သတင်းဆောင်းပါး အောင်ဒင်

အောင်ဒင် – ဖက်ဒရယ်ပြည်ထောင်စု၊ ဖက်ဒရယ်တပ်မတော်နှင့် ပြည်တွင်းငြိမ်းချမ်းရေး – အပိုင်း (၄)

(မဇ္ဈိမနေ့စဉ်သတင်းစာ၊ ဇူလိုင် ၁၈၊ ၂၀၁၄၊ စာမျက်နှာ ၁၇)

 

အောင်ဒင် – ဖက်ဒရယ်ပြည်ထောင်စု၊ ဖက်ဒရယ်တပ်မတော်နှင့် ပြည်တွင်းငြိမ်းချမ်းရေး – အပိုင်း (၄)

 

#အမေရိကန်ပြည်ထောင်စု၏ ပြည်ထောင်စုတပ်မတော်နှင့် ပြည်စောင့်တပ်ဖွဲ့များ

 

ဒီနေရာမှာ အမေရိကန်ပြည်ထောင်စုရဲ့  လက်နက်ကိုင်တပ်ဖွဲ့များအကြောင်း နည်းနည်းရှင်းပြချင်ပါတယ်။

အမေရိကန်ပြည်ထောင်စုရဲ့  ပြည်ထောင်စုတပ်မတော်ကို ကြည်းတပ် (The Army)၊ ရေတပ် (The Navy)၊ လေတပ် (The Air Force)၊ မရိန်းတပ် (The Marine Corps)၊ ပြည်စောင့်တပ် (National Guard) များနဲ့ ဖွဲ့စည်းထားပြီး ၎င်းတပ်ဖွဲ့များအားလုံးဟာ အရပ်သားအစိုးရအုပ်ချုပ်ရေးအောက်မှာ လုံးဝတည်ရှိပါတယ်။ ပြည်ထောင်စုတပ်မတော် (သို့မဟုတ်) လက်နက်ကိုင်တပ်ဖွဲ့များအားလုံးရဲ့  စစ်ဦးစီးချုပ် (Commander in Chief) ဟာ နိုင်ငံတော်သမ္မတဖြစ်ပါတယ်။ သမ္မတရဲ့  လက်အောက်မှာ ကာကွယ်ရေးဝန်ကြီး (Secretary of Defense) ရှိပြီး ကာကွယ်ရေးဝန်ကြီးဋ္ဌာနကို ဦးဆောင်ကွပ်ကဲပါတယ်။ ကာကွယ်ရေးဝန်ကြီးရဲ့  တိုက်ရိုက်အုပ်ချုပ်မှုအောက်မှာ (၁) ကာကွယ်ရေးဝန်ကြီးရုံးအဖွဲ့ (Office of the Secretary of Defense)၊ (၂) ကြည်းတပ်ရေးရာဋ္ဌာန (Department of the Army)၊ (၃) ရေတပ်ရေးရာဋ္ဌာန (Department of the Navy)၊ (၄) လေတပ်ရေးရာဋ္ဌာန (Department of the Air Force)၊ (၅) ပူးတွဲစစ်ဦးစီးချုပ်များအဖွဲ့ (Joint Chiefs of Staff)၊ (၆) တိုက်ခိုက်ရေးစစ်ဋ္ဌာနချုပ်များ (Combatant Commands)ဆိုပြီး ဋ္ဌာနကြီး (၆) ခုရှိပါတယ်။

 

