အောင်ဝေး – လ က် ပံ တ န်းေ မာ် ကွ န်း
(မိုးမခ) မတ် ၁၁၊ ၂၀၁၅
အို- လက်ပံတန်း
သွေးစွန်းခဲ့ပါပကော
အို- လက်ပံတန်း။
ကြယ်ယံစုံရင်
ဂဠုန်အလံတင်။
ကြယ်မစုံသေးလို့ 
ငါတို့ ရဲ့ ခွပ်ဒေါင်းအလံကလေး
ဘုန်းကြီးကျောင်းနဘေးမှာ
သွေးစွန်းလျက်။
ဒီပဲယင်းက
ချင်းချင်းနီစွေး၊ ကျတဲ့သွေး
ဒီသွေးမြစ်ရေ၊ ဘောင်ဘင်ဝေဆဲ။
လက်ပံတောင်းက
တုံးမောင်းခေါက်သံ၊ တပ်လှန့် သံ
တော်လှန်တဲ့တေး၊ မဆုံးသေးဘူး။
ကြယ်ပေါင်းစုံရင်
ကဒေါင်းအလံတင်
တူတံဇဉ်အလံလွှင့်။
ကြယ်ပေါင်းမစုံလို့ 
ငါတို့ ရဲ့ ယုံကြည်ချက်ကလေး
ကတ္တရာလမ်းမဘေးမှာ
သွေးစွန်းလျက်။
အို- လက်ပံတန်း
သွေးစွန်းခဲ့ပါပကောလား
အို- လက်ပံတန်း။
သွေးအလိမ်းလိမ်း
အစိမ်းဝင်ပူး၊ ဘီလူးဝင်စား
ခွေးဝဲစား
ရဲများ ရဲများ
ကျောင်းသားကိုရိုက်၊ သေအောင်ရိုက်ပြီ
ပြည်သူကိုရိုက်၊ သေအောင်ရိုက်ပြီ
သံဃာကိုရိုက်၊ သေအောင်ရိုက်ပြီ
ရိုက်လို့ အားမရ၊ ထပ်ထပ်ရိုက်ကြ။
အစိုးရလူသတ်ဝါဒ၊ ကိုယ်ထင်ပြပြီ
နိုင်ငံတော်အကြမ်းဖက်ဝါဒ၊ မုန်ယိုပြပြီ။
ထလော့
အဖိနှပ်ခံသူရဲကောင်းအပေါင်းတို့ 
ထလော့
ဒုတိယမတ်လတော်လှန်ရေးစပြီ။
အို- လက်ပံတန်း
သွေးစွန်းခဲ့ပါပကောလားကွဲ့ 
အို- လက်ပံတန်း။
စစ်တပ်ကအာဏာသိမ်းမလား
သိမ်းလိုက်စမ်း
ရင်နှစ်ခြမ်းခွဲ၊ ဖြန်းဖြန်းကွဲပစေ
ရဲရင့်သူတို့ ကမ္ဘာမကျေ။
နောက်ထပ်အာဏာသိမ်းမလား
သိမ်းလိုက်ဦး
အသည်းနှလုံးကွဲ၊ ဗုန်းဗုန်းလဲပစေ
သူရဲကောင်းတို့ ဥဒါန်းမကြေ။
အာဇာနည်မျိုး၊ သေရိုးမရှိ
တိုက်ပွဲသာရှိ။
အာဇာနည်မျိုး၊ သေရိုးမရှိ
အောင်ပွဲသာရှိ။
အို- လက်ပံတန်း
အို- လက်ပံတန်း
အို- လက်ပံတန်း။
လာလမ်းပြန်ကြည့်
နောက်လှည့်စရာမလို
ဆုံးရှုံးစရာ၊ နှောင်ကြိုးသာရှိ
အဘိဓမ္မာ၊ သိဖို့ သာလိုသည်။
စစ်ကိုပိုက်ထွေး၊ သရဲမွေးတဲ့
စစ်ခွေးအစိုးရ၊ ကျဆုံးရမယ်
စစ်ဓားပြယုတ်၊ သူခိုးစုတ်အစိုးရ
မုချကျဆုံး၊ အစတုံးမယ်။
အားလုံး
ကျောင်းသား၊ အလုပ်သမား၊ လယ်သမား
အားလုံး
ပြည်သူ၊ သံဃာ
အားလုံး
စည်းရုံးကြ၊ ညီညွတ်ကြ
အဆုံးသတ်တိုက်ပွဲ၊ ဆင်နွှဲကြဟေ့။
သွေးစွန်းနေတဲ့
ငါတို့ ရဲ့ ခွပ်ဒေါင်းအလံကလေး
သွေးမခြောက်ခင်။
သွေးစွန်းနေတဲ့
ငါတို့ ရဲ့ ယုံကြည်ချက်ကလေး
သွေးမတိတ်ခင်။
သူ့ ထိုးစစ်ကို
ထိုးစစ်နဲ့ ထိုး၊ ပြန်ရိုက်ချိုးဖို့ 
ထိုးစစ်ပြင်လော့။
သူ့ တောမီးကို
တောမီးနဲ့ ဖြတ်၊ ပြန်ငြှိမ်းသတ်ဖို့ 
ခံတပ်ပြင်လော့။
ရာဇ၀င်ကြွေးဆပ်၊ အနာဂတ်မှာ
စစ်ဇာတ်ကျွန်ဇာတ် သိမ်းကြအံ့။
အို- ဆဲဗင်းဂျူလိုင်နီ
ရင်ပြင်နီမှ
ချီတက်ကြလော့။
အို- ရွှေတိဂုံရိပ်
၁၉၂၀ စိတ်နဲ့ 
သပိတ်ဆက်လော့။
အိပ်မက်မဟုတ်
ကောင်းကင်ရုပ်ပုံ
ကြယ်စုံမှ
ဒီမိုကရေစီ။
အိပ်မက်မဟုတ်
မြေပြင်ရုပ်ပုံ
အကုန်ရမှ
ဒီမိုကရေစီ။
ကြယ်အစုံ
မစုံရင်
သူပုန်ထ။
အကုန်ရရင်ရ
မရရင်
ဂဠုန်ကြွ။
အို- လက်ပံတန်း
လက်ပံတန်း
သွေးကြွေးကို သွေးနဲ့ ပဲပြန်ဆပ်ရမယ်
လက်ပံတန်း။ ။
ေ အာ င်ေ ၀း
မတ် ၁၀ – ၂၀၁၅။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
