ဇာနီကြီး – အိမ်ခြံမြေဈေးကြီးနေခြင်းမှ တန်ဖိုးနည်းအိမ်ယာနှင့် မေတ္တာဖြင့်ပေးကမ်းခြင်းများ
ဇူလိုင် ၂၄၊ ၂၀၁၄
မြန်မာနိုင်ငံကို ကူညီရန်၊ ဆင်းရဲမွဲတေမှုမှ လွတ်ကင်းရန် ကုလသမဂ္ဂအဖွဲ့များ ဝင်ရောက်လာကြသည်။ ကုလသမဂ္ဂအဖွဲ့များ အခြေချရန် အိမ်ခြံမြေ ငှားခဈေးနှုန်း ကြီးလှသဖြင့်၊ ဗိုလ်ချုပ်ဟောင်းများ၏ အိမ်ခြံမြေများကို တစ်လလျှင် ဒေါ်လာ ၉သိန်း၊ တစ်နှစ်လျှင် ဒေါ်လာ ၁၀သန်းပေးပြီး၊ ငှားကြသည်ဟု သိရသည်။ ကုလသမဂ္ဂအဖွဲ့များပင် မြန်မာနိုင်ငံမှ ပါးစပ်အကျယ်ကြီး ဟထားသော ခရိုနီ၊စစ်ဗိုလ်ဟောင်းများနှင့် ပူပေါင်းပြီး ထိုကဲ့သို့ ဖြစ်နေခြင်းမှာ အလွန်အရု့ပ်ဆိုးလှပေသည်။ စိတ်စေတနာကောင်းရှိသော လက်ရှိအစိုးရမင်းများက ပြုပြင်နိုင်မည် မျှော်လင့်ပါသည်။
အဆိုပါ ပုဂ္ဂိုလ် တစ်ဦးတည်းရရှိသော၊ တစ်နှစ်ဒေါ်လာ ၁၀သန်း ဆိုသည်မှာ ဆင်းရဲမွဲတေသော မြန်မာများအတွက်
၁။ မြန်မာအိမ်ထောင်စု တစ်စု တစ်နေ့ ကျပ်၂၀၀၀ (နှစ်ဒေါ်လာ)ဖြင့် တွက်ချက်ပါက။ မြန်မာဆင်းရဲသား ၅သောင်းခွဲကို တစ်နှစ် ထမင်းကြွေးထားနိုင်ပါသည်။ (သို့မဟုတ်)
၂။ တောင်သူလယ်သမား တစ်ဦးကို မျိုးစပါးချေးငွေ ကျပ်၃သိန်းစီ ထုတ်ပေးပါက တောင်သူလယ်သမားပေါင်း ၃သောင်းကို ငွေချေးပေးနိုင်ပါသည်။ (သို့မဟုတ်)
၃။ ဆင်းရဲသား၊ တစ်နိုင်တစ်ပိုင် ဈေးရောင်းစားနေသူများကို တစ်နေ့လျှင် ကျပ်၃သောာင်းစီ အသေးစားငွေချေးပေးပါက၊ အိမ်ရှင်မပေါင်း ၃သိန်း၏ အလုပ်ကိုင်ကို မတည်ပေးနိုင်ပါသည်။
တစ်နိုင်ငံလုံး သိပါသည်။ ငွေ-အာဏာရှင် လက်ဝယ်ရှိသူများက အိမ်ခြံမြေဈေးနှုန်းကို နိုင်ငံခြားမှ ဝိသမရင်းနှီးမြှတ်နှံသူများနှင့် ပူပေါင်းပြီး၊ ငွေမဲများဖြင့်၊ ဈေးမြှင့်တင်ပစ်လိုက်ခြင်းဖြစ်သည်။ အလားတူ သယံဇာတ ရောင်းရငွေများကိုလည်း EITI အဖွဲ့ဝင်များနည်းတူ နိုင်ငံအတွက် အကျိုးရှိစွာ အခွန်ကောက်၊ အသုံးချနိုင်မည် မျော်လင့်သည်။
တန်ဘိုးနည်းအိမ်ယာ သိန်း၁၂၀ သတင်း
