အရှင်စန္ဒိမာ (မွန်စိန်တောရ) – ပညာသည်သာ အခရာ
ဇူလိုင် ၁၉၊ ၂၀၁၄
လာမယ့်နှစ် စစ်အသုံးစရိတ်ကုို ၁၅ ရာနှုန်းမှ ၂၀ ရာနှုန်းအထိ လျှော့ချဖုို့ ပြည်ထောင်စုလွှတ်တော်မှာ တင်ပြလာမှုနဲ့ ပတ်သက်ပြီး စစ်ဗုိုလ်ဟောင်း လွှတ်တော်အမတ်တစ်ယောက်က နုိုင်ငံဆင်းရဲနေလုို့သာ စစ်အသုံးစရိတ် ဘတ်ဂျက်ခွဲတမ်း မြင့်နေသော်လည်း အခြားနုိုင်ငံတွေနဲ့ နှိုင်းယှဉ်လုိုက်ရင် အလွန်နည်းနေတာကြောင့် စစ်အသုံးစရိတ်ကုို မလျှော့သင့်ကြောင်း ပြောခဲ့တာကုို လွန်ခဲ့တဲ့ ၃ ရက်လောက်က သတင်းတစ်ခုမှာ တွေ့လုိုက်ပါတယ်။
နုိုင်ငံဆင်းရဲ ပြည်သူအများစုလည်း ဆင်းရဲ စစ်တပ်အောက်ခြေရဲဘော်တွေလည်း ဆင်းရဲနေကြရတာက ပကတိအရှိတရားပါ။ နုိုင်ငံဆင်းရဲတာကြောင့် ကဏ္ဍတုိုင်းမှာ ဆင်းရဲချို့တဲ့တာ သဘာဝကျပါတယ်။ သဘာဝမကျတာက နုိုင်ငံဆင်းရဲသော်လည်း ထိပ်တန်းစစ်ဗုိုလ်ချုပ်တစ်စုနဲ့ ခရုိုနီတစ်စုကတော့ အလွန်ကြွယ်ဝချမ်းသာနေကြတာပါ။
သယံဇာတပေါတဲ့နုိုင်ငံ ယဉ်ကျေးမှုမြင့်မားတဲ့ သမုိုင်းအစဉ်အလာရှိခဲ့တဲ့ နုိုင်ငံတစ်နုိုင်ငံအနေနဲ့ ယခုလောက်အထိ ငမွဲတုိုင်းပြည်အဖြစ် ကမ္ဘာ့စားရင်းဝင် ဖြစ်နေရတာ ရင်နာစရာပါ။
ပြုပြင်ပြောင်းလဲမှုတွေတော့ လုပ်နေပါရဲ့ ။ ဒါပေမယ့် အပြောတခြား အလုပ်တခြား တလွဲတချော်တွေကုို သာမာန်ပြည်သူတွေတောင် သိမြင်နေကြတာပါ။ နုိုင်ငံရေရှည် ဖွံ့ဖြိုးတိုးတက်လာဖုို့ဆုိုရင် ပညာရေးက အခရာကျတာ လူတို်င်းနားလည်ထားတဲ့ ကိစ္စပါ။ ပညာရေးပြုပြင်မှုတွေ လုပ်ဖုို့ အသံထွက်လာချိန်မှာ ကျူရှင်ကိစ္စကုိုလည်း ပြောဆုိုငြင်းခုံလာကြတာ ရှိပါတယ်။ တကယ်တော့ ကျောင်းဆရာတွေ ကျူရှင်ပြနေကြရတာက လစာမလောက်ငှမှုကြောင့်ဆုိုတာလည်း လူတုိုင်းအသိပါ။ ပညာရေးဝန်ထမ်းတွေဟာ လစာတစ်ခုတည်းနဲ့ ဘဝရပ်တည်ရေးအတွက် နောက်ဆံတင်းစရာမလုိုတဲ့ အခြေအနေတစ်ခုကုို ရောက်လာမှသာ ပညာရေးပြုပြင်မှုရဲ့ အဆင့်တစ်ဆင့်ကုို တက်ရောက်လာပြီလုို့ ပြောနုိုင်မှာပါ။
