လှကျော်ဇော – ၂၀၁၅ ခုနှစ် နဲ့ တရုတ်ပြည်
(မိုးမခ) ဧပြီ ၅၊ ၂၀၁၅
လွန်ခဲ့တဲ့နှစ်ပေါင်း (၃၀) ကျော်က အနောက်တိုင်းအပါအဝင် အရင်းရှင်နိုင်ငံကြီးများရဲ့ ငွေအရင်းအနှီးများဟာ ဘဏ်များ ကုမွဏီကြီးများမှာ အပြည့်အလျှံရှိနေပြီး ဒါတွေကို တင်ပို့နိုင်ဖို့ အာသာငန်းငန်းဖြစ်နေပါတယ်။ ဒါကို တရုတ်ပြည်မှာ ယဉ်ကျေးးမှုတော်လှန်ရေးအပြီး အာဏာရလာတဲ့ တိန်ရှောင်ဖင်က “ပြုပြင်ပြောင်းလဲရေး-တံခါးဖွင့်ပေါ်လစီ” ကျင့်သုံးပြီး ကောင်းကောင်းအသုံးချလိုက် နိုင်ပါတယ်။
ဟောင်ကောင် ထိုင်ဝမ် စင်ကာပူ အမေရိကန် နဲ့ဥရောပနိုင်ငံများက တရုတ်ပြည်မကြီးအတွင်း အကြီးအကျယ် ဝင်ရောက်ရင်းနှီးးမြှုပ်နှံကြပြီး တရုတ်ပြည်ကြီးကို ကမ္ဘာ့အလုပ်ရုံကြီးအဖြစ်ပြောင်းပြစ်လိုက်ပါတယ်။
၂၀၁၅ခုနှစ်မှာတော့ ဒီအချက်အတော်များများဟာ ပြောင်းပြန် ပြန်ဖြစ်သွားပါပြီ။ တရုတ်ပြည်မှာဖွံ့ဖြိုးနှုံးကျသွားပေမဲ့ အရှိန်မြင့်နေဆဲဖြစ်တဲ့ စီးပွားရေးရှိတယ်။ ငွေအရင်းအနှီးများ ဘဏ်များ ကုမွဏီများ နိုင်ငံခြား အရံငွေများရှိတယ်။ ဒါ့အပြင် တရုတ်ပြည်ပ ထွက်ပြီး ရင်းနှီးမြှုပ်နှံဖို့ အဆင်သင့်ဖြစ်နေတဲ့ လူပုဂွိုလ် အရင်းအမြစ်တွေရှိတယ်။
၂၀၁၄-နှစ်ကုန်မှာထုတ်လိုက်တဲ့ စာရင်းဇယားများအရ တရုတ်ရဲ့နိုင်ငံခြားထွက်ရင်းနှီးမြှုပ်နှံမှု ပမာဏဟာ ပထမဦးဆုံးအကြိမ်အဖြစ် ပြည်တွင်းဝင်လာတဲ့ ရင်းနှီးမြှုပ်နှံမှုထက် မြင့်တက်သွားတာတွေ့ရပါတယ်။ မြီစားဘဝ ကနေ မြီရှင်ဖြစ် သွားတဲ့သဘောပါဘဲ။ ဘယ်လိုဖြစ်သွားရတာလဲ။
၁၉၇၈ခုနှစ်မှာ တိန်ရှောင်ဖင်က “တံခါးဖွင့်ပေါ်လစီ ”ကိုစတင်ကျင့်သုံးစဉ်မှာ တရုတ်ပြည်မှာ လူက လွဲလို့ အကုန်ရှားပါးတယ် – – – ဆိုတဲ့စကား ပေါ်ခဲ့ဘူးပါတယ်။တကယ့်အဖြစ်ပါဘဲ။ ဒါပေမဲ့ အဲဒီလူသား အရင်းအမြစ်တွေမှာ အားကောင်းချက်ကြီး တချို့ရှိပါတယ်။ ဥက္ကဌမော်ဟာ “ယဉ်ကျေးမှုတော်လှန်ရေး” (၁၀) နှစ်ဆင်နွှဲပြီး တရုတ်ပြည်ရဲ့စီးပွားရေးကို ချွတ်ခြုံကျသွားစေခဲ့ပေမဲ့ တခြား တိုင်းပြည်တည်ဆောက်ရေးလုပ်ငန်းတွေမှာတော့ အလွန်ကောင်းမွန်ပြီး စနစ်တကျလုပ်ဆောင်နိုင်ခဲ့တာတွေ ရှိပါတယ်။ တရုတ်ပြည် လွတ်မြောက်ကတည်းက (၁၉၄၉) ဆင်နွှဲခဲ့တဲ့ စာမတတ်သူပပျောက်ရေးလုပ်ငန်းများဟာ အလွန်အောင်မြင်ခဲ့ပြီး အခမဲ့ပညာရေးစနစ်- မသင်မနေရ ပညာရေးစနစ် စတဲ့အစိုးရရဲ့ မူဝါဒများအောက်မှာ တရုတ်လူမျိူး စာပေတတ်မြောက်မှုနှုံးဟာ ၈၀-၈၅ ရာနှုံးလောက်အထိရှိနေပါတယ်။
