သူတို့အာဘော် ဇော်အောင် (မုံရွာ)

ဇော်အောင်(မုံရွာ) – ထိုင်ခုံ

ဇော်အောင်(မုံရွာ)  ထိုင်ခုံ
(မိုးမခ) အောက်တိုဘာ ၁၄၊ ၂၀၁၄

ရန်ကုန်၊ မန္တလေး၊ ဘန်ကောက်၊ စင်ကာပူ၊ တိုကျို၊ နယူးယောက် .. ကမ္ဘာ့မြို့ကြီးများမှာ လူတွေခရီးသွားလာတဲ့အခါ ကား၊ရထား၊လေယဉ်၊သင်္ဘော တွေမှာ ထိုင်ခုံရရှိရေးဟာ အလွန်အရေးကြီးပါတယ်။ ၂၀၁၄ မြန်မာနိုင်ငံ မြို့များကို လှည့်လည်သွားလာချိန်မှာ ခရီးတိုသွားချိန်၊ ကိုယ့်ဖိနပ်ကိုခုပြီး ထိုင်ရင်းသွားလာခဲ့တဲ့ ခရီးစဉ်များစွာ ရှိပါတယ်။ ရန်ကုန်မြို့မှာလည်း ဘတ်စကားထိုင်ခုံရရှိဖို့ ကားစပယ်ယာက တာဝန်ယူပါတယ်။ ယောင်္ကျား၊မိန်းမကြီးငယ် ကားပေါ် လက်မောင်းဆွဲတင်၊ တင်ပါးကိုတွန်းပြီး နေရာချပေးရတဲ့ ကားစပယ်ယာကို ဘယ်မိန်းမ၊ယောင်္ကျားမှ စိတ်မဆိုးပါဘူး။ ကားထဲရောက်ဖို့က အရေးကြီးပါတယ်။ စင်ကာပူရောက်တော့ အထူးသဖြင့် MRT လို့ခေါ်တဲ့ ရထား မနက်၊ညနေ ရုံးသွားချိန်ဆို အရမ်းကြပ်ပါတယ်။ ဟိုးတုန်းက ဂျပန်၊တိုကျို၊အိုဆာကာ ရထားတွေ အရမ်းကျပ်တယ်ဆိုတာ စင်ကာပူမှာလဲ ဖြစ်နေပါပြီ။ အကျီအနီနဲ့ရထားစပယ်ယာ၊ အမျိုးသမီးဝန်ထမ်းများ ရထားထဲလူတွေကို တွန်းပေးနေရပါတယ်။

စင်ကာပူမှာတော့ ထိုင်ခုံ ၁၀ခုဆိုရင် တစ်ခုကို သက်ကြီးရွယ်အို၊ ကိုယ်ဝန်ဆောင်မိန်းမ၊ မသန်စွမ်းသူ ..စတဲ့လူတွေအတွက် နေရာသတ်မှတ်ထားပါတယ်။ မနက်ပိုင်း ရုံးချိန်ဆိုတော့ ဒီထိုင်ခုံတွေမှာ လူငယ်၊များလည်း ထိုင်ခုံရရင်ပြီးတာပဲ ဆိုပြီး လုထိုင်ရပါတယ်။ ရထားပေါ် ထိုင်ခုံ၄၀ ရှိပြီး မသန်စွမ်းထိုင်ခုံက ၄ခု ရှိပါတယ်။ မတ်တပ်ရပ်သူက လူတစ်ရာလောက် ကြပ်ညှပ်ပြီး ရထားစီးရပါတယ်။ တချို့က မိနစ်၅၀၊ တစ်နာရီကြာမယ်ဆိုတော့ လူတိုင်းလူတိုင်း ထိုင်ခုံကို မျက်စောင်းထိုးကြပါတယ်။ လူတစ်ယောက် ထသွားရင် အနီးနားမှာ မတ်တပ်ရပ်နေတဲ့ လူ၃ယောက်လောက်၊ အရိပ်အခြေနေကြည့်ပြီး လွတ်သွားတဲ့နေရာယူရပါတယ်။ အသက်ကြီးသူများကို ဦးစားပေးကြပါတယ်။ တချို့မိန်းကလေးများနဲ့ အိန္နိယနိုင်ငံက အလုပ်လာလုပ်သူ အိန္နိယအနွယ်၊ ပညာမတတ်တဲ့ လူငယ်လေးများကတော့ အတင်းနေရာလုတတ်ပါတယ်။

