နိုဝင်ဘာ ၆၊ ၂၀၁၄ ခုနှစ်
(ဗိုလ်) ဦးရွှေမန်းရဲ့လွှတ်တော်ထဲမှာ “၂၀၀၈ အခြေခံဥပဒေ”ကို ပြင်ဆင်နိုင်မယ်လို့ ပြောဆိုနေတာဟာ သိပ်ကို စိတ်ကူးယဉ်လွန်းတဲ့ ပြောဆိုမှုသာဖြစ်ပါတယ်။ တယောက်ထဲစိတ်ကူးယဉ်ပြီးပြောဆိုနေရင်တော့ ဘာမှပြောစရာအကြောင်းမရှိပေမယ့် ဒီလိုပြင် ဆင်နိုင်မယ်လို့ အများပြည်သူလက်ခံအောင်ပြောဆိုနေတာဆိုရင်တော့ ဒီလိုပြောဆိုမှုဟာ အများပြည်သူကို မျှော်လင့်ချက်အမှားတွေပေးနေတာပဲဖြစ်ပါ တယ်။
“၂၀၀၈ အခြေခံဥပဒေ” ကို လွှတ်တော်ထဲမှာ ပြင်ဆင်လို့ (လုံးဝ) မရဘူးလား။ ရပါတယ်။ ဒီလိုပြင်ဆင်ရေးက ဗိုလ်သိန်းစိန်၊ ဗိုလ်ရွှေမန်း၊ ဗိုလ်မင်းအောင်လှိုင်တို့ စိတ်ကြိုက်ရလဒ်သာ အမြဲထွက်နေစေမယ့် ပြင်ဆင်ရေးပဲဖြစ်ပါလိမ့်မယ်။
လွှတ်တော်က ဖွဲ့စည်းပေးခဲ့တဲ့ အခြေခံဥပဒေပြင်ဆင်ရေးနဲ့သက်ဆိုင်တဲ့ “၁၀၉ဦး ကော်မတီ”၊ “၃၁ ဦး ကော်မတီ” တို့ရဲ့ ပြင်ဆင် ရေး ခြေလှမ်းတွေမှာ ဒီချုပ်အမတ်တွေ ဘာတွေလုပ်နိုင်ခဲ့လို့လဲ။ ကြံ့ဖွံ့အမတ်တွေစိတ်ကြိုက်ပဲဆုံးဖြတ်ခဲ့တာမဟုတ်ပါလား။ ဒီချုပ် က တင်ပြ ထားတဲ့ ပြင်ဆင်လိုတဲ့ ပုဒ်မပေါင်း (၁၆၈)ခု အနက် ပုဒ်မဘယ်လောက်ပြင်ဆင်နိုင်ရေးထဲပါဝင်ခဲ့သလဲ။ ဒီချုပ်ပါတီက ပြင်ဆင်ဖို့ အဓိက ရည်ရွယ်ချက်ထားတဲ့ ပုဒ်မတွေ ပြင်ဆင်နိုင်မယ့် စာရင်းထဲပါဝင်ရဲ့လား။
ပုဒ်မ ၄၃၆ (က) နဲ့ (ခ) ကို မထိနဲ့လို့ ကာချုပ်က သူစေလွှတ်ထားတဲ့ “စစ်သားအမတ်” တွေကတဆင့် လွှတ်တော်ထဲမှာ မကြာခင်ကပဲ ဗြောင်ပြောပြီး မဟုတ်လား။
“၂၀၀၈အခြေခံဥပဒေ”ပြင်ဆင်ရေးအတွက် ဒီချုပ်ပါတီက ဦးစီးပြီး ဆန္ဒသဘောထားရယူခဲ့တဲ့ ပြည်နယ်နှင့်တိုင်းဒေသကြီးများ၊ ခရိုင်ပေါင်း (၆၀)၊ မြို့နယ်ပေါင်း (၂၆၇) မြိ့နယ်တို့မှာ ရယူခဲ့တဲ့ ပျမ်းမျှ (၉၇%) ပြင်ဆင်ပြောင်းလဲလိုကြောင်းဆန္ဒပြုချက်တွေဟာ အခုတော့ ဘယ် ရောက်သွားပြီလဲ။
ပုဒ်မ ၄၃၆ ပြင်ဆင်ရေးအတွက် ပြည်သူ ၅သန်းနီးပါး (၄၉၄၁၉၉၈) ရဲ့ဆန္ဒကို လွှတ်တော်ဥက္ကဋ္ဌဆိုသူက သြဇာသက်ရောက်မှုမရှိဘူးလို့ ဆိုပြီးလျစ်လျူပြုခဲ့ပြီးပြီ မဟုတ်ပါလား။
