ကနေဒါ၊ ဗန်ကူးဗား ဘီစီမှ မြန်မာ့ရိုးရာ သင်္ကြန်ပွဲတော်
ကနေဒါနိုင်ငံ၊ ဗန်ကူးဗား ဘီစီမှာ မြန်မာ့ရိုးရာ သင်္ကြန်ပွဲတော်ကို 487 Alexander st, (Japanese Language Center) မိုးလုံလေလုံခန်းမမှာ ဧပြီ၊ ၁၉၊ ၂၀၁၄၊ စနေနေ့ က မွန်းတည့် ၁၂ နာရီမှ မွန်းလွဲ ၄ နာရီအထိ စည်ကားသိုက်မြိုက်စွာ
ကျင်းပနိုင်ခဲ့ကြပါတယ်။
ဒီသင်္ကြန်ပွဲမှာ အခမ်းအနားမှူးများအဖြစ်( ပြည်ပမွေး မျိုးဆက်သစ်လူငယ်) မောင်ထွဋ်လင်းနဲ့ မရွှေစင်ထွန်းတို့ ကို ပွဲထုတ်ထားပါတယ်။ သူတို့ ဟာ ပွဲတော်လာဧည့်ပိရိသတ်များကို အင်္ဂလိပ်လိုရော မြန်မာလိုပါ အစီအစဉ်များကိုကြေညာပေးပြီး ဟာသများပါ ပရိသတ်မပျင်းစေအောင် ကြားညှပ်ပြောဆိုသွားနိုင်တာဟာ ချီးကျူးစရာပါ။
သင်္ကြန်ပွဲမို့  သင်္ကြန်နဲ့ ပတ်သက်တဲ့ သီချင်းများကို ဦးစားပေးဖြေဖျော်ခဲ့ကြတာလဲ တွေ့ ရပါတယ်။ ( ညိုမြ၊ ရေတွေစိုကုန်ပြီ၊သင်္ကြန်မိုး၊ နွေမ၊ နွေဦးကဗျာ၊ ရှာပုံတော်မင်းသားကြီး) အစရှိတဲ့သင်္ကြန်သီချင်းများကို ၂ ယောက်တွဲ၊ ၄ ယောက်တွဲ၊ ၇ ယောက်တွဲ များနဲ့  ပုံဖော် သီဆို ကပြခဲ့ကြပါတယ်။ ဒီလို ဖြေဖျော်ကြတဲ့သူများကတော့ ကနေဒါရောက် မြန်မာမိသားစုများထဲက သက်ကြီး၊ သက်လတ်၊ သက်ငယ် အရွယ်စုံပါဝင် ကြတာတွေ့ ရပါတယ်။ ဒီနှစ်ရဲ့ထူးခြားချက်က ကရင်တိုင်းရင်းသူလေးများဖြစ်ကြတဲ့ Jasmine ၊ ဖောဖော၊ ဆည်းဆာ၊ စန္ဒာဝင်း နဲ့  တိုင်းရင်းသူလေး အတော်များများက မြန်မာရိုးရာဝတ်စုံ များကိုဆင်ယင်ထုံးဖွဲ့ ပြီး သင်္ကြန်ယိမ်းများနဲ့  ပျော်ရွှင်မြူးကြွစွာ အားတက်သရော ပါဝင် ဆင်နွှဲတာကို တွေ့ ခဲ့ရခြင်းပါ။
သင်္ကြန်မေတ္တာအမည်ရတဲ့ သီချင်းကိုတော့ ဗန်ကူးဗားရဲ့ ရွှေမင်းသမီးလို့ တင်စားခေါ်ဝေါ် နေကြတဲ့ သမီးငယ် မေသဇင်လှက ဖြေဖျော်ခဲ့ပါတယ်။ မေသဇင်လှက ခုမှ အသက်(၈)နှစ်ပဲ ရှိပါသေးတယ်။ ကနေဒါမှာမွေးတဲ့သူလေးဖြစ်ပေမယ့်လဲ မြန်မာမှု၊မြန်မာ့ဓလေ့ကို အထူးနှစ်ခြိုက်သူတဦးပါ။ မြန်မာစကားကို ကျွမ်းကျင်အောင်ပြောဆိုတတ်တဲ့အပြင် မြန်မာအကကိုလဲ online မှာရှာဖွေပြီး အကလေ့ကျင့်တာလို့ သိရပါတယ်။ သူ ကမယ့်သီချင်း၊အကများကို ကိုယ်တိုင်ရွေးချယ်ပြီး သီချင်းစာသားများကိုလဲအကနဲ့ အညီ လိုက်ဆိုနိုင်သူ ကလေးငယ်ဖြစ်ပါတယ်။ အသက် (၆)နှစ်တည်းက မြန်မာပြည်သိန်းတန်သီဆိုမှုမှာ တွဲကခဲ့တဲ့သူဖြစ်ကြောင်းသိရပါတယ်။ မြန်မာပြည်တွင်းသင်္ကြန်မှာ မူးရူးဖော်ချွတ် သရုပ်ပျက်ဆင်နွှဲနေတဲ့ သင်္ကြန်မယ်တချို့ နဲ့  ပြည်ပမွေးမြန်မာကလေးတွေရဲ့ မြန်မာ့ရိုးရာမြတ်နိုးမှုတွေကို ယှဉ်တွဲပြီးကြည့်မိတော့ ဝေ ဒနာတမျိုးခံစားမိသလို ဖြစ်မိပါသေးတယ်။
