အာဏာပဒိုင်းသီး ၊ စက္ကူစိတ်ပုတီး နဲ့ စာဖတ်သူကြီးရဲ့ဦးနှောက်လျှော်ဖွတ်ခြင်းဓလေ့
မင်းကောင်းချစ်၊ ဇွန် ၁၄၊ ၂၀၁၄
အရှေ့တောင်အာရှရဲ့အချမ်းသာဆုံးနဲ့ အလားအလာအကောင်းဆုံးနိုင်ငံဘ၀ကနေ ကမ္ဘာအဆင်းရဲဆုံးနဲ့ ဖွံ့ ဖြိုးတိုးတက်မှု့အနည်းဆုံးနိုင်ငံအဖြစ်ကို ဇောက်ထိုးမိုးမျှော်ကျခဲ့ရတဲ့ မြန်မာ့လူ့ သမိုင်းတစ်လျှောက်ဖြစ်ပွားခဲ့တဲ့ လူမှု့အနိဌာရုံတွေ၊ စစ်ပွဲကြီးတွေ၊ မတရားမှု့တွေ၊ အနိုင့်ထက်ပြုကျင့်မှု့တွေဘာကြောင့်ဖြစ်ပွားခွင့်ရသလဲဆိုတာကို သေသေခြာခြာစေ့ငုစောကျောလိုက်ရင်ယေဘူယျ အချက်ကြီးလေးချက်ကို သွားတွေ့ ရလိမ့်မယ်။
(၁) လက်နက်နဲ့ အာဏာကိုခွဲမထားနိုင်ဘဲပူးသွားမှု၊
(၂) အကြွင်းမဲ့အာဏာကိုတစ်ဦးတစ်ယောက်၊တစ်စုတစ်ဖွဲ့ ရဲ့လက်ထဲကာလရှည်လျှားစွာတည်ရှိနေမှု
(၃) တရားဥပဒေမစိုးမိုးမှု
(၄) လူများစုမှာအသိဥာဏ်ပညာနိမ့်ကျနေမှု စတာတွေပါဘဲ ။
အဲ့ဒီအချက်လေးချက်ထဲက အချက်တစ်ချက်နဲ့ တင် တိုင်းပြည်ကို အလွယ်တကူဖျက်ဆီးပစ်နိုင်တယ်။ ပြီးတော့ အဲ့ဒီအချက်တွေဟာ အပြန်အလှန်သမူဟပြုပြီး အချင်းချင်း ဆက်စပ်ချိတ်ဆက် ထောက်ကူနေကြတယ်။
(၁) လက်နက်နဲ့ အာဏာကိုခွဲမထားနိုင်ဘဲ ပူးသွားမှု
လူသားတွေအပါအ၀င် သက်ရှိသတ္တ၀ါတွေဟာ ကိုယ့်အတ္တကို အမြဲရှေ့တန်းတင်လေ့ရှိကြတယ်။ မိမိလိုအင်ဆန္ဒနဲ့ လိုအပ်ချက်တွေပြည့်စုံဖို့ ကျိုးစားကြတဲ့နေရာမှာအင်အားကြီးသူက အင်အားနည်းသူကို လက်နက်ရှိသူက မရှိသူကို အနိုင်ကျင့်တတ်ကြတယ်မဟုတ်လား။ ပုထုဇဉ်လူသားတွေမှာ လောဘ၊ ဒေါသနဲ့ မောဟဆိုတဲ့ မကောင်းတဲ့တရားဓါတ်ခံတွေရှိနေပြီးသားမို့ လက်နက်ဆိုတဲ့အရာပိုင်ဆိုင်တာနဲ့ တစ်ခြားသူတွေကိုအနိုင်ကျင့်တတ်ကြတယ်။ အမေရိကန်နိုင်ငံလို တရားဥပဒေစိုးမိုးမှု့အတော်အတန်ကောင်းမွန်တဲ့ နိုင်ငံလိုမျိုးမှာတောင် သေနတ်ကိုင်တဲ့လူတွေ စိတ်မထိန်းနိုင်ဘဲ အပြစ်မဲ့သူတွေကို မည်းမည်းမြင်ရာ ပစ်ခတ်သတ်ဖြတ်တဲ့သတင်းတွေ ခဏခဏဖတ်ကြရတယ်မဟုတ်လါး ။
