ထင်အောင် – ၅၅ကြိမ်မြောက် နိုင်ငံတကာသင်္ချာအိုလံပစ်ပြိုင်ပွဲသို့ ခရီးစဉ်
ဇူလိုင် ၂၅၊ ၂၀၁၄
မြန်မာနိုင်ငံတက္ကသိုလ်၊ ဒီဂရီကောလိပ်နှင့် ကောလိပ်အသီးသီးရှိသင်္ချာဌာနများတွင် သက်ဆိုင်ရာသင်္ချာအသင်းများကိုဖွဲ့စည်းထားခဲ့သည်မှာ ကြာရှည်ခဲ့ပါပြီ။ ရန်ကုန်တက္ကသိုလ်သင်္ချာအသင်း၊ မန္တလေးတက္ကသိုလ်သင်္ချာအသင်းစသဖြင့် နှစ်စဉ်ဖွဲ့စည်းခဲ့ကာ သင်္ချာဘာသာရပ်ကို သင်ယူနေသောကျောင်းသားကျောင်းသူများအတွက် လိုအပ်သောပညာရပ်ဆိုင်ရာစာပေစာတမ်းများ ပြုစုထုတ်ဝေခြင်း၊ အားကစားပွဲများယှဉ်ပြိုင်သောအခါ လိုအပ်သည်များထောက်ပံ့ပေးခြင်း၊ ဘာသာရပ်ဆိုင်ရာဗဟုသုတများတိုးပွားစေရန် ဘာသာရပ်ဆိုင်ရာပညာရှင်ဆရာကြီး၊ ဆရာမကြီးများကိုဖိတ်ခါ်၍ ပညာပေးဟောပြောပွဲများပြုလုပ်ပေးခဲ့ကြပါသည်။
မန္တလေးတက္ကသိုလ်မှ ပါမောက္ခဒေါက်တာညွန့်ရွှေ Cambodia နိုင်ငံတွင်ကျင်းပသောနိုင်ငံတကာသင်္ချာဆွေးနွေးပွဲသို့ သွားရောက်ခွင့်ရသောအခါမှ မြန်မာနိုင်ငံမှာလည်း အိမ်ရှင်အဖြစ်ညီလာခံပြုလုပ်ပေးပါရန် ကမ်းလှမ်းချက်ရရှိခဲ့ပါသည်။ ဒေါက်တာညွန့်ဆွေကလဲ မဖြစ်ဖြစ်အောင် လုပ်ပါ့မည်ဟု ကတိပေးခဲ့ပါသည်။ လက်တွေ့လုပ်ငန်းများဆောင်ရွက်သောအခါမှနိုင်ငံတကာမှ သင်္ချာအသင်းများနှင့်ဆက်သွယ်ရန်အတွက် မြန်မာနိုင်ငံသင်္ချာအသင်းကိုဖွဲ့စည်းရန်လိုအပ်နေကြောင်း သိရှိခဲ့ကြပါသည်။
ထိုကြောင့် မြန်မာနိုင်ငံသင်္ချာအသင်းဖြစ်မြောက်ရေးကော်မတီကို ဒေါက်တာမြင့်ဆွေက ဥက္ကဌအဖြစ်တာဝန်ယူကာ ဖွဲ့စည်းခဲ့ပါသည်။ မန္တလေးတက္ကသိုလ်တွင်ကျင်းခဲ့သောနိုင်ငံတကာသင်္ချာဆွေးနွေးပွဲ ကျင်းပနေချိန်တွင် တက်ရောက်လာကြသောနိုင်ငံတကာမှသင်္ချာပညာရှင်များ၏ ဝိုင်းဝန်းအားပေးတိုက်တွန်းမှုများကြောင့် မန္တလေးတက္ကသိုလ်ဘွဲ့နှင်းသဘင်ခန်းမအစည်းဝေးခန်းတွင် မြန်မာနိုင်ငံသင်္ချာအသင်းယာယီကို ဖွဲ့စည်းခဲ့ပါသည်။
ဥက္ကဌအဖြစ်ဆရာကြီးဒေါက်တာသိမ်းမြင့်က တာဝန်ယူခဲ့ပါသည်။ ၂၀၁၃ခုနှစ် ဒီဇင်ဘာလတွင် ဗီယက်နမ်နိုင်ငံဟိုချီမင်းမြို့၌ပြုလုပ်သော အပြည်ပြည်ဆိုင်ရာသင်္ချာညီလာခံနှင့် အရှေ့တောင်အာရှဆိုင်ရာ သင်္ချာအဖွဲ့အစည်းသို့ ဒေါက်တာသိမ်းမြင့်ကိုယ်တိုင်သွားတက်ခဲ့ပါသည်။ အဆိုပါအစည်းအဝေးမှ မြန်မာနိုင်ငံသင်္ချာအသင်းအား SEAMS အဖွဲ့ဝင်အဖြစ် အသိအမှတ်ပြုကာလက်ခံခဲ့ပါသည်။ ၂၀၁၄ခု နှစ်ဇန္နဝါရီလတွင် မြန်မာနိုင်ငံသင်္ချာအသင်းကို အောင်မြင်စွာဖွဲ့စည်းနိုင်ခဲ့ပါသည်။၏
