ဆရာကြီး ဦးဝင်းတင် နှင့် လက်ပွန်းတတီး နေနုိုင်ကြပါစေ
ဓမ္မဘေရီအရှင်ဝီရိယ(တောင်စွန်း)၊ ဧပြီ ၂၆၊ ၂၀၁၄
မြတ်စွာဘုရား ပရိနိဗ္ဗာန်ပြုတော့မယ်လို့ ဆုံးဖြတ်လိုက်ပြီ (အာယုသင်္ခါရလွှတ်ပြီ)ဆုိုတာ သိရတော့ အရှင်အာနန္ဒာက “ဘုရားရှင် မရှိတော့ရင်တော့ တပည့်သာဝကတွေ အားလုံး ခိုကိုးရာမဲ့ ဖြစ်သွားကြ လိမ့်မယ်”လုို့ လျှောက်ထားပြီး ပရိနိဗ္ဗာန်ပြုဖုို့ ဆုံးဖြတ်ချက်ကုို ပြန်လည်ရုပ်သိမ်းပေးဖုို့ တောင်းပန်ပါတယ်။
ဘုရားရှင်က “အာနန္ဒာ … ငါဘုရားရှင် သင်တုို့အတွက် လေးဆယ့်ငါးဝါလုံး ဟောကြားခဲ့တဲ့ ဓမ္မက္ခန္ဓာတွေကုို ငါဘုရားရှင်ကုိုယ်စား သင်တုို့ရဲ့ဆရာအဖြစ် ခံယူကျင့်သုံးနေရစ်ကြ”လုို့မိန့်ကြားတော်မူ ပါတယ်။ ဘုရားတစ်ဆူ ပရိနိဗ္ဗာန်ပြုသွားပေမယ့် ကုိုယ်စားတော်ပေါင်း ရှစ်သောင်းလေးထောင် ကျန်ရစ်တယ်လုို့ ဆုိုလုိုတာပါ။
၂၁-၄-၂၀၁၄ နေ့က မြန်မာပြည်သူအပေါင်းတုို့ရဲ့ ဒီမုိုကရေစီ မီးရှူးတန်ဆောင်ကြီးဖြစ်တဲ့ သတင်းစာ ဆရာကြီး ဟံသာဝတီ ဦးဝင်းတင် ဘ၀ဟောင်းမှ ဘ၀သစ်သုို့ ပြောင်းသွားပါတယ်။ ကျန်ရစ်တဲ့ ဒီမုိုကရေစီ လုိုလားသူ အားလုံးရဲ့ ရင်ထဲမှာ ဒီမုိုကရေစီရေးအတွက် အားထားကုိုးကွယ်ရာ ပုဂ္ဂိုလ်ကြီး ဆုံးရှုံးသွားပြီလုို့ ခံစားပြီး ၀မ်းနည်း ကြေကွဲ မဆုံး ခံစားကြရမှာလည်း သေချာပါတယ်။
ဒါပေမယ့် ဆရာကြီး ပြောဆုို၊ ရေးသားခဲ့တဲ့ လမ်းညွှန်ချက်တွေ၊ လုပ်ဆောင်နေထုိုင်သွားခဲ့တဲ့ စံနမူနာကောင်းတွေကတော့ အများကြီးပဲ ကျန်ရစ်ပါတယ်။ “ဘယ်လောက်လဲ”လုို့ အရေအတွက် အတိအကျ မပြောနုိုင်ပေမယ့် အများကြီးပါ။ ဆရာကြီး တစ်ယောက် ဘ၀သစ်ကူးသွားပေမယ့် ကုိုယ်စားတွေ အများကြီး ကျန်ရစ်ပါသေးတယ်။
——————–
မြတ်စွာဘုရားလက်ထက်တော်တုန်းက ဘုရားရှင်ကုို အလွန်ကြည်ညိုတဲ့ ရဟန်းတစ်ပါးရှိတယ်၊ “ရှင်ဝက္ကလိ”တဲ့။ အဲဒီပုဂ္ဂိုလ်က ဘုရားရှင်ကုို ဘယ်လောက်ထိ ကြည်ညိုသလဲဆုိုရင် စက္က၀က်ငှက်များဟာ လမင်းကြီးသာနေတာကို ကြည့်နေရရင် အိပ်ဖုို့မဆုိုထားနဲ့ မျက်လုံးကုိုတောင် လုံးဝမမှိတ်ဘဲ မပြတ်ကြည့်နေသလုို ဒီအရှင်ကလည်း ဘုရားရှင်မျက်နှာတော်ကုိုသာ ကြည့်နေရရင် မမှိတ်သော မျက်လုံးနဲ့ မပြတ်ကြည့်နေလုိုတယ်လုို့ ဆုိုပါတယ်။ တကယ်လည်း မပြတ်ကြည့်နေတတ်ပါသတဲ့။