လက်နက်ကိုင်ခွင့်ရှိတဲ့လူဘဲဖြစ်ဖြစ်၊လက်နက်ကိုင်ဘယ်အဖွဲ့ စည်းဘဲဖြစ်ဖြစ် သူတို့ မှာ အကြွင်းမဲ့အာဏာရသွားရင် သိပ်အန္တရာယ်များတယ် ။ လက်နက်နဲ့ အာဏာပူးထားလိုက်ရင် ကျားကိုအတောင်တပ်ပေးသလိုမျိုးဖြစ်ပြီး လူများစုကို ဒုက္ခကောင်းကောင်းပေးတတ်တယ်။ ရာစုနှစ်ဝက်ကျော်မြန်မာပြည်သူတွေပင်ပမ်းဆင်းရဲကြီးစွာငရဲခံခဲ့ရတဲ့ စစ်အာဏာရှင်စနစ်ဟာထင်ရှားတဲ့သာဓကဖြစ်တယ်။
အာဏာဆိုတာသုံးတတ်ရင်ဆေး၊ မသုံးတတ်ရင်ဘေးဆိုသလို၊ မသူတော်တွေ၊ အသိဥာဏ်နိမ့်ကျပြီး ကိုယ်ကျင်တရားချို့ ငဲ့သူတွေအတွက် အာဏာဟာပဒိုင်းသီးနဲ့ တူတယ်။ ပိုင်ဆိုင်တဲ့လူကိုရူးသွပ်သွားစေနိုင်တယ် ။ အာဏာဆိုတာအတိုင်း အဆမှန်မှန်၊ အမျှော်အမြင်ရှိရှိအသုံးချနိုင်မှသာ အများပြည်သူအတွက်အကျိုးရှိနိုင်မှာဖြစ်တယ်။
(၁၉၆၂)နဲ့ (၁၉၈၈)ခုနှစ်တွေမှာ ကိုယ်ကျင့်သိက္ခာမရှိတဲ့စစ်ဗိုလ်ချုပ်ကြီးတွေဦးစီးနေတဲ့ လက်နက်ကိုင်စစ်တပ်က နိုင်ငံတော်ရဲ့အချုပ်အချာအာဏာပိုင်ဆိုင်ခွင့်ရသွားစေခြင်းဟာ မြန်မာပြည်သူတွေကိုဒီကနေ့ ထိ ကံဆိုးမိုးမှောင်ကျသွားစေခြင်းဖြစ်တယ်။ အခုလက်ရှိ (၂၀၀၈)ဖွဲ့ စည်းပုံအခြေခံဥပဒေဟာ အချုပ်အခြာအာဏာကို တပ်မတော်လက်ထဲထိုးထဲ့ထားတယ်။ ဒါကြောင့်လက်နက်နဲ့ အာဏာကိုခွဲထုတ်ဖို့ (၂၀၀၈)ဖွဲ့ စည်းပုံအခြေခံဥပဒေကို မဖြစ်မနေပြင်ကြရမယ်။ လက်နက်ကိုင်တပ်မတော်ဟာ နိုင်တော်အာဏာပိုင်ရှင် အမှန်ဖြစ်တဲ့ ပြည်သူကရွေးကောက်တင်မြှောက်တဲ့အစိုးရရဲ့ လက်အောက်ခံအဖွဲ့ စည်းဖြစ်အောင် အခြေခံဥပဒေက အာမခံချက်ပေးနိုင်မှသာ လူတိုင်းရဲ့ဘ၀လုံခြုံပြီးအေးချမ်းမှု့ရနိုင်လိမ့်မယ်။
(၂) အကြွင်းမဲ့အာဏာကိုတစ်ဦးတစ်ယောက်၊တစ်စုတစ်ဖွဲ့ ရဲ့လက်ထဲကာလရှည်လျှားစွာတည်ရှိနေမှု့
သန္ဓေဆိုးညဉ်ဆိုးရှိတဲ့လူ့ ဂျပိုးတွေမပြောနဲ့ လူရိုးလူကောင်းပါဆိုတဲ့သူတွေတောင် အချုပ်အခြာအာဏာ၊ အကြွင်းမဲ့အာဏာကိုကာလရှည်လျှားစွာပိုင်ဆိုင်ခွင့်ရခဲ့ရင် ဖေါက်ပြန်တတ်ပါတယ်။ လူဆိုတာကိုယ်ကျိုးစီးပွားနဲ့  အမှန်တရားယှဉ်လါခဲ့ရင် ကိုယ်ကျိုးစီးပွားကိုသာရွေးတတ်တာဓမ္မတာမို့ အာဏာကိုလူတစ်ယောက်၊ လူတစ်စုတစ်ဖွဲ့ လက်ထဲကြာကြာအပ်မထားကောင်းဘူး ။ ဒါကြောင့်လဲ ဒီမိုကရေစီစနစ်မှာ လေးနှစ်တစ်ကြိမ်ရွေးကောက်ပွဲလုပ်ပြီး အများသဘောဆန္ဒနဲ့ အညီ ခေါင်းဆောင်သစ်ရှာကြရတာ မဟုတ်လါး ။