(၁) ကာကွယ်ရေးဝန်ကြီးရုံးအဖွဲ့မှာ ဒုတိယကာကွယ်ရေးဝန်ကြီး၊ အငယ်တန်းကာကွယ်ရေးဝန်ကြီး၊ လက်ထောက်ကာကွယ်ရေးဝန်ကြီး၊ ဒုလက်ထောက်ကာကွယ်ရေးဝန်ကြီးစတဲ့ အရပ်သားအဆင့်မြင့် အရာရှိများပါဝင်ပြီး အေဂျင်စီများ၊ ဋ္ဌာနများကို အဆင့်ဆင့်စီမံခန့်ခွဲကြပါတယ်။ (၂) ကြည်းတပ်ရေးရာဋ္ဌာနကို ကြည်းတပ်ရေးရာဝန်ကြီး (Secretary of the Army) ကဦးဆောင်ပြီး ကြည်းတပ်ကို စီမံခန့်ခွဲပါတယ်။ ကြည်းတပ်ရေးရာဝန်ကြီးက အရပ်သားဖြစ်ပြီး ကြည်းတပ်စစ်ဦးစီးချုပ် (Chief of Staff of the Army) ရဲ့  အထက်မှာရှိပါတယ်။ (၃) ရေတပ်ရေးရာဋ္ဌာနကို ရေတပ်ရေးရာဝန်ကြီး (Secretary of the Navy) က ဦးဆောင်ပြီး ရေတပ်နဲ့ မရိန်းတပ်တွေကို စီမံခန့်ခွဲပါတယ်။ ရေတပ်ရေးရာဝန်ကြီးဟာ အရပ်သားဖြစ်ပြီး ရေတပ်စစ်ဦးစီးချုပ် (Chief of Staff of the Naval Operation) နဲ့ မရိန်းတပ်စစ်ဦးစီးချုပ် (Commandant of the Marine Corps) များကို ညွှန်ကြားပါတယ်။ (၄) လေတပ်ရေးရာဋ္ဌာနကို အရပ်သားတစ်ဦးဖြစ်တဲ့ လေတပ်ရေးရာဝန်ကြီး (Secretary of the Air Force) က ဦးဆောင်ပြီး လေတပ်စစ်ဦးစီးချုပ် (Chief of Staff of the Air Force) ကတဆင့် လေတပ်ကို စီမံခန့်ခွဲပါတယ်။ (၅) ပူးတွဲစစ်ဦးစီးချုပ်များအဖွဲ့မှာ ကြည်း၊ ရေ၊ လေ၊ မရိန်းနဲ့ ပြည်စောင့်တပ်စတဲ့ လက်နက်ကိုင်တပ်ဖွဲ့များအားလုံးက စစ်ဦးစီးချုပ်များပါဝင်ပြီး ၎င်းစစ်ဦးစီးချုပ်များထဲမှ သမ္မတက အထက်လွှတ်တော်ရဲ့  သဘောတူညီချက်နဲ့ ရွေးချယ်ခန့်အပ်တဲ့ ပူးတွဲစစ်ဦးစီးချုပ်များအဖွဲ့ ဥက္ကဋ္ဌ နဲ့ ဒု-ဥက္ကဋ္ဌတို့က ဦးဆောင်ပါတယ်။

 

(၆) တိုက်ခိုက်ရေးစစ်ဋ္ဌာနချုပ်များမှာ အာဖရိကဆိုင်ရာစစ်ဋ္ဌာနချုပ် (Africa Command) ၊ ဗဟိုစစ်ဋ္ဌာနချုပ် (Central Command)၊ ဥရောပဆိုင်ရာစစ်ဋ္ဌာနချုပ် (European Command) ၊ မြောက်ပိုင်းစစ်ဋ္ဌာနချုပ် (Northern Command) ၊ ပစိဖိတ်ဒေသဆိုင်ရာစစ်ဋ္ဌာနချုပ် (Pacific Command) ၊ တောင်ပိုင်းစစ်ဋ္ဌာနချုပ် (Southern Command) ၊ အထူးစစ်ဆင်ရေးများဆိုင်ရာစစ်ဋ္ဌာနချုပ် (Special Operations Command) ၊ မဟာဗျူဟာဆိုင်ရာစစ်ဋ္ဌာနချုပ် (Strategic Command) ၊ နဲ့ သယ်ယူပို့ဆောင်ရေးဆိုင်ရာစစ်ဋ္ဌာနချုပ် (Transportation Command) ဆိုပြီး စစ်ဋ္ဌာနချုပ် (၉) ခုပါဝင်ပါတယ်။ အဲဒီ စစ်ဋ္ဌာနချုပ်တိုင်းမှာ ကြည်း၊ ရေ၊ လေ၊ မရိန်းတပ်ဖွဲ့တွေ စုပေါင်းပါဝင်ပြီး ကမ္ဘာတစ်ဝှမ်း ဖြန့်ကျက်နေရာယူ တပ်စွဲထားပါတယ်။

 

