သြဂုတ် ၄၊ ၂၀၁၄
ရန်ကုန်ဟာ
မွှေးကြိုင်သင်းပျံ့တဲ့ပန်းတွေနဲ့
နင်းချေကျိုးပဲ့နေတဲ့ ပန်းတွေကို ပန်တယ်။
ရန်ကုန်ဟာ
နှစ်ပေါင်း ၂၅၀၀ သက်တမ်းရှိပြီဖြစ်တဲ့
စင်ကြယ်မြင့်မြတ်ခြင်းကိုပြတဲ့
ရွှေတိဂုံစေတီတော်နဲ့
လွတ်လပ်စွာ ကိုးကွယ်ခွင့်ကို ပန်တယ်။
ရန်ကုန်ဟာ
နိုင်ငံ့ရတနာ အနုပညာသမားပေါင်းများစွာနဲ့
သူတို့ရဲ့ ဖန်တီးမှုတွေကို ပန်တယ်။
ရန်ကုန်ဟာ
ပင်လယ်လေ ကောင်းကင်ပြာနဲ့
စိတ်ထားကောင်း အမြဲ ဆင်ယင်ထားတဲ့
ပရဟိတဂေဟာ လူအိုရုံတွေကို ပန်တယ်။
ရန်ကုန်ဟာ
ဒဏ်ရာတွေပြည့်နေတဲ့ ဖိနပ်ပေါင်းများစွာ
လမ်းမတွေပေါ်ကျန်ရစ်ရတဲ့အဖြစ်တွေကို
၁၉၆၂ က ယခုချိန်ထိ ပန်တယ်။
ရန်ကုန်ဟာ
ပြည်သူ့အရေးအခင်းတွေကို သွေးခင်းလို့
ကျည်ဆံပေါက်တွေနဲ့ သင်္ကန်းကို ပန်တယ်။
ရန်ကုန်ဟာ
နေ့စဉ်နေ့တိုင်းလမ်းလျှောက်ထွက်ပြီး
ညစ်ပတ်နံစော်နေတဲ့ ကန်တော်ကြီးကို ပန်တယ်။
ရန်ကုန်ဟာ
လူကြပ်၊ ကားကြပ်၊ အနေကြပ်နဲ့
လက်ဝါးရိုက်စားနေတဲ့
မိုးကျရွှေကိုယ် စည်ပင်လူကြီးတွေကို ပန်တယ်။
ရန်ကုန်ဟာ စင်္ကာပူလိုဖြစ်ရမယ်ဆိုပြီး
ခိုးဆိုးနှိုက်တွေနဲ့ လာဘ်ပေးလာဘ်ယူတွေကို ပန်တယ်။
ရန်ကုန်ဟာ ကထိန်ပဒေသာပင်ကို ဘူတာကြီးမှာ
စောင့်အိပ်ပေးတဲ့
အိမ်ခြေယာမဲ့ခလေးတွေနဲ့
မော်တော်ပီကယ်ကို ပါးရိုက်တဲ့ ခလေးကြီးကို ပန်တယ်။
ရန်ကုန်ဟာ
ပြည်သူတွေအတွက် အရှုံးခံလုပ်ပေးရလို့
တိုင်းပြည်ကမ္ဘာ့အဆင်းရဲဆုံးဖြစ်ရတယ်ဆိုတဲ့
လူကြီးလုပ်စားသူတစ်ယောက်ကို ပန်တယ်။
ရန်ကုန်ဟာ တစ်ပဲလောက်လှူပြီး ဒေါ်လာတစ်သန်းလောက်ပြန်ယူတဲ့
မြေမှန်သမျှသိမ်းတဲ့
ခရိုနီကြီးတွေကို ပန်တယ်။
ရန်ကုန်ဟာ
အောက်ဆိ်ုက်မရှိတဲ့ ဝန်ထမ်းငယ်လေးတွေနဲ့
လစာမမက် အောက်ဆိုက်သာမက်တဲ့
အရာရှိကြီးတွေကို ပန်တယ်။
ရန်ကုန်ဟာ
တိုင်းပြည်သယံဇာတတွေ ထိန်းသိမ်းမယ်ပြောပြီး
သယံဇာတတွေခိုးနေတဲ့
ပုခုံးထက်က ကြယ်ပွင့်ကြီးများနဲ့
လူမဟုတ်တဲ့ လူ့ဘီလူးကြီးတွေကို ပန်တယ်။
ရန်ကုန်ဟာ
မဲဆွယ်တုန်းက ဆင်ဖမ်းမယ်၊ ကျားဖမ်းမယ်ပြောပြီး
အမတ်ဖြစ်သွားတော့
ရပ်ကွက်ကို ရေပြတ် မီးပြတ်လုပ်သွားတဲ့
လေပေါနေတဲ့အမတ်တွေကို ပန်တယ်။
ရန်ကုန်ဟာ
အမေစု အမေစုဆိုပြီး
တရားပွဲ လူထောင်သောင်းထဲ
ဆေးလိပ်သောက် ကွမ်းစား
လူ့အခွင့်အရေးနားမလည်တဲ့
ပါတီဝင်တွေကိုပန်တယ်။
လက်လုပ်လက်စား
ရောင်းဝယ်ဖောက်ကား
လူလတ်တန်းစားဘဝတွေကို
တစ်ချပ်မှောက်ထားပြီး
ခရိုနီတွေ လှန်စားနေတဲ့ ရန်ကုန်။
ရန်ကုန်ဟာ
နေ့စဉ်နဲ့အမျှ
သူ့အပေါ်ရောက်ရှိလာတဲ့
ဒုက္ခရော သုခပါ
အပြုံးမပျက် ပန်တယ်။
ရန်ကုန်ဟာ
ရန်တွေကုန်ဖို့
ရန်ကုန်ဟာ ရန်ကုန်ကို ပန်တယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