အာဏာဆိုတာဘိန်းနဲ့ တူတယ်။ ပိုင်ဆိုင်သုံးစွဲခွင့်ရတဲ့သူတွေကိုမသိမသာစွဲလန်းတက်မက်ရာက နောက်ဆုံးတော့ အာဏာကိုမစွန့် လွှတ်ခြင်တဲ့အထိ ဘိန်းစွဲသလိုစွဲသွားတတ်ကြတယ်။ အခုလက်ရှိ(၂၀၀၈)ဖွဲ့ စည်းပုံအခြေခံဥပဒေဟာ အချုပ်အခြာအာဏာကို တပ်မတော်ထံရာသက်ပန်အပ်နှင်းထားတယ် ။ ဒါဟာဒီမိုကရေစီနည်းကျတဲ့ ဖွဲ့ စည်းပုံလုံးဝမဟုတ်ပါဘူး၊ ဒီမိုကရေစီမိတ်ကပ်လေးဖို့ ထားတဲ့ စစ်အာဏာရှင်အမွေခံ ဖွဲ့ စည်းပုံသာဖြစ်တယ်။ ဒါကိုမပြင်နိုင်ရင် တို့ တိုင်းပြည်ဟာစစ်နွံထဲမှာဆက်နစ်နေအုံးမှာအသေအခြာပါဘဲ ။
အချက်သုံးနဲ့ လေးအကြောင်းကိုတော့ ဒီဆောင်းပါးမှာရေးမပြတော့ပါဘူး။ ရေးပြခြင်တဲ့အကြောင်းက ပြုပြင်ပြောင်းလဲရေးလုပ်မယ်လို့ ကြွေးကြော်ပြီးပေါ်လါတဲ့ ဦးသိန်းစိန်တို့ အစိုးရရဲ့ကျွတ်ကျတော့မဲ့ မင်းသားမျက်နှာဖုံးနဲ့  နေပြည်တော်မှာ အနားယူပြီးစာတွေဖတ်နေတယ်ဆိုတဲ့ ဗိုလ်ချုပ်မှူးကြီးသန်းရွှေရဲ့ဆိုက်ဒ်ဝါးလို့ ဘဲခေါ်ခေါ် ဘရိန်းဝတ်ခ်ျလို့ ဘဲဆိုဆို ပြောလို့ ရတဲ့ ဦးနှောက်လျှော်ဖွတ်ခြင်း ဓလေ့အကြောင်းပါ ။
စက္ကူစိတ်ပုတီး
နာဂစ်ဖွဲ့ စည်းပုံ သံချပ်ကာကိုယ်ကြပ်အင်္ကျီဝတ်လို့ ၊ အတိုက်အခံဒီမိုကရေစီအင်အားစုတွေကို နွားသေကြိုးတုပ်ရိုက်ပြီး (၂၀၁၀)ရွေးကောက်ပွဲနဲ့ ကျိတ်ပုဆိုးတွေပြောင်းဝတ်နိုင်ခဲ့တဲ့ ဦးသိန်းစိန်တို့ ရဲ့စစ်တပိုင်းအစိုးရဟာ ကန့် လကါစဖွင့်တော့ ပြုပြင်ပြောင်းလဲရေးတီးလုံးလေးနဲ့ မင်းသားလေးလိုပွဲထွက်ခဲ့တယ်။
တို့ ပြည်သူတွေမှာ စစ်အာဏာရှင်တွေရဲ့လိန်ကကျစ်ကျတာနှစ်ပေါင်း(၅၀)ကျော်အတွင်း အကြိမ်ကြိမ်ခံခဲ့ရဘူးလို့ မယုံရဲပေမဲ့ အမျိုးသားပြန်လည်သင့်မြတ်ရေးအတွက်၊ စစ်မှန်တဲ့ပြုပြင်မှု့တွေဆီ ဦးတည်သွားအောင်မျှော်လင့်ချက်နဲ့  လက်ခုပ်တီးအားပေးခဲ့ကြတယ်မဟုတ်လါး။ ဒါပေမဲ့မိုက်လုံးကြီးတဲ့စစ်အာဏာရှင်တွေဟာ မိဘပြည်သူကပေးတဲ့အခွင့်အရေးကို အကျိုးရှိအောင်အသုံးမချခဲ့ပါဘူး။