အိန္နိယနိုင်ငံက ခရစ်ယာန်ဂိုဏ်ချုပ်၊ ဘစ်ရှော့ကြီးတစ်ဦး စင်ကာပူအလည်ရောက်စဉ် တရားဒေသနာ ဟောတာ၊ ကြားဖူးပါတယ်။ သူအိပ်ရင်း ကောင်းကင်ဘုံရောက်သွားတယ်လို့ အိပ်မက် မက်တယ်..တဲ့။ ကောင်းကင်ဘုံမှာ ယေရှုက ထိုင်ခုံပလ္လင်ကြီးပေါ် ထိုင်ရင်၊ ရောက်လာသူ အမေရိကန်ဘစ်ရှော့ကို ထိုင်ခုံကထပြီး၊ လက်ဆွဲနှုတ်ဆက်ပါတယ်။ ခဏကြာတော့ ကိုးရီးယားနိုင်ငံက ဘစ်ရှော့ကိုလဲ မတ်တပ်ရပ်ပြီး လက်ဆွဲနှုတ်ဆက်ကြိုဆိုတယ်။ အိန္နိယဘစ်ရှော့ကြီး သူ့အလှည့် ရောက်တော့၊ ယေရှုက ထိုင်ခုံကမထပဲ ထိုင်ရက်နှုတ်ဆက်တယ်..တဲ့။ အိန္နယဘစ်ရှော့ကြီးလဲ အရမ်းဝမ်းနည်ျးက်ရည်တွေနဲ့ ကိုယ်တော်၊ သူများတွေကို မတ်တပ်ရပ်နှုတ်ဆက်ပြီး၊ ကျနော်မျိုးကို ဘာကြောင့်ထိုင်ရက် နှုတ်ဆက်တော်မူပါသလဲ…မေးတော့…။ ငါမတ်တပ်ရပ်လိုက်ချိန် မင်း၊ ငါ့ထိုင်ခုံကို ဝင်ထိုင်လိုက်မှာစိုးလို့ပါ… လို့ပြောတယ်။ ထိုင်ခုံကို လူတိုင်းမက်မောသလို ဘုရားတောင်မှ မက်မောတယ် ဆိုတဲ့အကြောင်း ရယ်စရာပြောပါတယ်။

ဆရာကြီး ကြေးမုံဦးသောင်းရဲ့ ဗိုလ်နေဝင်း ဇတ်လမ်းများမှာ ဖတ်ရပါတယ်။ အာဏာရှင် ဦးနေဝင်း နယ်လှည့်ခရီးစဉ်မှာ သူများထက် ၆လက်မလောက် မြင့်တဲ့ ထိုင်ခုံကြီးတစ်ခုကို သူ့တပည့်တွေက ကားတစ်စီးနဲ့ သယ်သွားပေးရတယ်..တဲ့။  တနေရာရောက်တော့ လူတွေအားလုံးစုံနေပြီ၊ ထိုင်ခုံသယ်တဲ့ ကားကြီးက မရောက်သေးဘူး။ ဦးနေဝင်းက လူမှုရေးကောင်းသူဖြစ်တော့ သက်ကြီးလူကြီးများကို ထိုင်ခုံတွေပေါ် အတင်းထိုင်ခိုင်းတယ်။ သူကတော့ မတ်တတ်ရပ်ပြီး အမှာစကားတွေ ပြောနေတယ်။ သူ့အတွက် ထိုင်ခုံအကောင်းတခု လာပြင်ထားပေမဲ့ မထိုင်ပဲ၊ မတ်တပ်ပဲ ရပ်ပြီး စကားပြောနေတုန်း၊ ၆လက်မမြင့်တဲ့ ထိုင်ခုံသယ်တဲ့ ကားရောက်လာပြီး၊ ဦးနေဝင်းအတွက် စပယ်ရှယ်ထိုင်ခုံကို လာပြင်ပေးတယ်။ ဒီတော့မှာ ဦးနေဝင်းလဲ သူ့စပယ်ရှယ် ထိုင်ခုံမှာထိုင်ပြီး အမှာစကားတွေ ဆက်လက်ပြောပါတယ်။ တကယ့်အဖြစ်ပျက်ပါ။

