ရန်လင်းအောင် – ပြောဇာတ် – ၄
(မိုးမခ) ဇူလိုင် ၁၅၊ ၂၀၁၅
ရှင်လူအများရဲ့
မျက်လုံးထဲဝင်နေတဲ့ အမှိုက်သရိုက်လို
ထမင်းထဲပါလာတဲ့ ကျောက်စရစ်ခဲလို
ဖနောင့်ထဲစူးဝင်နေတဲ့ ဆူးငြောင့်လို
ရှင်ဒေဝဒတ်ရဲ့အတိတ်ဇာတ်ရုပ်ဟာ
ကြံကြိတ်စက်နဲ့ကြံညှစ်သလို
လူထုကိုဗိုလ်ကျစိုးမိုးတဲ့ မဟာပိင်္ဂလမင်းဆိုပဲ ၊
ဒီမင်းယုတ်ကြီးသေတော့
တပြည်လုံခြိမ့်ခြိမ့်သဲပျော်ပွဲဆင်နေသလောက်
တံခါးမှူးကြီးက ကျူကျူပါအောင် ငိုရှာသတဲ့ ၊
ဒါနဲ့ ဘုရားလောင်းမင်းသား အမေးမှာ သူဖြေတယ် ၊
ဒီ မင်းစုတ်မင်းပြတ် သေလို့ငိုတာမဟုတ်
နန်းတော်ပြာဿဒ် အဆင်းအတက်တိုင်းမှာ ရှစ်ချက် ရှစ်ချက် သူ့ဦးခေါင်းကို
တူနဲ့ထုသလို ထုရိုက်နှိပ်စက်တတ်တဲ့ ဒီဘုရင်
ငရဲရောက်လို့ ငရဲသားတွေကိုပါ
ဦးခေါင်း လိုက်ထုနေမှဖြင့်
အတော်နှိပ်စက်တဲ့ ဒီဘုရင်
ငရဲထိန်းကတောင် ကြောက်ကန်ကန်
ဒီနန်းတော်ထဲ ပြန်လွှတ်လိုက်မှာ စိုးလို့တဲ့
ပြန်လွှတ်လိုက်မှာ စိုးလို့တဲ့ ။ ။
ဒုကနိပါတ် ၊ ဥပါဟနဝဂ် ၊ မဟာပိင်္ဂလဇာတ်တော် ကိုမှီးသည် ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