စစချင်းတော့ ဆင်ဖမ်းမယ်ကျားဖမ်းမယ်လုပ်ခဲ့တယ်။ သန့် ရှင်းသောအစိုးရတို့ ကောင်းမွန်သောအစိုးရ ဖြစ်အောင်လုပ်ပါ့မယ်ဆိုပြီး စိတ်ပုတီးနဲ့ ရိပ်ကြီးခိုမလိုလို၊ စစ်မှန်တဲ့ပြည်တွင်းငြိမ်းချမ်းရေးရအောင် လုပ်မယ်လို့ ကတိတွေပေး၊ နိုင်ငံရေးအကျဉ်းသားတွေလွှတ်ပေးတာတို့  သတင်းမီဒီယာလွတ်လပ်ဖြေလျှော့ပေးတာတွေလုပ်ပြီးအမှတ်ယူခဲ့တယ်လေ။ ဒါပေမဲ့ ဗီဇကမပျောက်တော့ နောက်ဆုံး၊ ဘိုးသိန်းမျောက်လုပ်တော့တာဘဲ။ သမ္မတသက်တမ်း(၃)နှစ်အတွင်းမှာ အဓိကကျတာတွေ မယ်မယ်ရရ ဘာတစ်ခုမှရလာဒ်ထွက်အောင်မလုပ်ခဲ့ဘူး။
အရေးမပါတဲ့တောက်တိုမယ်ရတွေနဲ့ တော့အလုပ်ရှုပ်ပြခဲ့ကြတယ်။ ပြည်တွင်းငြိမ်းချမ်းရေးဆိုတာအသာထား အပစ်ရပ်ရေးအဆင့်လေးတောင်မလုပ်နိုင်ဘူး၊ ခုချိန်ထိသေနတ်တွေဆူ၊ မီးခိုးတွေအူနေတုံးမဟုတ်လါး။ ဘယ်လိုလုပ်အောင်မြင်မှာလည်း ဆွေးနွေးပွဲကမစသေးဘူး၊ တိုင်းရင်းသားလက်နက်ကိုင်အဖွဲ့ စည်းတွေ မလိုက်လျောနိုင်တဲ့ အခြေခံမူ(၆)ချက်ကို မလျော့တမ်းကိုင်ထားတာကိုး၊ သူတို့ လက်အောက်ကို တိုင်းရင်းသားတွေခေါင်းငုံ့ ဝင်လါစေခြင်တာ။ ဗိုလ်ကျစိုးမိုးရေးနဲ့ လူမျိုးကြီးအလံထူထားတာ။ ဒီစိတ်ဓါတ်က ဆီးဂိမ်းမှာ ယိုးဒယားအသင်းနဲ့ ကန်ကြတော့ အလောင်းဘုရားပုံကြီး ထောင်ထောင်ပြပြတဲ့ အောက်တန်းစားစိတ်ဓါတ်နဲ့ အတူတူဘဲ။
ပြီးတော့ငြိမ်းချမ်းရေးဆွေးနွေးပွဲတွေ ထိရောက်မြန်ဆန်အောင် ပါဝင်သင့်ပါဝင်ထိုက်တဲ့လူပုဂ္ဂိုလ်အဖွဲ့ အစည်းအားလုံးကိုမဖိတ်ခေါ်ဘူးလေ။ ဒေါ်အောင်ဆန်းစုကြည်လို အလွန်သြဇာတိက္ကမကြီးမားပြီး တိုင်းရင်းသားတွေကို ဖျောင်းဖျပြောဆိုနိုင်သူကိုအသုံးမချခြင်းဟာ စစ်အစိုးရရဲ့မရိုးသားမှု့၊ အမြင်ကျဉ်းမြောင်းမှု့နဲ့  တိုင်းပြည်အပေါ်စေတနာမဲ့မှု့ကိုပြတာဘဲ။ ဒေါ်စုပါလို့ ငြိမ်းချမ်းရေးရတဲ့အဖြစ်မျိုး ရောက်စေခြင်ပုံမရဘူး။ သူတို့ ကငြိမ်းချမ်းရေးဖခင်၊ ဒီမိုကရေစီဖခင်တိုင်းပြည်ရဲ့ ကယ်တင်ရှင်ဖြစ်ခြင်နေကြတာ။
