(မိုးမခ) ဇွန် ၂၆၊ ၂၀၁၅
“၅၉”
“ဟေ့ ၅ ၉”
တိုးတိုးမျှ မထူး။
“၄၃၆”
“ဟေ့ ၄၃၆”
“၄ ၃ ၆”
တောက်တောက်မျှ မမြည်။
“ကျောင်းသားကိုယ်စားလှယ်”
“ဟယ် ကြည့်စမ်း မောင် ဘယ်တုန်းက ရောက်နေတာလဲဟင်”
“အမ်မလေးကွယ် ခေါ်လိုက်ရတာ တကမ္ဘာလုံးကြားမယ် မင်းတယောက်ဘဲမကြားတာ”
“ကြားနိုင်ပါ့မလားမောင်ရယ် ဒီလောက်အလုပ်တွေ ရှုပ်နေတာ”
“အောင်မြလေး ဘာတွေများ ရှုပ်နေရတာတုန်း”
“ရှုပ်တာတော့ မပြောနဲ့တော့ ဘယ်သူရှိရအုံးမှာလဲ တောင်သူတွေပေါ့၊ တဆိတ်ရှိ ဆန္ဒဘဲ ပြနေတယ်၊ အဆိုးဆုံးက လက်ပ တောင်း။ ဘုန်းကြီးတွေကပါ မနေနိုင် မထိုင်နိုင်ရောပြီးပါလာလို့ စိတ်တိုတိုနဲ့ ဘုန်းကြီးတင်ကို အပါးတရာကျော် မီးလောင် တိုက်သွင်းပစ်လိုက်တယ်၊ မိုးပါ မီးလောင်ပါရောလား၊ မောင့်မေမေကိုတောင် အကူအညီတောင်းရသေးတယ်၊ မောင့်မေမေ ပြောမှ နားသောတဆင်ကြတာတွေလေ။ တတ်နိုင်ဘူး၊ လူရော ဘုန်းကြီးရော ပစ်သတ်လိုက်ရတာဘဲ။ ကျွန်မက စစ်တပ်ပါ မောင်”
“ကန့်ဘလူဘက်ကတောင်သူတွေ၊ မတ္တရာဘက်ကတောင်သူတွေလဲ ဆူဆူပူပူလုပ်လွန်းလို့ မအားတဲ့ကြားက သွားပစ်သတ် လိုက်ရသေးတယ်၊ ကျွန်မက စစ်တပ်ပါမောင်”
“တခါလဲ ဧရာဝတီတိုင်းဘက်က တောင်သူတွေသောင်းကျန်းလို့ တတ်နိုင်ဘူး၊ ပစ်သတ်ရပြန်တာဘဲ၊ ကျွန်မက စစ်တပ်ပါ မောင်”
“ဒီလောက်သတ်နေတဲ့ကြားက မောင့်မေမေလဲ သေချာပြောရက်သားနဲ့ ဟို ဒေါ်ခင်ဝင်း၊ အတော်ဆိုးတယ်၊ ဒီလောက်ရှိလှဆို ပစ်သတ်လိုက်ကရော၊ ကျွန်မက စစ်တပ်ပါမောင်”
“အဲဒီလို မပြတ်တမ်း သတ်နေတဲ့ကြားကဘဲ၊ ဘယ်သူရှိရအုံးမှာလဲ မောင့်တို့အကိုကြီး ကိုပါကြီးပေါ့၊ ယောက္ခမမျက်နှာလဲ ထောက်မနေနိုင်ဘူး။ ပစ်သတ်လိုက်ရတယ်၊ ကျွန်မက စစ်တပ်ပါမောင်”
“မောင်ရယ် တွေ့ချင်တာပေါ့၊ ဘယ်လိုမှကို မအားလို့ပါ။ ဒီကြားထဲ အိုဗာတိုင်တောင် ဆင်းလိုက်ရသေး၊ ဟို ကိုးကန့်တွေလေ၊ တော်ပြီပေါ့၊ ကိုးကန့်ဆို။ ခုတော့ ဆယ်ကန့်ရချင်တယ်တဲ့။ ပစ်သတ်ရပြန်တာဘဲ။ ကျွန်မက စစ်တပ်ပါမောင်”
“အဲဒါတွေကြောင့် နားကို မနားရတာ။ နားရမလား အောင်မေ့ရတာ၊ ဟော တလောကဘဲ ကျောင်းသားတွေ၊ ကိုယ့်ဟာကိုယ် အေးအေးမနေဘူး၊ ဗဟိုချုပ်ကိုင်မှု လျော့ပေးရမတဲ့၊ ကျွန်မတို့ သားစဉ်မြေးဆက်ကြောက်ပါတယ်ဆိုတဲ့ သမဂ္ဂကိစ္စ ပြောလာ ပါရော။ ဖွဲ့ခွင့် ပေးရမတဲ့၊ ဘယ်တတ်နိုင်မလဲ၊ အကုန်လုံး ရိုက်နှက် ပစ်သတ်ရတော့တာဘဲ။ ကျွန်မက စစ်တပ်ပါမောင်”
