲ့ ဆွမ်းကြီးလောင်းပွဲဟာ တပ်သမိုင်းမှာ စံချိန်တင်ပြီ်း ၂၅% တပ်မတော်သားကိုယ်စားလှယ်တွေ ထည့်သွင်းနိုင်ရေးအတွက် line up အသင့်ထိုးပြင်ထားဟန်တူပါတယ်။ 

 

ဒုဗိုလ်ချုပ်ကြီ်း စိန်ဝင်းနဲ့ ကျော်ဆွေ တို့ကို ကာကွယ်ရေးနှင့် နယ်စပ်/စည်ပင် ဝန်ကြီးတွေ အဖြစ်ပို့ပြီး တပ်ချုပ် ဒုဗိုလ်ချုပ်မှူးကြီးစိုးဝင်းနဲ့  ကာချုပ်(ကြည်း) ဒုဗိုလ်ချုပ်ကြီးမြထွန်းဦးတို့ကို လျာထားနိုင်ပါတယ်။ 

 

တပ်မတော်သားကိုယ်စားလှယ်များနဲ့  ဦးရွှေမန်းတို့အချေအတင်ဖြစ်နေတာကို တပ်ချုပ်အနေနဲ့သတိကြီးစွာ ကိုင်တွယ်ခဲ့ပုံကိုတော့ နောက်အပိုင်း မုန်တိုင်းဆင်နွဲကြပုံမှာ ဆက်လက်ဖေါ်ပြပေးပါ့မယ်။

 

၁၁။၊ ဦးရွှေမန်းဟာ ဖြူးမြို့ ကညွတ်ကွင်းဇာတိဖြစ်ပါတယ်။ ဇနီးကတော့ ပြည်ကြီးတရုတ်မှ ပြောင်းလာတဲ့ ဦးကောက်ရဲ့သမီးဖြစ်ကာ တရုတ်အမျိုးတွေက သဘောမတူတာမို့ သူဟာ ချစ်သူ ဒေါ်ခင်လေးသက်ကို ကွမ်းလုံထိခိုးပြေးခဲ့ရကာ ကချင်(၃) မှာ ဦးအောင်သောင်းတို့က လက်ထပ်ပေးခဲ့တယ်လို့ သိရပါတယ် ဦးအောင်သောင်းက စီနီယာတပ်ခွဲမှူး ဖြစ်နေပြီး သံယောဇဉ် ရှိတာမို့ ပါတီထဲ ရောက်လာချိန်မှာ ပူးပေါင်းမိ သွားကာ အင်အားတောင့်တင်းခဲ့ပါတယ်။ ဒါပေမဲ့ ဦးအောင်သောင်း ရုတ်တရက်ဆုံးသွားချိန်မှာ ဦးရွှေမန်းတယောက် ချိနဲ့သွားကာ ညတိုက်ပွဲဆင်နွဲသလို ချေမှူန်းလိုက်တာ ခံလိုက်ရပါတယ်။ သူဟာ တပ်မ (၆၆)  နည်းဗျုဟာမှူး၊ စကခ(၃)နဲ့ တပ်မ(၁၁) တပ်မမှူး၊ နတခတိုင်းမှူး၊ ညှိနိူင်းကွပ်ကဲရေးမှူး၊လွှတ်တော်ဥက္ကဌ  ဖြစ်လာခဲ့ပါတယ်။ သူဟာ ကရင်ပြည်နယ်စစ်ဆင်ရေးမှာ သူရဘွဲ့ရရှိခဲ့ပါတယ်။

 