အသင်းအဖြစ်ရပ်တည်လာသောအခါ လိုအပ်သောနိုင်ငံတကာအဆင့်မှီထုတ်ဝေရန် သင်္ချာဂျာနယ်ကော်မတီ၊ နိုင်ငံတကာသင်္ချာအိုလံပစ်ပြိုင်ပွဲများတွင် ဝင်ရောင်ယှဉ်ပြိုင်နိုင်စေရန် သင်္ချာအိုလံပစ်ကော်မတီတို့ကိုပါ ဖွဲ့စည်းခဲ့ရပါသည်။ နိုင်ငံတကာသင်္ချာအိုလံပစ်ပြိုင်ပွဲများတွင် ဝင်ပြိုင်နိုင်ရန်အတွက် ပထမ နိုင်ငံတကာအိုလံပစ်ကော်မတီက အသိအမှတ်ပြုလက်ခံထားသော အဖွဲ့ဝင်နိုင်ငံဖြစ်ရပါမည်။
အဖွဲ့ဝင်နိုင်ငံအဖြစ်ဝင်ရောက်ခွင့်ပေးပါရန် လျှောက်လွှာတင်လိုက်သောအခါ၊ အသင်းစည်းကမ်းစည်းမျဉ်းများအရ အဖွဲ့ဝင်ဖြစ်လိုသောနိုင်ငံသည် သင်္ချာအိုလံပစ်ပြိုင်ပွဲများကို လေ့လာသူအဖြစ် နှစ်ကြိမ်ဆက်တိုက် တက်ရောက်ရပါမည်။ ထိုနောက်မှ ဝင်ခွင့်ပြုမပြုကို နိုင်ငံတကာ သင်္ချာအိုလံပစ်ကော်မတီ အလုပ်အမှုဆောင်ကော်မတီမှ ဆုံးဖြတ်မည်ဖြစ်ပါသည်။
အဓိကကျသော အသင်းဝင်ဖြစ်စေရန်မှာ လေ့လာသူအရင်စေလွှတ်ရမည်ဖြစ်ပါသောကြောင့် တောင်အာဖရိကနိုင်ငံကိပ်တောင်းမြို့တွင် ဇူလိုင်လ ၃ရက်နေ့မှ ၁၃ရက်နေ့အထိ ကျင်းပမည့် ၅၅ကြိမ်မြောက်နိုင်ငံတကာ သင်္ချာအိုလံပစ်ပြိုင်ပွဲသို့ လေ့လာသူအဖြစ် မြန်မာနိုင်ငံသင်္ချာအသင်းမှ ပြန်ကြားရေးအရာရှိ ဦးထင်အောင်ကို စေလွှတ်ခဲ့ပါသည်။
(Cape Town Airport)
သိပ္ပံပညာတိုးတက်လာခြင်းကြောင့် နိုင်ငံတကာနှင့်ဆက်သွယ်မှုများတွင်မြန်ဆန်လာသော အကျိုးတရားကို ယခုခရီးစဉ်တွင် ခံစားခဲ့ရပါသည်။ မိုင်ပေါင်းများစွာကွာဝေးသောနှစ်နိုင်ငံသည် အင်တာနက်၏ကူညီမှုကြောင့် မီနစ်ပိုင်း၊ နာရီပိုင်းအတွင်း လိုအပ်သည်များ၊ သိသင့်သိထိုက်သည်များကို အပြန်အလှန်ဆက်သွယ်နိုင်ခဲ့ပါသည်။ ဖြည့်စွက်ရမည့်ပုံစံဇယားများ၊ ဓာတ်ပုံများကို လွယ်လင့်တကူပို့ပေးနိုင်ခဲ့ပါသည်။ ညွှန်ကြားချက်များမှ လိုအပ်ချက်တခုဖြစ်သော Yellow fever ကာကွယ်ဆေးထိုးပြီးကြောင်း လက်မှတ်ကိုလဲ မရ၊ရအောင် ယူထားခဲ့ရပါသည်။
တိုင်းပြည်တခုအတွင်းသို့ ဝင်ရောက်ခွင့်ပေးနိုင်သော visa ယူရန်ကိစ္စတွင် ခက်ခဲသောကိစ္စမှာ ကျွန်တော်တို့နိုင်ငံတွင် သက်ဆိုင်ရာနိုင်ငံမှ သံရုံးမထားရှိခြင်း ပါပါသည်။ ထိုကြောင့် အနီးစပ်ဆုံးသံရုံးတည်ရှိသော ထိုင်းနိုင်ငံတွင် Visaသွားယူရမည်ဖြစ်ပါသည်။ ကံအားလျှော်စွာ ထိုင်းနိုင်ငံတွင် လည်လည်ပတ်ပတ် သွားလာတတ်သောသမီးမှ အတူလိုက်ပါဆောင်ရွက်ပေးသောကြောင့် visa ကိုအချိန်မှီရလိုက်ပါသည်။
