မှတ်စုမှတ်တမ်း သတင်းဆောင်းပါး အခန်းဆက်များ

ကြံ့ဖွံ့၏ နိုင်ငံခြားရင်းနှီးမြုပ်နှံမှုဥပဒေကို ဝေဖန်သုံးသပ်ခြင်း အပိုင်း (၂) (U Myo (Law))

ကြံ့ဖွံ့၏ နိုင်ငံခြားရင်းနှီးမြုပ်နှံမှုဥပဒေကို ဝေဖန်သုံးသပ်ခြင်း အပိုင်း (၂)

ဦးမျိုး (ဥပဒေ)၊ ဇန်န၀ါရီ ၉ ၊ ၂၀၁၃

အပိုင်း (၂ )

         နိုင်ငံခြား ရင်းနှီးမြှုပ်နှံမှု ဥပဒေ (ဥပဒေ အမှတ် -၂၁/ ၂၀၁၂) ၊ အခန်း(၅) ရင်းနှီးမြှုပ်နှံမှု ပုံစံ ၊ ပုဒ်မ ၉ ။      ။ ရင်းနှီးမြှုပ်မှုကို အောက်ပါပုံစံ တစ်ခုခုဖြင့် ပြုလုပ်ဆောင်ရွက်နိုင်သည်-

            (က) ကော်မရှင်က ခွင့်ပြုသော လုပ်ငန်းများ၌ နိုင်ငံခြားသားက နိုင်ငံခြား မတည်ငွေရင်း ရာခိုင်နှုန်း အပြည့်ဖြင့် ပြုလုပ်ခြင်း၊

         (ခ) နိုင်ငံခြားသားနှင့် နိုင်ငံသား သို့မဟုတ် သက်ဆိုင်ရာ အစိုးရဌာန၊ အဖွဲ့အစည်းတို့ ဖက်စပ်ပြုလုပ်ခြင်း၊

            (ဂ) နှစ်ဦး နှစ်ဖက် သဘောတူသော ပဋိညာဉ် စာချုပ်ပါ စနစ်တစ်ခုခုဖြင့် ဆောင်ရွက်ခြင်း၊

            -ဟူ၍ ပြဋ္ဌာန်းထားပါသည်။

            ကော်မရှင်က ခွင့်ပြုသည်ဖြစ်စေ နိုင်ငံခြားသားက နိုင်ငံခြား မတည်ငွေရင်း ရာခိုင်နှုန်း အပြည့်ဖြင့် ပြုလုပ်ခြင်း ကို ၂၀၀၈ ခုနှစ် ဖွဲ့စည်းပုံ အခြေခံဥပဒေက ခွင့်ပြုထားခြင်းမရှိပါသဖြင့် ဤပုဒ်မ ၉(က) ကို ပြန်လည် စစ်ဆေးပေးပါရန် နိုင်ငံတော် ဖွဲ့စည်းပုံ အခြေခံဥပဒေဆိုင်ရာ ခုံရုံးသို့ တင်ပြအဆုံးအဖြတ် ခံယူသင့်ပါသည်။ရာခိုင်နှုန်း အပြည့်ဖြင့် ပြုလုပ်ခြင်း အစား ရာခိုင်နှုန်း အတိအကျကို ဖွဲ့စည်းပုံ အခြေခံဥပဒေတွင် ထည့်သွင်းပြဋ္ဌာန်းပေးရန် လိုအပ်ပါသည်။

ဤ ဥပဒေ ပုဒ်မ ၁၀ (က) (၃) တွင်” ပုဒ်မ ၉ အရ ရင်းနှီးမြှုပ်နှံမှုပုံစံ ဖွဲ့စည်းရာတွင်- နိုင်ငံခြားသားက ရင်းနှီးမြှုပ်နှံမှု ပြုလုပ်ရာတွင် လုပ်ငန်းကဏ္ဍအလိုက် အနည်းဆုံး ရင်းနှီး မြှုပ်နှံရမည့် ပမာဏ ကို ကော်မရှင်က လုပ်ငန်းသဘာဝ အပေါ်မူတည်၍ ပြည်ထောင်စု အစိုးရ အဖွဲ့၏ သဘောတူ ခွင့်ပြုချက် ရယူ သတ်မှတ်ပေးရမည်။” ဟု ပြဋ္ဌာန်းချက်မျိုးဖြင့် သက်ဆိုင်ရာ အစိုးရ အဆက်ဆက် လာဘ်ပေး လာဘ်ယူပြုလုပ် အကျင့်ပျက်ချစားကာ တိုင်းပြည်ရောင်းစားနိုင်ရန် သမ္မတ ဦးသိန်းစိန်ကိုယ်၌က ခွင့်ပြုလာသည် ဆိုပါလျှင် န အ ဖ စစ်အစိုးရ လက်ထက်က အကျင့်ပျက်ချစားခဲ့သည့် အမှုပေါင်းအားလုံးကို ဖော်ထုတ် အရေးယူသင့်ပါသည်။