ယခုအခါ အစိုးရဝန်ထမ်းများကို ကျပ်သိန်း၁၂၀ ဖြင့် တိုက်ခန်းများ ရောင်းချပေးရန် အစိုးရလုပ်ဆောင်နေသည်မှာ လျှော်ကန်လှပါသည်။ သာမန် တစ်လ ကျပ်တစ်သိန်းလစာရသော အခြေခံဝန်ထမ်းမှာ မည်သည့်နည်းနှင့်မှ ဝယ်နိုင်မည်မဟုတ်ပါ။ အဂတိလိုက်စားမှုဖြင့်သာ ဝန်ထမ်းများ စားဝတ်နေရေး၊ ဖြေရှင်းနေရသည်ကို လူတိုင်းသိပါသည်။ ထို သိန်း၁၂၀ တိုက်ခန်းများမှာလဲ ဆင်ပါးစပ်၊ နှမ်းပက်သလို ကြားကောင်းအောင် လုပ်နေခြင်းဖြစ်သည်။
တကယ် မြေမပါသော၊ တိုက်ခန်းဈေးကို အရှေ့တောင်အာရှနိုင်ငံဈေးနှုန်းအတိုင်း၊ သိန်း၁၀၀အောက်ရောင်းချနိုင်ရန်မှာ
၁။ ဆောက်လုပ်ရေး ပါမစ်၊လိုင်စင်အတွက် အဂတိမရှိ၊ လွယ်ကူစွာထုတ်ပေးရန်
၂။ အစိုးရအိုးအိမ်ဌာနကို စင်ကာပူ HDB ဌာနကဲ့သို့၊ စနစ်တကျဖွဲ့စည်း၊ ဆောက်လုပ်ရန်
၃။ အစိုးရဝန်ထမ်းများအား ၁၀နှစ်အတွင်းမရောင်းပါ စာချုပ်ဖြင့် မြေကွက်ရောင်းချပေးရန် ..
စင်ကာပူ ကွန်ဒိုဆောက်လုပ်ရေး ကုမ္ပဏီများစွာ မြန်မာပြည်တွင် အဆင့်မြင့်ကွန်ဒို၊ ရုံးခန်းများ အမြန်ဆုံးဆောက်နေကြသည်။ လက်ရှိ မြန်မာကွန်ဒို ဈေးနှုန်းများမှာ အံ့ဘွယ်ဈေးကြီးလွန်းလှသည်။ ဝယ်သူများကလဲ ဝယ်နိုင်ကြသည်။ ငွေပေါသူများ ထားစရာနေရာမရှိ ဖြစ်နေသလား မသိပါ။
တန်ဖိုးနည်းအိမ်ယာ ဆောက်လုပ်ရေး
ကျန်ုပ်ကဲ့သို လူပိန်းပင်လျှင် အိမ်ခြံမြေ ဈေးနှုန်း၊ အရှေ့တောင်အာရှ ဈေးဖြစ်သွားရန် စဉ်းစားတတ်ပေသည်။ အစိုးရမင်းများမှာ ဦးနှောက်အလွန်ကောင်းသဖြင့် ကျန်ုပ်ထက် ၁၀ ပိုသိမည်ဖြစ်သည်။ သူတို့သိသော အရာမှာ မည်သည့်နည်းဖြင့် အိမ်ခြံမြေ၊ ဂရံများ ရရှိနိုင်မည်နည်း၊ မိမိရရှိထားသော အိမ်ခြံမြေများကို မည်ကဲ့သို့ဈေးကောင်းကောင်းဖြင့် ရောင်းချနိုင်မည်နည်း။ ငှားရမ်းနိုင်မည်နည်း… ဟူသော ကိုယ်ကျိုးစီးပွားရေးကိုသာ စဉ်းစားနေသဖြင့်၊ နိုင်ငံတော်ပရိုဂျက်များမှာ အလွန်နှေးကွေးသော ဗျူရိုကရေစီ ယန္တယားအတိုင်း တရွေ့ရွေ့သာ ရွေ့နေသည်။ ဒီမိုကရေစီနိုင်ငံခရီးစဉ်မှာ ၃နှစ်ကျော်လာခဲ့ပြီး၊ သူတို့ယူနိုင်သမျှ ဥစ္စာပစ္စည်းများလည်း ယူပြီးလေပြီး။ စားဝါး၊ လုပ်စားနေခြင်းများကို ရပ်လိုက်ဖို့ သင့်နေပြီ ဖြစ်သည်။