စင်ကာပူ အမ်အာတီ ဆိုတဲ့ ရထားပေါ်က ထိုင်ခုံအကြောင်း ဆက်ရေးချင်ပါတယ်။ ရထားပေါ်ရောက်တာနဲ့ လူတိုင်းရဲ့ မျက်လုံးဟာ ထိုင်ခုံအလွတ်တွေရှိတဲ့နေရာကို ရောက်အောင်သွားကြပါတယ်။ ဟန်မဆောင်နိုင်သူများက ခပ်မြန်မြန် ပြေးထိုင်ကြပါတယ်။ အသက်အရွယ်၊ မိန်းမဦးစားပေးစနစ်တွေ ပျောက်သွားပါတယ်။ ကိုယ်ရတဲ့ ထိုင်ခုံက သက်ကြီးရွယ်အို၊ ကိုယ်ဝန်ဆောင်မိန်းမ၊ မသန်စွမ်းသူ ..ထိုင်ခုံဆိုရင်တော့ ကျနော့်အတွက် ပြသနာပါ။ အသစ်တက်လာသူများကို ကြည့်ရပါတယ်။ နေရာထပေးဖို့ မျက်စိရှင်ရှင် ထားရပါတယ်။ အများအားဖြင့် လူအများစုက အဲဒီထိုင်ခုံကို ရတာနဲ့၊ မျက်စိမှိတ်လိုက်ပြီး၊ အိပ်လိုက်တယ်၊ အိပ်ချင်ယောာင်ဆောင်တယ်လို့ ပြောကြတယ်။ ကြည့်မရတဲ့ အသက်၆၀ကျော်၊ အဖွားကြီးတချို့က လက်တို့ပြီး လူကြီးကိုနေရာပေးဖို့ ပြောမှ မျက်စိဖွင့်ကြည့်ပြီး ဆောရီး၊ ဆိုပြီး နေရာထပေးပါတယ်။ တကယ်တော့ ဘယ်သူမှ လက်တို့ပြီး ထိုင်ခုံဖယ်ပေးဖို့ မပြောချင်ပေမဲ့၊ အမုန်းခံပြီး ကြားခံပြောပေးသူများကိုလည်း တွေ့ရပါတယ်။ အများအားဖြင့်တော့ ထိုင်ခုံကိစ္စ ကိုယ်နဲ့မဆိုင်သလိုပဲ လူတိုင်းမနက်ဆို၊ ရုံးအချိန်မီရောက်ရေးပဲ ဦးတည်ထားတော့၊ ထိုင်ခုံလုနေတာတွေ ဝင်မပါချင်ပါဘူး။ ထိုင်ခုံရနေသူတွေလဲ ထိုင်ခုံဖယ်ပေးဖို့ဆိုတာ စဉ်စားမယ်တောင် မထင်ပါဘူး။

အံ့သြစရာကတော့ ၁၀နှစ်လောက်အကြာမှာ စင်ကာပူလူငယ်များစွာ ထိုင်ခုံနေရာထပေးတဲ့ စာရိတ္တတိုးတက်လာတာကို တွေ့မြင်ရပါတယ်။ ကလေးဘဝ ကတည်းက  Good Attitude  စာရိတ္တပညာ၊ တနည်းအားဖြင့် ပြည်သူ့နီတိ၊ လောကနီတ ပညာကို ကျောင်းများမှာ သင်ကြားပေးတယ်။ လူများလည်း စားဝတ်နေရေး အဆင်ပြေတော့ ထိုင်ခုံမက်မောမှု မရှိတော့တာကို တွေ့ရပါတယ်။