ထူးခြားချက်ကတော့ လက်နက်ကိုင်တပ်ဖွဲ့အသီးသီးရဲ့  စစ်ဦးစီးချုပ်များဟာ ကြယ် (၄) ပွင့် ဗိုလ်ချုပ်ကြီးများဖြစ်လို့ တပ်ပိုင်းဆိုင်ရာ အမြင့်ဆုံးအရာရှိများဖြစ်ကြပေမည့် သူတို့ရဲ့  အဓိကတာဝန်ဟာ သက်ဆိုင်ရာ အရပ်သားဝန်ကြီးကို တပ်ပိုင်းဆိုင်ရာ အကြံပေးခြင်းနဲ့ ပူးတွဲစစ်ဦးစီးချုပ်များအဖွဲ့ရဲ့  အဖွဲ့ဝင်များအဖြစ် သမ္မတ၊ ကာကွယ်ရေးဝန်ကြီးနဲ့ အမျိုးသားလုံခြုံရေးကောင်စီ (National Security Council) ကို စစ်ရေးဆိုင်ရာအကြံပေးခြင်းပဲ ဖြစ်ပါတယ်။ ဥပမာအားဖြင့် ကြည်းတပ်စစ်ဦးစီးချုပ်က ကြည်းတပ်ရေးရာဝန်ကြီးကို ကြည်းတပ်ဆိုင်ရာ အကြံပေးပြီး ပူးတွဲစစ်ဦးစီးချုပ်များအဖွဲ့ဝင်တစ်ဦးအနေနဲ့ သမ္မတ၊ ကာကွယ်ရေးဝန်ကြီးနဲ့ အမျိုးသားလုံခြုံရေးကောင်စီကို စစ်ရေးဆိုင်ရာအကြံပေးခြင်းဖြစ်ပါတယ်။ အဆိုပါ စစ်ဦးစီးချုပ်များမှာ လက်နက်ကိုင်တပ်ဖွဲ့များ၊ တိုက်ခိုက်ရေးစစ်ဋ္ဌာနချုပ်များကို စစ်ရေးဆိုင်ရာ အမိန့်ပေးခွင့်မရှိပါ။

 

အမေရိကန်ပြည်ထောင်စု လက်နက်ကိုင်တပ်ဖွဲ့များရဲ့  စစ်ဆင်ရေးလှုပ်ရှားမှုများနဲ့ ပတ်သက်တဲ့ အမိန့်ပေးစနစ် (Chain of Command) ကို ကွန်ဂရက်လွှတ်တော်က ဥပဒေပြဋ္ဌန်းပြီး ရှင်းရှင်းလင်းလင်း သတ်မှတ်ထားပါတယ်။ စစ်ရေးဆိုင်ရာ အမိန့်တွေကို ကာကွယ်ရေးဦးစီးချုပ်ဖြစ်တဲ့ သမ္မတကသာ အမိန့်ပေးနိုင်ပြီး သမ္မတရဲ့  အမိန့်ကို ကာကွယ်ရေးဝန်ကြီးမှ တိုက်ခိုက်ရေးစစ်ဋ္ဌာနချုပ်များရဲ့  အကြီးအကဲ ဗိုလ်ချုပ်ကြီးများထံ တဆင့်ခံညွှန်ကြားပါတယ်။ သမ္မတရဲ့  အမိန့်နဲ့ စစ်ဆင်ရေးတွေကို သက်ဆိုင်ရာ တိုက်ခိုက်ရေးစစ်ဋ္ဌာချုပ်များမှ တပ်မှူးကြီးများ (Commanders) က ဦးဆောင်ပြီး အကောင်အထည်ဖော်ရပါတယ်။ စစ်ဦးစီးချုပ်များက စစ်ဆင်ရေးအမိန့်ပေးခွင့်မရှိပါ။

 

