အရှင်စန္ဒိမာ (မွန်စိန်တောရ) – အကြမ်းဖက်အန္တရာယ် တကယ် ရှိနေပြီလား

လတ်တလော သတင်းပျံ့နေတဲ့ အယ်လ်ကုိုင်းဒါးခေါင်းဆောင်ရဲ့  ခြိမ်းခြောက်ပြောဆုိုမှုဟာ မြန်မာနုိုင်ငံကုို လက်တွေ့သက်ရောက်မှု နည်းလိမ့်မယ်လုို့ ထင်စရာရှိပါတယ်။ နုိုင်ငံတချို့မှာလို အသေခံဗုံးခွဲအကြမ်းဖက် တုိုက်ခုိုက်မှုတွေ ဖြစ်လာနုိုင်ခြေ နည်းမယ်လို့ ထင်ကြလိမ့်မယ်။ ဒါပေမယ့် ငွေပေးရင် ဖြစ်ချင်တာ အရာရာ ဖြစ်နုိုင်တဲ့ တရားဥပဒေစုိုးမုိုးမှုအားနည်းတဲ့ နုိုင်ငံ၊ လူထုကြည်ဖြူမှု မရှိတဲ့ အစုိုးရအာဏာရထားတဲ့ နုိုင်ငံတစ်နုိုင်ငံမှာ အကြမ်းဖက်သမားတွေကသာ တကယ်ပစ်မှတ်ထားလာမယ်ဆုိုရင် မဖြစ်နုိုင်ဘူးလို့ ပြောရ ခက်ပါတယ်။

မနှစ်က ကင်ညာနုိုင်ငံက ကုန်တုိုက်ကြီးတစ်ခုကုို ဆုိုမာလီယာနုိုင်ငံမှာ အခြေစုိုက်တဲ့ al-Shabab အမည်ရတဲ့ အကြမ်းဖက်အဖွဲ့တစ်ခုက အကြမ်းဖက်ဝင်ရောက်သိမ်းပုိုက်ပြီး အပြစ်မဲ့ အရပ်သားတွေကုိုလည်း ဓါးစားခံအဖြစ် ရက်အတန်ကြာ ဖမ်းဆီးထိန်းသိမ်းထားခဲ့တယ်။ နောက်ဆုံး ကင်ညာလုံခြုံရေးတပ်ဖွဲ့ဝင်တွေက ကုန်းတုိုက်ကြီးကုို ဝင်ရောက်စီးနင်းတော့ ဓါးစားခံများစွာကုို ကယ်တင်နုိုင်ခဲ့သော်လည်း အနည်းဆုံး အပြစ်မဲ့အရပ်သား ၆၇ ယောက် အသက်ဆုံးခဲ့ရတယ်။  

al-Shabab အကြမ်းဖက်အဖွဲ့ဟာ နယ်စပ်ကုို ဖြတ်ကျော်ဝင်ရောက်ပြီး လက်နက်ခုိုးသွင်းတာ၊ ကုန်တုိုက်မှာ အခန်းတွေယူထားပြီး လက်နက်တွေကုို သုိုဝှက်ထားတာတွေကုို ကင်ညာလုံခြုံရေးတပ်ဖွဲ့တွေ ရဲတွေနဲ့ အစုိုးရအမှုထမ်းတွေကုို လာဘ်ထုိုးပြီး စနစ်တကျ ကြိုတင်စီမံခဲ့တယ်လုို့ သတင်းတွေက ဆုိုတယ်။ ဒါကြောင့် အကျင့်ပျက်ခြစားမှု လာဘ်ပေးလာဘ်ယူမှုတွေ ထူပြောတဲ့ နုိုင်ငံတစ်နုိုင်ငံကုို အကြမ်းဖက်သမားတွေ ဝင်ရောက်လာဖုို့ မခက်ခဲဘူးဆုိုတာကုို ကင်ညာကုန်တုိုက်ကြီး အကြမ်းဖက်တုိုက်ခုိုက်ခံခဲ့ရမှုက သက်သေခံနေပါတယ်။

လူထုကြည်ဖြူမှုမရှိတဲ့ အစုိုးရအာဏာရထားတဲ့ နုိုင်ငံမှာလည်း အကြမ်းဖက်သမားတွေ အကြမ်းဖက်လုပ်ငန်း လုပ်မယ်ဆုိုရင် မခက်ခဲနုိုင်ပါဘူး။ အကြမ်းဖက်သမားတွေကုို ခြေရာခံဖုို့ လက်ရာဖမ်းဆီးဖုို့ဆုိုတာ လူထုရဲ့ သတင်းပေးမှု ပူးပေါင်းကူညီမှု လုိုအပ်ပါတယ်။ သုို့သော် လူထုကြည်ဖြူမှုမရှိတဲ့ အစုိုးရအနေနဲ့ လူထုဆီက ပူးပေါင်းကူညီမှု အပြည့်အဝရနုိုင်ဖုို့ ခက်ခဲပါမယ်။