ထိုကြောင့် ၂၀၁၄ခုနှစ် ဇူလိုင်လ ၁ရက်နေ့တွင် ခရီးစခဲ့ပါသည်။ အဓိကကျသော လေယာဉ်ခရီးစဉ်မှာ တပတ်လျှင် သုံးကြိမ်သာ ပြေးဆွဲပါသောကြောင့် အချိန်မှီရောက်နိုင်ရန် တရက်ကြိုထွက်ရပါသည်။ ၁ ရက်နေ့ညနေ ၆ နာရီတွင် ဘန်ကောက်လေကြောင်းဖြင့် လိုက်ပါခဲ့ရာ ဘန်ကောက်မြို့ သုဝဏ္ဏဘုမ္မိလေယာဉ်ပျံကွင်းသို့ ည ၈နာရီ တွင်ရောက်ရှိခဲ့ပါသည်။ လေယာဉ်ပျံပြောင်းစီးရမည့် Transit ခန်းမထဲတွင်နားနေရပါသည်။ ည ၁၂း၃၀လောက်မှ QR 882 BKK to DOHA D4 ဆိုတာပေါ်လာတော့မှ D4 tunnel ကိုပြေးရပါတော့သည်။ ဝီရိယစောလွန်းနေ၍လားမသိပါ၊ လေကြောင်းလိုင်းက တာဝန်ရှိသူတွေတောင် မရောက်သေးတာကိုသိလိုက်ရပါသည်။ ခဏကြာတော့ ခရီးဖေါ်အာဖရိကတိုက် သားတွေ ရောက်လာကြပါသည်။ ကုလားသိုက် ကျားဝင်ကိုက်တာ ကြားဘူးပါသည်။ ယခုတော့အာဖရိကန်သိုက် ကျားဝင်နိုက်ဖြစ်နေပါသည်။ လေကြောင်းလိုက်မှလူတွေ ရောက်လာတာနဲ့ အရင်ဆုံးဝင်လိုက်ပါတယ်။ ဝင်ရကျိူးနပ်ပါတယ်။ နောက်တခါ Transit ရှိသေးတော့ luggage လုပ်ထားတဲ့ပစ္စည်းပါလား၊ မပါလားဆိုတာကို လေယာဉ်ပျံနဲ့ လှမ်းစစ်ပေးပါတယ်။ ပါတာသေချာတော့ပြီဆိုတာ ကိုယ်ထိုင်နေတဲ့နေရာအထိ လာပြောပါတယ်။ နဂိုကမှ ပစ္စည်းမပါလာမှာကို စိုးရိမ်နေတဲ့သူကို ပါမပါ စစ်ပေးမယ် ဆိုတော့ ပိုပြီးခေါင်းကြီးသွားပါသည်။ သို့သော် ဂရုတစိုက်လာပြောနေတော့ ပျောက်နေလို့များ ဒီလောက်ဂရုစိုက်နေတာလား တွေးမိပြန်ပါသည်။
လေယာဉ်ပျံပေါ်ကို နံနက် ၁း၃၀ တွင်တက်ခွင့်ရပြီး ၂း၀၀နာရီတွင် DOHA သို့ စထွက်ခဲ့ပါသည်။ လေယာဉ်ပျံကြီးမှာ ၇၈၅ အမျိုးအစား အကြီးကြီးဖြစ်ပါသည်။ တတန်းမှာ ထိုင်ခုံ ၉ ခု ပါပါသည်။ တစီးလုံးမှာ လူ ၅၀၀ ခန့် လိုက်ပါနိုင်ပါသည်။ တစီးလုံး အပြည့်ပါတာကို တွေ့ရပါသည်။ ရှေ့ပိုင်း၉ခုံက bussiness class ဖြစ်ကာ နောက်ပိုင်း၁၀ ကစ၍ economy class ဖြစ်ပါတယ်။ ခရီးစဉ်တလျှောက်လုံး ကျွန်တော်ခုံအမှတ်က ၁၁ Bပါ။ လူ ၉၀လောက်ကြားမှာ အိမ်သာ လေးလုံးထားပေးပါတယ်။ အိမ်သာတွေ အား မအားဆိုတာကိုလဲ ခရီးသည်တွေနေရာကနေသိအောင် အချက်ပြပေးထားပါတယ်။ လူ၉၀ ကို ပြုစုရန် လေယာဉ်မယ်နှစ်ဦးက တာဝန်ယူထားပါတယ်။