အစိုးရ အဆက်ဆက်သည် ဖွဲ့စည်းပုံ အခြေခံ ဥပဒေ၏ အောက်တွင်သာ ဥပဒေကို လိုက်နာရသည်ကို သတိကြီးကြီး ထားရန် လိုပါသည်။ စစ်အုပ်စု ကြံဖွံ့အစိုးရ အာဏာရထားသည်ဆိုယုံမျှဖြင့် ဥပဒေကို စစ်အုပ်စု ကြိုက်သလို ရေးဆွဲသည့် အကျင့်စရိုက်ဆိုးများကို လုံးဝစွန့်ပစ်သင့်ပါသည်။ အဘယ်မှာ အစိုးရကောင်း တရပ်ကို ဤဥပဒေဖြင့် အကောင်အထည် ဖော်နိုင်ပါမည်နည်း။

ဤပုဒ်မ များအား ချက်ခြင်း ပယ်ဖျက်ပြီး ဖွဲ့စည်းပုံ အခြေခံဥပဒေတွင် ထည့်သွင်းပြဋ္ဌာန်း ပြီးမှသာလျှင် ဤကဲ့သို့ အထူးဥပဒေများတွင် ထည့်သွင်း ပြဋ္ဌာန်းသင့်ပါသည်။ တိုင်းပြည် ယနေ့ကဲ့သို့ မွဲပြာကျသည့် အချိန်အခါတွင် သူခိုးပေါက်ကိုဖွင့်ထားခြင်းမျိုးကို လုံးဝရှောင်ရှားသင့်ပါသည်။ လာဘ်စားမှု ဖြင့် သေတွင်းပို့ခံရမည့်ဘေးမှ လွတ်ကင်းစေသင့်ပါသည်။

တိုင်းပြည် ပြာကျမီးလောင်နေချိန်တွင် တယောထိုးကောင်းတုန်း၊ ခိုးကောင်းတုန်းဆိုလျှင် နီရိုး ဘုရင်ကြီးဘွဲ့ကို ဤဥပဒေ တပုဒ်တည်းဖြင့် ရရှိသွားနိုင်ပါသည်။ ခရိုနီခေါ် အာဏာကပ်ပါး စီးပွားရေးဓါးပြများဖြင့် နိုင်ငံတကာ လှည့်ပြနေသည့် သမ္မတ ဦးသိန်းစိန်၏ ရုပ်ပုံကားချပ်အားလုံးကို လွှတ်တော်ခန်းမ ရှေ့မျက်နှာစာတွင် ဆိုက်ကြီးကြီးဖြင့် ကြော်ငြာကပ်ထား သင့်ပါသည်။ ရှက်ဖွယ် လိလိ။ နိုင်ငံတကာ အလယ်တွင် အရှက်ရှိရန်လိုပါသည်။ အရှက်ရှိမှ တိုင်းပြည်အသက် ရှင်နိုင်ပါမည်။

            တဆက်တည်း ပုဒ်မ ၁၀(က)(၄) တွင်” ပုဒ်မ ၉ အရ ရင်းနှီးမြှုပ်နှံမှု ပုံစံ ဖွဲ့စည်းရာတွင်- နိုင်ငံခြားသားသည် တားမြစ်သည့် လုပ်ငန်း၊ ကန့်သတ်သည့် လုပ်ငန်းများကို နိုင်ငံသားနှင့် ဖက်စပ် လုပ်ကိုင်ပါက နိုင်ငံခြား မတည်ငွေရင်း အချိုးကို နည်းဥပဒေဖြင့် ပြဋ္ဌာန်းထားသည့် အချိုးအတိုင်း အဆိုပြုနိုင်သည်။” ဟုလည်းပြဋ္ဌာန်းထားပါသည်။ နည်းဥပဒေ ဖြင့် နိုင်ငံခြား မတည်ငွေရင်း အချိုးကို ပြဋ္ဌာန်းမည်ဟု ဖော်ပြချက်မှာ နိုင်ငံ၏ ဖွဲ့စည်းအုပ်ချုပ်ပုံ ဥပဒေကို ပစ်ပယ်ထားရာ ကျပါသည်။ ယခုနည်းဥပဒေ ပြဋ္ဌာန်းချက်များ ပေါ်ထွက်လာခြင်း မရှိသေးသည့် အခြေအနေ အချိန်အခါတွင် အလျင်အမြန် ဤပုဒ်မအား ပြန်လည်ပြင်ဆင်ပြဋ္ဌာန်းသင့်ပါသည်။