ပြီးတော့လူမျိုးပေါင်းစုံ၊ ဘာသာပေါင်းစုံငြိမ်းငြိမ်းချမ်းချမ်း ယှဉ်တွဲနေထိုင်ဖို့ အရေးတကြီးမဖြစ်မနေလိုအပ်နေတဲ့ လူ့ အဖွဲ့ စည်းကြီးတစ်ခုမှာ၊ ဗုဒ္ဓဘာသာတစ်ခုတည်းအတွက်မျိုးစောင့်ဥပဒေတွေပြဌာန်းဘို့ သမ္မတကိုယ်တိုင် တိုက်တွန်းထောက်ခံနေတာဟာ နိုင်ငံတော်အဆင့် အကြမ်းဖက်မှု့ဆီဦးတည်နေပြီး တည်ဆောက်ရမဲ့ပြည်ထောင်စုစိတ်ဓါတ်နဲ့ ညီညွတ်ရေးကိုဖြိုချနေတာနဲ့  အတူတူဘဲ ။
ခုနောက်ဆုံး သမ္မတဦးသိန်းစိန်က တိုင်းရင်းသားလက်နက်ကိုင်အဖွဲ့တွေနဲ့ နိုင်ငံရေးဆွေးနွေးပွဲ ရလာဒ်တွေ ထွက်ပေါ်လာမှု့တွေကြည့်ပြီးမှ ဖွဲ့စည်းပုံပြင်ဖို့ လုပ်သင့်တယ်လို့  မေလ ၃၁ ရက် သူ့ရဲ့ လစဉ် တိုင်းပြည်ကိုပြောကြားတဲ့ ရေဒီယိုမိန့်ခွန်းမှာ ပြောကြား လိုက်တာပါ ။ ပြည်သူတွေအတွက်ကတော့ ဖွဲ့စည်းပုံမြန်မြန်ပြင်နိုင်လေကောင်း လေ ငြိမ်းချမ်းရေးစောစောရလေကောင်းလေမဟုတ်လါး။ တစ်စက္ကန့် တစ်မိနစ်နောက်ကျခြင်းဟာ အသက်ပေါင်းများစွာဘ၀ပေါင်းများစွာကို ဖျက်ဆီးပစ်နိုင်ပါတယ်။ ဒါပေမဲ့သမ္မတဦးသိန်းစိန်တို့ စစ်ဗိုလ်ချုပ်ကြီးတွေပြောဆိုကြံစည်လုပ်ကိုင်နေတာတွေအားလုံးဟာ ပြည်သူတွေအတွက်မဟုတ်ပါဘူး။ သူတို့ အကျိုးစီးပွားကိုကာကွယ်စောင့်ရှောက်ဖို့ အစွမ်းကုန်အားထုတ်နေကြတာပါ။့ ဖွဲ့စည်းပုံအခြေခံဥပဒေပြင်ဆင်ဖို့ နှောင့်နှေးလေလေ၊ ငြိမ်းချမ်းရေးကိစ္စဖင့်နွှဲလေလေ သူတို့ အဖို့ ကောင်းလေလေပါ။ ဒီတော့ဦးသိန်းစိန်တို့ သန့် ရှင်းသောအစိုးရရဲ့လည်ပင်းမှာဆွဲထားတာ ပုတီးတော့ပုတီးပါဘဲ ဒါပေမဲ့စက္ကူပုတီးကြီးလို့ ပြောရတော့မှာပါ။
ချိတ်ပုဆိုးဝတ်ထားတဲ့ ထိပ်သူခိုးစစ်အာဏာရှင်တွေရဲ့ လုပ်ကိုင်နေတဲ့နည်းဗျူဟာတွေကြည့်ပြီး သူတို့ ရဲ့မဟာဗျူဟာတွေကိုအောက်ပါအတိုင်းကောက်ချက်ဆွဲခန့် မှန်းလို့ ရနိုင်ပါတယ်။
(၁) ဒီမိုကရေစီနဲ့ လူ့ အခွင့်အရေးတွေနည်းနည်းနဲ့ မျှင်းမျှင်းလေးပေးပြီး အချိန်ဆွဲနိုင်သမျှဆွဲရေး မဟာဗျူဟာ