အထက်မှာ ဖော်ပြခဲ့သလို အမေရိကန်လက်နက်ကိုင်တပ်ဖွဲ့များဟာ အရပ်သားသမ္မတရဲ့  အုပ်ချုပ်မှုအောက်မှာ ရှိနေပြီး အရပ်သားသမ္မတရဲ့  အမိန့်နဲ့သာ စစ်ဆင်ရေးတွေ ဆင်နွှဲရပါတယ်။ ကာကွယ်ရေးဝန်ကြီးဋ္ဌာနမှာလည်း အထက်လွှတ်တော်ရဲ့  သဘောတူညီချက်နဲ့ သမ္မတက ရွေးချယ်ခန့်အပ်တဲ့ အရပ်သားအရာရှိများက လက်နက်ကိုင်တပ်ဖွဲ့များကို စီမံခန့်ခွဲကြပါတယ်။ လက်နက်ကိုင်တပ်ဖွဲ့များအတွင်း ကြယ်တစ်ပွင့် ဗိုလ်ချုပ်အဆင့် (ဗိုလ်မှူးချုပ်) ကနေ ကြယ်လေးပွင့် ဗိုလ်ချုပ်အဆင့် (ဗိုလ်ချုပ်ကြီး) ကို သက်ဆိုင်ရာစစ်ဦးစီးချုပ်များရဲ့  ထောက်ခံချက်နဲ့ သမ္မတက အထက်လွှတ်တော်ကို အဆိုပြုပြီး အထက်လွှတ်တော်က သဘောတူမှ ခန့်ထားလို့ရပါတယ်။ တိုက်ခိုက်ရေးစစ်ဋ္ဌာနချုပ်များရဲ့  အကြီးအကဲတပ်မှူးကြီးများကိုလည်း ကာကွယ်ရေးဝန်ကြီးရဲ့  အကြံပြုချက်နဲ့ သမ္မတက အထက်လွှတ်တော်ကို အဆိုပြုပြီး အထက်လွှတ်တော်က သဘောတူမှ ခန့်ထားလို့ရပါတယ်။ စစ်ဦးစီးချုပ်များရဲ့  အဓိကတာဝန်ဟာ သမ္မတ၊ ကာကွယ်ရေးဝန်ကြီးနဲ့ အမျိုးသားလုံခြုံရေးကောင်စီကို အကြံပေးရန်နဲ့ သမ္မတနဲ့ အရပ်သားအရာရှိများရဲ့  ဦးဆောင်မှုကို နာခံရန်ဖြစ်ပါတယ်။

 

#ကျနော်တို့နိုင်ငံမှာ ရှိစေချင်တဲ့ တပ်မတော်

 

အမျိုးသားပြန်လည်သင့်မြတ်ရေးနဲ့ ပြည်တွင်းငြိမ်းချမ်းရေးကို မဖြစ်မနေဖော်ဆောင်ကြမယ်ဆိုရင် တပ်မတော် ပြင်ဆင်ဖွဲ့စည်းရေးကို ရှောင်လွှဲလို့မရ၊ ငြင်းဆန်လို့မရနိုင်ပါ။ ကျနော်တို့မျှော်လင့်တဲ့ တပ်မတော်က အမေရိကန်ပြည်ထောင်စုတပ်မတော်လိုပါ။ အရပ်သားအစိုးရရဲ့  အုပ်ချုပ်မှုအောက်မှာ အရပ်သားအရာရှိများရဲ့  အမိန့်ကိုနာခံပြီး နိုင်ငံရေးမှာ စစ်ဝတ်စုံနဲ့ ဝင်ရောက်စွက်ဖက်ခြင်းမရှိတဲ့ တပ်မတော်ပါ။ ပြည်တွင်းစစ်လည်းမရှိ၊ ပြည်ပစစ်လည်းမရှိချိန်မှာ တိုင်းပြည်အတွက် စစ်စားရိတ်တွေ အလွန်အကျွံမသုံးရအောင် အင်အားအတန့်အသင့်ရှိတဲ့ ခေတ်မီတပ်မတော်ပါ။ ဗဟိုအာဏာပိုင်အဖွဲ့အစည်းတစ်ခုမဟုတ်ပဲ နိုင်ငံ့ဝန်ထမ်းအဖွဲ့အစည်းတစ်ခုဖြစ်တဲ့ တပ်မတော်ပါ။

 

#အမေရိကန်ပြည်ထောင်စု ပြည်စောင့်တပ်များ

 

ပြည်တွင်းငြိမ်းချမ်းရေးရရှိဖို့အတွက် တိုင်းရင်းသားလက်နက်ကိုင်တပ်ဖွဲ့များအရေးကို ဘယ်လိုဖြေရှင်းကြမလဲ စဉ်းစားရာမှာ အသုံးဝင်နိုင်တာမို့ အမေရိကန်ပြည်ထောင်စု လက်နက်ကိုင်တပ်ဖွဲ့များထဲက ပြည်စောင့်တပ်များ (National Guard) အကြောင်း ရှင်းပြချင်ပါတယ်။