အမှန်တကယ် ဆောက်လုပ်ရေးကုန်ကျစရိတ်မှာ ပတ်ဝန်းကျင်နိုင်ငံများထက် အဆမတန် (၂ဆခန့်) ဈေးကြီးနေခြင်းသည် ပြသနာကြီးဖြစ်သည်။ ဘိလပ်မြေ၊ သံချောင်း။ အုတ်၊ သဲ ဈေးနှုန်းများမှာ ပတ်ဝန်းကျင်နိုင်ငံများထက် အလွန်ဈေးကြီးနေခြင်းမှာ ငွေ-အာဏာပိုင်များက လိုင်စင်၊ပါမစ်များဖြင့် ထိန်းချုပ်ထားသောကြောင့် ဖြစ်သည်။
၁။ ဆောက်လုပ်ရေး ပစ္စည်းများကို အခွန်မဲ့ တင်သွင်းခွင့် ပေးလိုက်ပါက၊ သံ၊ သွတ်၊ ဘိလပ်မြေ၊ အုတ်သဲကျောက် အားလုံး၊ အိမ်နီးချင်းနိုင်ငံများ ဈေးနှုန်းသို့ ရောက်သွားပါမည်။ မလေးရှား၊ ဗီယက်နမ်တို့တွင် အလွန်ဈေးနှုန်းချိုသော၊ တရုပ်ဖြစ်ပစ္စည်းများထက် အရည်သွေးမြင့်သော ဆောက်လုပ်ရေးပစ္စည်းများ ဈေးချိုစွာ ရနိုင်ပါသည်။ ရေကြောင်းလမ်းဖြင့် ဖွင့်ပေးလိုက်ပါက ဆောက်လုပ်ရေးပစ္စည်းများ ဈေးချိုလာမည်ဖြစ်သည်။
၂။ လုပ်အားခမှာ မြန်မာလုပ်အားခသည် အိမ်နီးချင်းနိုင်ငံများထက် ၂ဆခန့် နည်းနေပါသည်။ ကိစ္စမရှိပါ။ လုပ်အားခ အိမ်နီးချင်းနိုင်ငံများနှင့် မကွာတော့လျှင် ထိုင်း၊ မလေးရှားရောက် မြန်မာ ဆောက်လုပ်ရေးအလုပ်သမားအားလုံး မြန်မာပြည်သို့ ပြန်လာကြမည်။ ပန်ရံ၊ လက်သမား ရှားပါးမှုကို ဖြေရှင်းနိုင်မည်။
၃။ နောက်ဆုံး တန်ဖိုးနည်းအိမ်အတွက် လိုအပ်သော မြေနေရာ၊ မြို့တိုင်း၊ ရွာတိုင်းတွင် အလွန်ပေါများလှသော မြေလွတ်များစွာ ရှိပါသည်။ ဌာနဆိုင်ရာများနှင့် တပ်မတော်မှ နိုင်ငံတော်အတွက်လိုအပ်သည်ဟု အကြောင်းပြပြီး၊ သိမ်းယူထားသည်မှာ မြို့တွင်း၊ မြို့ပြင်၊ တောရွာ၊ တောင်တန်းမကျန် အားလုံး ရောင်းစား၊ ငှားစား လုပ်ပြီး၊ ဌာနဆိုင်ရာ ဝင်ငွေထဲသို့ ထည့်လိုက်သည်။ ဌာနဆိုင်ရာများ မြေရောင်း၊ မြေငှား၊ မြေဂရံအသစ်လုပ်ခြင်းများ ရပ်တန်းက ရပ်ရမည်ဖြစ်သည်။ သူတို့ ငှားရမ်း၊ ရောင်းချသော အိမ်မြေခြံ၊ စက်ရုံမြေ အားလုံးကို ထိန်းချုပ်ထားနိုင်ရပါမည်။