ဒါ့အပြင် လွှတ်တော်ထဲမှာရှိတဲ့ “ ဒီချုပ်အမတ် ၄၆ ယောက်” နဲ့ လွှတ်တော်ဆုံးဖြတ်ချက်တွေကို ဘာမှ လုပ်နိုင်မှာ မဟုတ်ဘူး ဆိုတာကလည်း လူတိုင်းသိရှိ၊ နားလည်သဘောပေါက်နေတဲ့ အချက်ဖြစ်ပါတယ်။
ဒီတော့ လွှတ်တော်ထဲမှာ “၂၀၀၈ အခြေခံဥပဒေ” ပြင်ဆင်ရေးဆိုတာ ကြံ့ဖွံ့ပါတီအမတ်အများစုနဲ့ ကာချုပ်အပေါ်မှာ လုံးလုံး လျားလျားတည်နေပါတယ်။ ဒီလိုပြင်ဆင်နိုင်ရေး ရှေ့ဦးလိုအပ်ချက်အဖြစ် “ ၄ပွင့်ဆိုင်တွေ့ဆုံရေး” တောင်းဆိုခဲ့တယ်။ “၁၄ ဦး ၁၀ မိနစ် စီ စကားပြောပွဲ” နဲ့ ကြံ့ဖွံ့အစိုးရက တုန့်ပြန်ခဲ့ပြီမဟုတ်ပါလား။
၂၀၁၅ ရွေးကောက်ပွဲပြီးတဲ့အခါ ပြင်ဆင်နိုင်မလား။ ၂၀၁၅ ရွေးကောက်ပွဲမှာ ဒီချုပ်ပါတီဟာ ဘယ်လိုပဲ အပြတ်အသတ် အနိုင် ရရှိသည်ဖြစ်ပါစေ “၂၀၀၈အခြေခံဥပဒေ” ကို မပြင်ဆင်နိုင်ပါဘူး။ ၂၀၁၅ ရွေးကောက်ပွဲမှာ ဒီချုပ်ပါတီ (၁၉၉၀ရွေးကောက်ပွဲ)တုန်းကလို အပြတ်အသတ် အနိုင်ရဖို့ဆိုတာလည်း မဖြစ်နိုင်ပါဘူး။ စောသန်းမြင့်တို့ (NBF) ၂၂ပါတီအုပ်စုက ဆန့်ကျင်ပြနေပြီမဟုတ်ပါလား။ ရွေးကောက်ပွဲကော်မရှင်က လုပ်ကြံဖန်တီးလာဦးမယ့် ညစ်နည်းအဖုံဖုံကို ထည့်မပြောသေးပါဘူး။ (PR) ဆိုတာကို လွှတ်တော်ထဲမှာ အသည်းအသန်ဆန့်ကျင်ကန့်ကွက်နေရပြီမဟုတ်ပါလား။
သဘောထားကြီးနေရုံ၊ တည်ဆောက်ရေးစိတ်ထားမွေးမြူရုံ၊အရေးကြီးဆုံး အမျိုးသားရင်ကြားစေ့ရေးမူကို ရင်ဝယ်ပိုက်ထားရုံနဲ့ “၂၀၀၈ အခြေခံ ဥပဒေ” ကို ပြည်သူတွေလိုလားတဲ့ ဒီမိုကရေစီစံနှုန်း၊ ဖက်ဒရယ်ပြည်ထောင်စုစံနှုန်းတွေပြည့်ဝတဲ့ အခြေခံဥပဒေတရပ်ဖြစ် လာအောင် သမ္မတ(ဗိုလ်)ဦးသိန်းစိန်၊ လွှတ်တော်ဥက္ကဋ္ဌ(ဗိုလ်)ဦးရွှေမန်း၊ ကာချုပ် ဗိုလ်မင်းအောင်လှိုင်တို့က ပြင်ဆင်ပေးပါ့မလား။
“NLD က အတားအဆီးတွေကျော်လွှားတဲ့နေရာ မှာ အင်မတန်ကျွမ်းကျင်ပါတယ်” တဲ့။
ဟုတ်ကဲ့။ ဒီချုပ်ပါတီဟာ မီးကွင်းစတဲ့ အတားအဆီးအခက်အခဲတွေကို ကြာပွတ်ကိုင်သူရဲ့ အမိန့်ပေးမှုနဲ့အတူ စည်းကမ်း သေဝပ်စွာ၊ ကျွမ်းကျင်လိမ်မာစွာ ကျော်လွှားသွားတတ်တဲ့ ဆပ်ကပ်ရုံကြီးထဲက ခြင်္သေ့ကြီးလိုတော့လည်းမဖြစ်စေလိုပါ။