မလွတ်မြောက်မီက“အာရှတိုက်ရဲ့လူမမာကြီး”လို့လှောင်ပြောင် ခေါ်ဝေါ်ခြင်းခံခဲ့ရတဲ့ တရုတ်လူမျိူးတွေကို လွတ်မြောက်ပြီး နှစ်အနည်းငယ်အတွင်း အစိုးရက (ဘိန်းစားမှုများ အပါ) ကူးစက်ရောဂါအမျိုးမျိုး ကိုအမြစ်ပြုတ်အောင်လုပ်ပေးနိုင်ခဲ့ပါတယ်။ ဒါ့ကြောင့် တရုတ်ပြည်ရဲ့တံခါးဖွင့်ပေါ်လစီအောက်မှာ နိုင်ငံခြားက ငွေအရင်းအနှီးတွေ လှိမ့်ဝင်လာတဲ့အခါ အခြေခံ ယဉ်ကျေးမှုရေချိန်လေးလည်းရှိတဲ့ ကျန်းမာသန်စွမ်းတဲ့ အလုပ်သမားတွေကို ဈေးပေါပေါ နဲ့ ရလိုက်ပါတော့တယ်။ ဒါ့အပြင် ဥက္ကဌမော်က အရင်းရှင်စက်မှုလက်မှုနိုင်ငံကြီးများဖြစ်တဲ့ အမေရိကန်တို့ ဥရောပတို့ ဂျပန်တို့နဲ့ သံတမန်ရေးဆက်ဆန်နိုင်ဖို့ လမ်းတွေလည်း အဆင်သင့်ဖေါက်ပေးထားပြီးဖြစ်ပါတယ်။
ဒီအခြေခံများအပြင် တရုတ်လူမျိုးတွေဟာ ရရှိလာတဲ့ ဒီအရင်းအနှီးတွေကို(ဒီလိုအရင်းအနှီးတွေအတူတူရရှိတဲ့ တခြားဖွံ့ဖြိုးဆဲနိုင်ငံများနဲ့မတူပဲ) ရေရှည်ဖွံ့ဖြိုးကြီးထွားလာအောင် လုပ်နိုင်ခဲ့ပါတယ်။ဒီနေရာမှာအခရာကတော့ တရုတ်အစိုးရအဆက်ဆက်ရဲ့ (၁) ပြည်သူလူထုအကျိုးစီးပွားပေါ် တသမတ်တည်း ရပ်တည်ပြီး
(၂) အချိန်ကာလ အပြောင်းအလဲများနဲ့အညီ မူဝါဒများကို တီထွင်ဖန်တီး ပြုပြင်နိုင်စွမ်းရှိမှုပါပဲ။
မူဝါဒတွေဆိုတာဟာ အားကောင်းချက်တွေ အားနဲချက်တွေ ဟာကွက် ယိုပေါက်တွေရှိတတ်ပါတယ်။ အထူးသဖြင့် အသစ်အဆန်းအဖြစ်တီထွင်လုပ်ဆောင်ကြရတဲ့အခါ ပိုသတိထားရမှာပါ။ဒါကြောင့်ပဲ တိန့်ရှောင်ဖင်က သူ့ရဲ့တံခါးဖွင့်ပေါ်လစီတွေအကောင်အထည်ဖေါ်ရာမှာ … ရေချောင်းကိုဖြတ်တဲ့အခါ ရေအောက်က ကျောက်တုံးတွေပေါ် လျှောက်တဲ့အခါ ကျောက်တုံးတတုံးပေါ် ခြေတချောင်းချပြီးငြိမ်မှ နောက်တချောင်းကိုလှမ်း … လို့မှာခဲ့တာ။ ဘာကိစ္စမဆို အားကောင်းချက်များဟာ ပြည်သူတွေအတွက် အကျိုးရှိပြီး အားနဲချက်များဟာ ပြ ည်သူတွေအတွက် အကျိုးယုတ်စေတယ် လို့ဆိုရိုး ရှိပါတယ်။ အားနဲချက်များရှိလာယင် တွေ့လာရင် ပြုပြင်ရမှာပါ။ဒီအခါမှာ အစိုးရများ(မူဝါဒရေးဆွဲသူများ)ဟာ ပြည်သူအကျိုးမှတပါး တခြား မကြည့်သူများ ဖြစ်ဖို့လိုပါတယ်။ မူဝါဒဟောင်းများ အောက်မှာ ယိုကွက် ဟာကွက်များကြောင့် အကျိုးစီးပွားအုပ်စုများ (interest groups) ရှိစမြဲပါ။ မူဝါဒအပြောင်းအလဲတွေ လုပ်တော့မယ်ဆိုယင် ဒီအုပ်စုတွေရဲ့ ခုခံမှုတွေဟာပေါ်လာနိုင်ပါတယ်။’ဒါကြောင့် အစိုးရအာဏာရှိသူများနဲ့ အကျိုးစီးပွားအုပ်စုများ စီးပွားရေးအရ အဆက်အစပ်မရှိဖို့ လိုပါတယ်။အစိုးရက သန့်ရှင်းဘို့ လိုပါတယ်။
တိန်ရှောင်ဖင်ရဲ့ “တံခါးဖွင့်ပေါ်လစီ”မှာ (အဲဒီကာလက စီးပွားရေးအမြန်တိုးတက်ဖို့ အလောတကြီးလိုအပ်မှုကြောင့်) မပြည့်စုံမှုတွေ(ယိုပေါက်တွေ)ရှိခဲ့ပါတယ်။ဒီပေါ်လစီကာလတခု(နှစ်ပေါင်း-၂၀-ကျော်)ကျင့်သုံးပြီးတဲ့အခါ အကျိုးစီးပွားအုပ်စုတွေပေါ်လာပါတယ်။၂၀၁၀ခုနှစ်ကစလို့ဒီကိစ္စကို သတင်းမီဒီယာများက အတော်ရေးသားဝေဖန်နေပါပြီ။
ဥပမာ-ချိုင်းနားဒေလီသတင်းစာက အယ်ဒီတာ့ခေါင်းကြီးပိုင်းမှာ တရုတ်ပြည်မှာ ယခုအခါ မီးခိုးရောင် ငွေပေါင်း-၃- ထရီလျှံယွင် (gray money- စာရင်းပျောက်ငွေများ-မတရားနည်းနဲ့ရတဲ့ ငွေမဲလည်းမဟုတ် တရားဝင်ရရှိတဲ့ ငွေဖြူလည်းမဟုတ်) ရှိတယ်။ ဒါတွေကိုမဖြေရှင်းနိုင်ယင် တရုတ်ပြည်ကြီးအနေနဲ့ ခရိုနီများရဲ့ အရင်းရှင်စနစ် (crony capitalism)ဖြစ်သွား လိမ့်မယ် … လို့ရေးခဲ့ဖူးပါတယ်။
ဒါကြောင့် ၂၀၁၃ခုနှစ်ကစပြီး တရုတ်အစိုးရက တဘက်ကလည်း ဖက်စုံပြုပြင်ပြောင်းလဲရေး(reform) လှုပ်ရှားမှု များလုပ်ပြီး တဘက်ကလည်း (ဒီလှုပ်ရှားမှုများကို ခုခံလာနိုင်တဲ့လူများကို ရည်ရွယ်တဲ့)- လာဘ်စားမှုတိုက်ဖျက်ရေးလှုပ်ရှားမှု– ကို လုပ်လာရပါတယ်။
ပြုပြင်ပြောင်းလဲရေး(reform) လှုပ်ရှားမှုဆိုတာ သေနတ်သံမထွက်တဲ့ တော်လှန်ရေးတရပ်ပါ။ အထူးသဖြင့် အဆောက်အအုံပြုပြင်ပြောင်းလဲရေး(structural reform) ဆိုယင် ပိုပြီးအနာအကျင်များပါတယ်။ ဒါကြောင့်ခုခံမှုက ပြင်းထန်ပါတယ်။ ဒါကြောင့်ပဲ မတ်လ(၁၅)ရက်က (လွှတ်တော်-၂-ရပ်အပြီး) ကျင်းပတဲ့ သတင်းစာရှင်းလင်းပွဲမှာ–ဝန်ကြီးချုပ် လီခက်ချန်က “ဒီပြုပြင်ပြောင်းလဲရေးများဟာ ကိုယ်ပေါင်ကိုယ်ဓါးနဲ့လှီးသလိုဖြစ်လို့ အလွန်နာကျင်ပါတယ်။ ဒါ့အပြင် အကျိုးကျေးဇူး အမြောက်အများ ရထားသူများ (vested interest groups) ရဲ့ဆန့်ကျင်ခုခံမှုကလည်း ပြင်းထန်တယ်။” လို့ပြောသွားပါတယ်။
တရုတ်ပြည်ရဲ့စီးပွားရေးဟာ ပို့ကုန်အားပြုတဲ့ ရင်းနှီးမြှုပ်နှံမှုများကို အားပေးတဲ့ စီးပွားရေးစနစ်နဲ့ နှစ်စဉ်တိုးတက်နှုံး ဂဏန်း(၂)လုံးရှိနေခဲ့တာ အနှစ်(၂၀) နီးပါးရှိခဲ့ပါပြီ။ ၂၀၀၈-ကမ္ဘာစီးပွားရေး အကြပ်အတည်း ကြုံလာတဲ့အခါ (အထူးသဖြင့် တရုတ်ပို့ကုန်တွေ အများအပြားတင်ပို့ရတဲ့ အမေရိကန်အပါအ၀င် အရင်းရှင်နိုင်ငံကြီးများက စီးပွားရေး ကျလာတဲ့အခါ) တရုတ်အနေနဲ့ သူ့စီးပွားရေးပုံစံကို ပြည်တွင်းဝယ်အားပေါ် မူတည်တဲ့ စီးပွားရေးပုံစံသို့ မဖြစ်မနေပြောင်းဖို့ လိုအပ်လာပါတယ်။ဒါ့ကြောင့် အဓိကဦးစားပေးလုပ်ငန်းအဖြစ် အစိုးရလုပ်ငန်းများအတွင်း အဆောက်အအုံ ပြုပြင်ပြောင်းလဲရေးက အစချီလုပ်ဆောင်ခဲ့ပါတယ်။
ဥပမာအားဖြင့်– စီးပွားရေးလုပ်ဆောင်ရာမှာ အစိုးရထိမ်းချုပ်မှုတွေကိုလျှော့ပြစ်ပြီး (ကြိုးနီစနစ်တွေကို ဖြေ လျှော့ပေးတာ) ဈေးကွက်လှုပ်ရှားမှုကို ပိုမိုလွတ်လပ်ခွင့်ပေးလိုက်တာမျိုး။
တရုတ်က သူ့စီးပွားရေးကို ပိုနှေးကွေးသော်လည်း ပိုရေရှည်ခံမဲ့ပုံစံ (new normal) “ပုံမှန်အသစ်” အဖြစ်သို့ပြောင်းလဲနိုင်အောင် ကြိုးစားနေပါတယ်။ကျေးလက်ဒေသတွေကို မြို့ပြဖန်တီးပေးဘို့ အများပိုင်လုပ်ငန်းများကို ပု၈ွလိကပိုင်ပြောင်းလဲဘို့ လူဦးရေအတွင်း အသက်အရွယ်မညီမမျှဖြစ်နေမှု (အသက်ကြီးသူ များလာမှု) ကို ထိန်းညျှိဘို့ နိုင်ငံခြားအရံငွေ အပိုအလျှံများကို စနစ်တကျ အလေအလွင့်မရှိ မြှပ်နှံရင်းနှီးဘို့ ပတ်ဝန်းကျင်ညစ်နွမ်းမှုနဲပါးစေဘို့ စွမ်းအင်သစ်ရှာဖွေဘို့ စတာ တွေ—ဒါတွေဟာ နည်းနာသစ်တွေ ရှာရမဲ့နေရာများပါ။ တီထွင်ဖန်တီးမှု(innovation)တွေကို အားပေးလာပါတယ်။
တပြိုင်တည်းမှာဘဲ အယင်ပေါ်လစီများအောက်မှာရှိခဲ့တဲ့ ယိုပေါက်တွေ(အားနည်းချက်များ)ကိုပြင်ဆင်ပါတယ်။
