မောင်စွမ်းရည် – “ ကျောက်ခေတ်လက်ကျန် ဒို့မြန်မာများ”
ဇူလိုင် ၂၆၊ ၂၀၁၄
ဒို့တိုင်းပြည်က
ခေတ်နောက်ကျခဲ့။
တောင်ကြီးတွေက ရှေးကျ
တောကြီးတွေက ရှေးကျ
မြေကြီးတွေက ရှေးကျ
ကျောက်လွှာတွေက ရှေးကျ
ရှေးကျဆို-
“ပေလီယိုလစ်သစ်’’လား
“မီဆိုလစ်သစ်”လား
လူသားတွေက် ကျောက်ခေတ်သာသာ
စားတာလဲ ကျောက်ခေတ်အစာ
ဝတ်တာလဲ ကျောက်ခေတ်ပမာ
အမဲလိုက်တာလဲ ခုထိပဲ၊
အမဲလိုက်ခံရတာလဲ ခုထိပဲ၊
ဂူအောင်းတာလဲ ခုထိပဲ။
ဒါပေမဲ့လဲ-
မိုးတွေရွာတော့၊ ရွာတဲ့မိုးဟာ
ခေတ်ဆန်လိုက်တာ-
ကျည်ဆန်မိုးတဲ့၊ ဗုံးဆန်မိုးတဲ့
ဒုံးပျံမိုးတဲ့။
ကျောက်ခေတ်ရွာနေ
ကျောက်ခေတ် လူသားတွေ
သေတော့ “မော်ဒန်”
ကျည်ဆန်မှန်လို့တဲ့။
နှောင်းခေတ်သုတေသီတွေက
ကျည်ဆန်မှန်တာကို
မိုးကြိုးမှန်တယ် ထင်လေမလား။
သြော်- ဘယ်လိုပဲသေသေ
သေတော့ မြေကြီးပါပဲလေ။
(၂၀၁၄ မေ၁၃။ နယူးယောက်)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