နောက်တစ်ခု အယ်လ်ကုိုင်းဒါးဆုိုတာ အမေရိကန်လုို ကမ္ဘာ့အင်အားကြီး နုိုင်ငံကုိုတောင် ဒုက္ခပေးခဲ့တဲ့ အကြမ်းဖက်အဖွဲ့အစည်းကြီးဆုိုတာကုိုလည်း မေ့လုို့ မရနုိုင်ပါ။ ဒီအချိန်မှာ နေပြည်တော် သမ္မတရုံးက စုိုးရိမ်စရာ မရှိဘူးလုို့ သတင်းထုတ်ပြန်ခဲ့တယ်။ တကယ်တော့ စစ်ရေး လုံခြုံရေးအင်အားတောင့်တင်းပြီး လူထုထောက်ခံမှုရှိတဲ့ ခုိုင်မာတဲ့ အစုိုးရအုပ်ချုပ်တဲ့ နုိုင်ငံတွေလုို မြန်မာနုိုင်ငံမှာ ပြင်ပအကြမ်းဖက်အန္တရာယ်ကုို စုိုးရိမ်စရာမရှိဘူးလို့ ကြုံးဝါးနုိုင်တဲ့ အခြေအနေမရှိပါဘူး။ အယ်လ်ကုိုင်းဒါးအကြမ်းဖက်အဖွဲ့ကုိုယ်နှိုက်က မြန်မာနုိုင်ငံမှာ အကြမ်းဖက်လုိုတဲ့ ဆန္ဒမရှိသေးလုို့ စုိုးရိမ်စရာ မရှိတာပါ ပြောမှ ပုိုမုို မှန်ကန်ပါလိမ့်မယ်။   

ဒါကြောင့် အကျင့်ပျက်ခြစားမှုတွေ ထူပြောပြီး လူထုထောက်ခံမှုမရှိ၊ လူထုမေတ္တာမရှိတဲ့ အစုိုးရအုပ်ချုပ်နေတဲ့ မြန်မာနုိုင်ငံမှာ အယ်လ်ကုိုင်းဒါးလုို ကမ္ဘာ့အကြမ်းဖက်အဖွဲ့ကြီးရဲ့ အန္တရာယ်ကုို လျှော့တွက်ခြင်းဟာ အတွေးတိမ်လွန်းရာ ကျပါတယ်။ အကျင့်ပျက်ခြစားမှုတွေ ထူပြောပြီး လူထုကြည်ဖြူမှုမရှိတဲ့ အစုိုးရဆက်လက် အုပ်ချုပ်နေခြင်းဟာ အကြမ်းဖက်အန္တရာယ် လမ်းပွင့်နေတဲ့ သဘောပါပဲ။

ယခု အယ်လ်ကုိုင်းဒါးခေါင်းဆောင်ရဲ့ ခြိမ်းခြောက်ပြောဆုိုလာမှုတစ်ခုတည်းကြောင့် အကျင့်ပျက်ခြစားမှုနဲ့ လူထုကြည်ဖြူမှုမရှိတဲ့ အစုိုးရအာဏာယူထားတဲ့ ပြဿနာကုို ဖြေရှင်းဖုို့ လုိုအပ်လာတာ မဟုတ်ပါဘူး။ အယ်လ်ကုိုင်းဒါးခေါင်းဆောင်ရဲ့ ခြိမ်းခြောက်ပြောဆုိုမှုဟာ မြန်မာနုိုင်ငံရင်ဆုိုင်နေရတဲ့ ပြဿနာပေါင်းများစွာထဲမှ တစ်ခုမျှသာ ဖြစ်ပါတယ်။

အယ်လ်ကုိုင်းဒါးလုို အကြမ်းဖက်အဖွဲ့တွေရဲ့ အကြမ်းဖက်မှုတွေကုို လူတွေ ထိတ်လန့်တကြား သတိပြုမိကြပေမယ့် အိမ်နီးချင်းနုိုင်ငံများရဲ့ မြန်မာနုိုင်ငံမှာ တမျှင်းမျှင်းနဲ့ ပါးပါးလည်းလှီး၊ အတုံးလုိုက်အတစ်လုိုက်လည်း ဖဲ့ယူနေကြတဲ့ နုိုင်ငံပုိုင်သယံဇာတတွေကုို ထုတ်ယူအသုံးပြုခွင့်တွေနဲ့ စီးပွါးရေးအရ အသာစီးရမှုတွေကုိုကျတော့ နုိုင်ငံအတွက် အန္တရာယ်လုို့ မမြင်တတ်ကြပါဘူး။