အကြမ်းဖျင်းအားဖြင့် ပြောရမယ်ဆိုရင် အမေရိကန်ပြည်ထောင်စုရဲ့  ပြည်စောင့်တပ်များဟာ ပြည်ထောင်စုတပ်မတော်ရဲ့  အရန်တပ်ဖွဲ့များဖြစ်ပါတယ်။ အမေရိကန်ပြည်ထောင်စုရဲ့  ပြည်နယ် ၅၀၊ ပြည်ထောင်စုနယ်မြေတစ်ခု (ဝါရှင်တန်ဒီစီ) နဲ့ အစောင့်ရှောက်ခံနယ်မြေ (၃) ခု (ဂူအမ်ကျွန်း၊ ဗာဂျင်ကျွန်းစုများ၊ ပူအာတိုရီကို) မှာ သီးခြားအဖွဲ့အစည်း (၅၄) ခုအဖြစ် တည်ရှိပြီး သက်ဆိုင်ရာပြည်နယ်အစိုးရများ၊ နယ်မြေအစိုးရများရဲ့  လက်အောက်ခံဖြစ်ပါတယ်။ သာမာန်အခြေအနေမှာ သက်ဆိုင်ရာ ပြည်နယ်/နယ်မြေ အုပ်ချုပ်ရေးမှူးများ (Governors) က သက်ဆိုင်ရာ ပြည်စောင့်တပ်ဖွဲ့ရဲ့  စစ်ဦးစီးချုပ်ဖြစ်ပြီး သက်ဆိုင်ရာပြည်နယ်/နယ်မြေရဲ့  အရေးပေါ်အခြေအနေထိန်းသိမ်းရေးလုပ်ငန်းများ၊ သဘာဝဘေးအန္တရာယ်ကယ်ဆယ်ရေးလုပ်ငန်းများ၊ ဒေသတွင်းပဋိပက္ခများမှာ ပါဝင်ဆောင်ရွက်ကြရပါတယ်။ ပြည်နယ်/နယ်မြေ အုပ်ချုပ်ရေးမှူးက ပြည်နယ်လွှတ်တော်ရဲ့  သဘောတူညီမှုနဲ့ ရွေးချယ်ခန့်အပ်ထားတဲ့ ဗိုလ်ချုပ်တစ်ဦးကတဆင့် ပြည်စောင့်တပ်ဖွဲ့ကို အမိန့်ပေးပါတယ်။

 

ပြည်ထောင်စုအစိုးရက အဲဒီ ပြည်နယ် (၅၀) နဲ့ နယ်မြေ (၄) ခုက ပြည်စောင့်တပ် (၅၄) ဖွဲ့ကို စုပေါင်းပြီး ပြည်စောင့်တပ်ဋ္ဌာနချုပ် (National Guard Bureau) အမည်နဲ့ ကြည်းတပ် (သို့မဟုတ်) လေတပ်မှ ဗိုလ်ချုပ်ကြီးအဆင့် စစ်ဦးစီးချုပ်တစ်ယောက်ကို ခန့်အပ်တာဝန်ပေးပြီး အုပ်ချုပ်ပါတယ်။ ပြည်စောင့်တပ်စစ်ဦးစီးချုပ်ဟာ ပူးတွဲစစ်ဦးစီးချုပ်များအဖွဲ့ဝင်လည်း ဖြစ်ပါတယ်။ တိုင်းပြည်အတွက် လိုအပ်ပြီဆိုရင် အဲဒီ ပြည်စောင့်တပ်တွေကို ပြည်ထောင်စုတပ်မတော်ရဲ့  အစိတ်အပိုင်းအဖြစ် တာဝန်ထမ်းဆောင်ဖို့ သမ္မတက ပြည်စောင့်တပ်ဖွဲ့များစစ်ဦးစီးချုပ်ကတဆင့် ဆင့်ခေါ်တာဝန်ပေးနိုင် (Federalize) ပါတယ်။ ဒါကြောင့်မို့လည်း ပြည်စောင့်တပ်များကို ပြည်ထောင်စုတပ်မတော်ရဲ့  အရန်တပ်ဖွဲ့များလို့ သတ်မှတ်ထားတာပါ။ ပြည်စောင့်တပ်ဖွဲ့များကို ကြည်းတပ် ပြည်နယ်စောင့်တပ် (State Army National Guard) နဲ့ လေတပ် ပြည်နယ်စောင့်တပ် (State Air National Guard) ဆိုပြီး ဖွဲ့စည်းပါတယ်။ ရေတပ်နဲ့ မရိန်း ပြည်နယ်စောင့်တပ်များတော့ မရှိပါ။