၁၂။ ဦးသန်းရွှေဆီ ဦးရွှေမန်းဝင်လာပုံ ဇာတ်လမ်းကတော့ မြေးတော်လေးကို ထိန်းဖို့ရာ ခက်နေပြီး (T.T.C ကျောင်းကြို ကျောင်းပို့လုပ်ရင်တောင် နှစ်ပွင့်အရာရှိဗိုလ်တဦးက ဖုံးနှစ်လုံးနဲ့ အသင့်စောင့်နေပေးရ)  စာသင်ပြဖို့လည်း ဆရာမကို ရှာနေရာ စကခ(၃) တပ်မမှူး ဇနီး ဒေါ်ခင်လေးသက်တယောက် လင်တော်မောင် ရာထူးတက်ဖို့အတွက် စွန့်စားခဲ့ကာ မြေးတော်လေးကို ထိန်းရင်း စာပြကာ ကလေးထိန်းဆရာမ လုပ်ခဲ့ပါတယ်။ စွန့်စားရာကျိုးးနပ်ပြီး မကြာခင် အထူး VIPတပ်များဖြစ်တဲ့ တပ်မ(၁၁) တပ်မမှူး၊ နတခ တိုင်းမှူးအဖြစ် ဦးရွှေမန်းအား ပြောင်းရွေ့ပေးတဲ့အပြင် တပ်မတော်မှာ ဖွဲ့စည်းပုံအရ မရှိခဲ့တဲ့ ညှိနှိူင်းကွပ်ကဲရေးမှူး ရာထူးနဲ့ ဗိုလ်ချုပ်ကြီး အဆင့်တိုးမြှင့်ပေးလိုက်ပါတယ်။

 

၁၃။ ဒါပေမဲ့ ဦးသန်းရွှေဟာ သူ့အပေါ် သစ္စာအရှိဆုံးလူလို့ နှူတ်က ပြောခံရသူကတော့ ဒီပဲယင်းအရေးအခင်းကို ကြီးကြပ်ဆောင်ရွက်ခဲံ့သူ ဗိုလ်ချုပ်ကြီးစိုးဝင်းဖြစ်ပါတယ်။ ဒါကိုအားကျမခံ ဦးရွှေမန်းက  ဗိုလ်ချုပ်ကြီးခင်ညွှန့်ထောက်လှမ်းရေးတဖွဲ့လုံးကို နှိပ်ကွပ်တဲ့ စစ်ဆင်ရေးနဲ့ ရွှေဝါရောင်တော်လှန်ရေးအရေးအခင်းတွေကို အထက်အမိန့်အရ ဆိုပေမဲ့ ပီပီပြင်ပြင် လုပ်ပြနိုင်ခဲ့ပါတယ်။ အဲဒီနောက်သူနဲ့  level ပါဝါတူများဖြစ်တဲ့ ဦးစိုးဝင်းက ဆုံးသွားပြီး ဦးခင်ညွှန့်တို့ အရေးယူခံရတဲ့အတွက် လမ်းကြောင်းရှင်းနေပြီး ရှေ့က ဒုဗိုလ်ချုပ်မှူကြီးမောင်အေးကလည်း နားတော့မှာ ဖြစ်လို့ တပ်ချုပ်(သို့မဟုတ်) သမ္မတ မဖြစ်မနေ ရရမည်ဟု စိတ်ကူးယဉ်ခဲ့ပါတယ်။ အဲဒီအချိန်မှာ ဗိုလ်ချုပ်ကြီးသိန်းစိန်ကတော့ သူ့နောက်နားမှာဘဲရှိပြီး ဝန်ကြီးချုပ်ဖြစ်ခါစဘဲ ရှိနေပါသေးတယ်။ 

 