တကယ်တော့ တပ်မတော်သားအပါအဝင် ဌါနဆုိုင်ရာဝန်ထမ်းတုိုင်းဟာ လစာတစ်ခုတည်းနဲ့ ဘဝရပ်တည်ရေးအတွက် နောက်ဆံတင်းစရာမလုိုဘဲ ကုိုယ့်အလုပ် ကုိုယ်အာရုံစုိုက်လုပ်နုိုင်တဲ့ အခြေအနေရောက်လာဖုို့ မဖြစ်မနေ လုိုအပ်ပါတယ်။ ဒီလုိုအခြေအနေမျိုးက လက်ရှိအနေအထားနဲ့ နှိုင်းယှဉ်ရင် သိပ်ကုို ကွာဟနေတာကြောင့် စိတ်ကူးယဉ်သလိုတော့ ဖြစ်နေမှာပါ။ ဒါပေမယ့် ၈၈ မတုိုင်ခင်အထိ ကျူရှင်ပြတဲ့ ကျောင်းဆရာရယ်လုို့ မကြားခဲ့မိပါဘူး။ ၇၅ ခုနှစ်ဝန်းကျင်လောက်က ယခုကာလအရ စိတ်ကူးယဉ်တယ် ထင်ရတဲ့အခြေအနေတွေ တကယ်ရှိခဲ့တာပါ။
မိမိ သူငယ်တန်းစတက်ခဲ့တဲ့ ရွာအစုိုးရမူလတန်းကျောင်းမှာ ထုိုအချိန်က ကျောင်းဆရာအများစုက အမျိုးသားတွေ ဖြစ်ပါတယ်။ ကျောင်းဆရာအားလုံးလုိုလုိုဟာ တနယ်တကျေးမှ ရွာမှာ လာရောက်တာဝန်ထမ်းဆောင်ကြသူတွေ ဖြစ်ပါတယ်။ လူပျိုလူလွတ်ဆုိုရင် မိသားစုဝင်နည်းတဲ့ အိမ်တစ်အိမ်အိမ်မှာ မိသားစုဝင်တစ်ယောက်လုိုပဲ အတူနေအတူစားဖုို့ ရွာသူကြီးက စီစဉ်နေရာချထားပေးပါတယ်။ ၄ တန်း အတန်းပုိုင်ဆရာဆုိုရင် သူနေတဲ့ အိမ်ရဲ့ အိမ်ရှေ့ဝရန်တာ ပက်လက်ကုလားထုိုင်ပေါ်မှာ ဇိမ်ကျကျထုိုင်ကာ ညနေတုိုင်း မယ်ဒလင်တီး သီချင်းဆုိုပြီး အပန်းဖြေတတ်ပါတယ်။ ထုိုစဉ်က မူလတန်းပြဆရာတစ်ယောက်ရဲ့ လစာက မှတ်မိသလောက် တစ်ရာ့အစိတ်ဝန်းကျင်ပါ။ ဒါပေမယ့် ညနေတုိုင်း စိတ်အေးချမ်းသာစွာ မယ်ဒလင်တီး သီချင်းဆုိုလျှက် အနားယူနုိုင်လောက်အောင် နောက်ဆံတင်းစရာမလုိုတဲ့ ထုိုစဉ်က မူလတန်းပြကျောင်းဆရာတစ်ယောက်ရဲ့ ဘဝအခြေအနေကုို ခန့်မှန်းကြည့်နုိုင်မယ် ထင်ပါတယ်။
ထုိုအချိန်က ရွာဘုန်းကြီးကျောင်းနဲ့ တဆက်တည်း သိမ်နဲ့ ဘုရားတန်စောင်း စေတီတော် တည်ထားတော်မူတဲ့ ဘုရားကုန်းနဲ့ ခဲတပစ်လောက်အကွာမှာ တောင်ကုန်းတစ်ခု ရှိပါတယ်။ ထုိုတောင်ကုန်းပေါ်မှာ အစုိုးရစစ်တပ် တပ်စိပ်တစ်စိပ် စခန်းချထားပါတယ်။ တခါတရံ မူလတန်းကျောင်းရှေ့ က ဘော်လီဘောကွင်းမှာ လက်နက်မပါဘဲ ရွာထဲရောက်နေတဲ့ မွန်ပြည်သစ်တုိုင်းရင်းသားတော်လှန်ရေးအဖွဲ့မှ ရဲဘော်တွေနဲ့ လက်နက်မပါဘဲ ရွာထဲဆင်းလာတဲ့ အစုိုးရစစ်တပ်မှ ရဲဘော်တွေဟာ ရွာသားများအကြား