ေ ရး သူ – တ င် မိုး
☆ သူသာရှိလျှင်
သူ၏ပြည်ဖွား ဆင်းရဲသားတို့
ဝတ်စားနေမှု ကျန်းမာမှုနှင့်
သိမှုတတ်မှု ယဉ်ကျေးမှုကို
ဂရုစိုက်မည် စောင့်ရှောက်မည်ဟု
ပြည်သူတိုင်းက ယုံကြည်ကြ၏။
☆ သူသာရှိလျှင်
သူ၏ဥာဏ်စွမ်း ကိုယ့်အစွမ်းသည်
သူ့ဝမ်းသူ့ခါး သူ့မယားနှင့်
သူ့သားတွက်ပေ မဟုတ်လေဘဲ
သူနေထိုင်သည် သူ့တိုင်းပြည်တွက်
သူ့ပြည်နေရာ သူ့ကမ္ဘာတွက်
မေတ္တာဓါတ်ခံ အပင်သန်လျက်
အားမာန်ထုတ်မည် ဦးဆောင်မည်ဟု
ပြည်သူတိုင်းက ယုံကြည်ကြ၏။
☆ သူသာရှိလျှင်
သူ၏ပြည်အား ကျူးစော်ကားက
အသားအသွေး သက်စတေးလျက်
ပြည်ရေးဆောင်မည် ကာကွယ်မည်ဟု
ပြည်သူတိုင်းက ယုံကြည်ကြ၏။
☆ သူသာရှိလျှင်
သူ၏ပြည်တွင်း တစ်တွေးချင်းသို့
စစ်ခင်းသည့်ပွဲ ပြီးပြတ်စဲဖို့
လက်တွဲလက်ချိတ် ညီနောင်စိတ်ဖြင့်
ပွဲတိတ်စေမည် ဖြေရှင်းမည်ဟု
ပြည်သူတိုင်းက ယုံကြည်ကြ၏။
☆ အရုဏ်တတ်တွင် တိုက်ပွဲဝင်ခိုက်
သူလျှင်ကျဆုံး တစ်ပြည်လုံးက
ယူကျုံးမရ ဖြစ်ခဲ့ရလည်း
သူကရှေ့ဆောင် မီးတန်ဆောင်သည်
ထွန်းပြောင်နေဘိ လင်းတုန်းရှိ၍
သူ၏ကိုယ်စား သူ့စိတ်ထားက
ညွှန်ကြားလိမ့်မည် ခေါင်းဆောင်မည်ဟု
ပြည်သူတိုင်းက ယုံကြည်ကြ၏။ ။
– တင်မိုး
(၁၁-၁၂-၁၉၆၅)
☆ အမျိုးသားခေါင်းဆောင်ကြီး ဗိုလ်ချုပ်အောင်ဆန်း ၉၉ နှစ်ပြည့်|နှစ် ၁၀၀ အကြိုရာပြည့် မွေးနေ့မင်္ဂလာ အမှတ်တရဂုဏ်ပြုကဗျာ ☆
သရုပ်ဖော် ဂရပ်ဖစ်ကိုမျိူး
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