သို့ရာတွင် အထက်ပါ အချက် ၃ချက်ကို မည်သည့်နည်းနှင့်မှ လုပ်မရနိုင်ပါ။ ဌာနဆိုင်ရာနှင့် ငွေ-အာဏာရှင်များက သူတို့လက်ထဲရောက်နေသော အိမ်ခြံမြေ ဈေးနှုန်းကို ဈေးတက်အောင်သာ ဆန့်ကျင်ဖက် လုပ်နေမည်ဖြစ်သည်။ ထိုအခါ အရေးယူ၊ ထောင်ချလိုက်ရန်သာ ရှိတော့သည်။
မေတ္တာဖြင့် အဂတိလိုက်စားမှုကို ပေးကမ်းခြင်း
အိမ်ခြံမြေ အေးဂျင့်ကုမ္ပဏီမှတ်ပုံတင်သည်နှင့် တစ်နှစ်စာ အခွန်ကောက်တော့သည်။ ဝန်ဆောင်ခများမှာ ဈေးကြီးလွန်း၊ အခွန်ဝန်ထမ်းများ၊ လိုင်စင်ပါမစ်များ၊ ရှုပ်ထွေးအောင် လုပ်ထားသဖြင့် သာမန်လူများ အေးဂျင့်ကိုသာ အားကိုးရတော့သည်။ ရန်ကုန်မြို့ထဲ တိုက်ခန်းအရောင်းအဝယ်ကို အခွန်ဈေးနှုန်းများ မည်ကဲ့သို့ပင် တိုးမြှင့်ပါစေ၊ ရာဖြတ်နှင့်အခွန်အဖွဲ့တို့ကို အေးဂျင့်၊ အိမ်ရောင်း/အဝယ်သမားများက ၂ပတ်အတွင်း စာချုပ်ပြီးအောင် ငွေကုန်ခံ၊ လုပ်ဆောင်ရသည်။ မြေဂရန်ပါသော အိမ်ခြံမြေများ ရောင်းဝယ်ပါက ဈေးအလွန်ကြီးသောကြောင့် ဥပဒေကလည်း ကျပ်တည်းလာသဖြင့်၊ အေးဂျင့်များ၊ ရာဖြတ်၊ အစိုးရဝန်ထမ်းများနှင့်ကို တစ်လအတွင်း အမြန်ပြီးစီးရန် ဝယ်သူ / ရောင်းသူများက ငွေကုန်ခံပြီး လုပ်ရပြန်သည်။ မြို့နယ်အလိုက် လုပ်ပိုင်ခွင့်များ၊ ဥပဒေများကြောင့် ရန်ကုန်တိုင်းအတွင် အိမ်ခြံမြေ အရောင်းအဝယ် ကုန်ကျစရိတ် အလွန်ကြီးလှသည်။ ပြည်နယ်နှင့်တိုင်းများတွင် အရောင်းအဝယ် ဥပဒေများက သိပ်မကျပ်တည်းလှပါ။ သို့သော် တစ်နိုင်ငံလုံး အိမ်ခြံမြေဈေးမှာ အဆမတန် မြောက်ကား နေပါတော့သည်။
ယခုလ နောက်ဆုံး ဥပဒေတစ်ခု ထွက်လာသည်။ အိမ်ခြံမြေများကို မေတ္တာလက်ဆောင် အဖြစ်ပေးပါက ၅%သာ အခွန်ဆောင်ရသည်ဟု ဥပဒေက ဆိုသည်။ ဤအတိုင်းသာ ဆိုလျှင် အဂတိလိုက်စားသူများသည် အိမ်ခြံမြေ အရောင်းအဝယ်ကို မေတ္တာလက်ဆောင်ပေးသည့် နည်းဖြင့် လုပ်စားသူ ပိုမိုများပြားစေရန် လမ်းခင်းပေးခြင်း ဖြစ်သည်။ နိုင်ငံတကာတွင် မေတ္တာဖြင့် ပေးကမ်းခြင်း လုပ်ချင်တိုင်း လုပ်မရပါ။ သေတမ်းစာဖြစ်စေ၊ မောင်နှမ၊ မိသားစုများ အမွေကိစ္စဖြစ်စေ.. အကြောင်းပြချက်ရှိမှာ မေတ္တာဖြင့် ပေးကမ်းနိုင်သည်။
မြန်မာနိုင်ငံတွင် ဘာတွေ ဖြစ်နေသလဲ ဥာဏ်မမှိတော့ပါ။