ရောနှောလျှက် ဘော်လီဘောကစားတာတောင် ရှိခဲ့ပါတယ်။ အစုိုးရစစ်တပ်မှ ရဲဘော်တွေနဲ့ ရွာသားတွေရဲ့ ရင်းနှီးကျွမ်းဝင်မှုဟာ ဘယ်အတုိုင်းအတာအထိ ရောက်သွားခဲ့သလဲဆုိုရင် ရဲဘော်တချို့ ဟာ ရွာခံ အမျိုးသမီးငယ်တွေနဲ့ အိမ်ထောင်ကျပြီး တပ်မှထွက် တချို့လည်း တပ်ပြေးအဖြစ်နဲ့ ရာသက်ပန် ရွာမှာပဲ အခြေချသွားကြတဲ့ အထိပါ။
အစိုးရစစ်တပ်မှ ရဲဘော်တွေဟာ သူတုို့ရဲ့ ပုံမှန်ရိက္ခာဖြစ်တဲ့ နုို့ဆီ သကြား ငါးသေတ္တာ စတဲ့ ပစ္စည်းတွေကုို သုံးမကုန်လို့ ဒါမှမဟုတ် မသုံးချင်တော့လုို့ ရွာထဲဆင်းရောင်းကြလေ့ ရှိတာကုိုလည်း မှတ်မိနေပါတယ်။ ယခုကျတော့ အစုိုးရစစ်တပ်အတွက် ကုိုယ့်ရိက္ခာ ကုိုယ်ရှာပေါ်လစီ ချထားပုံရပါတယ်။ အကျိုးဆက်အဖြစ် တပ်ပုိုင်မြေဆုိုတဲ့ ဆုိုင်းဘုတ်တွေနဲ့ အုတ်တုိုင်တွေ တုိုင်းပြည်အနှံ့ ထုိုးထုိုးထောင်ထောင် ပေါ်ထွက်လာပါတယ်။ ရလဒ်အနေနဲ့ စစ်တပ်က သိမ်းလုို့ လယ်သမားတွေ လယ်ယာမဲ့ဘဝ ရောက်ကုန်ကြပါတယ်။ ကုိုယ့်လယ် ကုိုယ်ပြန်တောင်းတဲ့ လယ်သမားတွေကုိုတော့ ထောင်ထဲကုို ပုို့လုိုက်ပါတယ်။ နာဂစ်အခြေခံဥပဒေမူ ဒီမိုကရေစီပြုပြင်ပြောင်းလဲရေးရဲ့ ခါးစပ်စူးရှတဲ့ အရသာကုို တောင်သူလယ်သမားများ ခံစားနေကြရပါပြီ။
ဆယ်တန်းအထိ ဇာတိမြို့က အထက်တန်းကျောင်းမှာ တက်ခဲ့စဉ်က အထက်တန်းပြဆရာတစ်ယောက်ရဲ့ လစာက ကျပ် ၄၅၀ ဝန်းကျင်ပဲ ရှိပါတယ်။ ဘယ်ဆရာမှ ကျူရှင်သင်တာ မကြားဖူးပါဘူး။ ၈ တန်း ၉ တန်းလောက် ရောက်လာတဲ့အခါ မိမိတုို့နီးစပ်ရာ သူငယ်ချင်းတစ်စု စာမေးပွဲရက်နီးလာရင် အတန်းပုိုင်ဆရာမဆီမှာ ညပုိုင်း အခမဲ့ကျူရှင်တက်လေ့ ရှိခဲ့တာကုိုတော့ မှတ်မိနေပါတယ်။
ကျောင်းဆရာဆရာမတွေနဲ့ အစုိုးရစစ်သားတွေ ဘဝရပ်တည်ရေးအတွက် နောက်ဆံတင်းစရာမလုိုဘဲ ကုိုယ့်အလုပ် ကုိုယ်အာရုံစုိုက်လုပ်နုိုင်ခဲ့တဲ့ အခြေအနေတစ်ခုဟာ ၈၈ ကာလနဲ့ မဝေးလှသေးတဲ့ နှစ်ကာလတွေတုန်းက အမှန်တကယ် ရှိခဲ့တာကုို ယခု ၄၅ နှစ်ဝန်းကျင် ရောက်နေကြသူများ မှတ်မိကြမယ် ထင်ပါတယ်။