စထွက်ပြီးမကြာခင်အတွင်းမှာ အကျွေးအမွေး စပါတော့သည်။ ကြက်သားပေါင်မုန့်စားမလား၊ သတ်သတ်လွတ်ပလာတာ စားမလားရွေးနိုင်ပါတယ်။ ဗန်းထဲမှာ သစ်သီးတပန်းကန်၊ ဒိန်ချဉ်တဘူး၊ ထောပတ်၊ ရေသန့်တဘူး ပါပါတယ်။ အပူသောက်လိုသူတွေအတွက် ကော်ဖီ၊လက်ဖက်ရည်၊ အအေးသမားများကတော့ လိမ္မော်ရည်၊ ပန်းသီးဖျော်ရည်ရနိုင်ပါတယ်။ ယမကာသမားများကတော့ ဘီယာဘူးလေးတွေ ပေးနေတာကို တွေ့ရပါသည်။ အခြားသော ယမကာများကိုလဲ တောင်းဆိုပါက ပေးမည်ထင်ပါသည်။ ကျွန်တော်အနားက လူတော်တော်များများကတော့ ဘီယာမှာနေပါသည်။ ကျွန်တော်က အကြိုက်ဆုံးပန်းသီးဖျော်ရည်ကို တောင်းလိုက်ပါသည်။ ကလေးကစားစရာခွက်ထဲတွင် တဝက်သာထည့်ပေးသွားပါသည်။ သို့သော် လိုသေးပါက ကြိုက်သလောက် တောင်းသောက်နိုင်ပါသည်။ အိပ်ချိန်ဖြစ်နေသောကြောင့် ကျွေးတာတွေကိုမစားဘဲ အိပ်နေသောသူများကိုလည်း တွေ့ရပါသည်။ တချို့သူများက မိမိတို့တွင်ပါလာသော ချောကလက်ပြားကို ကိုက်စားကာ ရေသောက်တာကိုလဲ ထူးထူးခြားခြားမြင်ရပါသေးသည်။ ခဏခဏစီးနေရလို့ ခရီးစဉ်မှာကျွေးတာတွေကို မစားချင်တော့တာဖြစ်နိုင်ပါသည်။ ကလေးပါလာသောသူများ စားနေစဉ် ကလေးကို ခေါ်ထိန်းထားပါသေးသည်။ ထိန်းလို့ရတဲ့ကလေးမို့သာပေါ့။ ထိန်းမရတဲ့ကလေးဆို ဆူညံ့နေမှာပဲလို့ ကြံဖန် တွေးမိပါသေးသည်။ စားသောက်ပြီးသောပစ္စည်းများကို နာရီဝက်ခန့်အကြာတွင် ပြန်လာ၍ သိမ်းပါသည်။ ဒါတောင်မှ စားမပြီးသေးသောသူများရှိနေပါသေးသည်။ ကျွန်တော်ကတော့ ပန်းသီးဖျော်ရည်နဲ့ ရေတခွက်ထပ်တောင်းလိုက်ပါတယ်။ ဒီတခါတော့ နောက်တခါထပ်တောင်းမှာစိုးလို့လား မသိပါ။ ခွက်အပြည့်ထဲ့ပေးသွားပါတယ်။
စားသောက်ပြီး ဗိုက်ပြည့်သွားသူများသည် ပြန်အိပ်သူကအိပ်၊ မိမိထိုင်ခုံရှေ့ရှိ ရုပ်မြင်သံကြားစက်မှ ကြိုက်ရာရုပ်ရှင်ကို ရွေးကြည့်နေကြပါသည်။ မြန်မာနိုင်ငံသားတွေသဘောကျသော ကိုရီးယားကားတွေလဲ ပါပါသည်။ ပျင်းပျင်းနဲ့ကိုရီးယားရှေးဟောင်းကားတကား ကြည့်လိုက်ပါသည်။ အင်္ဂလိပ်စာတမ်းထိုးပေးလို့ အဆင်ပြေ ကြည့်၍ရသွားပါသည်။ တစီးလုံးလဲ ရုပ်ရှင်ကြည့်သူကကြည့်၊ ဗွီဒီယိုခလုပ်နှိပ်သူကနှိပ်၊ သီချင်းနားထောင်ဘို့ သီချင်းရွေးသူကရွေးနဲ့ အချိန်ကုန်အောင်ဖြုန်းနေကြပါသည်။ ခရီးစဉ်က ၇နာရီကြာအောင် စီးရမှာဖြစ်ပါသည်။ ဒီလိုနဲ့ကျွေးတာကိုစားလိုက်၊ တိုက်တာကိုသောက်လိုက်၊ ပြောတာကို နားထောင်လိုက်နဲ့ မနက် ၄း၃၀မှာ DOHA ကိုရောက်ပါသည်။