 

#တိုင်းရင်းသားလက်နက်ကိုင်များနှင့် ပြည်နယ်စောင့်တပ်

 

မြန်မာနိုင်ငံမှာ လက်နက်ကိုင်ပဋိပက္ခတွေအပြီးတိုင် ချုပ်ငြိမ်းသွားတဲ့အခါ တိုင်းရင်းသားလက်နက်ကိုင်တပ်ဖွဲ့များကို အမေရိကန်ပြည်ထောင်စုရဲ့ ပြည်စောင့်တပ်များကို နမူနာယူပြီး ပြန်လည်ဖွဲ့စည်းသင့်ပါတယ်။

 

နိုင်ငံရေးဆွေးနွေးပွဲတွေမှာ မြန်မာနိုင်ငံကို တိုင်းရင်းသားလူမျိုးစုများ တန်းတူညီမျှ စုပေါင်းနေထိုင်ကြတဲ့ ပြည်ထောင်စုနိုင်ငံတော်အဖြစ် ပြန်လည်ဖွဲ့စည်းတည်ဆောက်ရေး ဆွေးနွေးကြမှာပါ။ ပြည်ထောင်စုနိုင်ငံတော် စစ်စစ်ဖြစ်ဖို့ဆိုရင် ဗမာအပါအဝင် ကရင်၊ (ကယား) ကရင်နီ၊ ကချင်၊ မွန်၊ ချင်း၊ ရှမ်း၊ ရခိုင်စတဲ့ အဓိကလူမျိုးစု ရှစ်စု တန်းတူညီမျှပါဝင်တဲ့ ပြည်ထောင်စုဖြစ်ရမှာပါ။ တိုင်းရင်းသားတွေ တောင်းဆိုကြသလို လက်ရှိ တိုင်းဒေသကြီး (၇) ခုနဲ့ ပြည်နယ် (၇) ခုကို ဗမာပြည်နယ်အပါအဝင် အဆင့်အတန်းတူ ပြည်နယ် (၈) ခုအဖြစ် ပြန်လည်ဖွဲ့စည်းဖို့ဆိုတာကို သဘောတူလက်ခံဖို့ ခက်ခဲပေမည့် ဗမာလူများစုအခြေပြုနေထိုင်ရာ တိုင်းဒေသကြီး (၇) ခုပါဝင်တဲ့ ဗမာပြည်မနဲ့ တိုင်းရင်းသားပြည်နယ် (၇) ခုဟာ တန်းတူညီမျှရှိသင့်ပါတယ်။ ၂၀၀၈ ဖွဲ့စည်းပုံအခြေခံဥပဒေအရ အုပ်ချုပ်ရေး၊ ဥပဒေပြုရေး၊ တရားစီရင်ရေးအာဏာများကို တိုင်းဒေသကြီးနဲ့ ပြည်နယ်များသို့ ခွဲဝေအပ်နှင်းထားသည်ဆိုပေမည့် လက်တွေ့မှာတော့ ပြည်နယ်အစိုးရများ၊ ပြည်နယ်လွှတ်တော်များမှာ လုပ်ပိုင်ခွင့်အာဏာနည်းပါးလှပြီး ပြည်နယ်များအားလုံးမှာ တရားစီရင်ရေးအာဏာ လုံးဝမရှိပါ။ ဒီလိုအနေအထားကို လုံးဝပြောင်းလဲရမှာပါ။

 