စစ်အသုံးစရိတ် ဘတ်ဂျက်ကုိုလည်း မလျှော့နုိုင်ဘူး။ နုိုင်ငံဖွံ့ဖြိုးတုိုးတက်ရေးမှာ အခရာကျတဲ့ ပညာရေးဘတ်ဂျက်ကုိုတော့ မစုို့မပုို့ အမြင်ကောင်းယုံ တုိုးပေးတယ်။ အစိုးရ လွှတ်တော် တရားစီရင်ရေး ရွေးကောက်ပွဲကော်မရှင် စတဲ့ အဓိကကျတဲ့ နုိုင်ငံရေးရာထူးတွေသာမက စီးပွါးရေးအခွင့်ထူးတွေနဲ့ တုိုင်းပြည်ဓနဥစ္စာတွေဟာ လက်ရှိစစ်ဗုိုလ်ချုပ်တွေနဲ့ စစ်ဗုိုလ်ချုပ်ဟောင်းတွေရဲ့ လွှမ်းမိုးချုပ်ကုိုင်မှုအောက် ရောက်နေတယ်။ လက်တွေ့မှာ တုိုင်းပြည်နဲ့ ပြည်သူ ဘာပဲဖြစ်နေဖြစ်နေ ကောင်းမွန်တဲ့ အစုိုးရ၊ သန့်ရှင်းတဲ့ အစုိုးရဆုိုတဲ့ အပြောတွေကတော့ တစ်ပြားသားမှ လျှော့မယ့်ပုံ မတွေ့ရပါဘူး။
စစ်ဗုိုလ်ချုပ်တွေက နာဂစ်အခြေခံဥပဒေစာအုပ်စိမ်းကုို မူလလက်ရာမပျက် ထိမ်းသိန်းစောင့်ရှောက်သွားမယ်လို့ တွင်တွင်ပြောနေပါတယ်။ စာအုပ်စိမ်းကုို ကာကွယ်စောင့်ရှောက်ဖုို့ လက်နက်ပုန်းတွေလည်း အရန်သင့်။ ဘယ်လုိုအချိန်မှာ ၉၆၉ ကုိုထုတ်သုံးမယ်။ ဘယ်လုိုအချိန်မှာ စွမ်းအားရှင်ကုို ထုတ်သုံးမယ်ဆုိုတာ အစီအစဉ်တကျ ချပြီးသား ဖြစ်ပါလိမ့်မယ်။ ၂၀၁၅ နီးကပ်လာတာနဲ့ အမျှ ဘယ်လုို အောက်လမ်းနည်းဗျူဟာတွေကုို ထုတ်သုံးလာအုံးမလဲဆုိုတာ ခန့်မှန်းတွက်ဆရ ခက်ပါတယ်။
စစ်အသုံးစရိတ်နဲ့ ဆောင်းပါးကုို စခဲ့ပေမယ့် ရေးရင်းနဲ့ အကြောင်းအရာပေါင်းစုံကုို ရေးမိရက်သား ဖြစ်သွားပါတယ်။ မြန်မာနုိုင်ငံပြဿနာကလည်း တနွယ်ငင်တစင်ပါ ဆုိုသလုို ဝေဖန်ထောက်ပြစရာတွေချည်း ဖြစ်နေတာပါ။ အမှိုက်တွေကုို တွေ့ကရာပစ်၊ ကွမ်းတံတွေး တွေ့ကရာထွေးတဲ့ အကျင့်ဆုိုးတွေကအစ ပြင်စရာတွေက တပုံတပင်။ ပြင်စရာမလုို အသေးအဖွဲတွေ အရေးမကြီးပါဘူးလုို့ လူအများ ယူဆနေကြဆဲ ကိစ္စကြီးငယ်တွေဟာ ဖွံ့ဖြိုးတုိုးတက်ငြိမ်းချမ်းသာယာတဲ့ ဒီမုိုကရေစီအစစ်အမှန်ဆီ အမှန်တကယ် ရောက်ချင်ရင်တော့ မဖြစ်မနေ ပြုပြင်ရမယ့် ကိစ္စတွေချည်းသာ ဖြစ်ပါတယ်။ ယခုလည်း ထိတ်လန့်စရာ မီးကြိုးတွေ ပြုတ်ကျလုို့ လူတွေ ဓါတ်လုိုက်အသတ်ဆုံးကြရတဲ့ ဝမ်းနည်းဖွယ်သတင်းတွေ ဆက်တို်က် ကြားနေရပါတယ်။ အစုိုးရမင်းတွေကတော့ အစည်းအဝေးတွေ တက်နေရလုို့ ဒါမှမဟုတ် ဂေါက်ရုိုက်နေရလို့ မီးကြိုးပြင်ဖုို့ သုို့မဟုတ် အသစ်လဲဖုို့ကိစ္စကုို မစဉ်းစားနုိုင်သေးတာလည်း ဖြစ်နုိုင်ပါတယ်။ ဒါမှမဟုတ် မီးကြိုးအသစ်အတွက် ကုန်ကျစရိတ်ဘတ်ဂျက် ကျလာဖို့ လွှတ်တော်မှာ အဆုိုတင်သွင်းရအုံးမလား မသိပါ။