တံခါးဖွင့်ပေါ်လစီကာလပိုင်းမှာ အခွင့်ထူးတွေရရှိခဲ့တဲ့ -နိုင်ငံတော်ပိုင်လုပ်ငန်းကြီးများ (State-owned- enterprises S.O.E)များရဲ့ အခွင့်အာဏာတွေကို ထိန်းချုပ်ပြစ်တာ။အုပ်ချုပ်ရေးမှုးကြီးများရဲ့ အခွင့်ထူးတွေကို ဖျက်သိမ်းပစ်တာ၊ အခွင့်အာဏာအလွှဲသုံးစားပြုပြီး လာဘ်ယူလာဘ်စားလုပ်ဆောင်ထားသူများကို ဖေါ်ထုတ်ပြီးအရေးယူရုံမက ပြေး
ပေါက်ပြေးလမ်းမရှိအောင်ကိုလုပ်ဆောင်တာ (အဲဒီလူတွေရဲ့ပြေးနေကျ (safe heaven) နေရာတွေဖြစ်တဲ့ အမေရီကန် ကနေဒါ သြစတျေးလျနိုင်ငံများနဲ့ ရာဇ၀တ်သားလဲလှယ်ရေး စာချုပ်တွေ ချုပ်ထားတာ)။ စတာတွေကို တပြိုင်တည်း ခြေလှမ်းညီညီလုပ်ဆောင်နေပါတယ်။
အမှားကျူးလွန်သူများ အပေါ်မှာ ကျင့်သုံးတဲ့ပေါ်လစီများကလည်း တရားသေ တသမတ် တည်းမဟုတ်ပါဘူး။ အမှုတခုခြင်းစီပေါ်မူတည်ပြီးအလွန်ပျော့ပျောင်းစွာ အရေးယူတာပါ။ ဥပမာ– လက်ဦးမှုရှိရှိ အမှားဝန်ခံသူ၊ လာဘ်စားပစ္စည်းများ (ကား အိမ်-ငွေသားများ) ကိုပြန်အပ်သူ ၊ တခြားအမှုများပေါ်အောင်ကူညီသူ စတာ စတာတွေအပေါ် သက်ညှာစွာ စဉ်းစားပေးတာတွေ ရှိပါတယ်။ ဒီကနေနိုင်ငံအတွက် အလွန်အကျိုးရှိတဲ့ ရလာဒ်များကို ရရှိနေပါတယ်။
ဒါတွေကတော့စီးပွားရေးဆိုင်ရာ အချက်အလက်တွေပါ။
သံခင်းတမန်ခင်းလုပ်ငန်းများမှာလည်း ပိုမိုတက်ကြွ ပိုမိုဘက်စုံပြီး လက်ဦးမှုရှိတဲ့ နိုင်ငံတကာဆက်ဆန်ရေးပုံစံသစ်တရပ်ကို တည်ဆောက်ဘို့ ကြိုးပန်းမှာဖြစ်ကြောင်း မတ်လ(၅)ရက်နေ့က ကျင်းပခဲ့တဲ့သတင်းစာရှင်လင်းပွဲမှာ တရုတ်နိုင်ငံခြားရေးဝန်ကြီးက ပြောသွားပါတယ်။ သူအကျဉ်းချုပ်ပြောခဲ့တဲ့ တရုတ်ရဲ့ရှေ့ခြေလှမ်းများကတော့—-
၁။ ၂၀၁၅ခုနှစ်ရဲ့ (က) အဓိက အာရုံစိုက်မှု (၁)ရပ် … တရုတ်ရဲ့ သေနင်္ဂဗျူဟာစီမံကိန်းဖြစ်တဲ့ ၂၁ ရာစု ပိုးလမ်းမသစ်များ (ကုန်းလမ်း-ရေကြောင်းလမ်းများ) (One belt-one road initiative) လုပ်ငန်းအတွက်လိုအပ်ချက်များဖြစ်တဲ့ လမ်းတလျှောက် နိုင်ငံများ(၅၀ကျော်) အချင်းချင်းအကြား ပေါ်လစီပိုင်းဆိုင်ရာ ညှိုနှိုင်းမှုများပြုလုပ်ပြီး တူညီတဲ့ တရားမျှတတဲ့ အကျိုးကျေးဇူးများခွဲဝေရေးအတွက် နည်းလမ်းများရှာဖွေရန် အခြေခံအဆောက်အအုံများ ဘက်စုံ လမ်းပေါက်ရေး (connectivity)များ သက်ဆိုင်ရာနိုင်ငံများနဲ့- လွတ်လပ်စွာကုန်သွယ်ခွင့်စာချုပ်များ အပြီးသတ် ချုပ်ဆိုနိုင်ရေး အရှိန်မြှင့်လုပ်ဆောင်ရန် – ယဉ်ကျေးမှုဖလှယ်ရေးလုပ်ငန်းများ လုပ်ဆောင်ရန်- စတာ စတာများနဲ့ အတူ-အာရှနဲ့ ဥရောပ(Eurasia) တိုက်ကြီး တတိုက်လုံး ပြန်လည် အင်အားပြည့်ဆန်းသစ် တိုးတက်လာရေး (revitalization) ကို ရည်ရွယ်တယ်လို့ ဆိုပါတယ်။