လက်ဆောင် ကျပ်၃သိန်းအထိ ပေးနိုင်သည် ဟု ဥပဒေထုတ်သောအခါ ရယ်စရာဖြစ်သွားသည်။ ၃သိန်း အကြိမ်ပေါင်းများစွာ ပေးလျှင်ရသည့် သဘောဖြစ်နေသည်။ ယခုလည်း အကြီးတန်း အဂတိလိုက်စားသူများအတွက် အိမ်ခြံမြေများကို မေတ္တာလက်ဆောင် ပေးနည်းသည်၊ ရေပန်းစားနေပုံရသည်။
အဂတိလိုက်စားမှု အသေးအဖွဲများမှာ တားဆီးရန်မလွယ်ပါ။ သို့သော် အကြီးစားများကို တားဆီး၊ အရေးယူဖို့ အချိန်တန်ပြီး ဖြစ်သည်။
အောက်ပါ ဇယားလေးကိုတွေ့သဖြင့် သဘောကျမိသည်။ မြန်မာနိုင်ငံ ဌာနဆိုင်ရာရုံးခန်းများတွင် ချိတ်ဆွဲထားသင့်သည်။ ပြည်သူများ အလွန်ဆင်းရဲမွဲတေနေသည်ကို လူကြီးများသိရှိ စာနာရန်လိုသည်။
အဂတိတားဆီးရန် အရေးယူခြင်းနည်းလမ်းသာ
အခွန်ကောက်ခြင်းနှင့် နိုင်ငံတော်ပရိုဂျက်များမှာ ငွေယိုပေါက်များကို ပိတ်နိုင်ရန်၊ အထူးသဖြင့် အကြီးတန်း အဂတိလိုက်စားမှုများကို တားဆီးရန် အရေးယူခြင်းနည်းလမ်းသာ ရှိပါတော့သည်။ သတိပေးခြင်းဖြင့် အရာရှိကြီးများ အဂတိမလိုက်စားတော့ သော်လည်း၊ သူတို့၏ တပည့်များက အဂတိလိုက်စားနေဦးမည် ဖြစ်သည်။ ပြောမရသော အဂတိ၊ လာဘ်စားသူကို အမြန်ဆုံးအရေးယူ ထောင်ကျရမည်။ မြန်မာနိုင်ငံ၏ အဂတိဥပဒေ၏ ထောင်ဒဏ်မှာ ၅နှစ် အမြင့်ဆုံးဟု ဆိုသည်။ နိုင်ငံတော် စီးပွားရေးပျက်သုံးစေနေသာ သစ်မှု၊ အ.ပ.က(၃) ကဲ့သို့ ဥပဒေမျိုးဖြင့် ထောင်အနှစ်၂၀ အရေးယူရပေမည်။ လက်ရှိ ကမ္ဘာ့အဖွဲ့အစည်းများက ဆင်းရဲမွဲတေမှု၊ ပညာရေး၊ ကျန်းမာရေး၊ လျှပ်စစ်မီးတို့အတွက် ဒေါ်လာ ဘီလျှံနှင့်ချီသော ငွေများ အကူညီပေးခြင်း၊ ချေးငှားခြင်းများ လုပ်နေကြသည်။ ကုလသမဂ္ဂအဖွဲ့ပင်လျှင် စစ်ဗိုလ်ဟောင်းများနှင့် ပေါင်းပြီး၊ အိမ်ခြံမြေ ငှားသည့်လုပ်ငန်းဖြင့် အမြတ်ထုတ်သည်။ ပြည်သူများထံ ကမ္ဘာ့အဖွဲ့အစည်းများက ကူညီငွေ ၁၀% သာရောက်ခြင်း ဆိုသည်မှာ ဖြစ်နိုင်ပေသည်။