ထိုင်ခုံ မြန်မာပြည်ကို အလည်အပတ် ပြန်လည်ရောက်ရှိလာတဲ့ US Campaign for Burma စတင်တည်ထောင်ခဲ့သူ ကိုအောင်ဒင် (ဆရာအောင်ဒင်-စာရေးဆရာ) အကြောင်း မိုးမခမှာ ဖတ်ရပါတယ်။ ထိုင်ခုံ မက်မောမှု မရှိသူလူနည်းစုထဲမှာ သူလည်းပါဝင်တယ်လို့ သတ်မှတ်ပါတယ်။ ရရင်တော့ ထိုင်ခုံ ထိုင်ချင်တာ လူ့သဘောသဘာဝဖြစ်ပေမဲ့ ထိုင်ခုံကို မက်မောစွာ၊ ဆုပ်ကိုင်မထားသူတစ်ဦးအဖြစ် ခင်မင်လေးစားပါတယ်။ အမေရိကန်မှာ နေထိုင်ရင်း မြန်မာ့ဒီမိုကရေစီလုပ်ငန်းများ၊ စာပေများရေးသား၊  တဲ့အခါမှာ မြန်မာ့လွှတ်တော်သို့အဝေးကြည့် ဆောင်းပါးပေါင်းများစွာ ရေးသားခဲ့သူဖြစ်ပါတယ်။ အမေရိကန် ဘိုးအေဒီမိုကရေစီ နိုင်ငံကြီးရဲ့ ကောင်းဆိုးများကို မြန်မာနိုင်ငံရဲ့ အသစ်စက်စက် ဒီမိုကရေစီလွှတ်တော်အကြောင်းများကို ဗဟုသုတ၊ လေ့လာစရာများစွာ ဖတ်ရှုဆင်ချင်ရပါတယ်။

ဆရာအောင်ဒင် စာပေနှင့် နိုင်ငံရေး လုပ်ဖော်ကိုင်ဖက် မိတ်ဆွေများ၊ ကွဲကွာနေခဲ့ရသည့် မိခင်နှင့်လည်း ပြန်လည်ဆုံမယ်ဖြစ်ပြီး၊ ကွယ်လွန်သွားတဲ့ ဖခင်ဖြစ်သူ ၀ါရင့်သတင်းစာဆရာကြီး ဦးကျော်ရှိန် (မြေလတ်ဖိုးအောင်) နှင့် ညီဖြစ်သူ စာရေးဆရာ တာရာမင်းဝေ တို့ကိုတော့ မတွေ့နိုင်တော့ပါဘူး။ ၁၉ ၈၈ အရေးတော်ပုံကာလအတွင်းက ဗကသ အဖွဲ့ချုပ်၊ ဘီဝိုင်အက်ဖ် လူငယ်တပ်ဦးတို့တွင် ကျောင်းသားခေါင်းဆောင်တဦးဖြစ်ပြီး၊ နိုင်ငံရေးအကျဉ်းသားတဦးအဖြစ် စစ်အစုိုးရ၏ ဖမ်းဆီးခံခဲ့ရပါတယ်။ နောက်ပိုင်း ရန်ကုန်စက်မှုတက္ကသိုလ်ပြန်ဖွင့်ချိန် ကျောင်းဆက်တက်ပြီး စက်မှုအင်ဂျင်နီယာဘွဲ့ ၁၉ ၉၄ မှာ ရရှိခဲ့ပါတယ်။ ၁၉ ၉ ၅ မှ ၂၀၀၀ ခုနှစ် စင်္ကာပူနှင့် ထိုင်းနိုင်ငံများတွင် နေထိုင်ပြီး ၂၀၀၁ မှာ၊ အမေရိကန်ပြည်ထောင်စုသို့ ရောက်ခဲ့ပါတယ်။ မိုးမခ ၂၀၀၃ ခုနှစ်တွင် စတင်ထူထောင်စဉ်က အတိုင်ပင်ခံဒါရိုက်တာတဦးအဖြစ် ဆောင်ရွက်ပေးသူဖြစ်ပါတယ်။

