ဇင်လင်း – နွေဦးသို့…တမ်းချင်း
((အနာဂတ် မြန်မာပြည်သစ် သို့))
(မိုးမခ) မတ် ၃၀၊ ၂၀၁၅
― အို…နွေဦး….
လေရူးသုတ်ချီ…မြူပွင့်သီလျှက်..
လက်ဆေးမိုးဖန်…တာသင်္ကြန်…
ဝါကျံရွှေဥ…သရစ်နု….
သစ်ပြု…ဟောင်းပယ်…ပန်းချီခြယ်…
ငှက်ငယ်ဥသြ…သံချိုနှော…
နွမ်းမောစိတ်ပြေ…အားသစ်ဝေ…
လူ့မြေလောက…သင် လမ်းပြ…
အချိန်ကာလ ရင့်မှည့်က….
အဟောင်းမှန်သမျှ…ကျဆုံးရ…
အဟောင်းစနစ်တို့….ပျက်သုဉ်းရ…..
အဟောင်းအညစ်တို့…ပျက်ပြုန်းရ…
ရွက်သစ်နုချိန် ရောက်ပြီပ…..။
― အို…နွေဦး….
တာကူးကာလ…ဖန်တီးပြလော့…
ပန်းချီရတု…ဆန်းသစ်ပြုလော့…
ညစ်ဟောင်းစနစ်…ဖယ်ရှင်းပစ်လော့….
မကောင်းသူပစ်…ကောင်းသူချစ်လော့…
နွေဥတုသစ်…သင် ဖွင့်လှစ်လော့….
လူအသစ်ဖြင့်…ပြည်သစ်ဆောက်လော့…
ပြည်အသစ်တွင်…မူသစ်ဆင်လော့….
ထိုပြည်သစ်တွင်…အာဏာပလ္လင် ဖျက်သိမ်းစေ…
ထိုပြည်သစ်တွင်… မတရားစစ် ကင်းရှင်းစေ…
ထိုပြည်သစ်တွင်… တရားဥပဒေ စိုးမိုးစေ…
ထိုပြည်သစ်တွင်… လွတ်လပ်သတင်း စီးဆင်းစေ…
ထိုပြည်သစ်တွင်…တန်းတူခွင့်ရေး…ရရှိစေ…
ထိုပြည်သစ်တွင်…ဆင်းရဲချမ်းသာ မျှတစေ…
ထိုပြည်သစ်တွင်… အဂတိတရား ကင်းပစေ…
ထိုပြည်သစ်တွင်… လူနှင့်လူချင်း ရိုင်းပင်းစေ…
ထိုပြည်သစ်တွင်… လူနှင့်လူချင်း စာနာစေ…
ထိုပြည်သစ်တွင်… လူနှင့်လူချင်း လေးစားစေ…
ထိုပြည်သစ်တွင်… ဗြဟ္မစိုရ်တရား* ထွန်းကားစေ…
ထိုပြည်သစ်တွင်… လူနှင့်လူချင်း နှိပ်စက်ခြင်း ကင်းရှင်းပပျောက်စေ….
― အို…နွေဦး….
တာကူးကာလ…ဖန်တီးပြလော့…
ပန်းချီရတု…ဆန်းသစ်ပြုလော့…
အဟောင်းစနစ်…ဖျက်သိမ်းပစ်လော့….
မကောင်းသူပယ်…ကောင်းသူဆယ်လော့…
― အို…နွေဦး….
နွေဥတုသစ်…သင် ဖွင့်လှစ်ချိန် တန်ချေပေါ့…
နွေရတုသစ်…သင် ထုဆစ်ချိန် တန်နေပေါ့။
ဇင်လင်း
၁၃၇၆ ခုနှစ်၊ တန်ခူးလဆန်း(၉)ရက်၊ စနေနေ့။
* ဗြဟ္မစိုရ်တရား-မေတ္တာ။ကရုဏာ။ မုဒိတာ။ဥပေက္ခာ ဟူသော တရားမြတ်လေးပါး။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