အဲဒီ ရှင်ဝက္ကလိကုို ဘုရားရှင် မိန့်ကြားဆုံးမတော်မူတာကတော့ “ ၀က္ကလိ ငါဘုရား ဆုံးမညွှန်ကြား ချက်တုို့ကို မတိမ်းမစောင်း မဆန့်မကျင် လုိုက်နာကျင့်သုံးနေသူဟာ ငါဘုရားရှင်နဲ့ ဝေးကွာတဲ့အရပ်မှာ နေသည်ပဲဖြစ်စေ၊ ငါဘုရားရှင် ပရိနိဗ္ဗာန်စံလွန်တော်မူပြီးတဲ့ နောက်ကာလတွေမှာပဲ ဖြစ်စေ ငါဘုရားရှင်နဲ့ အမြဲမပြတ် တွေ့ဆုံနေရသူဖြစ်တယ်။
ငါဘုရားရှင် ညွှန်ကြားဆုံးမချက်တွေကုို မလုိုက်မနာ ဆန့်ကျင်နေခဲ့ရင်တော့ သက်တော်ထင်ရှား ငါဘုရားကို တစိမ့်စိမ့်ကြည့်နေပေမယ့် ငါဘုရားရှင်နဲ့ အဝေးကြီး ဝေးကွာနေသူပဲ ဖြစ်တယ်”တဲ့။
ဟုတ်ပါတယ်၊ ဘုရားရှင် သက်တော်ထင်ရှားရှိစဉ်က ဘုရားရှင်ရဲ့ အယူဝါဒကုို ဆန့်ကျင်နေကြတဲ့ တိတ္ထိကြီးတွေလုို့ခေါ်တဲ့ ဂုိုဏ်းဆရာကြီး ခြောက်ဦးနဲ့ နောက်လုိုက် နောက်ပါတွေဟာ ဘုရားရှင် သီတင်းသုံးတဲ့ ရာဇဂြိုဟ်ဝန်းကျင်မှာပဲ နေကြပြီး ဘုရားရှင်ကုို တွေ့မြင်နေကြရပေမယ့် ဘုရားရှင်နဲ့ အဝေးကြီးဝေးကွာနေရုံမက ဘ၀ချင်းကုို အဝေးကြီး ခြားနားနေကြပါတယ်။
———————-
ဆရာကြီး ဦးဝင်းတင် ဘ၀တစ်ပါး ပြောင်းသွားပြီးတဲ့နောက် ဆရာကြီး အသက်ထင်ရှားရှိစဉ်က ဆရာကြီးနဲ့ တွေ့ဆုံပြီး ဆရာကြီးရဲ့ လမ်းညွှန်စကားတွေ၊ ဗဟုသုတတွေ၊ ပညာရပ်တွေကုို ကြားနာခွင့် ရကြသူတွေက သူတုို့ အတွေ့အကြုံတွေကုို ပြန်လည်ပြောပြတဲ့အခါ ကြားနာရတဲ့ လူ(အထူးသဖြင့် လူငယ်)တွေက “တုို့တတွေ ဆရာကြီးနဲ့ လက်ပွန်းတတီး မနေခဲ့ရတာ နာတယ်”လုို့ စိတ်ထဲမှာ အားမလုို အားမရ ခံစားရသူတွေ ရှိကြမှာပါ။
အမှန်ကတော့ ဆရာကြီး သက်ရှိ ထင်ရှားရှိစဉ်က တွေ့ဆုံခွင့်ရကြသူတွေထဲမှာလည်း ဆရာကြီးရဲ့ ခံယူချက်၊ လမ်းညွှန်ချက်တုို့ကုို ဖီလာဆန့်ကျင်နေသူတွေအဖို့ ဆရာကြီးကုို တွေ့မြင်၊ အချို့ဆုိုရင် တစ်ဝင်းတစ်ဝုိုင်းတည်းမှာ နှစ်ပေါင်း(၂၀)လောက် ဆရာကြီးနဲ့ စကားပြောဆုို မေးမြန်းခွင့်ရကြပေမယ့် ဆရာကြီးနဲ့ ဘ၀ပေါင်းများစွာ ခြားနားပြီး အဝေးကြီး ဝေးနေကြတာပါ။