အဲ့ဒီဗျူဟာရဲ့ရည်မှန်းချက်ကတော့ – အခွင့်ထူးခံတပ်မတော်သားတစ်ချို့ နဲ့ နို့ သက်ခံစို့ နေသူတွေရယ်၊ ခေတ်ပျက်မှာ စီးပွားရှာလို့ ကောင်းနေသူတွေကို သူတို့ လုပ်နေတာတွေဟာ တရားတယ်လို့ ရသေ့စိတ်ဖြေ တွေးနိုင်အောင်လို့ ပါ။ သူတို့ က (၂၀၀၈)ဖွဲ့ စည်းပုံအခြေခံဥပဒေကို အာပတ်လွတ်ရုံပြောင်းပေးပါလိမ့်မယ်။ အဓိကရည်မှန်းချက်က ရေရှည်မကြည့်မမြင်တတ်တဲ့ပြည်သူတွေကို အယုံသွင်းနိုင်တဲ့အပြင်သူတို့ ကိုဒီမိုကရေစီပေးတဲ့ကျေးဇူးရှင်တွေလို့ မြင်လါစေပြီး၊ လူထုခေါင်းဆောင်ဒေါ်အောင်ဆန်းစုကြည်နဲ့ တကယ်စစ်မှန်တဲ့ အပြောင်းအလဲကို တစိုက်မတ်မတ်တောင်းဆိုနေတဲ့ ဒီမိုကရေဒီအင်အားစုတွေကို အထင်လွဲမှားပြီး တိုင်းပြည်ဆူပူအောင်လှုံ့ဆော်နေသူတွေလို့ မြင်လါအောင်၊မုန်းတီးဆန့် ကျင်လါအောင် ရည်ရွယ်ချက်ရှိရှိ NLDကိုတဖြေးဖြေးချင်း သွေးဆုတ်ညိုးခြောက်သွားစေဖို့ ပါ ။
(၂) ဒေါ်အောင်ဆန်းစုကြည်ဦးဆောင်တဲ့ NLD နဲ့ ဒီမိုကရေဒီအင်အားစုတွေ အစိုးရမဖွဲ့ နိုင်ရေး မဟာဗျူဟာ
အဲ့ဒီဗျူဟာရဲ့ရည်မှန်းချက်ကတော့ဒေါ်အောင်ဆန်းစုကြည်အပေါ်ပုံအောအားကိုးယုံကြည်နေမှု့ကို လျှော့ချနိုင်သမျှလျှော့ချဖို့ ၊ပြည်သူလူထုရဲ့ မဲတွေပြားပြီးပြန့် ကျဲသွားစေဖို့ ၊ပြည်ထောင်စုဖွားတိုင်းရင်းသား မြန်မာနိုင်ငံသားအားလုံးရဲ့ စည်းလုံးညီညွတ်မှု့တည်ဆောက်လို့ မရနိုင်အောင်၊ ဒေါ်အောင်ဆန်းစုကြည်ဦးဆောင်တဲ့ NLD နဲ့ ဒီမိုကရေဒီအင်အားစုတွေ ကျွတ်ကျွတ်လွတ်လွတ်အစိုးရမဖွဲ့ နိုင်ဖို့ ပါဘဲ။
စစ်မှန်တဲ့ပြုပြင်ပြောင်းလဲရေး မလုပ်လိုသူတွေအသုံးပြုနေတဲ့နည်းဗျူဟာတွေကတော့ အလွန်ရိုးစင်းပေမဲ့အဆိပ်ပြင်းထန်တဲ့ လူမျိုးရေး၊ဘာသာရေးနဲ့ ပြည်ပကျုးကျော်မှု့တွေကို ခုတုံးလုပ်တဲ့နည်း တွေပါ ။ နောက်ကွယ်က အန္တရာယ်ကြီးတွေကိုမြင်နိုင်စွမ်းမရှိတဲ့၊ အမျိုးဘာသာသာသနာနဲ့  တိုင်းပြည်ကို မျက်စိမှိတ်ဘုမသိဘမသိချစ်တတ်တဲ့ ရိုးရိုးအအပြည်သူတစ်ချို့ သည်းခြေကြိုက်မျိုးစောင့်ဥပဒေတို့၊ ရိုဟင်ဂျာသွေးစည်းညီညွတ်ရေး လက်နက်ကိုင်အဖွဲ့(အာအက်စ်အို) အန္တရာယ်စတာတွေဘန်းပြီး တကယ်ပြုပြင်ပြောင်းလဲဘို့ လိုအပ်နေတဲ့အရာတွေဖြစ်တဲ့ ဖွဲ့ စည်းပုံပြင်ဆင်ရေးနဲ့ ပြည်တွင်းငြိမ်းချမ်းရေးကို အာရုံလျော့အောင်၊ အရှိန်လျော့သွားအော င်စနစ်တကျလမ်းမှားပို့ နေပုံဟာ၊ စစ်အစိုးရအဖွဲ့ ထဲကခေါင်းမာဂိုဏ်းသားတွေဟာ အကျင့်ဆိုးတွေမဖျောက်သေးတဲ့အပြင် ပိုလို့ အကြံပက်စက်လါတာ ထင်ရှားလို့ လါနေပြီ။ မင်းသားမျက်နှာဖုံး မကြာခင်ကွာကျတော့မယ်လို့  ယူဆရတယ်။