“ဒါတောင် အမျှင် မပြတ်ချင်ဘူး၊ ပစ်မှန်း သတ်မှန်းသိရက်နဲ့ ရှေ့ဆက်တိုးကြတယ်၊ မောင်ဝင်ကယ်လို့သာ တော်တော့တယ်၊ မောင်တို့မိသားစုကို အရမ်းအရမ်းကျေးဇူးတင်ပါတယ်ကွယ်၊ ဘယ်လိုရှင်းရမှန်းမသိဖြစ်နေတဲ့ဟာ၊ မောင်က သမဂ္ဂဖြုတ်ပြီး ကျောင်းသားကိုယ်စားလှယ်လုပ်လိုက်လို့သာ ငြိမ်သွားတော့တယ်”
“တဆက်တည်း ပြောရအုံးမယ်၊ မာမီရွှေကလေ မောင်တို့တမိသားစုလုံးကို ကျေးဇူးတင်ကြောင်းပြောခိုင်းလိုက်တယ်”
“ဟုတ်လား၊ ဘာတွေများပါလိမ့်ကွယ်၊ ဘယ်လောက်မှ လုပ်ပေးရတာလဲ မဟုတ်ပါဘူး”
“အမ်မလေး မောင်ကသာ ဘာမှမဟုတ်ဘူးပြောနေ၊ သူလေ သွေးရူးသွေးတမ်းနဲ့ ထင်ရာလုပ်ထားတဲ့ဟာတွေ မောင်တို့တွေ ဖာထေးပေးလိုက်လို့ ခု ဘာမှပြောစရာမလိုလောက်အောင် ကောင်းသွားလို့တဲ့၊ ကျေးဇူးတွေတင်နေလိုက်ပုံများ”
“ဟုတ်လား၊ မောင်တို့တောင် သတိမထားမိဘူးကွယ်”
“ဟိုဟာလေ တကဲ့မင်းမဲ့စရိုက်၊ အရိုင်းအစိုင်းတွေလုပ်တဲ့ဟာမျိုးလေ၊ ဖွဲ့စည်းပုံဥပဒေက မည်သို့ပင်ဆိုစေကာမူဆိုတဲ့ဟာလေ၊ အဲဒါ ကျွန်မတို့ မိသားစုဘွားဘွားဘီဘင်လိုက် သိက္ခာကျ အရှက်ရနေတဲ့ဟာကြီးလေ၊ အဲဒီဟာကြီးကို ဖွဲ့စည်းပုံဥပဒေကို ချွင်းချက်ပြုပြီးဆိုလား ပြောင်းပေးတာလေ၊ အဲဒါရယ် စစ်ရေးအမြင်ကို ကာကွယ်ရေးအမြင်တို့ဘာတို့လေ၊ နောက်ပြီးတော့”
“အိုကွာ ဒါတွေက အသေးအဖွဲတွေပါ၊ စိတ်ထဲ မထားပါနဲ့လို့ မာမီရွှေကို ပြောလိုက်ပါအုံး”
“ဒါနဲ့ ဒို့တွေ အေးအေးဆေးဆေးတွေ့ချင်တယ်ကွာ၊ တခါမှ စကားကောင်းကောင်းပြောရတယ်မရှိဘူး”
“ဒါတော့ မောင်ရယ်၊ လွှတ်တော်ထဲ တွေ့နေကြတာဘဲဥစ္စာ၊ လွှတ်တော်ထဲဘဲ တွေ့ကြတာပေါ့၊ လွှတ်တော်ကဘဲ စောင့်နေ မယ်လေ၊ မောင်သာ လွှတ်တော်ထဲ ရောက်အောင်လာပါ။ အဲဒီထဲမှာ မျက်လုံးချင်းဆုံ ရင်ခုန်ကြတာပေါ့၊ တခါတရံ မိတင်မှာ၊ တခါတလေ ဖိုရမ်လေးဘာလေးရှိရင်လဲ တွေ့လို့ရနေတာဘဲမောင်ရယ်”
“လွှတ်တော်ထဲတော့ သေချာပေါက်လာမှာပါကွာ”
“မောင် လွယ်လွယ်မပြောနဲ့မောင်၊ အရင်အခြေအနေမဟုတ်တော့ဘူး။ မောင် အိမ်တော်ပါတင်အေးကို ကျော်လွှားနိုင်မှရမယ်၊ သူက မောင်တို့ကို တစက်မှ ကြည့်ရတာ မဟုတ်ဘူး။ မောင်တို့ လုံးဝ မလာစေရဘူးတဲ့”
“ကျွန်မကလဲ အလုပ်က နဲနဲလေးမှ မအား၊ ပစ်ရ ခတ်ရတာနဲ့ကို တကယ် လက်မလယ်ဘူး၊ မောင်သာ လွှတ်တော်ထဲရောက် မလာရင် တွေ့ဖို့မလွယ်ဘူးနော်၊ အလုပ်သမားကလာရှုပ်လိုက်၊ လယ်သမားက လာရှုပ်လိုက်၊ ဘုန်းကြီးကရှုပ်လိုက်၊ ကျောင်း သားကရှုပ်လိုက်၊ ဟို တက်ကြွတွေက ရှုပ်လိုက်၊ အချိ်န်ရှိသမျှ ပစ်သတ်နေရတာဘဲ။ ကျွန်မက စစ်တပ်ပါမောင်”
မောင်လူရေး
သရုပ်ဖော်ကာတွန်း / စောငို
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
ကျွန်မက….နဲ့ပါမောင် မရှိဘူးလား