သန်းဝင်းလှိုင်
မေ ၁၉၊ ၂၀၁၄
မြန်မာစာပေသမိုင်း၌ အင်္ဂလိပ်-မြန်မာအဘိဓါန်ကျမ်းကိုပြုစုခဲ့သော ဒေါက်တာဘဟန်ကို ရန်ကုန်မြို့၌ အဖ ဦးကျေး (ဦးမောင်မောင်ကျေး)၊ အမိ ဒေါ်သိန်းတင်တို့မှ ၁၈၉ဝ ပြည့်နှစ် ဇန်နဝါရီ (၃ဝ)ရက်ြကာသပတေးနေ့တွင် ဖွားမြင်ခဲ့သည်။ ဒေါက်တာဘဟန်သည် ဒေါက်တာဘမော်၏ အစ်ကိုဖြစ်သည်။
၁၈၉၆ခုနှစ်တွင် မအူပင် အစိုးရအထက်တန်းကျောင်း၌ စတင်ပညာသင်ကြားခဲ့သည်။ ၁၉ဝဝပြည့်နှစ်မှ ၁၉ဝ၅ခုနှစ်အထိ စိန်ပေါအထက်တန်းကျောင်း (ယခု အထက (၆) ဗိုလ်တထောင်)တွင် ဆက်လက် ပညာသင်သည်။ ၁၉၀၅ခုနှစ်တွင် ရန်ကုန်ကောလိပ်၊ ၁၉ဝ၆ခုနှစ်တွင် ကာလကတ္တားဒဖ်ကောလိပ်၊ ၁၉ဝ၇ခုနှစ်တွင် ရန်ကုန်ကောလိပ်တို့၌ ပညာသင်ခဲ့ပြီး ၁၉ဝ၉ခုနှစ်တွင် ဝိဇ္ဇာဘွဲ့ (B.A) ရရှိခဲ့သည်။ ၁၉၁၅ခုနှစ်တွင် ကာလကတ္တားတက္ကသိုလ်မှ မဟာဝိဇ္ဇာဘွဲ့ (M.A) ရရှိသည်။ ၁၉၂၂ – ၂၄ တွင် အင်္ဂလန် ကင်းဗရစ်တက္ကသိုလ်၊ ၁၉၂၄ ခုနှစ်တွင် ပြင်သစ်နိုင်ငံ ဘော်ဒိုးတက္ကသိုလ်၊ ဂျာမနီနိုင်ငံ ဖရိုင်ဘတ်တက္ကသိုလ်နှင့် လန်ဒန် လင်ကွန်းအင်း ဥပဒေကျောင်းတို့တွင် ပညာသင်ကြားခဲ့သည်။ ဘော်ဒိုးတက္ကသိုလ်မှ စာပေပါရဂူဘွဲ့ (D.Litt) ရသည်။ ၁၉၂၅ခုနှစ်တွင် လင်ကွန်းအင်း ဥပဒေသင်ကျောင်းမှ ဥပဒေဘွဲ့နှင့် ဂျာမနီနိုင်ငံ ဖရိုင်ဘတ်တက္ကသိုလ် (Freiburg University) မှ ပါရဂူဘွဲ့ (Ph.D) (Magna cum laude) တို့ကို ရရှိခဲ့သည်။ ၁၉ဝ၉ – ၁၂ တွင် ရန်ကုန်တက္ကသိုလ် သိပ္ပံသရုပ်ပြဆရာ ၁၉၁၂ – ၁၈ တွင် လက်ထောက်စာတော်ပြန်၊ မြို့အုပ် (အငယ်တန်း နိုင်ငံတော်ဝန်ထမ်း) အဖြစ် ဆောင်ရွက်သည်။
ဒေါက်တာဘဟန်သည် ၁၉၁၂မှ ၁၉၂၅ထိ အစိုးရ အကြီးတန်းနိုင်ငံ့ဝန်ထမ်းအဖြစ် လည်းကောင်း၊ ၁၉၂၆မှ ၁၉၂၇ထိ လက်ထောက် ဗဟိုတရားရုံးချုပ်ရှေ့နေအဖြစ် လည်းကောင်း ဆောင်ရွက်ခဲ့သည်။
ဒေါက်တာဘဟန်အား ၁၉၂၈ခုနှစ်တွင် ရန်ကုန်တက္ကသိုလ်မှ ဥပဒေကထိကအဖြစ် ခန့်အပ်ခဲ့သည်။ ထို့နောက် ၁၉၃၅ခုနှစ်တွင် ဥပဒေပါမောက္ခဖြစ်လာသည်။ ၁၉၄၇ခုနှစ်တွင် ရန်ကုန်တက္ကသိုလ်မှ ဥပဒေပါရဂူဘွဲ့ (LL.D) (Honorus Causa) ချီးမြှင့်၍ ဥပဒေမဟာဌာနမှူးအဖြစ် ခန့်အပ်ခဲ့ပြန်သည်။ ဒေါက်တာဘဟန်သည် ၁၉၅၀ပြည့်နှစ်တွင် တက္ကသိုလ်မှ အငြိမ်းစားယူခဲ့ရာ အငြိမ်းစားယူသည့်နေ့မှာပင် တက္ကသိုလ်၌ စွမ်းစွမ်းတမံ ဆောင်ရွက်ခဲ့သောကြောင့် ဂုဏ်ထူးဆောင်ဘွဲ့ ချီးမြှင့်ခြင်းခံခဲ့ရသည်။ ၁၉၅၀ – ၅၇ တွင် ဂုဏ်ထူးဆောင် ဥပဒေပါမောက္ခ ပြင်ပစာစစ် ၁၉၅၇ – ၅၈တွင် အစိုးရရှေ့နေချုပ်အဖြစ် ဆောင်ရွက်ခဲ့သည်။ ၁၉၅၈တွင် အိမ်စောင့်အစိုးရလက်ထက်တွင် အစိုးရရှေ့နေချုပ်အဖြစ်မှ နှုတ်ထွက်၍ ရှေ့နေအဖြစ် ဆောင်ရွက်သည်။
ဒေါက်တာဘဟန်သည် ၁၉ဝ၉ခုနှစ်ကပင် ‘ဦးထွန်းငြိမ်း အင်္ဂလိပ်မြန်မာ အဘိဓာန်’ ကို တည်းဖြတ်ခဲ့သည်။ ၁၉၄၄ခုနှစ်တွင် ပညာတံခွန်အသင်း၏ ဥက္ကဋ္ဌအဖြစ် လည်းကောင်း၊ ၁၉၄၈ခုနှစ်တွင် ‘တက္ကသိုလ်မြန်မာ့အဘိဓာန်’ ပြုစုရေးနှင့် အဘိဓာန်အကြံပေးအဖွဲ့တွင် ဥက္ကဋ္ဌအဖြစ် လည်းကောင်း၊ ၁၉၆၁ – ၆၂ ခုနှစ်တွင် မြန်မာနိုင်ငံ သုတေသနအသင်းကြီး၌ ဥက္ကဋ္ဌအဖြစ် လည်းကောင်း တာဝန်ယူဆောင်ရွက်ခဲ့သည်။ ထို့ပြင် ဒေါက်တာဘဟန်သည် ၁၉၅၇မှ ၁၉၅၈ခုနှစ်အထိ မြန်မာနိုင်ငံ ရှေ့နေချုပ်အဖြစ် ဆောင်ရွက်သည်။ သို့ကလို နိုင်ငံတော်အကျိုးကို စွမ်းစွမ်းတမံဆောင်ရွက်ခဲ့ခြင်းကြောင့် ဒေါက်တာဘဟန်အား နိုင်ငံတော်အစိုးရက ၁၉၅၈ခုနှစ် ဇန်နဝါရီလတွင် မဟာသရေစည်သူဘွဲ့ ချီးမြှင့်အပ်နှင်းခဲ့သည်။
၁၉၅၂ခုနှစ်မှ ၁၉၆၆ခုနှစ်အထိ (၁၅)နှစ်တိုင် အချိန်ယူကာ The University English – Burmese Dictionary (တက္ကသိုလ် အင်္ဂလိပ် မြန်မာ အဘိဓာန်) စာအုပ်ကြီးကို ပြုစုခဲ့သည်။ ဒေါက်တာဘဟန်သည် ရှင်ဥတ္တမကျော်တောလားကိုလည်း အင်္ဂလိပ်ဘာသာ ပြန်ဆိုထုတ်ဝေခဲ့သည်။ ထို့ပြင် အင်္ဂလိပ်ဘာသာဖြင့် စာအုပ်၊ စာတမ်း၊ ဆောင်းပါးများစွာကို ရေးသားခဲ့သည်။ ဒေါက်တာဘဟန်၏ ထင်ရှားသော အင်္ဂလိပ် စာအုပ်များမှာ “William Blake: His Mysticism” “The Evolution of Blackean Philosopy” “A Legal History of Burma and India” “The Planned State”.တို့ ဖြစ်သည်။
ဒေါက်တာဘဟန်သည် ဆွတ်ဇာလန်နိုင်ငံ ဂျီနီဗာမြို့တွင် ကုလသမဂ္ဂမှ ကြီးမှူးကျင်းပသည့် ဥပဒေရေးရာ ညီလာခံများသို့ မြန်မာနိုင်ငံ ကိုယ်စားလှယ်အဖွဲ့ခေါင်းဆောင်အဖြစ် ၁၉၅၈ခုနှစ်၊ ဖေဖော်ဝါရီလတွင်တက်ရောက်ဆွေးနွေးခဲ့သည်။ထို့ပြင်ဥရောပနိုင်ငံများ၊ အရှေ့တောင်အာရှနိုင်ငံများ နှင့် အရှေ့ဖျားနိုင်ငံများသို့ လေ့လာရေးခရီး သွားရောက် လည်ပတ်ခဲ့သည်။
ဒေါက်တာဘဟန်သည် ဒေါ်သိန်းလွင်နှင့် လက်ထပ်ကာ သားသမီး(၄)ဦး ထွန်းကားခဲ့သည်။ သားသမီးများမှာ ဦးညွန့်ဟန်၊ ဒေါ်မြင့်မြင့်ဟန်၊ ဦးဝင်းဟန်၊ ဒေါ်ကြည်ကြည်ဟန် (ကွယ်လွန်) တို့ ဖြစ်သည်။ ထို့နောက် ဇနီးဖြစ်သူ ဒေါ်သိန်းလွင် ၁၉၅၈ခုနှစ်၊ ဇန်နဝါရီလ (၁၁)ရက်နေ့တွင် ကွယ်လွန်သွားခဲ့ရာ ၁၉၆၁ခုနှစ်တွင် ရန်ကုန်တက္ကသိုလ် ပညာရေးမဟာဌာနမှ ကထိကဖြစ်သူ ဒေါ်ခင်သိန်း (M.A) (Yale) နှင့် အိမ်ထောင်သစ်ထူခဲ့သည်။ သို့သော် ဇနီးဖြစ်သူ ဒေါ်ခင်သိန်းနှင့် သားသမီး မထွန်းကားခဲ့ချေ။
ဒေါက်တာဘဟန်သည် ၁၉၆၉ခုနှစ်၊ မေလ (၁၃) ရက်နေ့တွင် ရန်ကုန်မြို့၊ (၈)မိုင်၊ မရမ်းကုန်းမြို့နယ်၊ ကမ္ဘာအေးဘုရားလမ်း၊ အမှတ် (၂) နေအိမ်၌ ကွယ်လွန်ခဲ့ရာ ဇနီးဒေါ်ခင်သိန်းနှင့် ပထမအိမ်ထောင်မှ ရရှိသော သားသမီးသုံးယောက်၊ မြေး (၁၂)ယောက်နှင့် မြစ် (၂)ယောက်တို့ ကျန်ရစ်ခဲ့သည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