ဒါ့အပြင်၊ လွှတ်တော်ဥက္ကဋ္ဌကြီးရှေ့မှောက်မှာ တန်းစီးခေါင်းငုံ့ကာ “လေးစားလိုက်နာပါ့မယ်” လို့ ကျမ်းကျိန်ပြီးတော့လည်း မကျော်လွှားစေ ချင်ပါဘူးခင်ဗျာ။ ပြည်သူများနဲ့အတူ ခေါင်းမော့၊ ရင်ကော့ပြီးကျော်လွှားစေချင်တာပါ။ အခုတော့ ကိုပါကြီးတို့၊ ဆွမ်လွတ်ရွယ်ဂျာတို့တော့ “၂၀၀၈ အခြေခံ ဥပဒေဘောင်” ထဲမှာ စစ်တပ်ရဲ့အကြမ်းဖက်ဖမ်းဆီး၊ ဖိနှိပ်သတ်ဖြတ်ခြင်းကို ရက်ရက်စက်စက်ခံခဲ့ကြရပါပြီ။ လယ်ယာမြေ မတရားသိမ်းပိုက်ခြင်း ခံရတဲ့အပြင်၊ လယ်သမားတွေလည်း အဓမ္မဖမ်းဆီးထောင်ချခံနေကြရပါပြီ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
လွှတ်တော်မှာ နေရာအများစုရထားတဲ့ ကြံ့ဖွံ့အမတ်တွေနဲ့ စစ်တပ်ကတက်ထိုင်နေတဲ့ ၂၅% ဆိုတာတွေဟာ အသွင်သာမတူအောင်လုပ်ပြထားတဲ့ တစ်သားထဲသော စစ်အုပ်စုဆိုတာ ရှင်းပါတယ်။ သူတို့က အာဏာတည်မြဲဖို့အတွက်တော့ တစ်ဖက်ကမ်းခတ်နေတာမို့ ပုဒ်မ(၄၃၆)အတွက် လွှတ်တော်မှာ မဲခွဲတယ်ဆိုဦးတော့ ထောက်ခံမဲ ၇၅% မကျော်ဖို့က အဓိက၊ ပြည်သူတွေကို နဝေတိမ်တောင်နဲ့ ချာချာလည်ထွက်သွားအောင် စစ်သားတစ်ချို့က ပြင်ဆင်ရေးဖက်က ထောက်ခံပြလို့လည်း ရတာပဲ။ အဲဒီလိုလုပ်ပြလိုက်ရင် သာမန်ပြည်သူတွေ အသာထား၊ တစ်ချို့သောနိုင်ငံရေးသမားတွေ ဆိုတာတောင် မျက်လှည့်ပြလို့ ပြမှန်းမသိဘဲ (ကြံ့ဖွံ့နဲ့ စစ်တပ်ကို သပ်သပ်စီလို့ မြင်နေတဲ့လူတွေက) စစ်သားတွေထဲမှာလည်း ပုဒ်မ(၄၃၆)ကို ပြင်ချင်ရှာကြသားပဲဆိုပြီး မချိတင်ကဲ( မချိသွားဖြဲပဲ ပြောပြော) အနှီစစ်သားဆိုသူတွေကို ချီးမွမ်းထောပနာ ပြု ကြလိမ့်အုံးမယ် ကိုတူမောင်ညိုရေ။
ဗမာစစ်တပ်ဟာဇာတ်တူသားစားပြခဲ့တဲ့ထုံးစံတွေရှိပါတယ်။ နအဖ ခေတ်မှာ “တပ်မတော်ဒုတိယဖခင်ကြီး”ဆိုတဲ့ “အာဏာရှင်” ဦးနေဝင်းနဲ့သမီးကိုအကျယ်ချုပ်ချ၊ သမက်နဲ့မြေးတွေကိုထောင်ထဲပို့၊ သူတို့ထက်စီနီယာကျသူတွေထောင်ထားတဲ့ မဆလတဖြစ်လဲတစညကိုမထောက်ခံတော့ဘဲသူတို့ ဖာသာကြံ့ဖွတ်ပါတီအစိုးရဖြစ်လာအောင်လုပ်ခဲ့တဲ့သာဓကတွေရှိတယ်။ ဒီနေ့ဒီအချိန်မှာကြံ့ဖွတ်ပါတီအစိုးရအဖွဲ့ဝင်ဗိုလ်ချုပ်ဟောင်းတွေမှာ အာဏာသာရှိတော့တယ်၊ လက်နက်မရှိတော့ဘူး။ ဒီတော့ “လက်နက်ရှင်” ဗမာစစ်တပ်ကဘယ်နေ့မှာဇာတ်တူသားထပ်စား၊ မစား၊ ဘယ်သူမှမသိနိုင်ဘူး။ အဲဒီလိုဖြစ်ပါစေလို့ဆုတောင်းရတော့မယ်ထင်တယ်။