ထို ကမ္ဘာ့အဖွဲ့အစည်း ကူပံ့ငွေ အားလုံးသည် မြန်မာနိုင်ငံ ဌာနဆိုင်ရာများက စီမံခန့်ခွဲသည်။ ကမ္ဘာ့အဖွဲ့အစည်းများက စာရင်းစစ်ကြသည်ဟု ဆိုသည်။ ဂျပန် JICA အဖွဲ့မှာ အလွန်စနစ်ကျစွာ စစ်ဆေးသည်ဟု သိရသည်။ အလားတူ အမေရိကန်ကမ္ဘာ့ဘဏ် အဖွဲ့လည်း ကုလသမဂ္ဂအဖွဲများလို ဆိုးဝါးမလုပ်ကြပါ။ သူတို့ငှားရမ်းထားသော နေရာများကို ကြည့်ခြင်းဖြင့် ငွေကို မဖြုန်တီး၊ အဂတိ နည်းသည်ဟု မှတ်ယူရပေမည်။
ကုလသမဂ္ဂအဖွဲ့၊ အိုင်အမ်အက်ဖ် များကိုတော့ ကျန်ုပ်မသိပါ။ ထို အင်ဂျီအိုအဖွဲ့များမှ ဝန်ထမ်းများသည် လစာပုံမှန်ဖြစ်သည်။ သူတို့လည်း လူသားဖြစ်သောကြောင့် ငွေဖြင့် ဖျက်ဆီးခံရလျှင် ပါသွားမည်ဖြစ်သည်။ အခြားနိုင်ငံများတွင် ပွင့်လင်းမြင်သာစွာ လုပ်ကိုင်ကြပြီး၊ မြန်မာနိုင်ငံတွင် မပွင့်မလင်း လုပ်နေပါက မီဒီယာများဖြင့် ဆက်လက် ဖေါ်ထုတ်ရမည်ဖြစ်သည်။
အဂတိလိုက်စားမှုတွင် ထိပ်တန်း၊ အစိုးရ အရာရှိကြီးများသည် အလွန်အရေးကြီးသည်။ သူတို့၏ ရုံးခန်းတွင် မြန်မာပြည်သူများ တစ်လ ကျပ်၅သောင်း၊ US$50 ရရန် အဘယ်မျှ ရုန်းကန်နေရသည်ကို ထို ငွေ-အာဏာရှင်ကြီးများ သိပါသည်။ သူတို့၏ စာနာစိတ်ကို မျော်လင့်သည်ထက်၊ ဝိသမ၊အဂတိလွန်ကဲသူကို အရေးယူခြင်းသာလျှင် မြန်မာပြည်ကို ဆင်းရဲမွဲတေမှုမှာ ကယ်တင်နိုင်မည် ဖြစ်ပါသည်။ ထို လုံလောက်သော ငွေရရှိပြီးသူများမှာ သူတို့ငွေများကို စိတ်ချရသော ဘဏ်လုပ်ငန်း၊ သယံဇာတလုပ်ငန်း၊ ပေါ်လာတော့မည့် စတော့ဈေးကွက်ဝင် ကုမ္ပဏီများတွင် ရင်းနှီးမြှတ်နှံပြီးနောက်၊ အာဏာလဲ လွှတ်ပေးမည်မဟုတ်ပါ။
ထို့ကြောင့် ၂၀၁၅ မရောက်မီ် အရေးယူမှုများကို မျှော်လင့်သည်။ ဝန်ကြီးကို သိန်း၁၀၀ခန့် အဂတိလုပ်ကြံမှုမျိုး ထပ်မံမပေါ်သင့်တော့ပါ။ သို့မှသာ ၂၀၁၅ နောက်ပိုင်းတွင် အခွန်နှင့်ပရိုဂျတ် နိုင်ငံတော် ငွေကြေးများကို စနစ်တကျ၊ ကိုင်တွယ်နိုင်မည့် ဝန်ထမ်းကောင်းများ နေရာရလာမည် မျှော်လင့်သည်။ ထိုအဓိကနေရာများမှာ ဝန်ထမ်းများကို နှစ်ကုန်လျှင် ဘောနပ်စ် ဆုကြေးငွေ များစွာ ပေးဖို့၊ အဂတိနည်းသော ထိပ်တန်းအရာရှိများစွာကို မျော်လင့်နေပါသည်။ လူ့ဘဝဆိုသည်မှာ မျှော်လင့်ချက်နှင့် အသက်ရှင်နေခြင်းပင်တည်း…။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