ဘယ်ရိုဟင်ဂျာပြည်ပကျုးကျော်သူဘင်္ဂါလီအဖွဲ့ စည်းမှ အမျိုးဘာသာသာသနာပျောက်အောင်၊ တိုင်းပြည်ပျက်အောင်ဖျက်ဆီးနှောက်ယှက်နိုင်တဲ့ အင်အားမရှိဘူး။ တကယ်လို့ ရှိလါခဲ့ရင်လည်းဘယ်သူမှထိုင်ကြည့်နေမှာမဟုတ်ဘူး ။ တို့ ပြည်ထောင်စုဖွားတိုင်းရင်းသားညီအကိုမောင်နှမတွေအားလုံးက ၀ိုင်းဝန်းကာကွယ်တွန်းလှန်ကြမှာပါ။ အခုဟာက စစ်အစိုးရရဲ့သူတို့ အကျိုးအတွက်အသုံးချပြီး အာရုံလွှဲနေမှု့ပါ။ သူတို့ နိုင်ငံရေးအကျပ်အတည်းတွေ့ တိုင်း ဒီလိုနည်းလမ်းတွေအသုံးပြုခဲ့တာ ဘာသာရေး၊ လူမျိုးရေး အဓိကရုန်းတွေဖန်တီးတတ်တာ စစ်အာဏာရှင်တွေရဲ့သမိုင်းဟာ အထင်အရှားရှိခဲ့ပြီးသားပါ။ သာမညကို အဓိကဖြစ်သယောင်လှည့်ဖျားနေတာကို သတိပြုမိကြဖို့ ထောင်ချောက်ထဲမ၀င်မိဖို့  သတိကြီးကြီးထားကြရလိမ့်မယ်။
စာဖတ်သူကြီးရဲ့ဦးနှောက်လျှော်ဖွတ်ခြင်းဓလေ့
တိုင်းပြည်ကိုစိတ်တိုင်းကျဖျက်ဆီးပြီး နေပြည်တော်မှာ စာဖတ်ပြီးအေးအေးလူလူအနားယူနေတဲ့ ဗိုလ်ချုပ်မှူးကြီးသန်းရွှေရဲ့ဒီမိုကရေစီလမ်းဖျောက်မြေပုံဟာ တို့ နိုင်ငံကိုစစ်နွံတွင်းထဲက မလွှတ်နိုင်အောင် နာဂစ်ဖွဲ့ စည်းပုံအခြေခံဥပဒေဆိုတဲ့ သံခြေကျင်းတပ်ခဲ့ပြီးပြီ။
အဲ့ဒီလိုလုပ်ခဲ့တာကို မှန်ကန်တယ်၊ ဒို့ တာဝန်အရေးသုံးပါးကိုထမ်းဆောင်နေတာ၊ တပ်မတော်ဟာ တိုင်းပြည်ကိုချောက်ကမ်းပါးထဲ မကျအောင်ကယ်တင်ထားတာပါလို့ တပ်မတော်သားတစ်ချို့နဲ့ ပြည်သူတစ်ချို့ယုံကြည်လါအော င်ဘယ်လိုလုပ်ဆောင်ခဲ့သလဲဆိုတာ ဆန်းစစ်လိုက်တော့ စစ်အာဏာရှင်တွေရဲ့ဦးနှောက်လျှော်ဖွတ်ခြင်းဓလေ့ကို သွားတွေ့ ရတယ်။