ကံဆိုးချင်တော့ မြောက်ကိုးရီးယားကို တရုတ်နိုင်ငံကတဆင့် ခိုးသွားတဲ့ သတင်း ပေါက်ကြားမှူကြောင့် ဦးသန်းရွှေ အမျက်ရှတာ ခံလိုက်ရသလို မြေးအဖွားတို့ ရွှေတိဂုံဘုရားတက်တဲ့ နေ့တနေ့မှာ ဦးရွှေမန်းက သူဇနီးနေမကောင်းလို့ အစားထိုးလိုက်ရာမှ အဆင်မပြေဖြစ်ကာ ဘဝင်မကျဖြစ်ခဲ့ရတယ်လို့ လုံခြုံရေးယူခဲ့တဲ့အရာရှိတဦးက ဆိုပါတယ်။ ဘယ်လိုဘဲဖြစ်ဖြစ် ဦးသန်းရွှေ စဉ်စားနိုင်တာက အရေးကြီးတဲ့ “ကီး” ဖြစ်တဲ့ တပ်ချုပ်ကို အသက်ငယ်ငယ် ထားမှသာ မကြာခဏချိန်းစရာ မလိုဘဲ ယနေ့ကာလ မုန်တိုင်းထန်တာမျိုးဖြစ်ခဲ့ရင် အနီးကပ် စောင့်ကြည့်ကာ နိုင်ငံတည်ငြိမ်အောင် ထိန်းနိုင်မှာဖြစ်တယ်။ သမ္မတဆိုကလည်း အတိုက်အခံ၊ နိုင်ငံတကာနဲ့ ရင်ဆိုင်ဖို့ရှိနေရာ အခြေခံဥပဒေ အရည်ကြို သောက်ထားတဲ့ ဦးသိန်းစိန်အား တာဝန်ပေးမှဖြစ်မယ်။ လွှတ်တော်အတွင်းကျတော့ ပါတီက ကိုယ့်လူတွေက ဦးရွှေမန်းကို ဝိုင်းရံပြီး ကာပေးထားလို့ရတယ်လို့ သုံးသပ်ခဲ့ဟန်တူပါတယ်။ ဒါကြောင့် ဦးရွှေမန်းခင်မျာ အများကြီး မျှော်လင့်ထားခဲ့တဲ့ သမ္မတ နဲ့ တပ်ချုပ်ရာထူး အိပ်မက် ပျက်ရတာကြောင့် ရင်ခံကာ ဖီလင်တွေဖြစ်ခဲ့ရတယ်လို့ စစ်ရုံးမှာနေခဲ့တဲ့သူတွေက ဆိုပါတယ်။

                                                      

၁၄။ ဦးရွှေမန်းရဲ့ စရိုက်လက္ခဏာက ဝတ်စားပုံ စမတ်ကျပြီး အခြားဗိုလ်ချုပ်တွေလို ဗိုက်မထွက်တာမို့ အတုခိုးလာတတ်အောင် စံနမူနာပြဖွယ် နေထိုင်ြပုမူပါတယ်။ လူငယ်ပုံစံ တက်ကြွနေလို့ တခါက ရကတရှိ စစ်ဦးစီးအရာရှိတစ်ဦး ငြီးငြူဘူးပါတယ်။ ပြည်သူ့စစ်မဟာဗျုဟာအရ ဝန်ထမ်းများကို လက်နက်ငယ်ပစ် တတ်အောင် စက်ပစ်ကွင်းဝင်ဖို့ စာရင်းကောက်ခိုင်းရာမှာ ဇယားအမျိုးမျိုး၊ စာရင်းပေါင်းစုံယူခိုင်းခဲ့လို့ နယ်ဘက်ဝန်ထမ်းတွေပါ စိတ်ညစ်ရတယ်ပြောပါတယ်။ သူဟာစိတ်ကြီးပြီး သူများထက်သာအောင် အမြန်ပြီးစီးအောင်ကြိုးစားတတ်တယ်။ ဆက်လက်ပြီး သမ္မတဦးသိန်းစိန် ဖြတ်သန်းလာပုံကို တင်ပြပါ့မယ်.။

 

