ရသဆောင်းပါးစုံ သတင်းဆောင်းပါး ခေတ်ပြိုင်အတွေ့အကြုံ ဒေါက်တာခင်မောင်ဝင်း (သချာင်္)

နိုင်ငံလုံးဆိုင်ရာ ပညာရေးညီလာခံ တက်ရောက်ခဲ့သည့်အတွေ့အကြုံ ဒုတိယပိုင်း

နိုင်ငံလုံးဆိုင်ရာ ပညာရေးညီလာခံ တက်ရောက်ခဲ့သည့်အတွေ့အကြုံ ဒုတိယပိုင်း

ဒေါက်တာခင်မောင်ဝင်း (သင်္ချာ)၊ ဇန်န၀ါရီ ၁၇၊ ၂၀၁၄

            နိုင်ငံလုံးဆိုင်ရာ ပညာရေးညီလာခံသို့ ကျွန်တော်နှင့် ကျွန်တော့်ဇနီးတက္ကသိုလ်ရွှေရီဝင်းတို့အား ဖိတ်ကြားသည့်အတွက် သွားရောက်ခဲ့ပါသည်။ ကျွန်တော်တို့ သွားရောက်ခဲသည့် ရည်ရွယ်ချက်မှာ တက်ရောက်သည့် ပညာရှင်များ၏ အဆိုအမိန့်များကို မှတ်သား၊ လေ့လာရန်ဖြစ်ပါသည်။ ဤဆောင်ပါး တွင် ကျွန်တော်မှတ်သားရရှိခဲ့သ၍ကို ပြန်လည်တင်ပြရန် ဖြစ်ပါသည်။

            ပထမပိုင်းကို ယခင်အပတ်က [Vol (2) No (26)] တွင် တင်ပြခဲ့ပါသည်။ ယခု ဒုတိယပိုင်းကို ဆက်လက်တင်ပြပါမည်။ ဤကဲ့သို့ တင်ပြရာတွင် သတိထားရမည့်အချက်တစ်ခုကို သတိပြုမိပါသည်။ ၄င်းမှာ တက်ရောက်သူ ပညာရှင်များ၏ ပြောဆိုချက်များကို အရင်းအတိုင်းတင်ပြမည်ဖြစ်သောကြောင့် တိကျမှန်ကန်ဖို့ကို အထူးဂရုစိုက်ရပါသည်။ ဤနေရာတွင် အချို့သော စကားလုံးများကို ကောင်းစွာ မကြား ရသဖြင့် ပြန်လည်တင်ပြရာတွင် အမှားအယွင်းရှိမည်စိုး၍ ချန်ခဲ့ရသော အရာများရှိပါသည်။ အကယ်၍ အခွင့်သာခဲ့လျှင် လိုက်လံမှတ်သားထားသော အရာများကို ပြောသူအား ပြန်လည်၍ မေးသင့်ပါသည်။ ထို အခွင့်အရေးကို ဆရာတော်ဒေါက်တာ အရှင်ဓမ္မပီယနှင့် ရရှိခဲ့သလို NLD နာယက ဦးတင်ဦးနှင့် ရရှိခဲ့ပါ သည်။ ဆရာမကြီး ဒေါ်မြင့်မြင့်ခင် အား မေးရန်ကြိုးစားသော်လည်း ဆရာမကြီးက သူရေးမည့်ဆောင်းပါးကို စောင့်ဖတ်ရန်သာ ပြောကြားပြီးထွက်ခွာသွားပါသည်။ ကျွန်တော်က တောင်းတောင်းပန်ပန်ဖြင့် လိုက်မေး သောအခါ stick holder ဟူသော စကားလုံးကို ရရှိခဲ့ပါသည်။ သို့သော် အချို့က ကျွန်တော်နားကြားလွဲ ခြင်း ဖြစ်သည်။ stick holder မဟုတ်။ state holder ဟုပြောကြပါသည်။ ဘယ်ဟာမှန်သည်ကို မသိပါ။

            ဤကဲ့သို့ တွေဝေနေစဉ် ဇွန်လ (၂၀)ရက်နေ့ထုတ် ပြည်သူ့ခေတ်ဂျာနယ်တွင် ဆရာမကြီး ဒေါက်တာ ဒေါ်မြင့်မြင့်ခင်နှင့် သွယ်သွယ်မျိုးညွန့်တို့ တွေ့ဆုံမေးမြန်းခန်းတွင် ဤသို့ဖတ်လိုက်ရပါသည်။ ဆရာမကြီး က ပညာရေးညီလာခံတွင် ပြောသွားခဲ့သော အချက်ဆယ်ချက်ထဲမှ နံပါတ် (၄)တွင် stake holder အမျိုးသား ပညာရေး seminar တွင် ပါဝင်သင့်သူများ လုပ်ငန်းရှင်များ ဟူ၍ပါရှိခဲ့ပါသည်။

            ညီလာခံကို ၂၀၁၃ဇွန်လ (၈)ရက်နှင့် (၉)ရက်တွင်ရန်ကုန်မျက်မမြင်ကျောင်း (ခ၀ဲခြံ) တွင် ပြုလုပ်ခဲ့ ပါသည်။ နံနက် ၈း၃၀ မှ ညနေ ၅ နာရီထိ ပြုလုပ်ခဲ့ပါသည်။ ကျွန်တော်တို့သည် ပထမနေ့တွင် နံနက် ၈း၃၀ မှ နေ့လည် ၁၂နာရီအထိ၊ ဒုတိယနေ့တွင် နေ့လည် ၁၂ နာရီ မှ ညနေ သုံးနာရီအထိ သာ တက်ရောက် ခဲ့ပါသည်။ သို့သော် ညီလာခံတွင် ဝေငှသော စာရွက်စာတမ်းများကိုတော့ ရနိုင်သလောက် ယူခဲ့ပါသည်။ ကျွန်တော်တို့နှစ်ဦးမှတ်ခဲ့သော မှတ်စုများနှင့် ညီလာခံတွင် ဝေငှသော စာရွက်စာတမ်းများထဲ မှ ရသလောက်ကို ရေးသားတင်ပြခြင်းဖြစ် ပါသည်။

            အစီအစဉ်အရ အဖွင့်အမှာစကားများ ပြောကြားကြပါသည်။ ယင်းအဖွင့်အမှာစကားများကို အရင် ဆောင်းပါးတွင် ရေးသားတင်ပြပြီး ဖြစ်ပါသည်။ ၉း၄၀ မှ ၁၁း၀၀ နာရီတွင် ပညာရေးကဏ္ဍအလိုက် အဖွဲ့ခွဲ များခွဲ၍ ဆွေးနွေးကြပါသည်။ နေ့လည်စာ သုံးဆောင်ပြီးသည့် နောက်တွင် အဖွဲ့ပေါင်း (၁၃)ဖွဲ့ ဖွဲ့၍ ဆွေးနွေး ကြပါသည်။ တက်ရောက်သူများသည် သူတို့ကြိုက်ရာအဖွဲ့တွင် လိုက်လံ၍ ဆွေးနွေးနိုင်ကြပါ သည်။ ယင်းအဖွဲ့ (၁၃) ဖွဲ့မှာ အောက်ပါအတိုင်းဖြစ်ပါသည်။ ပညာရေးညီလာခံတွင် ဆွေးနွေးမည့် ခေါင်းစဉ်များ

၁။        ကလေးသူငယ်များ၏ ရှေးဦးသင်ပညာရေး

၂။        မသင်မနေရ အခြေခံပညာရေး (မူလတန်း နှင့် အလယ်တန်း)

၃။        အခြေခံအထက်တန်းပညာရေး

Ø  တက္ကသိုလ်အကြို အထက်တန်းပညာရေး

Ø  အခြေခံ အသက်မွေးဝမ်းကြောင်း ပညာရေး

၎။အဆင့်မြင့်မားရေး

            -တက္ကသိုလ်ပညာရေး

            -အဆင့်မြင့်အသက်မွေးဝမ်းကျောင်းပညာရေး

၅။        ကျောင်းပြင်ပ ပညာရေး

၆။        ပုဂ္ဂလိကျောင်းနှင့် ပုဂ္ဂလိကတက္ကသိုလ်များ

၇။        ဘုန်းတော်ကြီးသင်ကျောင်းများ

၈။        ဘာသာရေးအဖွဲ့အစည်းများမှ ဖွင့်လှစ်သည့်ကျောင်းများ

၉။        အစိုးရမဟုတ်သော အဖွဲ့အစည်းများမှ ဖွင့်လှစ်သည့်ကျောင်းများ

၁၀။      ဆရာ၊ ဆရာမများ၏ ကဏ္ဍ

၁၁။      အထူးလိုအပ်ချက်ရှိသော ကလေးများ၏ ပညာရေး (Special Education Needs)

၁၂။      တိုင်းရင်းသားဘာသာစကား သင်ကြားရေး

၁၃။      စစ်ပြေးဒုက္ခသည် ကလေးများနှင့် ရွှေ့ပြောင်းကလေးများ၏ ပညာရေး

            ကျွန်တော်တို့သည် ဆရာ၊ ဆရာမများ၏ ကဏ္ဍအဖွဲ့တွင် သွားရောက်၍ နားထောင်ကြပါသည်။ ညီလာခံတက်ရောက်သူများထဲတွင် တက္ကသိုလ်အသီးသီးမှ ပါမောက္ခများကို တွေ့ခဲ့သော်လည်း ကျွန်တော် တို့တက်ရောက်သောအဖွဲ့တွင် ၄င်းတို့ကို မတွေ့ခဲ့ပါ။ သူတို့သည် အဆင့်မြင့်ပညာရေးနှင့် အခြားအဖွဲ့ များတွင် တက်ရောက်ဆွေးနွေးနေကြသည်ဟု ထင်ပါသည်။ ကျွန်တော်တို့အနေဖြင့် ကျွန်တော်တို့တက် ရောက်ခဲ့သော အဖွဲ့အကြောင်းကိုသာ အနည်းငယ်ပြန်လည် ပြောနိုင်မည်ဖြစ်ပါသည်။ အနည်းငယ်ဟုဆိုရ သောအကြောင်းမှာ အခန်း၏ အခြေအနေကြောင့် ပြောကြားချက်များကို ကောင်းကောင်းမကြားရသော ကြောင့် ဖြစ်ပါသည်။

            ဆရာ၊ ဆရာမများ၏ အခန်းကဏ္ဍအဖွဲ့တွင် ထိုနေ့က ဆွေးနွေးသော အကြောင်းအရာမှာ ဆရာ၊ ဆရာမများ၏ အရည်အချင်းနှင့်ပတ်သက်ပါသည်။ ဤနေရာတွင် ဆရာ၊ ဆရာမများအတွက် ပညာရေးဘွဲ့ သည် မည်မျှအရေးပါသည်။ မပါသည်ကို အဖက်ဖက်မှဆွေးနွေးကြသည်ကိုကြားရပါသည်။

အစီအစဉ်အရထို(၁၃)ဖွဲ့သည်ခမ်းမကြီးထဲတွင်ပြန်လည်စုဝေးပြီးတစ်ဖွဲ့ချင်းဆီမှဆွေးနွေးချက်များကို ပြန်လည်တင်ပြ၍ တက် ရောက် သူများကလည်း ဆွေးနွေးခွင့်ရရှိခဲ့ပါသည်။ ထိုအကြောင်းကို နောင်တွင် ရေးသားတင်ပြပါမည်။

ဒေါက်တာခင်မောင်ဝင်း (သင်္ချာ)

Academic Weekly Educational Journal Vol2 N0.37


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Similar Posts