တကယ်ပဲ ပြည်သူတွေအနေနဲ့ ဆရာကြီး ဦးဝင်းတင်နဲ့ ဘ၀မခြား လက်ပွန်းတတီးနေလုိုတဲ့ ဆန္ဒအစစ်အမှန်ရှိတယ်ဆုိုရင် ခုအထိရော၊ နောက်နောင်ရော ဒီအခွင့်အရေး မဆုံးရှုံးသေးပါဘူး။ ရှင်ဝက္ကလိကုို ဘုရားရှင်ဟောညွှန်ဆုံးမတော်မူတဲ့အတိုင်း ဆရာကြီးရဲ့လမ်း ရည်မှန်းချက်ပန်းတုိုင်နဲ့ လမ်းညွန်အသိပေးခဲ့တာတွေ၊ ကုိုယ်တုိုင်သရုပ်ဆောင်ပြသွားတဲ့ စံနမူနာကောင်းတွေအတုိုင်း လုိုက်နာကြိုးစား ကျင့်သုံးနေကြသူတုိုင်းဟာ ဆရာကြီးနဲ့ ဘ၀မခြား ထာဝရ လက်ပွန်းတတီးနေထုိုင်ခွင့်ရသူ စစ်စစ်တွေ ဖြစ်ကြမှာပါ။
ဘုရားရှင် ပရိနိဗ္ဗာန်ပြုသွားတယ်ဆုိုတာ ဘုရားရှင်တုို့ ကွယ်လွန်သွားတာ မဟုတ်ပါဘူး။ ဘုရားရှင်ရဲ့ အဆုံးအမတွေ မတိမ်ကော မပျောက်ပျက်အောင် ထိန်းသိမ်းထမ်းဆောင်၊ လုိုက်နာကျင့်သုံးနေကြတဲ့ တပည့်သာဝကတွေ ရှိနေသမျှ ဘုရားရှင် မကွယ်လွန်ပါဘူး။ သာသနာ နေလုို လလုို အဓွန့်ရှည်ကြာ ထွန်းလင်း ထင်ရှားရှိနေတာဟာ ဘုရားရှင် မကွယ်မပ ထွန်းလင်း ထင်ရှားရှိနေခြင်းရဲ့ သင်္ကေတာပါ။
ဆရာကြီး ဦးဝင်းတင်လည်း ဘ၀ဟောင်းမှ ဘ၀သစ်သုို့ ကူးပြောင်းသွားတယ်ဆုိုတာ ကွယ်လွန်သွား တာ မဟုတ်ပါဘူး။ သူ့ရဲ့ လမ်းညွှန်ချက်တွေ၊ ရည်မှန်းချက်တွေ လုပ်ဆောင်ကျင့်သုံးချက်တွေအတုိုင်း တက်ညီ လက်ညီ ကြိုးစားကျင့်သုံးနေသူတွေ ရှိနေသမျှ ဒီလူတွေနဲ့အတူ ဆရာကြီး အမြဲရှိနေပါတယ်။ ဒီလုို တပည့်ကောင်းတွေဟာ ဆရာကြီးနဲ့ လက်ပွန်းတတီးနေခွင့် ရနေသူတွေဖြစ်သလုို သူတုို့ရဲ့ ကြိုးစားမှုရလဒ်အဖြစ်နဲ့ ဒီမုိုကရေစီခေတ်စစ်စစ်ကြီး ထွန်းလင်းထင်ရှားလာပြီဆုိုရင်တော့ ဒါဟာ ဆရာကြီး ဦးဝင်းတင် ထွန်းလင်းထင်ရှားရှိနေခြင်းရဲ့ သင်္ကေတလုို့ ဆုိုရမှာ မလွဲပါဘူး။
ပြည်သူအားလုံး ဆရာကြီး ဦးဝင်းတင်နဲ့ လက်ပွန်းတတီး နေနုိုင်ကြပါစေ ….။
ဆရာကြီး ထွန်းလင်းထင်ရှား ရှိနေကြောင်း အမြန်ဆုံး သိသာ မြင်သာပါစေ ….။
သိသာမြင်သာ ထွန်းလင်းထင်ရှားမှု အဓွန့်ရှည်ကြာ တည်တံ့ပါစေ ….။
ဓမ္မဘေရီ အရှင်ဝီရိယ(တောင်စွန်း)
၂၄-၄-၂၀၁၄
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