Bangkok မှာကထဲက သတိထားမိတာတခု ရှိနေပါတယ်။ ယခင်က Transit ဆိုတဲ့အစား အခု Transfer လို့သုံးပါသည်။ Bangkok ကတော့နှစ်ခုလုံး သုံးထားပါတယ်။ ဒီဘက်ရောက်လာတော့Transfer လို့ပဲသုံးပါတော့သည်။ ဆိုင်းဘုတ်တွေကိုဖတ်၊ ကြေငြာနေရာတွေမှာ ရေးထားတာကို ဖတ်ကြည့်တော့C3 ကနေစီးရမယ်လို့ သိရပြန်ပါသည်။ ထုံးစံအတိုင်း ခရီးသည်တွေကတန်းစီနေကြသော်လည်း တာဝန်ရှိသူတွေက မလာသေးတာကို သတိထားမိပြန်ပါသည်။ မနက် ၆း၀၀ နာရီ ထွက်မယ်လို့ ပြောထားတဲ့ခရီးစဉ်ဟာ ၇း၀၀နာရီမှ ထွက်နိုင်ပါသည်။ လေယာဉ်မှူးကြီးက ငါးမီနစ် တခါလောက် တောင်းပန်နေပါသည်။ ခရီးသည်တွေကလဲ ဘာကိစ္စကြောင့် နောက်ကျသလဲဆိုတာကို ဘယ်သူကမှမမေးကြတာက ထူးဆန်းနေပါသည်။ အမြဲတန်းနောက်ကျ၊ အမြဲတောင်းပန်နေလို့ ရိုးနေတာ ဖြစ်ပြီး မမေးတော့တာဖြစ်မှာပါလို့ ကိုယ်အဖြေကိုယ် ထုတ်လိုက်ပါသည်။ နောက်ပိုင်းစီးသမျှ နောက်ကျပြီး အမြဲတောင်းပန်သံကို ကြားနေရပါသည်။ လူတွေက သူတောင်းပန်တာကို ဂရုမထားဘဲ မိမိတို့လုပ်စရာကိုသာ လုပ်နေကြပါတော့သည်။
ဒီတခါ ခရီးက ဆယ်နာရီ ကြာမည့်ခရီးဖြစ်ပါသည်။နောက်ပိုင်းကျတော့ အမြဲနောက်ကျနေတာကို ကျွန်တော်သိလာရပါသည်။ လေယာဉ်မှူးက တောင်းပန်၍ ကျွေးသောကြက်သားဒန်ပေါက်ထမင်းကို တစီးလုံး အားရပါးရ စားခွင့်ရခဲ့ပါသည်။ ယခုအခေါက်မှာ Qatar နိုင်ငံ Doha မြို့ မှ South Africa နိုင်ငံ Johenesburg မြို့သို့ ၉နာရီ တိုက်ရိုက်စီးရမည့် ခရီးစဉ်ဖြစ်ပါသည်။ ၎င်းမြို့မှ ဆက်၍ ခရီးဆုံး Cape Town ကို နှစ်နာရီခန့် သွားရမည်ဖြစ်ပါသည်။ အနောက်သို့သွားနေသောခရီးကြောင့် အချိန်အားဖြင့်အမြတ်ရနေပါသည်။ Cape Town သည်ရန်ကုန်မြို့နှင့် ၅ နာရီနောက်ကျပါသည်။ Bangkok ကစထွက်ကာစက ညအချိန်ဖြစ်နေသောကြောင့် လေယာဉ်ပျံပေါ်တွင်အိပ်၍လိုက်နိုင်ပါသည်။ အနောက်သို့သွားနေသောကြောင့် အိပ်ရေးဝနေသော်လည်း မိုးကမလင်းသေးပါ။ ခရီးဝေးသွားသူများအတွက် အချိန်ပြောင်းလဲခြင်းဒုက္ခကို စ၍ခံစားရပြီလို့ တွေးမိပါသည်။ ဒီလိုနှင့် နိုးလိုက်ပြန်အိပ်လိုက်စံနစ်ကို သုံးကြည့်သော်လည်း လုံးဝအိပ်၍မရတော့ပါ။
အပျင်းပြေစေရန် ရုပ်မြင်သံကြားခလုတ်ကို ဖွင့်ရပါတော့သည်။ လေယာဉ်ပျံစထွက်သည်မှ ယခုထိရောက်နေသောနေရာ၊အချိန်၊အကွာအဝး၊ နောက်ထပ်သွားရမည့်အကွာအဝေး၊ အချိန်အားလုံးကို Animation နဲ့ပြသထားပါသည်။ ရုပ်ရှင်၊ ရုပ်မြင်သံကြားဇာတ်လမ်း၊ သီချင်း၊ ကစားနည်းမျိုးစုံကို ကြိုက်ရာခလုတ်နှိပ်ကာ ရွေးပြီး ကစားနိုင်ပါသည်။ ခရီးသည်အားလုံးက သူတို့ရှေ့တွင်ရှိနေတဲ့ စက်နဲ့ အလုပ်ရှုပ်နေကြပါတော့သည်။ တဦးနဲ့တဦး အသံကြောင့် အနှောက်အယှက်မဖြစ်စေရန် နားကြပ်လေးများဖြစ် အသံစံနစ်ကို