သူရေးခဲ့တဲ့ လွှတ်တော်မှာ ထိုင်ခုံတွေ အများကြီးရှိပါတယ်။ အင်အယ်ဒီကိုယ်စားလှယ်များစွာနဲ့ ဒေါ်အောင်ဆန်းစုကြည် တို့ကို အဲဒီ ကုလားထိုင်ပေါ်မှာ ထိုင်ခွင့်ပြုခဲ့ပြီး မြန်မာ့အသစ်စက်စက် ဒီမိုကရေစီစနစ်ကို သမ္မတဦးသိန်းစိန် အစိုးရက ပိုမိုပီပြင်စေခဲ့တာ ၃နှစ်ကျော်ခဲ့ပါပြီ။ လွှတ်တော်နဲ့အစိုးရ ကုလားထိုင်တွေကို နေရာချပေးပါတယ်။ အာဏာ ကုလားထိုင်ကတော့ လူကြိုက်များ၊ ရေပန်းအစားဆုံး ဖြစ်လို့ နိုင်ငံတော် သမ္မတ ဆိုတဲ့ ကုလားထိုင်ကို လိုချင်မက်မောမှုကို ရင်ထဲရှိတာ ပွင့်ပွင့်လင်းလင်း ပြောရဲတဲ့၊ သမ္မတဖြစ်ချင်သူတွေ အကြောင်းလဲ ဖတ်ရပါတယ်။

ထိုင်ခုံမထိုင်ချင်လို့ မြန်မာနိုင်ငံချစ် ရုပ်ရှင်မင်းသားကြီးဘဝကို စွန့်လွှတ်ပြီး  ဆင်းရဲလွန်းတဲ့ မြန်မာပြည်သူလူထုကို အသုဘချပေးတဲ့ ဦးကျော်သူရဲ့ နာရေးအသင်းကြီးလည်း နာမည်ကြီးပါတယ်။ ဦးကျော်သူလည်း သမ္မတဖြစ်လိုသူများကို အားပေးတဲ့အနေနဲ့ အကယ်၍သူသာ သမ္မတဖြစ်ရင် ဆိုတဲ့ဆောင်းပါးများကို စာအုပ်အဖြစ်ထုတ်ဝေခဲ့ပါတယ်။ ရုပ်ရှင်မင်းသားကြီး ဦးကျော်သူ ထိုင်ခုံမက်တဲ့ လူမဟုတ်တာ လူတိုင်းသိပါတယ်။ သူဝါသနာပါတဲ့ ရုပ်ရှင်လုပ်ငန်းနဲ့ တိုင်ပြည်ဒီမိုကရေစီစနစ်ကို အကျိုးပြုနေဦးမယ်လို့ မျှော်လင့်ပါတယ်။