၁၅။ ဦးသိန်းစိန်ဟာ ဟိုင်းကြီးဇာတိဖြစ်ပြီး ခမရ(၁၀၉) ဒုတပ်ရင်းမှူး၊ ခလရ(၈၉) တပ်ရင်းမှူး၊ ဒုဗိုလ်မှူးကြီးအဆင့်နဲ့ ကလေးမြို့မှာ တာဝန်ထမ်းဆောင်ခဲ့ပြီး စစ်ဆင်ရေးတိုက်ပွဲကြီးများ သိပ်မလုပ်ရဘဲ သာသာယာယာ နေခဲ့ရပါတယ်။ ၁၉၈၉ခုနှစ် စစ်ရုံးရှိ စစ်ဦးစီးဗိုလ်မှူးကြီး(စစ်ဆင်ရေး) ဗိုလ်မှူးကြီး ခင်မောင်သန်းကို တာဝန်တခုခိုင်းတာ မပြီးလို့ဆိုကာ နိုင်ငံတကာ၊ အတိုက်အခံတွေရဲ ဖိအားကြောင့် မွန်းကြပ်နေတဲ့ တပ်ချုပ်ဗိုလ်ချုပ်မှူးကြီးစောမောင်က စိတ်ဆိုးကာ စစ်ရုံးမှာ မထားနဲ့လို့ ဆိုပါတယ်။ ဗိုလ်မှူးကြီးခင်မောင်သန်း (နောင်ဒုဗိုလ်ချုပ်ကြီး၊ ကစထမှူး) ဟာ သူ့နေရာလက်ခံမဲ့လူ ရှာဖို့အချိန်မရဖြစ်နေရာ အရေးကြီးတဲ့ “ကီး” နေရာဖြစ်လို့ သူတပ်ရင်းမှူး တာဝန်လွဲခဲ့တဲ့ ဦးသိန်းစိန်ကို ဘဲ ဦးသန်းရွှေထံကပ်ပြီး တင်ပြကာ ဆွဲတင်ပါတယ်။ ဒီနေရာမှာ စစ်ရုံးကို ပြောင်းမဲ့အရာရှိတိုင်း လုံခြုံရေးအရ ထောက်လှမ်းရေးက နောက်ကြောင်းရာဇဝင် စိတ်ချရ၊ မရလိုက်ပြီးမှ ထောက်ခံချက်ရမှ ပြောင်းလို့ရပါတယ်။ ရှမ်း(၁)မှာကတည်းက ဦးသိန်းစိန်ဟာ ဦးခင်ညွှန့် နဲ့အတူတူနေခဲ့တဲ့ ခင်မင်မှူအရ ထောက်ခံခဲ့လို့ ပြောင်းခဲ့ရတာဖြစ်တယ်။ဦးခင်ညွှန့်ကျေးဇူးတွေရှိခဲ့လို့လည်း ဦးသိန်းစိန် သမ္မတဖြစ်လာချိန်မှာ လွတ်ငြိမ်းချမ်းသာခွင့်ပေးခဲ့တာဖြစ်တယ်။ စစ်ရုံးမှာ ရောက်တော့လည်း ဦးခင့်ညွှန့်ရဲ့လိုလားချက်၊ ကကလှမ်း တာဝန်များနဲ့ ဆက်စပ်လုပ်ပေးရတဲ့ ကိစ္စတွေမှာ  တိုင်းစစ်ဌာနချုပ်များအား ဦးသိန်းစိန် ညှိလုပ်ပေးရတာရှိပါတယ်။ ဒီအခါ တိုင်းမှူးတွေဟာ ဒုဗိုလ်ချုပ်မှူကြီး မောင်အေးသိသွားရင် ထုထောင်းခံရမှာစိုးလို့ အင်တင်တင်ဖြစ်နေချိန် တိုင်းစစ်ဦးစီးမှူး (ပထမတန်း)တွေဟာ  သောကဖိစီးစွာ ဦးသိန်းစိန်နဲ့  ဖုံးထဲမှာ အချေအတင် ငြင်းခုံ နည်းလမ်းရှာကြရပါတယ်။ နောက်ဆုံးဦးသိန်းစိန် စိတ်ရှည်မှူကြောင့် ပြေလည်မှူ အောင်မြင်သွားသော်လည်း ဦးသိန်းစိန်မရှိတဲံ့ နောက်ပိုင်းလူတွေဟာ မညှိတတ်ကြသဖြင့် ထောက်လှမ်းရေး နဲ့ကြည်းတပ်နဲ့ မပြေနိုင်တော့ဘဲ ပေါက်ကွဲကာချေမှူန်းခံလိုက်ရပါတယ်။

 