ထိန်းထားပေးပါသည်။ ကျွန်တော်လဲ အိမ်မှာပြတ်တောင်းပြတ်တောင်းကြည့်ဘူးသော Twelve years slave ၊ Gravity စတဲ့ Oscar ဆုရဇာတ်ကားတွေကို ကြည့်မိပါသည်။ JOHENESBERG လေယာဉ်ပျံကွင်းတွင် ခရီးသည်တော်တော်များများ ဆင်းသွားကြပါပြီး အနည်းငယ်သာပြန်တက်လာပါသည်။ နောက်ထပ် နှစ်နာရီခရီးသာ ကျန်တော့သဖြင့် ကော်ဖီ၊ လက်ဖက်ရည်နှင့် အအေးမျိုးစုံကိုသာ ကျွေးပါတော့သည်။ Cape Town စံတော်ချိန် ၆နာရီတွင် လေယာဉ်ခရီးဆုံးကို ရောက်ရှိခဲ့ပါသည်။
visa ထဲတွင် သင်္ချာအိုလံပစ်ပြိုင်ပွဲကိုတက်ရောက်မည့်သူဟု ပါနေသဖြင့် မေးမြန်းခြင်းလုံးဝမရှိဘဲ ဝင်ခွင့်တုံးနှိပ်ပေးလိုက်ပါသည်။ ၁၅ရက် နေ့ခွင့်ပေးပါသည်။ ပထမဆုံးပစ္စည်း သွားရွေးရပါသည်။ ထိုနောက် အသေးသုံးရန် ငွေအနည်းငယ်ကို လဲရပါသည်။ ပြီးမှ လာကြိုသူနဲ့မတွေ့မှာကို စိုးရိမ်လာပါသည်။ သို့သော် ထွက်ပေါက်ဝတဲ့တဲ့တွင် IMO စာသားပါ ဆိုင်းဘုတ်ကိုင်ထားသူကို တွေ့လိုက်တော့မှ စိတ်ပေါ့သွားပါသည်။ လေယာဉ်ပျံတစင်းထဲမှာ ပါလာသူများနဲ့ အခုမှ တွေ့ရပါတော့သည်။ Bulgaria၊ South Korea နှင့် သူကိုယ်သူ Nippon ဟု ပြောကာ မိတ်ဆက်သူ Japan မှ ပုဂ္ဂိုလ်များနှင့် ဆုံရပါသည်။ အားလုံးမှာ လူငယ်များဖြစ်ကြပါသည်။ နောင်မှသိရသည်မှာ Bulgaria မှ ပုဂ္ဂိုလ်မှာ အရေးကြီးသော မေးခွန်းထုတ်သောအဖွဲ့၏ အတွင်းရေးမှူးဖြစ်နေကာ၊ ကျန်သူများမှာ အရေးပါသောနေရာများမှာတာဝန်ယူမည့် coordinator များဖြစ်နေပါသည်။ နိုင်ငံပေါင်း ၁၀၆ နိုင်ငံမှ ခေါင်းဆောင်များနှင့် ယခုနှစ်မှစ၍ လေ့လာသူအဖြစ်လာရောက် သော Boswatna၊ Madagasca နှင့် မြန်မာနိုင်ငံ သုံးနိုင်ငံကို Garden Court ဟုခေါ်သော နေရာတွင် သီးသန့်ထားပါသည်။
(မြန်မာပြည် မိတ်ဆက်)
ဇူလိုင်လ ၃ရက်နေ့တွင် shortlist ဟုအမည်ပေးထားသောနိုင်ငံတကာမှ အကြံပြုတင်ပြထားသော မေးခွန်းများမှ မေးခွန်းရွေးချယ်ရေးအဖွဲ့မှ ရွေးချယ်ထားသောမေးခွန်းများကို ထုတ်ပေးပါသည်။ ဇူလိုက်လ ၄ရက်နေ့မှစကာ beauty contest ကိုလုပ်ပါသည်။ သင်္ချာပြိုင်ပွဲမှာအလှမယ်ရွေးပွဲက ဘယ်လိုပါလာတာလဲလို့ ထင်မိပါသည်။ ဇူလိုင်လ ၅ ရက်နေ့ ၈နာရီအရောက် beauty contest အတွက် အမှတ်စာရင်းများကို ပေးအပ်ခိုင်းပါသည်။ လေ့လာသူများကတော့ မဲပေးခွင့်မရပါ။