တိုင်းရင်းသားလူမျိုးစုများအားလုံး တန်းတူညီမျှမှုနဲ့ ဖွဲ့စည်းတည်ထောင်မည့် ပြည်ထောင်စုနိုင်ငံသစ်မှာ ပြည်ထောင်စုအစိုးရက ပြည်နယ်အားလုံးကို အတိုင်းအတာတစ်ခုအထိ အာဏာတွေ ခွဲဝေအပ်နှင်းသင့်ပါတယ်။ ပြည်နယ်လွှတ်တော်များကို ပြည်နယ်တွင်း လွတ်လပ်သန့်ရှင်းစွာကျင်းပတဲ့ ရွေးကောက်ပွဲများက ရွေးချယ်တင်မြှောက်ခံရတဲ့ ပြည်နယ်လွှတ်တော်ကိုယ်စားလှယ်များနဲ့ ဖွဲ့စည်းပြီး ပြည်နယ်ဆိုင်ရာ ဥပဒေပြုအာဏာတွေ၊ အခွန်အကောက် ကောက်ခံခွင့်အာဏာတွေ အပြည့်အဝရှိသင့်ပါတယ်။ ပြည်နယ်ဝန်ကြီးချုပ်ကို ပြည်နယ်လွှတ်တော်ကိုယ်စားလှယ်များထဲက ရွေးချယ်တင်မြှောက်ပြီး ပြည်နယ်ဝန်ကြီးချုပ်က ပြည်နယ်အစိုးရအဖွဲ့ကို ပြည်နယ်လွှတ်တော်ရဲ့  သဘောတူညီမှုနဲ့ ဖွဲ့စည်းအုပ်ချုပ်သင့်ပါတယ်။ ပြည်နယ်အစိုးရများမှာ ပြည်နယ်ဆိုင်ရာ အုပ်ချုပ်ရေးအာဏာတွေ အပြည့်အဝရှိသင့်ပြီး အဲဒီအာဏာတွေထဲမှာ ပြည်နယ်လုံခြုံရေးအတွက် ပြည်နယ်အဆင့်ရဲတပ်ဖွဲ့နဲ့ ပြည်နယ်စောင့်တပ်ဖွဲ့များ၊ ပြည်နယ်တရားစီရင်ရေးစနစ်အတွက် ပြည်နယ်အဆင့်တရားရုံးများ၊ ပြည်နယ်အဆင့် အကျဉ်းထောင်များ တည်ထောင်အုပ်ချုပ်ခွင့်အာဏာများ ပါဝင်သင့်ပါတယ်။ ပြည်နယ်တရားသူကြီးချုပ်နဲ့ ပြည်နယ်တရားသူကြီးများကိုလည်း ပြည်နယ်ဝန်ကြီးချုပ်က ပြည်နယ်လွှတ်တော်ရဲ့  သဘောတူညီမှုနဲ့ ခန့်အပ်တာဝန်ပေးပြီး ပြည်နယ်တရားစီရင်ရေးစီမံခန့်ခွဲသင့်ပါတယ်။

 

တိုင်းရင်းသားလူမျိုးစုများရဲ့  ပြည်နယ်များမှာ အထက်ကဖော်ပြခဲ့သလို ကိုယ်ပိုင်အုပ်ချုပ်ခွင့်အာဏာတွေကို ဖွဲ့စည်းပုံအခြေခံဥပဒေမှာ ပြင်ဆင်ရေးဆွဲပြီး အာမခံပေးမယ်ဆိုရင် တိုင်းရင်းသားလက်နက်ကိုင်အဖွဲ့အစည်းများရော၊ လက်နက်မကိုင်တဲ့ တိုင်းရင်းသားအင်အားစုများရော ကျေနပ်လက်ခံနိုင်ကြလိမ့်မယ်လို့ မျှော်လင့်ပါတယ်။ အဲဒီလို အခွင့်အရေးတွေရမယ်ဆိုရင် တိုင်းရင်းသားလက်နက်ကိုင်အဖွဲ့အစည်းများအနေနဲ့ ၎င်းတို့ရဲ့  လက်နက်ကိုင်တပ်ဖွဲ့များကို ပြည်နယ်အစိုးရလက်အောက်ခံ ရဲတပ်ဖွဲ့၊ ပြည်နယ်စောင့်တပ်ဖွဲ့များအဖြစ် အသွင်ပြောင်းလဲဖို့ သဘောတူနိုင်ကြလိမ့်မယ်လို့ မျှော်လင့်ပါတယ်။

 