နုိုင်ငံအုပ်ချုပ်နေကြသူတွေရဲ့ မဟာဦးနှောက်ကလည်း ရာထူးမြဲခုိုက် ငါ့ဘုို့ရှာထားရမယ်ဆုိုတဲ့ ဝါးလုံးခေါင်းအတွေးထဲမှ မထွက်နုိုင်ကြသေးပါဘူး။ အာဏာပါဝါရှိသူတွေရဲ့ ရာထူးဂုဏ်ဒြပ်နဲ့ မလျှော်တဲ့ ယုတ်နိမ့်တဲ့ ကုိုယ်ကျိုးအတ္တအမြင်ကျဉ်းကျဉ်းကုို မစွန့်နုိုင်ကြတာဟာ ယနေ့ နုိုင်ငံမှာ ရင်ဆုိုင်နေရတဲ့ ပြဿနာအားလုံးရဲ့ ရေသောက်မြစ်ပါ။ နုိုင်ငံနဲ့ ပြည်သူတရပ်လုံး ဆုံးရှုံးနစ်နာရမှုတွေကုို ငါ့ဘုို့ ငါ့မိသားစုဘုို့ ငါ့မိတ်ဆွေအသုိုင်းအဝုိုင်းဘုို့ဆုိုတဲ့ ကုိုယ်ကျိုးစီးပွါးနဲ့ လဲလှယ်ယူနေကြသူတွေရဲ့ အသိဥာဏ်ဟာ တာဝန်ယူထားကြတဲ့ ရာထူးအဆင့်အတန်းနဲ့ ဘယ်လုိုမှ လျှော်ကန်မှု မရှိပါဘူး။ နက်နဲကျယ်ပြန့်တဲ့ ဓမ္မအမြင်ကုို နားလည်သဘောပေါက်ဖုို့ အသာထား ပစ္စုပ္ဗန်ခေတ်ကာလမှာ မိမိတုို့ တာဝန်ခံထားတဲ့ နုိုင်ငံနဲ့ ပြည်သူအတွက်တောင် စစ်မှန်ရုိုးသားတဲ့ အမြင်ကုို မထားနုိုင်ခြင်းဟာ အာဏာပါဝါရှိသူတွေရဲ့ မှောင်မုိုက်တဲ့ မောဟအဝိဇ္ဖာကုို ဖေါ်ပြနေတာပါ။  

ရေတုိုရေရှည် ပြုပြင်ပြောင်းလဲဖုို့ လုိုအပ်နေတဲ့ နုိုင်ငံရဲ့ ပညာရေး ကျန်းမာရေးအပါအဝင် ဘက်ပေါင်းစုံ ချိနဲ့ကျဆင်းယုိုယွင်းနေတဲ့ ပြဿနာအထွေထွေကုို လူထုထောက်ခံမှုနဲ့ လူထုပူးပေါင်းဆောင်ရွက်မှု အပြည့်အဝရှိတဲ့ တရားမျှတမှန်ကန်တည့်မတ်ပြီး တည်ငြိမ်တဲ့ အစုိုးရအုပ်ချုပ်ရေးစနစ်ကသာ ဖြေရှင်းနုိုင်ပါလိမ့်မယ်။

ယနေ့ လူထုကြည်ဖြူမှုမရှိတဲ့ အစုိုးရကုိုယ်တုိုင်က မြန်မာနုိုင်ငံရဲ့ အဓိကပြဿနာပါ။ အဓိကပြဿနာကုို ဖြေရှင်းနုိုင်မှသာ ကျန်တဲ့ပြဿနာတွေကုို ကျွဲကူးရေပါ ဖြေရှင်းဖုို့ လွယ်ကူချောမွေ့သွားပါလိမ့်မယ်။ သုို့သော် လူထုကြည်ဖြူမှုမရှိတဲ့ အစုိုးရတည်မြဲနေခြင်းဟာ အကြမ်းဖက်အန္တရာယ်အပါအဝင် အန္တရာယ်တုိုင်းအတွက် လမ်းဖွင့်ထားသလုိုပဲ ဖြစ်နေအုံးမှာပါ။