(၁၉၈၈) အာဏာသိမ်းတဲ့နေ့ ကစလို့ နေ့ စဉ်သတင်းစာ၊ ရေဒီယို၊ ရုပ်မြင်သံကြား၊ ထွက်သမျှ ဂျာနယ်မဂ္ဂဇင်းစာအုပ်နဲ့ ဗွီဒီယိုခွေတိုင်း အခန်းအနားတိုင်း၊ သင်တန်းတိုင်းမှာ- ဒို့ တာဝန်အရေးသုံးပါး ၊ ပြည်သူ့ သဘောထား ၊ နိုင်ငံရေးဦးတည်ချက်လေးရပ် ၊ စီးပွားရေးဦးတည်ချက်လေးရပ် ၊ လူမှု့ရေးဦးတည်ချက်လေးရပ်စတဲ့ ကြွေးကြော်သံတွေကိုတစ်ကယ်မဖေါ်ဆောင်ပေမဲ့ ထပ်ခါတလဲလဲ တွေ့ ဖန် မြင်ဖန် ကြားဖန် ရှိအောင်နေ့ စဉ်နေ့ တိုင်းဦးနှောက်ထဲ့ရိုက်သွင်းလါခဲ့တာ။ နှစ်ပေါင်းများစွာကြာလါတော့ မသိစိတ်ထဲမှာ အမှန်တရားလို့ ထင်လါအောင်လုပ်ခဲ့ တာ။ အင်္ဂလိပ်လိုတော့ “Autosuggestion and Brainwashing” ဗမာလိုတော့ ဦးနှောက်လျှော်ဖွတ်ခြင်းလို့ ဘဲဆိုလိုက်တော့မယ်။
ဟိုတလောက ဧရာဝတီသတင်းဌာနရဲ့အင်တာဗျူးတစ်ခုမှာ တပ်မတော်သား ပြည်သူ့လွှတ်တော်ကိုယ်စားလှယ်ဗိုလ်မှူးကြီး ဌေးနိုင် ပြောတဲ့စကားကို ကြည့်လိုက်ပါ “ ကျနော်တို့က ဒို့တာဝန် အရေး ၃ ပါးကို ကာကွယ်စောင့်ရှောက်ရမှာပဲ။ ဒါကို တော့ လုံးဝ ထိပါးခံ လို့တော့မရဘူး ”။ လူဆိုတာကိုယ်ရပ်တည်တဲ့ဖက်က၊ ကိုယ့်အကျိုးစီးပွားရှိတဲ့ဖက်ကို အမှန်တရားလို့ ယုံကြည်ခြင်ကြတယ်။ အတ္တအမှောင်ဖုံးပြီဆိုရင်အမှန်နဲ့ အမှားကို ခွဲခြားနိုင်စွမ်းမရှိတော့ဘူး။ သေခြာတာတစ်ခုကတော့ အချုပ်အချာအာဏာတည်တံ့ခိုင်မြဲရေး အပါအ၀င် တို့ အရေးသုံးပါးနဲ့ အုပ်ချုပ်ခဲ့တဲ့စစ်အစိုးရလက်အောက်က မြန်မာနိုင်ငံဟာ စီးပွားရေး၊ ကျန်းမာရေး၊ ပညာရေး ၊စာရိတ္တနဲ့ လူမှု့ရေးရှိရှိသမျှကဏ္ဍတိုင်းချွတ်ခြုံကျပြီးပြည်သူအများစုကြီးဘ၀ဟာ ဆင်းရဲတွင်းအနက်ဆုံး ရောက်ခဲ့ရတာ ဘယ်သူမှမငြင်းနိုင်အောင်မျက်ဝါးထင်ထင်မြင်နေရပြီ။
ဒီလောက်ထင်ရှားနေတာတောင်မျက်စိမှိတ်ပြီး ပြည်သူတွေမနှစ်မျို့တာသိရက်နဲ့ ဘယ်သူကမှတာဝန်မပေးဘဲ နိုင်ငံကောင်းဖို့၊ တိုင်းပြည်ကာကွယ်နေရတာပါလို့ အကြောင်းပြပြီး စစ်အာဏာရှင်စနစ်ကို ကျားကန်ပေးထားတဲ့ (၂၀၀၈)ဖွဲ့ စည်းပုံအခြေခံဥပဒေကို ထိထိရောက်ရောက်မပြင်ဘဲ၊ ပေကပ်ဒရွတ်ဆွဲနေရင်တော့ သမိုင်းဆိုးသမိုင်းညစ်ထဲမှာလူစုတ်လူညစ်တွေရယ်လို ကမ္ဗည်းထိုးရစ် ဘ၀ကြွေးနွှံနစ်အုံးတော့မှာပါ ။
လေးစားစွာဖြင့်
မင်းကောင်းချစ်
ဇွန်လ (၁)ရက် ၊ ၂၀၁၄ ခုနှစ်
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