နောက်တနေ့ကျမှ shortlist ထဲမှ ပုစ္စာများကို အလွယ်၊ သာမာန်နှင့် အခက်ဆိုပြီး အဆင့်ခွဲခိုင်းတာ ဖြစ်ပါသည်။ အလွယ်ကို အစိမ်းရောင်၊ သာမာန်ကို အဝါရောင်၊ ခက်ခဲတာကို အနီရောင်ဖြင့် ပုစ္ဆာတိုင်းကို bar graph များဖြင့် ဖေါ်ပြထားပါသည်။ အထက်ပါစာရင်းပြုစုခြင်းကို beauty contest ဟုခေါ်ကြောင်း သိရပါတော့သည်။
အထက်ပါစာရင်းကိုကြည့်ကာ အရောင်အသီးသီးမှ လေးပုဒ်ဆီကို မဲစံနစ်နှင့် ရွေးချယ်ပါသည်။ လွန်ခဲ့သောအကြိမ်များမှ မေးခွန်းဟောင်းများဖြင့်တူနေပါက ကန့်ကွက်ကြပါသည်။ ထိုအခါ မေးခွန်းရွေးချယ်ရေးအဖွဲ့က လက်ခံပါက ပယ်ဖျက်ကာ၊ ရွေးချယ်ရေးအဖွဲ့က လက်မခံပါက အကြောင်းပြကာ ရှင်းပြကြပါသည်။
နောက်ဆုံးတွင် နံပါတ် ၁နှင့် ၄ကို အစိမ်းရောင်ပုစ္ဆာမှ၎င်း၊ နံပါတ်၂နှင့် ၅ကို အဝါရောင်မှ၎င်း၊ နံပါတ် ၃နှင့် ၆ကို အနီရောင်မှ၎င်း အသီးသီး ရွေးခဲ့ပါသည်။ ထိုနောက် နံပါတ် ၁၊၂ နှင့် ၃ ပါသောမေးခွန်းကို ပထမမေးခွန်း၊ နံပါတ် ၄၊ ၅နှင့် ၆ ပါသော ဒုတိယမေးခွန်းတို့ကို အတည် ပြုကြပါသည်။ မေးခွန်းတခုဆီကို ဖြေဆိုချိန် လေးနာရီခွဲ သတ်မှတ်ထားပါသည်။ ပုစ္ဆာတပုဒ်ကို ခုနှစ် မှတ် သတ်မှတ်ပါသည်။ မေးခွန်းအတည်ပြုပြီးသောအခါ မေးခွန်းများကိုဖြေဆိုမည့် နိုင်ငံအလိုက် ဘာသာပြန်ကြပါသည်။
ရုရှား၊ စပိန်၊ ပြင်သစ်၊ ဂျာမဏီတို့အပြင် မိမိတို့နိုင်ငံသုံးဘာသာအဖြစ်လဲ ပြန်ဆိုနိုင်ပါသည်။ English လို finite ဆိုသောစကားလုံးကို Russian လိုပြန်သောအခါ bounded သဘောဖြစ်နေသဖြင့် ငြင်းခုံသံတို့ဖြင့် ဆူညံနေပါသည်။ ဘာသာပြန်ခြင်းကိစ္စပြေလည်သွားသောအခါ အမှတ်ပေးစည်းမျဉ်း ရေးဆွဲရပြန်ပါသည်။ အမှတ်ပေးစည်းမျဉ်းရေးဆွဲရာ၌ အလျော့ပေးတာတွေများလွန်းသည်ဟု ထင်မိပါသည်။ တကမ္ဘာလုံးနှင့်ဆိုင်သောကိစ္စဖြစ်နေသဖြင့် အဆင်ပြေအောင် လိုက်လျောမှုတွေလုပ်ပေးနေတာဖြစ်မှာပါဟု တွေးလိုက်မိပါသည်။
စာစစ်ခြင်းလုပ်ငန်းအားလုံး ပြီးသွားသောအခါ ဆုပေးရန်ရွေးရပြန်ပါသည်။ ဆုများကို ၁း၂း၃ အချိုးအတိုင်းပေးပါသည်။ ပထမဆု တဆု၊ ဒုတိယဆုနှစ်ဆု၊ တတိယဆု သုံး ဆုပေးမည်ဖြစ်ပါသည်။ ယခုနှစ်အတွက် ပထမဆုကို အယောက် ၈၀ ဆုပေးပါသည်။
(ပြိုင်ပွဲဝင် တောင်အာဖရိကနိုင်ငံက ကလေးလူငယ်များ)
နောက်ဆုံးပိတ်ပွဲနှင့် ဂုဏ်ပြုဆုပေးပွဲကို ဇူလိုင်လ ၁၂ရက်နေ့ညတွင် ကျင်းပပါသည်။ အစဉ်အလာအတိုင်း အိမ်ရှင်နိုင်ငံ၏ ရိုးရာအက အလှများဖြင် ဧည့်ခံပြီး ဆုပေးပွဲကိုစပါတော့သည်။ ဆုများကို ပြိုင်ပွဲအတွက် အဓိကနေရာကနေ လုပ်ဆောင်ခဲ့ကြသော မေးခွန်းထုတ်သူများ၊ အမှတ်ပေးဇယားရေးဆွဲသူများနှင့် စာစစ်သူများက ချီးမြှင့်ပေးပါသည်။ ပညာရှင်များကိုနေရာပေးခြင်းကြောင့် သဘောကျမိပါသည်။