 အခန်း(၂၀) အထွေထွေ၊ ပုဒ်မ ၅၆ တွင် ”ဤဥပဒေပါ ပြဋ္ဌာန်းချက်များကို အကောင်အထည်ဖော် ဆောင်ရွက်ရာတွင် –

(က) အမျိုးသား စီမံကိန်း နှင့် စီးပွားရေး ဖွံ့ဖြိုးတိုးတက်မှု ၀န်ကြီးဌာန ပြည်ထောင်စု အစိုးရအဖွဲ့၏ သဘောတူညီချက်ဖြင့် လိုအပ်သော နည်းဥပဒေ၊ စည်းမျဉ်း၊ စည်းကမ်း၊ လုပ်ထုံးလုပ်နည်း၊ အမိန့်၊ အမိန့်ကြော်ငြာစာနှင့် ညွှန်ကြားချက်များကို ဤဥပဒေ အတည်ဖြစ်သောနေ့မှ ရက်ပေါင်း (၉၀) အတွင်း ထုတ်ပြန်ရမည်။” ဟုပါရှိသဖြင့် သက်ဆိုင်ရာ ၀န်ကြီးဌာန က ထုတ်ပြန်မည့် နည်းဥပဒေ ကို ရက်ပေါင်း (၉၀) မတိုင်မီ အချိန်နှင့် တပြေးညီ ပယ်ဖျက်ထားသင့်ပါသည်။ နိုင်ငံ၏ ဖွဲ့စည်းပုံ အခြေခံ ဥပဒေ ဖြင့်သာ ပြဋ္ဌာန်းသင့်သည့် နိုင်ငံခြား မတည်ငွေရင်း အချိုး ကို ၀န်ကြီးဌာန မှ ထုတ်ပြန်မည်ဆိုလျှင် ဥပဒေ၏ အဆင့်အတန်းနှင့် အကျိုးသက်ရောက်မှုကြီးမားမှုကို လုံးဝထည့်သွင်း မစဉ်းစားရာ၊ ပစ်ပယ်ရာ ရောက်သွားပါမည်။ နိုင်ငံ၏ မသင့်တော်၊ အမျှော်အမြင်မရှိ၊ ရှေ့ဆက်ဖြစ်ပေါ်လာမည့် အကျိုးဆက်များအပေါ် ထည့်သွင်းတွက်ချက်မှု ကင်းမဲ့ချက်များကြောင့် မတရားဥပဒေ စိုးမိုးမှုများကို မဖြစ်ပေါ်စေသင့်ပါ။ တိုင်းပြည် အကျင့်ပျက်ခြစားနေသည့် အမှိုက်ပုံထဲသို့ ထပ်ဆင့် အမှိုက်သရိုက်များကို စုပုံစေခြင်းမျိုး မဖန်တီးသင့်ပါ။ မှန်ကန်သည့် တရားဥပဒေ စိုးမိုးမှုဖြင့်သာ တိုးတက်ဖွံ့ဖြိုးစေသင့်ပါသည်။ သို့မှသာ ဈေးကွက်စီးပွားရေး စနစ်အောင်မြင် နိုင်ပါမည်။