တစ်နေ့က ဖုို့ဒ်ဝိန်းမြို့ထဲကုို ကိစ္စတစ်ခုနဲ့ ရောက်သွားတော့ ကားမောင်းလုိုက်ပုို့ပေးတဲ့ ဒကာရဲ့ သားလေးက စာကြည့်တုိုက်မှာ သူငှါးထားတဲ့ CD အခွေတွေ စာအုပ်တွေကုို ပြန်အပ်ဖုို့နဲ့ ငှါးစရာရှိတာ ထပ်ငှါးဖုို့ ရှိနေတာကြောင့် သူတုို့နဲ့အတူ စာကြည့်တုိုက်ထဲကုို ပထမဆုံးအကြိမ် ရောက်ဖူးသွားပါတယ်။ ကောင်းလိုက်တဲ့ စာကြည့်တုိုက်ပါလားလုို့ ရင်သပ်ရှုမော ဖြစ်ခဲ့ရပါတယ်။ ဖုို့ဒ်ဝိန်းမြို့ဆုိုတာ မြန်မာနုိုင်ငံသားအများဆုံး အခြေချနေထုိုင်တဲ့ မြို့လုို့ ဆုိုပါတယ်။ တကယ်တော့ ဖုို့ဒ်ဝိန်းမြို့ဟာ အမေရိကန်နုိုင်ငံရဲ့ အတုိုင်းအတာအရ မြို့ငယ်တစ်မြို့သာ ဖြစ်ပါတယ်။ လူဦးရေ နှစ်သိန်းခွဲလောက် ရှိပါတယ်။ အမေရိကန်နုိုင်ငံမြို့ကြီးများရဲ့ အမှတ်စဉ် ၇၆ အဆင့်မှာ ရှိပါတယ်။ ဖုို့ဒ်ဝိန်းမြို့မှာ ရှိတဲ့ တက္ကသုိုလ်ကောလိပ်တွေနဲ့ ပညာရေးအကြောင်းတွေကုိုသာ ရေးရမယ်ဆုိုရင်တော့ အများကြီး အချိန်ယူ လေ့လာဖုို့ လုိုပါလိမ့်မယ်။
အချုပ်ပြောရရင် ဆင်းရဲနိမ့်ကျနေတဲ့ နိုင်ငံကုို အဆင့်ပြန်မြင့်လာအောင် ပညာနဲ့သာ တည်ဆောက်နုိုင်မှာပါ။ မြောက်ကုိုးရီးယားလို လူသတ်လက်နက်တွေ ဒုံးကျည်တွေတည်ဆောက်ရေးမှာ အချိန်တွေ ငွေတွေ လူသားအရင်းအမြစ်တွေကုို ဦးစားပေးအသုံးချနေပြီး ပြည်သူလူထုကုို အငတ်ထားမလား။ တောင်ကုိုးရီးယားလုို လူနေမှုဘဝမြင့်မားပြီး ခုိုင်မာတောင့်တင်းတဲ့ နုိုင်ငံရေး စစ်ရေး စီးပွါးရေးလမ်းစဉ်ကုို နမူနာယူမလားဆုိုတာ နုိုင်ငံအာဏာကုို ချုပ်ကုိုင်ထားဆဲ စစ်ဗုိုလ်ချုပ်ကြီးများရဲ့ ဥာဏ်ပညာရေချိန် အနိမ့်အမြင့်အပေါ်မှာသာ မှီတည်နေပါတယ်။
အရှင်စန္ဒိမာ (မွန်စိန်တောရ)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