ပွဲအစီအစဉ်များရဲ့ အလယ်မှာ သင်္ကြန်ရဲ့ ဟစ်တိုင်ဖြစ်တဲ့ သံချပ်ကိုလဲ တင်ဆက်ထားပါတယ်။ (မလွယ်ဘူးမောင်)သံချပ်အဖွဲ့ ကသံချပ်စာသားတွေဟာ မြန်မာပြည်တွင်းက ခေတ်သစ်နိုင်ငံရေး၊ လူမှုရေး၊ ပညာရေး၊ အမျိုးသားကျန်းမာရေး၊ ဥပဒေစိုးမိုးရေးတို့ ကို အတိုင်အဖောက်ညီညီနဲ့  ထောက်ပြတင်ပြသွားနိုင်တာကြောင့် ပိရိသတ်တို့ ရဲ့ လက်ခုပ်သံအများဆုံးကြားခဲ့ရပါတယ်။
မင်းသမီး မအေးလွင်မိုး၊ မေသဇင်လှ၊ လူရွှင်တော် ကိုမြင့်စိုး၊ ကိုအပုလေးတို့ ရဲ့ အငြိမ့်သဘင်တင်ဆက်မှုကို ပွဲလာမြန်မာများနဲ့  ကနေဒီး ယမ်းများ၊ ဂျပန်များက အထူုးကြိုက်နှစ်သက်တာတွေ့ ရပါတယ်။ ဒါ့အပြင် မြန်မာ့ရိုးရာ ဒိုးပတ်ကိုလဲ ဒီပွဲမှာထည့်သွင်းတားပါတယ်။
ယခင် ကျင်းပခဲ့တဲ့သင်္ကြန်နဲ့  မတူတဲ့ထူးခြားမှုတွေ ဒီနှစ် ဗန်ကူးဗားသင်္ကြန်မှာ တွေ့ ခဲ့ရပါတယ်။ ဒါတွေကတော့ မျိုးဆက်သစ်တိုင်းရင်းသား လူငယ်များကို ဦးစားပေး အစားထိုးခဲ့ခြင်းပဲဖြစ်ပါတယ်။ ဒိအပြင် မြန်မာ့ရိုးရာပြကွက်များ တင်ဆက်မှုဟာလဲကဏ္ဍစုံအောင် စီစဉ်တင်ဆက် နိုင်ခဲ့ကြတာ တွေ့ ရပါတယ်။ သင်္ကြန်ပွဲမို့  သင်္ကြန်သီချင်းနဲ့ အကများသာ ရွေးချယ်ထားတာ မဟုတ်ပါဘူး။ အငြိမ့်၊ ဒိုးပတ်၊ သံချပ်များလဲ မြန်မာ့ဓလေ့ရိုးရာများကို ပြည်ပနေ မျိုးဆက်သစ်များသိရှိနိုင်ဖို့ ကြားညှပ်တင်ဆက် ထားပေးကြောင်း ပွဲစီစဉ်သူများက ပြောပါတယ်။
မြန်မာ့ဝတ်စုံများနဲ့ မြန်မာမှုတင်ဆက်တိုင်းမှာ ပွဲလာ ကနေဒီးယမ်းများ အထူးနှစ်ခြိုက်တာတွေ့ ရပြီး မှတ်တမ်းဓာတ်ပုံများလဲ ရိုက်ယူကြတာတွေ့ ရပါတယ်။ ဒါဟာ မြန်မာ့ရိုးရာရဲ့ သိမ့်မွေ့ ခြင်း၊မြူးကြွခြင်းများကို လူမျိုးခြားတွေတောင် သဘောကျကြောင်း ထင်ရှားစေတဲ့ အချက်ပါပဲ။
“ကျနော်တို့ က ပြည်ပမှာ မွေးကြီးပြင်းရတဲ့ မြန်မာကလေးတွေကို အမျိုးသားရေး စိတ်ဓာတ်ထည့်ပေးနိုင်ရမယ်။ အမျိုးသားရေးစိတ်မပျောက်ဖို့ ဆိုတာ ကိုယ်ရိုးရာ၊ ယဉ်ကျေးမှုတွေကို ကလေးတွေ ချစ်ခင်မြတ်နိုးတတ်မှလေ။ ဒါကြောင့် ဒီနှစ်က စပြီး မျိုးဆက်သစ်တွေကို အစားထိုး ဦးစားပေးမှုတွေ လုပ်ခဲ့တာပဲ၊ နောင်နှစ်တွေမှာ ဒီထက် ပိုပြီး သူတို့ တွေကို ဦးစားပေးတွဲခေါ်သွားမယ်။ ဒီလိုလုပ်ပေးနိုင်ခဲ့ရင် မြန်မာပြည်ကို ချစ်တဲ့စိတ် ရှိလာမယ်။ တချိန်မှာ မြန်မာပြည်ကို ပြန်အကျိုးပြုချင်မယ့်ကလေး တွေ ဖြစ်လာလိမ့်မယ် ယုံကြည်တယ်”လို့  စီစဉ်သူတဦးဖြစ်သူ ကိုတင်နွယ်က ပြောပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