ပုဒ်မ ၉ (ခ) တွင် ” နိုင်ငံခြားသားနှင့် နိုင်ငံသား သို့မဟုတ် သက်ဆိုင်ရာ အစိုးရဌာန၊ အဖွဲ့အစည်းတို့ ဖက်စပ် ပြုလုပ်ခြင်း၊ ပုဒ်မ ၉ (ဂ) တွင် ” နှစ်ဦး နှစ်ဖက် သဘောတူသော ပဋိညာဉ် စာချုပ်ပါ စနစ်တစ်ခုခုဖြင့် ဆောင်ရွက်ခြင်း။”ဟုဖော်ပြချက်များကို နည်းဥပဒေ ပြဋ္ဌာန်းချက်များဖြင့် စနစ်တကျ ဆောင်ရွက် လုပ်ကိုင်ခွင့်မျိုး ဖြစ်စေသင့်ပါသည်။ နိုင်ငံခြားသားနှင့် နိုင်ငံသား သို့မဟုတ် အဖွဲ့အစည်း တို့ဖက်စပ်လုပ်ငန်းများကို ပိုမို၍ ကျယ်ကျယ်ပြန့်ပြန့် ခွင့်ပြုလာမည်ဆိုလျှင် ဈေးကွက်ပိုမို စည်ကားလာနိုင်ပါသည်။ဥပမာ အသေးစား ငွေရေးကြေးရေး လုပ်ငန်းများ၊ အကြီးစား ငွေရေးကြေးရေး လုပ်ငန်းများကို အခွန်စည်းကြပ်မှုမရှိပဲ အာမခံ အနည်းငယ် (သို့) မတည်အရင်းနှီး ထုတ်ပေးခြင်းဖြင့် ပိုမို  အားပေး အားမြှောက် ပြုလုပ်ပေးမည်ဆိုလျှင်   အတိုင်းထက်အလွန်ပင် တိုင်းသူ ပြည်သား လုပ်ငန်းရှင်များ ပိုမို ထွက်ပေါ်လာမှာဖြစ်ပါသည်။ဈေးကွက် စီးပွားရေး အတွက် အထောက်အကူပြုနိုင်ရ ပါမည်။ ဈေးကွက်တွင် အစိုးရ၏ပါဝင်ဆောင်ရွက်မှုကို နည်းနိုင်သမျှ နည်းအောင် ဆောင်ရွက်သင့်ပါသည်။

            အခန်း (၆) ကော်မရှင် ဖွဲ့စည်းခြင်း၊ ပုဒ်မ ၁၁ (က) တွင် ” ပြည်ထောင်စု အစိုးရ အဖွဲ့သည်-(က) ရင်းနှီးမြှုပ်နှံမှုလုပ်ငန်းများနှင့် စပ်လျဉ်း၍ ဤဥပဒေပါ လုပ်ငန်းတာဝန်များကို ဆောင်ရွက်နိုင်ရန် သင့်လျော်သော ပြည်ထောင်စု အဆင့် ပုဂ္ဂိုလ်တစ်ဦးအား ဥက္ကဋ္ဌ အဖြစ်လည်းကောင်း၊ သက်ဆိုင်ရာ ပြည်ထောင်စု ၀န်ကြီးဌာန၊ အစိုးရဌာန၊ အစိုးရ အဖွဲ့အစည်းများနှင့် အစိုးရ မဟုတ်သော အဖွဲ့အစည်းများမှ  ပညာရှင်များ၊ သင့်လျော်သော ပုဂ္ဂိုလ်များအား အဖွဲ့ဝင်များအဖြစ် လည်းကောင်း၊ပါဝင်စေလျက် မြန်မာနိုင်ငံ ရင်းနှီးမြှုပ်နှံမှု ကော်မရှင်ကို ဖွဲ့စည်းရမည်။”ဟုပါရှိရာတွင် ကော်မရှင်ကို ပြည်ထောင်စု လွှတ်တော်က ဖွဲ့စည်းခြင်း မဟုတ်ဘဲ အစိုးရက ဖွဲ့စည်းခြင်းမှာ သက်ဆိုင်ရာ တိုင်းဒေသကြီး နှင့် ပြည်နယ်လွှတ်တော်အသီးသီးက ကြေနပ် အဆင်ပြေမှု ရှိပါ၏လော ဆိုသည်ကို စောကြောရန်လိုအပ်ပါသည်။

ပြည်ထောင်စု အဆင့်ပုဂ္ဂိုလ် တဦးအား ဥက္ကဋ္ဌ အဖြစ် ခန့်အပ်ခြင်းကို ပြည်ထောင်စုလွှတ်တော်က အတည်ပြုပါ ၏လော။ ပြည်ထောင်စု လွှတ်တော်၏ သဘောတူ အတည်ပြုချက် ရယူရမည်ဟုလည်း ဤဥပဒေတွင် ပါဝင်ခြင်း မရှိပါ။ ထို့ကြောင့် ကော်မရှင် ဖွဲ့စည်းခြင်းနှင့် ပတ်သက်၍ ဥပဒေအရ သီသန့်ပြဋ္ဌာန်းပေးရန် လိုအပ်ပါသည်။ နိုင်ငံစီးပွားရေး တခုလုံး၏ အသက်ကို ဤကော်မရှင်ထံတွင် အပ်နှံရမည် ဖြစ်သောကြောင့် လွန်စွာမှပင် အရေးကြီးပါသည်။ ပြန်လည်ပြင်ဆင်ပြဋ္ဌာန်းသင့်ပါသည်။