နိဂုံးချုပ်အဖြစ်

စင်ကာပူ ရထားထိုင်ခုံနဲ့ပဲ ဇတ်လမ်းသိမ်းလိုပါတယ်။ အရင်ကတော့ ကျနော်လည်း ထိုင်ခုံလိုက်ရှာပါတယ်။ အသက်ကြီးတော့ အထူးသဖြင့် ကိုယ့်ထက်ကျန်းမာရေးချို့တဲ့တဲ့ ဇနီးသည်အတွက် ထိုင်ခုံရရှိရေး၊ အရေးကြီးပါတယ်။ သူမ ပုံစံကလည်း ခန္တာဝဖြိုး၊ အသက်ရွယ်ကြီး၊ သနားစရာမျက်နှာနဲ့ဆိုတော့ အနားမှာရှိတဲ့ အသက်၃၀အောက် လူငယ်များက ထပြီးနေရာပေးပါတယ်။ ကျနော်ကတော့ နေရာမရှိရင် ရထား၂ခုဆက်ထားတဲ့ ကြားမှာပဲ မတ်တပ်ရပ်လိုက်ပါတယ်။ လူတွေ အဆင်းအတက်၊ တခါးပေါက်နားမှာ မတ်တပ်မရပ်ချင်ပါဘူး။ ခဏခဏ မရွေ့ရပဲ မတ်တပ်ရပ်လို့ရတဲ့ နေရာကို ရွေးရင်၊ ရထား၂ခုဆက်တဲ့ နေရာက အကောင်းဆုံးပါပဲ။ ရထား ၂ခုဆက်တဲ့နေရာဆိုတော့ မတော်တဆ၊ ရထားအဆက်ပြုတ်သွားရင် ဒုက္ခပဲ၊ တွေးချင်စရာပါ။ သေလည်း ဘာတတ်နိုင်မှာလဲ၊ စင်ကာပူရောက်တဲ့ နှစ်ပေါင်းများစွာကြာချိန်မှာ ရထား၂ခုကြားမှာ မတ်တပ်ရပ်စီးတဲ့လူတွေ ထိခိုက်ဒဏ်ရာရတာ မကြားဖူးပါ။ ဒါကြောင့် သူများအတွက် စိတ်မချရပေမဲ့ ကျနော့်အတွက်တော့ စိတ်ချရတဲ့နေရာပါ။ မတ်တပ်ရပ်နိုင်သေးတဲ့ ခွန်အားကို ရထားလို့လဲ ဘုရားသခင်ကို ကျေးဇူတင်ရပါတယ်။ မတတ်နိုင်ရင် ဗမာပြည်လို ရထား ကြမ်းပြင်မှထိုင်ချလိုက်တဲ့ လူအိုတွေ စင်ကာပူ၊ မြန်မာ …ခရီးတိုများမှာ မတွေ့ရပါဘူး။ အဲ..မြန်မာပြည် ခရီးရှည်များမှာတော့ ရထား၊ကား ကြမ်းပြင်ပေါ်ထိုင်၊ အိပ် ခရီးသွားသူတွေ အမြောက်များတွေ့ရပါတယ်။ ကိုယ်တိုင်လဲ ၂၀၁၄ ခရီးစဉ်များမှာ သွားလာခဲ့ဖူးပါတယ်။

စွန့်လွှတ်ခြင်းစိတ်ဓါတ်က အလွန်အရေးကြီးလာပါတယ်။ လူတွေကို ခေါင်းဆောင်လုပ်သူများဟာ အာဏာကို ရရှိချိန်မှာ စွန့်လွှတ်ခြင်းစိတ်ကို ဆက်လက်ကျင့်သုံးရပါတယ်။ စွန့်လွှတ်ခြင်းစိတ်ကို ဥပဒေ၊ စနစ်နဲ့ပဲ ထိမ်းသိမ်းရပါတယ်။ ဘာသာရေးတွေမှာတော့ ကျမ်းစာများနဲ့ အကျင့်စာရိတ္တ၊ စွန့်လွှတ်ခြင်းစိတ်ဓါတ်ကို ထိန်းသိမ်းပါတယ်။ နိုင်ငံတော်အာဏာကိုတော့ ဖွဲ့စည်းပုံအခြေခံဥပဒေနဲ့ အုပ်ချုပ်သလို၊ ကိုယ်တိုင်လဲ စွန့်လွတ်ခြင်းစိတ်နဲ့ မိမိ မိသားစု၊ အသိုင်းအဝိုင်းတခုမှာ နမူနာပြနိုင်ဖို့ပါ။  လင်မယား၊ ညီအစ်ကို တွေမှာ Respect Earn ဆိုတဲ့ စကားပုံအတိုင်း အိမ်ထောင်ဦးစီးနေရာ၊ (ထိုင်ခုံ) ကို ပေးကြပါတယ်။ ထိုင်ခုံဆိုတာ ထိုင်တတ်မှ မြဲပါတယ်။ ထိုင်ခုံအကြောင်း ရေးရရင် စာအုပ်ကြီးတစ်အုပ် ဖြစ်လာပါဦးမယ်။ ဒီလောက်နဲ့ပဲ မိမိရဲ့ ထိုင်ခုံအကြောင်း ဆက်လက်စဉ်းစားကြပါလို့ နိဂုံချုပ်လိုက်ပါတယ်။ အားလုံး ရွှင်လန်းဝမ်းမြောက်ကြပါစေ။

ဇော်အောင်(မုံရွာ)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts