ဇော်အောင် (မုံရွာ)
မေ ၈၊ ၂၀၁၄
စင်ကာပူမှ မိတ်ဆွေ ဒေါက်တာကွမ်ဂျာ (Ph.D, NUS National University of Singapore) မှ စည်းရုံးရေးအဖြစ် ကချင်ဒေသဖွံ့ဖြိုးရေး သက်မွေးပညာကျောင်း၊ ကချင်-တရုပ်နယ်စပ်တွင် ဖွင့်ရန်အတွက် ဆွေးနွေးကြသည်။ ဒေါက်တာကွမ်ဂျာနှင့်ဇနီးသည် ဒေါ်အေးမင်း သူတို့သည် နည်းပညာသက္ကသိုလ်မှ အင်ဂျင်နီယာဘွဲ့ B.E (Mechanical) ၁၉၉၆တွင် ရရှိပြီနောက် မန္တလေးနည်း ပညာတက္ကသိုလ် တွင် ဆရာအဖြစ်လုပ်ကိုင်ခဲ့ကြသည်။ နောက်တက်လာသော ဆရာများကိုနေရာပေးရသဖြင့် အလုပ်မှထွက်ခဲ့ရသည်။ ထိုအခါ စင်ကာပူမှ တပည့်များက သူတို့ဆရာ၊ ဆရာမ မိသားစုကို စင်ကာပူ NUS မှာ ၄နှစ်ဒေါက်တာဘွဲ့သင်တန်းကို ပညာချွန်ဆုလျှောက်ထားစေကာ၊ ၂၀၁၃တွင် Ph.D ဒေါက်တာဘွဲ့ကို ရရှိခဲ့သည်။ သားငယ် ၃ ဦးနှင့်အတူ စင်ကာပူတွင် နေထိုင်လျှက်ရှိသည်။
ဒေါက်တာကွမ်ဂျာမှ ကချင်ပြည်နယ်ဒေသဖွံ့ဖြိုးရေး၊ သက်မွေးပညာကျောင်းကို ဖွင့်ရန်စည်းရုံးသောအခါ ကချင်၊ ပညာတတ်လူငယ်များစွာ စိတ်အားထက်သန်စွာဖြင့် စင်ကာပူတွင် ဆွေးနွေးကြသည်။ ကချင်ပြည်သည် သယံဇာတပေါများကြွယ်ဝသည့်အပြင် မြန်မာတစ်နိုင်ငံလုံး ထွက်သမျှ သစ်တောပစ္စည်းအားလုံး နယ်စပ်မှ တရုပ်ပြည်သို့ပို့နေရသည်။ ကျောက်စိမ်း၊ ရွေငွေများစွာ နှင့်လျှပ်စစ်အဆုံး ဒေါ်လာဘီ လျှံပေါင်းများစွာ တရုပ်ပြည်သို့ပို့ရာတွင် ဝေစုမတည့်ခြင်း၊ လူမျိုးရေးပြသနာများဖြင့် KIA လူမျိုးစုလက်နက်ကိုင်များ၊ မြန်မာတပ်မ တော်စစ်တပ်တို့ တိုက်ပွဲအပြင်ထန်တိုက်နေရသည်။ ကျေးလက်၊မြို့ရွာများစွာ ပျက်စီးသွားပြီး ဒုက္ခသည် တသိန်းခန့် တရုပ်နယ်စပ်များတွင် စစ်ရှောင်ဒုက္ခသည်ဖြစ်နေရသည်မှာ ၃ နှစ်ကျော်ပြီဖြစ်သည်။
ကချင်နယ်စပ်ဒေသ လူငယ်များကို လေ့လာကြည့်လျှင် အင်္ဂလိပ်ခေတ် တရုပ်ပြည်ဘိန်းစစ်ပွဲကို သတိရမိသည်။ တရုပ်များ ဘိန်းစားဖြစ် လာခြင်းကို အုပ်ချုပ်သူအင်္ဂလိပ်များက မသိကျိုးကျွန်ပြုရာမှ၊ တရုပ်နိုင်ငံလူငယ်များစွာ ပျက်စီးရသည်။ အလားတူ ယခု ကချင်လူငယ်များစွာ ငွေရလွယ်သော ကချင်-တရုပ်နယ်စပ်များ၊ ကချင်မြို့ကြီး၊ မြို့ငယ်များတွင် မူးရစ်ဆေးဝါး၏ သားကောင်များဖြစ်နေကြရှာသည်။ ဘိန်းစိုက်ပျိုးမှုကို တားမရ၊ ဆီးမရဖြစ်နေသောကြောင့် ဘိန်းမှထုတ်လုပ်သော မူးရစ်ဆေးဝါးများ စွဲလမ်းသွားသည် ကချင်လူငယ်များကို ကယ်တင်ရန်နည်းလမ်းမှာ စက်မှုလုပ်ငန်းများ တည်ထောင်ပေးခြင်းသာ ရှိပါတော့သည်။ လောကပညာနှင့် လောကီပညာသင်ကြားပေးရန်လိုနေပါသည်။ ၁၀တန်းအောင်သော ကချင်လူငယ်များမှာ ၁၀%ထက်ပင် နည်းပါးပြီး၊ အများစု ၉၀% ကချင်လူငယ်များမှာ အတန်းပညာမတတ်ပဲ ငွေရလွယ်သော အထမ်းသမား၊ ကုန်သည်လုပ်ငန်းများတွင် ဝင်ရောက်လုပ်ကိုင်ရင်း စာမတတ်ပဲ၊ နောက်ဆုံး ဝန်ထုတ်ဝန်ပိုးကြီးဖြစ်နေပါသည်။ ထိုလူငယ်များကို စက်မှုပညာများ သင်ကြားပေးက အလုပ်အကိုင်ရာဖွေပေးရန်လိုပါသည်။
ကချင်လူငယ်များ ဟုဆိုပါက ကချင်ပြည်နယ်တစ်ခုတည်း ဆိုးဝါးနေသလား မေးလျှင် ကချင်ပြည်နယ်သည်အဆိုးဆုံးဖြစ်ပြီး၊ ပြည်နယ်တိုင်း ဒေသကြီးအားလုံး သူမသာ၊ ကိုယ်မသာ အလုပ်လက်မဲ့လူငယ်မြောက်များစွာ ရှိနေကြောင်း ဝန်ခံရပါမယ်။ မြန်မာပြည်ကျေးရွာအားလုံးနီးပါး ထိုင်းနိုင်ငံသို့ သွားရောက်လုပ်နေကြသည်။ အချို့ငွေကြေးတတ်နိုင်ပါက မလေးရှား၊ စင်ကာပူမှ ကိုးရီးယား၊ ဂျပန်၊ အမေရိကန် စသည့် နိုင်ငံကြီးများသို့ပင် အလုပ်သွားရှာဖွေ၊ လုပ်နေရသည့် အလုပ်လက်မဲ့မြန်မာလူငယ်များဖြစ်သည်။ အထူးသဖြင့် စားသောက်ကုန်၊ ဆန်၊ပဲ၊ သားငါး များစွာထုတ်လုပ်ပေးနေသော ဧရာဝတီတိုင်းသည် လူသားအများဆုံး ထုတ်လုပ်နေသည်။ ရန်ကုန်မြို့တော်ကြီး သန့်ရှင်းရေးအတွက် အမှိုက်လှည်း၊ အလုပ်ကြမ်းလုပ်နေသူများသည် ဧရာဝတီတိုင်းမှ အမျိုးသမီးငယ်၊ အမျိုးသားငယ်များ ဖြစ်နေကြသည်။ လဘက်ရည်ဆိုင်၊ ကုန်လှောင်ရုံအထမ်းသများ၊ စတိုးဆိုင်ဝန်ထမ်းများသည် ကျောင်းတက်ရမည့်အရွယ် လူငယ်ယောင်္ကျားလေး၊ မိန်းကလေးများ ဖြစ်နေသည်ကိုတွေ့ရသည်။ ခေတ်ကြီးပျက်စီးနေသော်လည်း ပျက်အစဉ် ပြင်ခဏ၊ လူတော်လူကောင်းများက ပြန်လည်အုပ်ချုပ်မှ ဖြစ်ပေမည်။
ကျွမ်းကျင်သူ အလုပ်သမား အလွန်ရှားပါးနေကြောင်း ဆောက်လုပ်ရေး၊ ပန်ရံ၊ လက်သမား ပြက်လက်မှုကို တွေ့ရသည်။ ILBC ဦးတင်မောင်ဝင်းက သက်မွေးပညာကျောင်းများဖွင့်လိုပါက အကူညီပေးမည်ဟုဆိုသည်။ သိပ္ပံနှင့်နည်းပညာဝန်ကြီးဌာနမှ ညွန်ကြားရေးမှုးချုပ်များဖြစ်သော ဦးကျော်စွာစိုး၊ ဦးဝင်းခိုင်မိုးတို့ကလည်း နည်းပညာ ကျွမ်းကျင်သောလူငယ်များ မွေးထုတ်ရေးအတွက် လုပ်ဆောင်နေသည်။ အလုပ်သမားဝန်ကြီးဌာနမှ သင်တန်းကျောင်းအုပ်ကြီး ဒေါ်ခင်မာအေး၊ ဒု-ဝန်ကြီး ဒေါ်ဝင်းမော်ထွန်း စသည်တို့နှင့်၊ ရေနံချောင်းမြို့မှာ TSP Technical Service Provider ကဲ့သို့သော Capacity Building အဖွဲ့များစွာလည်း မြန်မာပြည်တွင်းတွင် သင်တန်းများစွာ ပြုလုပ်ကြသည်။ NGO အဖွဲ့များကလည်း အလုပ်ရုံဆွေးနွေးမှုများ ပြုလုပ်ကြသည်။ ရေအရင်းမြစ်ဌာနမှ ညွန်ကြားရေးမှုး ဦးတင်မောင်အေးထူး ကလည်း အသေးစား၊ အလတ်စား လျှပ်စစ်ထုတ်လုပ်ခြင်းနှင့်ဖြန့်ဖြူးခြင်း ဥပဒေ၊ နည်းဥပဒေများဖြင့် လုပ်ငန်းများကို ဈေးနှုန်းသက်သာသော လျှပ်စစ်၊ အစိုးရမှ ထောက်ပံ့ပေးနိုင်ရန် ဆွေးနွေးပါသည်။ အထည်ချုပ်လုပ်ငန်းရှင်များ ဥက္ကဌ ဦးမြင့်စိုးမှလည်း ၃လအတွင်း စက်မှုသက်မွေးပညာကို ဂျပန်၊ ဂျာမဏီကုမ္ပဏီကြီးများနှင့် ပူးပေါင်းလုပ်ဆောင်မည့် ဥပဒေကြမ်းရေးဆွဲရန် မြန်မာအစိုးရနှင့်လုပ်ဆောင်နေပါသည်။ အထက်ပါ အကြောင်းအရာများသည် ကျွန်ုပ်သိရသော ရေအိုင်ငယ်မှ ဖားသူငယ်ကဲ့သို့ အနည်းငယ်မျှသော သင်တန်းများဖြစ်သည်။
နေ့စဉ်သတင်းစာ ဂျာနယ်များတွင် ပြည်ပအလုပ်ကိုင် အာမခံသည်ဟု ငွေကြေးမြောက်များစွာ တောင်းနေသော သင်တန်းများစွာ ဖွင့်လစ်၊ လုပ်ကိုင်နေကြသည်။ အင်္ဂလိပ်စကား၊ ဂျပန်စကား၊ ကိုးရီးယားစကား၊ ထိုင်းစကား စသည်တိုကိုလည်း သင်တန်းများစွာရှိသည်။ သင်္ဘောသားသင်တန်းများ၊ ဂဟေဆော်ခြင်း၊ သံချည်သံကွေး၊ သံဖြတ်ခြင်း၊ စားဖိုမှုး၊ အချက်ပြုတ်သင်တန်း၊ ဟောတယ်လုပ်ငန်းသင်တန်း၊ လက်သမား၊ ပန်ရံမှ နောက်ဆုံး အိမ်ဖော်သင်တန်းအဆုံး သင်တန်းကြော်ငြားများ မတွေ့ချင်အဆုံးဖြစ်သည်။
မြန်မာအလုပ်သမားများ သိန်းနှင့်ချီပြီး အလုပ်ပေးထားသော အထည်ချုပ်လုပ်ငန်းရှင်များအဖွဲ့ ဦးမြင့်စိုး ပြောပြချက်အရ၊ အသစ်ဖွင့်လှစ်သော ပုသိမ်အထည်ချုပ် အလုပ်သမ အများစုသည် ဘွဲရများ ဖြစ်နေကြောင်း။ ပညာအခြေကောင်းပြီး၊ စည်းကမ်းလိုက်နာတတ်သူ ထိုအလုပ်သမားများသည် အနာဂါတ် လူသားအရင်းမြစ်များ ဖြစ်လာမည်။ ဂျပန်-အင်ဒိုနီးရှား ပူးတွဲ စက်မှုသင်တန်းတွင် ၁၀တန်းမအောင်သူများကို ၂နှစ် လေ့ကျင့်သင်ပေးသည်။ ပြီးလျှင့် ဂျပန်သို့ ၃နှစ် အလုပ်ခွင်သို့ဝင်စေသည်။ On Job Training အလုပ်သမားအဖြစ် ဝင်ငွေလည်း ရသည်။ ဂျပန်စကားနှင့်စည်းကမ်းများကို သင်ကြားလေ့ကျင့်ပြီးနောက်ပိုင်း အင်ဒိုနီးရှားနိုင်ငံ ပြန်လာသောအခါ အင်ဒိုနီးရှားရှိ ဂျပန်ကုမ္ပဏီများက အပြိုင်အဆိုင် လခများပေးပြီး အလုပ်ခန့်ကြသည်။ ယခု ဂျာမန်များလည်း သူတို့နိုင်ငံတွင် အလုပ်သမားကျွမ်းကျင်မှု သင်တန်းများကို မြန်မာပြည်သို့ ယူဆောင်လာပြီး၊ သင်တန်းဖွင့်လိုသည်။ မြန်မာများနှင့် ဆီလျှော်အောင် မြန်မာများက မွမ်းမံရန်လိုသည်။ အလားတူ စင်ကာပူ ITE စက်မှုလက်မှုသင်တန်းကျောင်းမှ သင်နည်းစနစ်၊ သင်ကြားအထောက်ကူပစ္စည်းများကိုလည်း မြန်မာများနှင့်ဆီလျှော်အောင် နိုင်ငံခြားအတွေ့ကြုံရှိသူ မြန်မာများက ပူးပေါင်းလုပ်ဆောင်ရန် လိုပါသည်။
အမှန်တကယ်ဖြစ်သင့်သည်မှာ မြန်မာနိုင်ငံတော်အစိုးရ စက်မှုသက်မွေးဦးစီးဌာနက မြန်မာလူငယ်၊ ၁၀တန်းမအောင်သူ မြောက်များစွာအတွက် လုပ်ဆောင်ပေးရမည်ဖြစ်သော်လည်း၊ အလုပ်ကိုင်ရှားပါးသော ယခုခေတ်ကာလတွင် ပုဂ္ဂလိက သင်တန်းများက ခေတ္တအစားထိုး ဖြည့်ဆည်းပေးထားရမည်ဖြစ်သည်။
အသေးစားလျှပ်စစ်ထုတ်လုပ်ခြင်း
နိုင်ငံတော်က အကြီးစားလျှပ်စစ်လုပ်ငန်းကြီးများအတွက် တရုပ်၊ ဗီယက်နမ်၊ ထိုင်းနိုင်ငံများနှင့် ယှဉ်နိုင်သော ဈေးနှုန်းဖြင့် လျှပ်စစ်ဓါတ်အားပေးစက်ရုံ အကြီးစားများကို တည်ဆောက်နေချိန်တွင်၊ ပုဂ္ဂလိကကုမ္ပဏီများက အသေးစား၊ အလတ်စား လျှပ်စစ်မီးလုပ်ငန်းကို လုပ်ကိုင်ရမည်။ အသေးစား၊အလတ်စား လျှပ်စစ်ထုတ်လုပ်သူများကို အစိုးရအာဏာပိုင်များက လိုင်စင်ကြေး၊ ပါမစ်များဖြင့် ကောက်ခံနေခြင်းကို ရပ်တံ့ပြီး၊ ပုဂ္ဂလိကများက တဖက်သတ်အမြတ်ထုတ်သော တစ်ယူနစ် ၅၀၀ကျပ် ဈေးနှုန်းမျိုးကိုလည်း အရေးယူ၊ ဖယ်ရှားပစ်ရမည်။ အစိုးရကလည်း ဓါတ်ငွေနှင့် လောက်စာဆီ ထောက်ပံ့၊ အထူးဈေးနှုန်းဖြင့် ရောင်းချရပါမည်။ လက်ရှိ လောင်စာဆီ (ဓါတ်ဆီ၊ ဒီဇယ်တင်သွင်းခွင့်) မူပိုင်ယူထားသူ ခရိုနီကုမ္ပဏီကြီးများ၏ ၃နှစ်မက ကြာမြင့်ပြီဖြစ်သော အခွန်မဲ့ (နိုင်ငံတော်မရရှိသောအခွန်စနစ်)ဖြင့် လောင်စာဆီတင်သွင်းခြင်းများကို ရပ်တံ့စေပြီး၊ အသေးစား၊ အလတ်စား ဒေသခံကုမ္ပဏီများကို လောင်စာဆီဈေးနှုန်းချိုသာစွာ ဖြန့်ဖြူးရပါမည်။ ပြည်ပမှဝယ်ယူဈေးသည် ကျပ် ၁၅၀၀မျှသာ ရှိသော်လည်း ၂၀၁၄ပေါက်ဈေးအရ တစ်ဂါလံ ကျပ်၄၅၀၀ ရောင်းချနေသော အလွန်အမြတ်စွန်းရှိသည့် လောင်စာဆီ ပါမစ်ဖြစ်သည်။
အစိုးရသည် အခွန်ကောက်ရန်သာ စနစ်တကျလုပ်ဆောင်သလို၊ ကောက်ရသော အခွန်ငွေများကို ခြစားမှုနည်းပါးစွာ ပညာရေး၊ ကျန်းမာရေး၊ ဆောက်လုပ်လမ်းတံတာများတွင် သုံးစွဲရပါမယ်။ တိုးတက်သောနိုင်ငံများသည် (အခွန်ငွေ) tax per GDP ဟုခေါ်သော အမျိုးသားထုတ်ကုန်၏ ၃၅ရာနှုန်းကို အခွန်ကောက်ကြသည်။ အကြောင်းအမျိုးမျိုးကြောင့် မြန်မာအစိုးရသည် ၂% သာရှိသေးသည်။
အခွန်ဘဏ္ဍာငွေများစွာ ဆုံးရှုံးနေသောကြောင့် ဆင်းရဲချမ်းသာ ကွားခြားလှပါသည်။ ဆင်းရဲသား၊ အလုပ်သမားများထံမှ အခွန်မကောက်သင့်သော်လည်း လယ်ပင်းညစ်ရနိုင်သော အားနည်းသူ ပြည်သူလူထုကိုသာ လည်ပင်းညစ်အခွန်ကောက်ခြင်း မဖြစ်အောင် အစိုးရမင်းများတွင် တာဝန်ရှိသည်။ ဥပမာ လျှပ်စစ်ကို တစ်ယူနစ် ၂၈၀ကျပ်၊ တစ်ယူနစ် ၅၀၀ကျပ် စသဖြင့် ရောင်းချခွင့်ပေးခြင်းသည် ဆင်းရဲသားများအား လည်ပင်းညစ်ခြင်းဖြစ်သည်။ ချမ်းသာသူများကို မလှုပ်နိုင်အောင် အခွန်ကောက်ခြင်းဥပဒေ အသက်ဝင်လာဖို့ လိုပါသည်။
တောမှတက်လာပြီး၊ အကျိုးဆောင်ခ ကျပ်၎သိန်းပေး၊ ထိုင်းနိုင်ငံအလုပ်သွားလုပ်မည့် လူငယ်၅ဦးနှင့် တွေ့သည်။ ခေါင်းဆောင်အမျိုးသမီးငယ်လေးက ဒီမိုကရေစီဆိုတာ ဘာလဲဦးလေး…ဟု မေးသည်။ ဒီမိုကရေစီဆိုတာ လူနည်းစုကိုလူများစုကလေးစားခြင်း လို့ပြောရပါမယ်။ ရွာသူကြီးသားက ညည်းရဲ့အိမ်ရှေ့ ညတိုင်းလာဆူပူ၊ လူပျိုလှည်နေတာ မကြိုက်လိုက် တိုင်ရင်၊ သူကြီးက သူ့သားဖြစ်ပါစေ၊ တားမြစ်ရမယ်။ မတားမြစ်ပဲ သူကြီးက မသိချင်ယောင်ဆောင်နေရင် အာဏာရှင်စနစ်လို့ခေါ်တယ်လို့ ရှင်းပြပါတယ်။ သိပြီ၊ သိပြီး ဦးလေးရေ..လို့ တောနယ်က တက်လာသူ မိန်းကလေးငယ်က ပြောပါတယ်။ သူတို့ရွာမှာ တစ်အိမ် နို့စားနွားမတစ်ကောင်ချပေးမယ်လို့ စာရင်းကောက်သွားတာ တစ်နှစ်ရှိပြီ။ ရွာလူကြီးတွေလည်း အရက်သောက်ဆိုးပေသူများကို လူရှေ့မှာ ရိုက်နှက်ဆုံးမကြတယ်။ ကောင်းလာပါပြီ။ ဒါပေမဲ့ ယောင်္ကျားအများစုက သောက်စားမူးရစ်တာ များပါတယ်။ သမီးတို့လည်း ငယ်ငယ်ရွယ်ရွယ် အိမ်ထောင်ကျ၊ ကလေး၂ယောက်ရပြီး၊ အခု ကလေးတွေကို မိဘတွေကို ပေးထားပြီး၊ ထိုင်းနိုင်ငံ သွားအလုပ်လုပ်ရမှာပဲ၊ ရွာမှမနေချင်တော့ဘူး ဦးလေးရေ..လို့ပြောရှာပါတယ်။ အေး.. ကောင်းပါတယ်။ ထိုင်းနိုင်ငံမှာ တစ်လ ဘတ်ငွေ တစ်သောင်းရတိုင်း ဆယ်ပုံတစ်ပုံကို ဘယ်သူမှမသိအောင် အိတ်ကလေးနဲ့ စုဆောင်းထားပါ။ တစ်နှစ်ကြာအောင် အဲဒီငွေအိတ်ကို မထိပဲ စုဆောင်းနိုင်ရင် သမီးတို့၊ သားတို့ သူဌေးဖြစ်ဖို့ လမ်းများနေပြီလို့ ပြောပြရပါသည်။
၂ နှစ်အတွင်း မြန်မာပြည်တွင်း ၇၅% လူဦးရေသည်၊ ဆင်းရဲမွဲတေသူ ကျေးရွာများမှ တောင်သူလယ်သမားများ ဖြစ်ကြပေသည်။ ထိုသူများစွာသည် မြို့သို့တက်လာကြမည်။ သူတို့ကို အရည်အသွေးမြှင့်တင်ပေးရန်လိုအပ်ပါသည်။ စက်မှုသက်မွေးပညာရပ်များ ကမ္ဘာ့အဆင့်မီ သင်ကြားပေးရင်း စက်မှုခေတ် (တနည်းအားဖြင့် ပညာခေတ်)သို့ အမြန်ဆုံးရောက်မည်ဖြစ်သည်။
မကြာမီ ဗြမစိုရ်တရားနှင့် ပြည့်ဝသော ဝန်ကြီးများ၊ အစိုးရအဖွဲ့များက လမ်းပမ်းဆက်သွယ်ရေး၊ တယ်လီဖုန်း၊ လျှပ်စစ်ဓါတ်အားများကို အရှေ့တောင်အာရှနိုင်ငံများအတိုင်း ဈေးချိုအောင်လုပ်နိုင်မည်။ အိမ်ခြံမြေဈေးနှုန်းလည်း ကျဆင်းလာပြီး၊ အစိုးရမှာ တန်ဖိုးနည်းအိမ်များ အရှေ့တောင်အာရှနိုင်ငံများဈေးနှုန်း ကျပ်သိန်း၁၀၀အောက် တည်ဆောက်ပေးကာ၊ အုပ်ချုပ်နိုင်မည် မျှော်လင့်ပါသည်။ စက်မှုသက်မွေးပညာသင်ကြားခြင်း၊ အခြေခံပညာ၊ အဆင့်မြင့်ပညာ သင်ကြားခြင်းများတွင် လောကဓါတ်ပညာနှင့် လောကုတ္တရာပညာ (စာရိတ္တပညာ) ၂ခုစလုံးကို အထူးသင်ကြားပေးရင်း လိုအပ်ပါသည်။ စာရိတ္တကောင်းသူ Good Attitude Myanmar များစွာ မကြာမီပေါ်ပေါက်လာကြရန် လူကြီးများဖြစ်သော အာဏာပိုင်များ၊ နိုင်ငံခေါင်းဆောင်များကိုယ်တိုင် မှန်ကန်သောစိတ်ထား၊ ရေတိုဖြစ်သော အခွန်ဆောင်စေခြင်း၊ ဘတ်ဂျတ်အမှန်ကန်သုံးစေခြင်းများဖြင့် စိတ်ဝိညာဉ်၊ ကြွယ်ဝသော မြန်မာနိုင်ငံကြီး ဖြစ်ပေါ်လာရန် ဝိုင်းဝန်းလုပ်ဆောင်ရန် အထူးလိုအပ်ပေသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