အထက်ပါ.ဆောင်းပါးနှင့်ပါတ်သက်၍..ကျွန်တော်တခုသွားသတိရမိပါတယ်..ကျွန်တော်နိုင်ငံမှ.မထွက်ခွာမှီအချိန်မှာ.ကျွန်တော်တို့ရဲ့.ရပ်ကွက်ဆေးခန်းမျာ.အချိန်ပိုင်းလာေ၇ာက်ထိုင်ပေးသော..ဒေါက်တာဘမော်ရဲ့.သမီး.ဒေါက်တာ.မာလာမော်ကို.သွားသတိရမိပါတယ်.သူ့ရဲ့..ဆမ..က မှတ်လို့အလွန်ကောင်းပါတယ်.(ဆမ.၁၁၉).လို့ထင်တယ်.တနေ့.ကြုံလို့.ကျွန်တော်.စပ်စုမိတယ်.ဘာ့ကြောင့်..အစိုးရ.ဆေးရုံကြိးတွေမှာ.၀င်မလုပ်တာလဲ.ပေါ့.သူက.ပြောပြမှ.သိရတာက.သူ့အဖေနဲ့.နေ၀င်းက.တချိန်က.မကျေနပ်မှုတွေရှိခဲ့တဲ့အကြောင်း.ခုနေ၀င်းတက်လာတော့..သူတို့မိသားစုဝင်တွေ.ချောင်အထိုးခံရကြောင်းသီရပါတယ်.နောက်ဆုံးဆရာဝန်မကြီး.ဒေါက်.မာလာမော်ဟာ..(ခုတော့ရှိသေးလားမပြောတတ်ဖူး..)..သူ့ရဲ့.ဆမ.တံဆိပ်.ဆးလက်မှတ်နဲ့..ဆေးဆိုင်တွေမှာ.ကျွန်တ်ာဆေးခန်းကကောင်လေးတွေနဲ့.ဆေးဆိုင်တွေမှာ.ဆေးဝယ်ခိုင်းပြီး.မှောင်ခိုရောင်းစားရတဲ့အထိဖြစ်ခဲ့ရတာကို.သွားသတိရမိပါတယ်.ကျွန်တော်ဆိုလိုတာက.နေ၀င်းဟာ.ဘုန်ူးမီးတောက်တဲ့အချိန်မှာ.တကယ့်တော်တဲ့.လူတွေကို.ရှေ့တန်းမတင်ခဲ့ဘူး..မသုံးခဲ့ဘူး..သူ့သမီးအလှည့်ကျတော့.သူ့သမီစန္ဒ္ဒာဝင်းထင်တယ်.ကျောင်းပြီးတဲ့နှစ်မှာ.နိုင်ငံခြားကို.သွားချင်တော့.ဥပဒေက.ဟောက်ဆာဂျင်.နဲ့.ဆေးရုံ.လုပ်သက်.နှစ်..နှစ်ရှိမှ.ထွက်ရမယ်ဆိုတော့..ကျွန်တော့်သူငယ်ချင်းရဲ့ဆေးခန်း..အလုံ.လွတ်လပ်ရေး.ရပ်ကွက်မှာ.ညဖက်.တနှစ်.လာထိုင်ပြီး.လုပ်သက်တစ်နှစ်.အနေနဲ့.ပြတယ်..တစ်နှစ်ထဲမှာဘဲ..ရန်ကုန်ဆေးရုံကြီးမှာ.နေ့ခင်ပိုင်းဝင်တယ်.ညဖက်ကျတော့.ကျွန်တော့သူငယ်ချင်ဆေးခန်းမှာလာထိုင်တယ်.အဲ့ဒါနဲ့.ဆရာဝန်လုပ်သက်နှစ်နှစ်ဖြစ်သွားရောဘဲ..အဲ့ဒီလိုနဲ့.နေ၀င်းတို.လူတွင်ြကယ်လုပ်ခဲ့ကြတာ…ဒါ့ကြောင့်.ကျွန်တော်သိချင်တာတော့.ဒေါက်တာမာလာမော်တို့ရဲ့.မိသားစုဝင်တွေ.စင်ပေါ်က.အဆင်းမကောင်းရတာတွေကို.သိသလောက်.တင်ပေးကြပါ.ဆရာကြီးနဲ့.အရန်းကိုခင်ခဲ့ရလို့ပါ..