၁၆။ စစ်ရုံးမှာရှိနေစဉ် အိမ်တော်ကြီးက အချစ်တော်မြေးလေး၊ ဖွားဖွားဘုရားတက်လို့ ရှိရင် ဦးသိန်းစိန်က အားလပ်လို့ လိုက်သွားရာ ခလေးက ရေစက် ကြောင့်လားမသိပါ၊ ဦးသိန်းစိန်လက်ပေါ်မှာ မငြိမ်စဖူးငြိမ်လို့ ဖွားဖွားအံ့သြသွားတယ်လို့သိရပါတယ်။  သမ္မတဖြစ်လာလို့ လူထုတွေဆုံပွဲတွေမှာ ခလေးမြင်တိုင်း ကောက်ချီတတ်တဲ့ ဦးသိန်းစိန်ကို ခလေးချစ်တတ်လို့ လက်ယဉ်ကာ အထာသိတာဖြစ်တယ်လို့ အငြိမ်းစားအရာရှိကြီးတယောက်က ရီမောစွာနဲ့ စာရေးသူအား အတွင်းရေး ဖေါက်သည်ချခဲ့ပါတယ်။  ဒီနောက်ဦးသိန်းစိန် တပ်မမှူး ရာထူးတိုးလာချိန်မှာ လက်ရှိကိုင်နေတဲ့ စစ်ဆင်ရေးကိစ္စတွေကို နောက်လူ ထည့်လိုက်ရင် ရုတ်တရက် အဆင်မပြေမှာစိုးလို့ဆိုကာ ကကကြည်း ဖွဲ့စည်းပုံတိုးချဲ့လိုက်ရာ စစ်ဦးစီးဗိုလ်မှူးကြီး(စစ်ဆင်ရေး) ရာထူးကို စစ်ဦးစီးဗိုလ်မှူးချုပ် (စစ်ဆင်ရေး) ဖြစ်သွားသဖြင့် ဦးသိန်းစိန်ဟာ နယ်မဆင်းရတော့ဘဲ စကခ(၄)တပ်မမှူး အဖြစ်တွဲကိုင်ကာ စစ်ရုံးမှာဘဲ ဆက်နေခွင့်ရတယ်။ 

 

၁၇။ ဦးသိန်းစိန်ဟာ တဂခ တိုင်းမှူး၊စစ်ရေးချုပ် ဒုဗိုလ်ချုပ်ကြီးဖြစ်လာပြီးနောက် အတွင်းရေးမှူး(၂)အ ဖြစ်ရာထူးတိုးမြှင့်လာပါတယ်။ သူ့ကို အမျိုးသားညီလာခံကော်မရှင်ဥက္ကဌ  တာဝန်ပေးခံရပြီး အတွင်းရေးမှူး(၁)  အဖြစ် ထပ်မံတိုးမြှင့်ခံရကာ ဗိုလ်ချုပ်ကြီးနဲ့ ဝန်ကြီးချုပ်၊ အစိုးရသစ်ဦးစီးမဲ့ သမ္မတအဖြစ်တာဝန်ပေးခဲ့တယ်။

 

 

၁၁။ တပ်မတော်အား ဒေါ်အောင်ဆန်းစုကြည်ရဲ့အရပ်ဖက်၊ စစ်ဖက် ဆက်ဆံရေးမဟာဗျူဟာအရ ပြုမူဆောင်ရွက်တဲ့အပေါ် သုံးသပ်ချက်၊ တပ်မတော်သားကိုယ်စားလှယ်များနဲ့ ဦးရွှေမန်း ထိပ်တိုက်တွေ့မှူ ၊ ဦးသိန်းစိန် နဲ့ ဦးရွှေမန်းနှိူင်းယှဉ်သုံးသပ်ချက်၊ ဦးသန်းရွှေအပေါ် ဘယ်သူက ပိုပိုင်သလဲ၊ တပ်မတော်မှာ အရှိန်အဝါ ခံစားခဲ့တာမို့  မိမိထက် နိမ့်တဲ့သူဟာ level တူ တက်လာလို့ မြှင့်သွားလို့ ဖြစ်လာရင် မူလခံစားခဲ့တဲ့ ဖီလင်ပြန်ပေါ်တတ်လာကာ ထိပ်သီးနှစ်ဦး အားပြိုင်မှူ၊ ပွတ်တိုက်မှူမှသည် အားစမ်းမှူဖြစ်လာကာ နောက်ဆုံး မုန်တိုင်းအသွင်သို့ကူးပြောင်းခဲ့တဲ့ သြဂုတ်လ(၁၂)ရက် ညတိုက်ပွဲဖြစ်စဉ်အား သုံးသပ်ချက် စတာတွေကို  အပိုင်း (၃/ ၄/ ၅) တွေမှာ  ဆက်လက်တင်ပြသွားပါ့မယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Similar Posts