စင်ပေါ်တွင် ဆုပေးမည့်သူ ၂၀ခန့် တန်းစီရပ်နေကာ တကြိမ်လျှင် ဆုယူမည့်သူ ၂၀ တက်လာပါသည်။ ဆုပေး၊ နှုတ်ဆက်၊ ဓာတ်ပုံရိုက်ခံကာ ပြန်ဆင်း၊ နောက်တသုတ်တက် ၊ ခဏလေးနှင့်ပြီးသွားပါသည်။ နောက်ဆုံးအစီအစဉ်မှာ ပြိုင်ပွဲရလဒ်များအရ အထူးချွန်ဆုံးကျောင်းသားဆု ပေးအပ်ခြင်းဖြစ်ပါသည်။ ယခုနှစ်အတွက် Australia၊ Chiana နှင့် Taiwan မှကျောင်းသား သုံးဦးရရှိသွားပါသည်။ Australia မှကျောင်းသားမှာ ယခင်နှစ်က Columbia မှာလဲ ထူးချွန်ဆုရထားသဖြင့် နှစ်ကြိမ်ဆက် ဆုရသူဖြစ်သွားပါသည်။ သုံးဦးစလုံးမှာ ၄၂မှတ်အပြည့်ရသူများဖြစ်ပါသည်။ ထိုအတူ ပု စ္ဆာတပုဒ်တွင် ၇မှတ် အပြည့်ရသူများကိုလဲ ဂုဏ်ပြုလက်မှတ်ပေးအပ်ပါသည်။
ထိုနောက် အိုလံပစ်အားကစားပွဲများထုံးစံလိုပင် အိုလံပစ်အလံကိုအောက်ချကာ အိမ်ရှင်နိုင်ငံမှ ကျောင်းသားလေးများက နောက်တကြိမ်အိမ်ရှင်တာဝန်ယူမည့် ထိုင်းနိုင်ငံမှ ကျောင်းသားများကိုပေးအပ်ကာ၊ ထိုင်းနိုင်ငံအကြောင်း ဗွီဒီယိုပြပါသည်။ အခမ်းအနားပြီးဆုံးကြောင်း ကြေငြာကာ ၅၅ကြိမ်မြောက်နိုင်ငံတကာသချာင်္အိုလံပစ်ပြိုင်ပွဲကို အောင်မြင်စွာ ရုတ်သိမ်းလိုက်ပါတော့သည်။
ဤခရီးစဉ်၏အတွေ့အကြုံများအရ မြန်မာနိုင်ငံသင်္ချာအသင်းကိုနိုင်ငံတကာမှ ပြိုင်ပွဲကိုဝငိပြိုင်စေလိုကြောင်းသိခဲ့ရ၍ ဝမ်းသာပီတိဖြစ်ခဲ့ရပါသည်။ တကယ်ပြိုင်ပွဲဝင်ရန် ပံ့ပိုးမှုမြောက်များစွာ လိုအပ်ကြောင်း သတိပြုမိပါသည်။ နိုင်ငံတိုင်းက အစိုးရကပံ့ပိုးသည်ဆိုသည်ကို ကြားရပါသဖြင့် အားကျမိပါသည်။ ရရှိထားသောအခွင့်အရေးအရ ထိုင်းနိုင်ငံက လာပြိုင်ရန် ဖိတ်ကြားခံထားရပါသဖြင့် အခွငိ့အလမ်းမဆုံးရှုံးရန် ဝိုင်းဝန်း ကြိုးစားကြသင့်ကြောင်း အကြံပေးတင်ပြလိုက်ပါသည်။ လူငယ်များအနေဖြင့်လည်း နိုင်ငံတကာမှ လူငယ်များကဲ့သို့ မေးခွန်းပြုစုသူများတာဝန်၊ အမှတ်ပေးစည်းမျဉ်းရေးဆွဲသူများ၊ စာစစ်သူများတာဝန်ကို တာဝန်ယူနိုင်ရန် ကြိုတင်လ့လာထားသင့်ပြင်ဆင်ထားသင့်ကြောင်း တင်ပြအပ်ပါသည်။
(ဥာဏ်စွမ်းရည်ပြိုင်တဲ့ သချာင်္အိုလံပစ်က သချာင်္အားကစားဆရာများ)
(မေးခွန်းပုံစံ)
သတင်းကြည့်ချင်က http://www.imo2014.org.za/articles/4/news
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