                        အခန်း(၇) ကော်မရှင်၏ တာဝန်နှင့် လုပ်ပိုင်ခွင့်များ – ပုဒ်မ ၁၂ (ခ) မှာ- “ ရင်းနှီးမြှုပ်နှံ သူများက ဥပဒေအရ ခံစားခွင့်ရှိသော  အခွင့်အရေးများကို အပြည့်အ၀မရရှိကြောင်း တိုင်ကြားလျှင် လိုအပ်သလို အမြန်အရေးယူဆောင်ရွက်ခြင်း” ဟူသော ထုတ်ပြန်ချက်မှာ လွန်စွာ မျှတပါသည်။ သို့ဖြစ်ပါ၍ ထိုကဲ့သို့သော အခွင့်ရေးမျိုးကို (တခြားဥပဒေများဖြစ်သည့် လယ်ယာမြေဥပဒေ ပုဒ်မ ၄၀ တွင် – လယ်ယာမြေ စီမံခန့်ခွဲမှုအဖွဲ့ကို မည်သည့် တရားရုံးတွင်မျှ တရားစွဲဆိုခွင့် မရှိစေရ၊- ဟု ပြဋ္ဌာန်းချက်ကို ပယ်ဖျက်ပြီး) တောင်သူလယ်သမားများ အပေါ်တွင်လည်း အလားတူ အခွင့်ရေးပေးမည်ဆိုလျှင်  လွန်စွာ ကောင်းမွန်မည် ဖြစ်ပါသည်။

ပုဒ်မ ၁၂ (ဆ) တွင် ”တိုင်းဒေသကြီးနှင့် ပြည်နယ် စီးပွား ဖွံ့ဖြိုးတိုးတက်ရေး အတွက် ပြည်ထောင်စု အစိုးရ အဖွဲ့၏ သဘောတူညီချက်အရ လုပ်ကိုင်ဆောင်ရွက်ခွင့်ရသော နိုင်ငံခြား ရင်းနှီးမြှုပ်နှံမှု လုပ်ငန်းများနှင့် စပ်လျဉ်း၍ သက်ဆိုင်ရာ တိုင်းဒေသကြီး သို့မဟုတ် ပြည်နယ် အစိုးရ အဖွဲ့နှင့် ညှိနှိုင်းဆောင်ရွက်ခြင်း။”ဟု ဖော်ပြထားသဖြင့် သက်ဆိုင်ရာ တိုင်းရင်းသား ပြည်သူလူထု ၏ သဘောထား ဆန္ဒကိုလည်း တောင်းခံသမှု ပြုနိုင်ရန်အတွက်  သက်ဆိုင်ရာ အစိုးရများနှင့် ညှိနှိုင်းဆောင်ရွက်ခြင်း ပြုရမည်ဖြစ်ကြောင်းတို့ကို တွေ့ရှိရပါသည်။ လက်ရှိ ပြည်သူလူထု တောင်းဆိုဆန္ဒပြမှုများကို အသိအမှတ်ပြုကာ သက်ဆိုင်ရာ အစိုးရများက ညှိနှိုင်းဆောင်ရွက်ပေးသင့်ပါသည်။ နိုင်ငံခြား ရင်းနှီးမြှုပ်နှံမှု လုပ်ငန်းများနှင့် စပ်လျဉ်း၍ သက်ဆိုင်ရာ ဒေသခံပြည်သူလူထုများ၏ ဆန္ဒသဘောထားတူညီမှုများကိုလည်း ရယူနိုင်ရန် အထူးလိုအပ်ပါသည်။ သို့မှသာ တိုင်းပြည်အေးချမ်းသာယာ တိုးတက်ဖွံ့ဖြိုးမှုကို အာမခံနိုင်ပါမည်။

ဦးမျိုး (ဥပဒေ)

၂၂ – ၁၁ – ၂၀၁၂

                        ရင်းနှီးမြှုပ်နှံမှုနှင့်ပက်သတ်၍ ဆက်လက်အကြံပြုလိုသည်မှာ- အရင်ကြားမှတ်ခဲ့ဖူးသောအရ – မြန်မာနိုင်ငံသား များအဖို့ စီးပွားရေးပြုလုပ်ရန် world bank ကဲ့သို့သောဘဏ်များမှ ငွေချေးရာတွင်  ချီးငွေ ရင်းနှီးငွေ ပစ္စည်းပိုင်ဆိုင်မှုကိုသာ ပြရရင် မြန်မာနိုင်ငံဖွား လုပ်ငန်းရှင်အသစ်တွေကို မတည်ပေးရာမရောက်ပေ။ World Bank မှ အတိုးနှုန်းမယူခြင်း၊ စသည့် အမှန်တကယ် သက်သာခွင့်၊ စည်းမျဉ်းများဖြင့်ရရှိ ချီးနိုင်မှုကနေ ပါဝင်ခွင့်ပြုသင့်သည်ဟုထင်ပါသည်။

ဆိုလိုသည်မှာ မြန်မာနိုင်ငံစည်းပွားရေး၏ ရှေ့အလားအလာမှ (လက်ဝါးကြီး အုပ်မှုများ၊ မျက်နှာကြီးရာ ဟင်းဖတ်ပါမှုများ၊ ခြစားမှုများ အနည်းနှင့်အများ ဖြစ်ပေါ်လာနိုင်မှုကို ကာကွယ်ရန်လိုအပ်လာပါသည်။ သို့မှ သာမြန်မာနိုင်ငံသား မည်သည့်အခြေခံလူတန်းစား၊ စီးပွားရေးလုပ်ငန်းရှင်များနှင့်မဆို နိုင်ငံခြားရင်နှီးမြှုပ်နှံသူ များနှင့် ဒီမိုကရေစီဆန်စွာ ပါဝင်ယှဉ်ပြိုင်နိုင်မည်ဟု ယူဆမိပါသည်။

                        အခန်း(၁၀) အာမခံထားရှိခြင်း ပုဒ်မ ၂၃ ။  ။ အရ “ ရင်းနှီးမြှုပ်နှံသူဟာ နိုင်င့တော်အတွင်း အာမခံလုပ်ငန်း လုပ်ကိုင်ခွင့်ရှိသည့် အာမခံလုပ်ငန်းတခုခုတွင် သတ်မှတ်သော အာမခံအမျိုးအစားများကို သတ်မှတ်ရမည်။” ဟုအရသုံးသပ်ရလျှင် ဒီနေရာမှာ ၄င်းရင်းနှီးမြှုပ်နှံသူမှ မဟုတ်ပါဘူး မြန်မာနိုင်ငံတွင်း နေထိုင်သော မည်သည့်နိုင်ငံသားမဆို နိုင်ငံသားဖြစ်မှုအနေနဲ့ အာမခံ ရှိနေရမှာဖြစ်ပါတယ်။ အသက်အာမခံ၊ ကျန်းမာရေး၊ စီးပွားရေး စသည့် အာမခံ များလည်း ရှိနေရမှာဖြစ်ပါတယ်။ တခြားနိုင်ငံတွေမှာဆိုရင် ကိုယ်ပိုင် အာမခံနံပါတ်တွေတောင်ရှိပါတယ်။ ကျမတို့ဆီမှာ လူဖြစ်ကျိုးနပ်အောင် ပြည်သူများ လုံခြုံမှုရှိအောင် ဥပဒေ တွေ ထပ်မံ ပြင်ဆင်ဖြည့်စွက်ခြင်းဖြင့် ကာကွယ်ဖို့လိုအပ်နေပါပြီ။ 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts

One thought on “ကြံ့ဖွံ့၏ နိုင်ငံခြားရင်းနှီးမြုပ်နှံမှုဥပဒေကို ဝေဖန်သုံးသပ်ခြင်း အပိုင်း (၂) (U Myo (Law))
  1. မြန်မာပြည် နယ်မြို့ကလေး၊ အင်တာနက်ဆိုင်ကနေ ဒီပို့စ်ကို လျှင်မြန်စွာ ဖတ်ရှုဒေါင်းလုပ်နိုင်နေတယ်ဗျ..
    ကျေးဇူးပဲ ဆရာဦးမျိုး(ဥပဒေ)ရေ..

Comments are closed.