(ခ) အဓိကဦးတည်ချက် (၂) ရပ်ကတော့ …(၁) ငြိမ်းချမ်းရေးနဲ့ ဖွံ့ဖြိုးတိုးတက်ရေး တို့ဖြစ်ပါတယ် ။ နိုင်ငံတကာအဝန်းအဝိုင်းနဲ့အတူ ပူးပေါင်းပြီး ဒီနှစ်မှာကျရောက်တဲ့ အနှစ် (ရ၀) ပြည့် ကမ္ဘာ့ဖက်ဆစ်စနစ် အောင်ပွဲ (၁၅-၈-၁၉၄၅) အခမ်းအနားတွေကို ကျင်းပပြီး ကမ္ဘာ့ငြိမ်းချမ်းရေးအတွက် အင်အားတရပ်အဖြစ် တရုတ်ပြည်က တာဝန်ထမ်းဆောင်ပါမယ်။
(၂) ဒါ့အပြင် ဒေသအသီးသီးက “အပူကွက်” (hot spot) များကိုလည်း မိမိတို့တတ်နိုင်သလောက် တက်တက်ကြွကြွနဲ့ ဝင်ရောက် ဖြန်ဖြေ ဖြေရှင်းပေးတာတွေလုပ်ပါ့မယ်။
ဒီလိုလုပ်ဆောင်ရာမှာ ပထမဆုံးလုပ်ငန်းကတော့ … ပြသာနာရဲ့အရင်းအမြစ်ကို တရားနည်းလမ်းကျကျ ဘက်စုံက လေ့လာနားလည်ယူကြည့်ရမှာပါ။ ဒီနောက်တော့ ဖြေရှင်းနိုင်တဲ့နည်းလမ်းများကို ရှာရာမှာ အင်အားသုံးခြင်းတို့ ဒဏ်ခတ်ပိတ်ဆို့ခြင်း ဆိုတာတွေထက် … -နိုင်ငံရေးအရ တွေ့ဆုံဆွေးနွေးအဖြေရှာတာကို ဦးစားပေး လုပ်ဆောင်ပြီး သက်ဆိုင်သူအားလုံးက လက်ခံနိုင်တဲ့ ဘက်စုံပြည့်စုံလုံလောက်တဲ့ အဖြေများတစုံလုံး ရှာပေးဖို့လိုအပ်ပါတယ်။ ဒီလိုဖြေရှင်းရာမှာ ဆေးကုသလိုပါဘဲ။ရောဂါလက္ခဏာတွေကိုတင် ကုသပေးရုံမက ရောဂါရဲ့မူလဇစ်မြစ်ကိုလည်း ရှာဖွေဖေါ်ထုတ်ကုသပေးရပါမယ်။ဒါ့အပြင် ဒီရောဂါရဲ့ရေခံမြေခံတွေကိုလည်း ရှင်းလင်းပေးရပါလိမ့်မယ်။ ဒါမှသာ ဒီရောဂါပြန်မပေါ်နိုင်မှာပါ။ ဒီလိုနည်းလမ်းများနဲ့ တရုတ်ပြည်ရဲ့ နိုင်ငံတကာ့တာဝန်တွေကို ထမ်းဆောင်ပါ့မယ် … တဲ့။
ဒါတွေကတော့ ၂၀၀၅ ခုနှစ်အတွင်း လုပ်ဆောင်ကြမဲ့ တရုတ်နိုင်ငံရဲ့ ခြေလှမ်းတွေဖြစ်ပါတယ်။
အခုလုပ်ဆောင်နေတဲ့ (တစုံတရာအောင်မြင်မှုလည်းရလာနေတဲ့) တရုတ်ပြည်ရဲ့ ပြုပြင်ပြောင်းလဲရေးလှုပ်ရှားမှု အကြောင်း တစေ့တစောင်း တွေ့ရှိချက်များဖြစ်ပါတယ်။
၁-၄-၂၀၁၅
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