ဒီနေရာမှာလည်း တိုင်းရင်းသားလက်နက်ကိုင်အဖွဲ့အစည်းများရဲ့  ခေါင်းဆောင်များက ရိုးသားရဲရင့်ဖို့ အထူးလိုအပ်ပါတယ်။ အစပိုင်း လက်နက်ကိုင်တော်လှန်ရေးလုပ်စဉ်က ဗမာလူမျိုးကြီးဝါဒကို ဆန့်ကျင်ဖို့၊ ဗဟိုအစိုးရရဲ့  ချုပ်ကိုင်မှုကို ဆန့်ကျင်ဖို့၊ တိုင်းရင်းသားလူမျိုးစုဆိုင်ရာအခွင့်အရေးများရဖို့ ဆိုတဲ့ မှန်ကန်ရှင်းလင်းပြတ်သားတဲ့ ရည်ရွယ်ချက်တွေရှိခဲ့ပေမည့် နှစ် (၆၀) ကျော်ပြည်တွင်းစစ်ကာလအတွင်း မူလရည်မှန်းချက်များကို မေ့ပျောက်ပြီး ကိုယ်ပိုင်အကျိုးစီးပွါးကိုဦးစားပေး၊ ပုဂ္ဂလိကအာဏာနဲ့ ခေါင်းဆောင်ဖြစ်ရတဲ့အခွင့်အရေးတွေအပေါ်မှာ ယစ်မူးသာယာပြီး စစ်ဘုရင်ဖြစ်သွားတဲ့ တိုင်းရင်းသား တော်လှန်ရေးခေါင်းဆောင်တွေ အများကြီးပါ။ အဲဒီလို တိုင်းရင်းသား စစ်ဘုရင်တွေဟာလည်း မြန်မာစစ်ခေါင်းဆောင်တွေလိုပါပဲ။ သူတို့အတွက် အာဏာဟာ သေနတ်ပြောင်းဝမှာ တည်ပါတယ်။ သူတို့အုပ်ချုပ်မှုအောက်က လက်နက်ကိုင်တပ်ဖွဲ့များဟာ သူတို့မှာရှိနေတဲ့ အာဏာရဲ့  အခြေခံအရင်းအမြစ်ပါ။ လက်နက်ကိုင်တပ်တွေမရှိပဲ နိုင်ငံရေးအာဏာကို ရွေးကောက်ပွဲတွေတဆင့် ငြိမ်းငြိမ်းချမ်းချမ်း ယှဉ်ပြိုင်ရယူဖို့ ကြောက်ရွံ့တတ်ကြသူတွေပါ။ ဒါကြောင့်မို့ အထက်ကဖော်ပြသလို ပြည်နယ်ဆိုင်ရာ ကိုယ်ပိုင်အုပ်ချုပ်ခွင့်တွေ ပိုမိုရရှိရင်တောင်မှ လက်နက်ကိုင်တပ်ဖွဲ့တွေကို ပြည်နယ်အစိုးရထံ မလွှဲအပ်ပဲ ၊ ဒါမှမဟုတ် မဖျက်သိမ်းပဲ ကိုယ်ပိုင်တပ်ဖွဲ့အဖြစ် ဆက်လက်ချုပ်ကိုင်ထားချင်တဲ့ တိုင်းရင်းသားခေါင်းဆောင်တွေ ရှိနေရင်ဖြင့် ပြည်တွင်းငြိမ်းချမ်းရေးမရနိုင်ပါ။ လက်ရှိအခြေအနေကို ကြည့်ပြီးပြောရရင် ရှမ်းပြည်နယ်အရှေ့ပိုင်း အထူးဒေသ (၄) က ဦးစိုင်းလင်း ဦးဆောင်တဲ့ မိုင်းလားအုပ်စု (အခါ)၊ အထူးဒေသ (၂) က ပေါက်ယူချမ်းခေါင်းဆောင်တဲ့ ဝပြည်သွေးစည်းညီညွတ်ရေးပါတီ (ဝသပ)၊ စတဲ့ အဖွဲ့များဟာ တိုင်းရင်းသားအခွင့်အရေးများ ရရှိရင်တောင်မှ လက်ရှိလက်နက်ကိုင်တပ်များကို လုံးဝမစွန့်လွှတ်၊ မဖျက်သိမ်းပဲ ဖွဲ့စည်းပုံအခြေခံဥပဒေကို ဆန့်ကျင်ပြီး လက်ရှိအတိုင်း သက်ဆိုင်ရာဒေသမှာ ကိုယ်ပိုင်တပ်ဖွဲ့တွေနဲ့ ဆက်လက်မင်းမူနေချင်တဲ့ပုံ ရှိပါတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts