ထေရ၀ါဒဗုဒ္ဓဘာသာသို့ သက်ဝင်ယုံကြည်ကူးပြောင်းလာသူ မေတ္တာရှင် ဥတ္တမသီရိနဲ့ တွေ့ ဆုံမေးမြန်းခန်း

ရိုမင်ကက်သလစ်ဘာသာ (Roman Catholic ) မှ ထေရ၀ါဒ ဗုဒ္ဓဘာသာ (Theravada Buddhist) သို့ ကူးပြောင်းကာ ကမ္ဘာ့နိုင်ငံအသီးသီးသို့ ကြွရောက်လျက် ၀ိပဿနာ တရားကျင့်စဉ်များကို လေ့လာလိုက်စားနေသည့် ပနားမားနိုင်ငံဖွား ဂျာမဏီ နိုင်ငံသူ ဆရာလေး ဥတ္တမသီရိသည် ရန်ကုန်မြို့ ညောင်ကန်အေး သာသနာ့ရိပ်သာ ဆရာတော်ကြီး၏ အကြံပေး လမ်းညွှန်ချက်ဖြင့် ၂၀၁၂ ခုနှစ် ဒီဇင်ဘာလ နောက်ဆုံးပတ်တွင် အမေရိကန်ပြည်ထောင်စု တက္ကဆက်ပြည်နယ် အမာရီလိုမြို့ ရှိ ဇေယျသုခ ဓမ္မရိပ်သာ မြန်မာထေရ၀ါဒ ဘုန်းတော်ကြီးကျောင်းသို့ ကြွရောက်လာရာ ဆရာလေး ဥတ္တမသီရိ၏ ခရီးစဉ် ရည်ရွယ်ချက်၊ ဗုဒ္ဓဘာသာသို့ မည်သို့ မည်ပုံ ကူးပြောင်းလာပုံ၊ လက်ရှိ တရားဘာဝနာ လုပ်ငန်းစဉ်များနဲ့ ရှေ့ဆက် သာသနာ့ လုပ်ငန်းစဉ်တို့ ကို မိုးမခ အထောက်တော်မှ သွားရောက်မေးမြန်း အင်တာဗျူးထားသည်ကို စုစည်းတင်ပြ လိုက်သည်။

မေး။ ။ ဆရာလေး ဥတ္တမသီရိက ပနားမားနိုင်ငံ (Panama) ဘယ်မြို့ ကပါလဲ။
ဖြေ။ ။ ဆရာလေးက ပနားမားနိုင်ငံ ကိုလံဘီယာ (Columbia) နယ်စပ်နားက အလွန်အင်မတန် ဆင်းရဲပြီးတော့ တောထူထပ်တဲ့ ရွာလေးတရွာမှာ မွေးဖွားခဲ့ပါတယ်။ လွန်ခဲ့တဲ့ နှစ်ပေါင်း ငါးဆယ်လောက်က ဆရာလေးမွေးဖွားနေထိုင်ခဲ့တဲ့ ဇာတိရွာလေးဟာ မီးခဏခဏပျက်ပြီးတော့ ရေမလာတဲ့ နေရာတခုပါ။ အဲဒီအချိန်တုန်းက တီဗွီ ရေခဲသေတ္တာတို့ သုံးစွဲနိုင်ဖို့ ဆိုတာက အလွန်ဝေးလွန်းလှပါတယ်။ အသက်ဆယ်နှစ်အရွယ်လောက်မှာ ပနားမားမြို့ တော်ကို ပြောင်းရွေ့နေထိုင်ခဲ့ပါတယ်။ ဆရာလေး မြန်မာနိုင်ငံကိုရောက်ခဲ့တုန်းကလည်း ရေမီး ပြသနာတွေနဲ့ ကြုံတွေ့ ခဲ့ရပါတယ်။ ဒါပေမဲ့ ငယ်စဉ်ဘ၀ကတည်းက ဒီအခက်အခဲတွေနဲ့ နေသားကျလာခဲ့တာမို့ ဆရာလေးအတွက်က သိပ်အခက်အခဲမရှိခဲ့ပါဘူး။ တချို့ ပြည်ပသာသနာပြု ပုဂ္ဂိုလ်တွေအတွက်ကတော့ အခက်အခဲရှိခဲ့ကြတာ အမှန်ပါ။

မေး။ ။ ဇေယျသုခ ဓမ္မရိပ်သာ ဘုန်းတော်ကြီးကျောင်းသို့ ကြွရောက်လာခဲ့ရတဲ့ ရည်ရွယ်ချက်ကို ပြောပြပေးပါလား။
ဖြေ။ ။ ဒီကျောင်းမှာ တရားအားထုတ်ချင်တာရယ် ကျောင်းထိုင်ဆရာတော်ရဲ့ သာသနာပြုလုပ်ငန်းတွေကို လေ့လာပြီးတော့ တတ်စွမ်းနိုင်တဲ့ဖက်က ၀ိုင်းဝန်းကူညီ သာသနာပြုချင်တာရယ် မြန်မာ့မျိုးဆက်သစ် ကျောင်းသားလူငယ်လေးတွေကို အမျိုး ဘာသာ သာသနာ နဲ့ ရိုးရာယဉ်ကျေးမှုအမွေအနှစ်တွေကို လေးစား အားကျ ထိန်းသိမ်းစောင့်ရှောက်တတ်အောင် စတဲ့ ရည်ရွယ်ချက်တွေနဲ့ ဒီမြို့ ဒီကျောင်းကို ကြွရောက်လာခဲ့တာပါ။

မေး။ ။ တက္ကဆက်ပြည်နယ် အမာရီလိုမြို့ ကို ကြွရောက်လာခဲ့တာ ဒါ ပထမဆုံးအကြိမ်ပါလား။
ဖြေ။ ။ ဟုတ်ပါတယ၊် ဒီမြို့ကို ကြွရောက်လာတာ ဒါပထမဆုံးအကြိမ်ပါ။

မေး။ ။ အမေရိကန်ပြည်ထောင်စု တခြားပြည်နယ်တွေကိုကော အရင်တုန်းက ကြွရောက်လာခဲ့ဖူးတာ ရှိခဲ့ပါသလား။
ဖြေ။ ။ ဟုတ်ကဲ့ပါ၊ ၁၉၈၄ ခုနှစ်လောက်က ဖလိုရီးဒါး ပြည်နယ်မှာ ကွန်ပျူတာ ပရိုဂရမ်မာတစ်ယောက်အနေနဲ့ လာရောက်အလုပ်လုပ်ဖူးခဲ့ပါတယ်။ ကာလီဖိုးနီးယားပြည်နယ်မှာရှိတဲ့ မဟာယန ဗုဒ္ဓဘာသာဝင်တွေနဲ့ လည်း အဆက်အသွယ်လုပ်ပြီးတော့ ဘာသာတရားကို လေ့လာထိတွေ့ ခဲ့ဖူးပါတယ်။ ဒါ့ပြင် ဂျော်ဂျီရာ ပြည်နယ်ကိုလည်းရောက်ဖူးပါတယ်။ အဲဒီအချိန်တုန်းက ဆရာလေးဟာ မဟာယန ဗုဒ္ဓဘာသာနဲ့ ပဲ စတင်ထိတွေ့ ခွင့်ရခဲ့ပါသေးတယ်။

မေး။ ။ အမာရီလိုမြို့တက္ကဆက်ပြည်နယ်က မြန်မာတိုင်းရင်းသားများ ဗုဒ္ဓဘာသာဝင်တွေနဲ့ ထိတွေ့ ဆက်ဆံခွင့်ရတဲ့အပေါ်မှာ ဘယ်လိုခံစားမိပါသလဲ။
ဖြေ။ ။ ဆရာလေး ဒီမြို့ ဒီကျောင်းကို စရောက်သီတင်းသုံးတဲ့အချိန်မှာ မြန်မာတိုင်းရင်းသားတွေက တစုတစည်းတည်း ၀င်ထွက်သွားလာ လှုပ်ရှားနေကြတာကိုတွေ့ ရတော့ မြန်မာနိုင်ငံကို ရောက်ရှိနေသလို ခံစားရပါတယ်။ ဆရာလေး အရမ်းလည်း ၀မ်းသာပါတယ်။

မေး။ ။ ဆရာလေးရဲ့မိရိုးဖလာ ကိုးကွယ်တဲ့ဘာသာက ဘယ်ဘာသာဝင်ပါလဲ။
ဖြေ။ ။ ဆရာလေးရဲ့မိရိုးဖလာ ကိုးကွယ်တဲ့ဘာသာက ရိုမင်ကစ်သလစ် ဘာသာဝင်ပါ။

မေး။ ။ ကစ်သလစ် ဘာသာကနေ မဟာယန ဗုဒ္ဓဘာသာကို ဘယ်နှစ်ခုနှစ်မှာ စတင်ပြောင်းလဲ လေ့လာလိုက်စားခဲ့ပါလဲ။
ဖြေ။ ။ ၁၉၇၈ ခုနှစ် ဆရာလေး အသက် ၂၀ ခန့် အရွယ်မှာ ရိုမင်ကစ်သလစ် ဘာသာကနေ မဟာယန ဗုဒ္ဓဘာသာကို စတင်လေ့လာလိုက်စားခဲ့ပါတယ်။ ခု ဆရာလေး သက်တော် ၅၅ နှစ်ရှိပါပြီ။

မေး။ ။ ကစ်သလစ်ဘာသာကနေ ထေရ၀ါဒ ဗုဒ္ဓဘာသာ သာသနာ့ဝန်ထမ်းတစ်ပါးထိဖြစ်လာဖို့ အတွက် ဆရာလေးကို ဘယ်အရာတွေက အဓိက တွန်းအားပေးခဲ့ပါသလဲ။
ဖြေ။ ။ ကစ်သလစ်ဘာသာကို ကိုးကွယ်တုန်းကလည်း ကစ်သလစ်ဘုရားကျောင်းမှာ တက်တက်ကြွကြွပါဝင်လှုပ်ရှား ဆောင်ရွက်ခဲ့သူတစ်ယောက်ပါ။ ဒါပေမဲ့ တခါတခါ အထီးကျန်ဆန်သလိုမျိုး ဆရာလေးခံစားရပါတယ်။ ဒီအချိန်မှာ ကောလိပ်ကျောင်းက မဟာယန ဗုဒ္ဓဘာသာကို ကိုးကွယ်ယုံကြည်တဲ့ ကျောင်းနေဖက်သူငယ်ချင်းတယောက်နဲ့ တွေ့ တဲ့အခါ မဟာယန ဗုဒ္ဓဘာသာကို စတင်ထိတွေ့ မြည်းစမ်းခွင့်ကို ရခဲ့ပါတယ်။ ဒီအချိန်ကစပြီး မဟာယန ဗုဒ္ဓဘာသာကို လေ့လာလိုက်စားလာတဲ့အခါ ကံ ကံ၏ အကျိုးကို စသိခွင့်ရခဲ့ပါတယ်။ အကြောင်းကြောင့် အကျိုးဖြစ်တယ်ဆိုတာကိုလည်း နားလည်သဘောပေါက်လာခဲ့ပြီးတော့ ဗုဒ္ဓဘာသာရဲ့ ရိုသေကိုင်းရှိုင်းမှုတွေ စည်းကမ်းလိုက်နာမှုတွေကို ထပ်တွေ့ လိုက်တဲ့အခါ ဆရာလေး အရမ်းကျေနပ်ခဲ့ရပါတယ်။ ဒီလိုနဲ့ ပဲ တဆင့်ပြီး တဆင့် ဘာသာတရားကို နက်နက်ရှိုင်းရှိုင်း လေ့လာလိုက်စားမိတဲ့အခါ ထေရ၀ါဒ ဗုဒ္ဓဘာသာကို အပြည့်အ၀ ယုံကြည်လက်ခံတဲ့ သာသနာ့ဝန်ထမ်းတစ်ပါး ဖြစ်လာခဲ့ရပါတယ်။

မေး။ ။ ထေရ၀ါဒ ဗုဒ္ဓဘာသာရဲ့ သာသနာ့ဝန်ထမ်းတစ်ပါး ဖြစ်လာပြီးတဲ့ နောက်ပိုင်းမှာ ဘာတွေကို ဇောင်းပေးပြီး လေ့လာလိုက်စားဖြစ်ပါသလဲ။
ဖြေ။ ဆရာလေး အဓိက စွဲစွဲမြဲမြဲ လေ့လာလိုက်စားဖြစ်နေတာကတော့ ၀ိပဿနာ၊ သတိပဋ္ဌာန်၊ မေတ္တာ ဘာဝနာတရား နှင့် ဗုဒ္ဓဘာသာစာပေတွေကို လေ့လာလိုက်စားဖြစ်တဲ့အပြင် မိဇ္ဈိမနိကာယ၊ ဓမ္မပါဒတရားတွေကိုလည်း လေ့လာလိုက်စားနေပါတယ်။

မေး။ ။ ဒီ တရားတွေကို လေ့လာလိုက်စားတဲ့အခါ ဘယ် ဘာသာစကားနဲ့ လေ့လာလိုက်စားနေခဲ့ပါသလဲ။
ဖြေ။ ။ ထေရ၀ါဒ ဗုဒ္ဓဘာသာစာပေတွေကို ပါဋိ-ဂျာမဏီ ဘာသာပြန် စာပေကျမ်းဂန်တွေနဲ့ စတင်လေ့လာလိုက်ခဲ့ပါတယ်။ ဒီလို အစပျိုး လေ့လာလိုက်စားနေတဲ့အချိန်မှာ မြန်မာနိုင်ငံကိုရောက်သွားခဲ့ပါတယ်။ မြန်မာနိုင်ငံမှာ သာသနာရေး ၀န်ကြီးဌာနက အင်္ဂလိပ်လို ဘာသာပြန် ထုတ်ဝေထားတဲ့ ဗုဒ္ဓစာပေကျမ်းဂန်တွေကိုသွားတွေ့ တော့ ဆရာလေးအတွက် အရမ်းအဆင်ပြေသွားပါတယ်။ ဆရာလေးရဲ့မိခင်ဘာသာစကားဖြစ်တဲ့ စပန်းနက်စ် ဘာသာစကားနဲ့ ရေးသားထားတဲ့ ဗုဒ္ဓစာပေကျမ်းဂန်တွေကို ဒီကို မကြွလာခင် လပိုင်းအလိုလောက်ကပဲ အင်တာနက် ၀က်ဆိုက်တခုမှာ ရှာဖွေတွေ့ ရှိခဲ့ရပါတယ်။

မေး။ ။ ဆရာလေး မြန်မာနိုင်ငံကို ဘယ်နှစ်ခုနှစ်လောက်က စရောက်ခဲ့ဖူးပါသလဲ။
ဖြေ။ ။ မှတ်မှတ်ရရပါပဲ၊ ၁၉၉၇ ခုနှစ် အောက်တိုဘာလ ၂၁ ရက်နေ့ မှာ မြန်မာနိုင်ငံ ရန်ကုန်မြို့ ညောင်ကန်အေး သာသနာ့ရိပ်သာကို စရောက်ခဲ့ပါတယ်။ အဲဒီနေ့ ကို ဆရာလေး ဘယ်တော့မှ မမေ့ပါဘူး။ ရန်ကုန်ကိုရောက်ပြီး ၆ လလောက်အကြာမှာ သာသနာ့ဝန်ထမ်းတပါးဖြစ်တဲ့ သီလရှင်ဘ၀သို့ အပီးအပိုင်ဝင်ရောက်လာခဲ့တာပါ။

မေး။ ။ မြန်မာနိုင်ငံကို ရောက်ခဲ့စဉ်တုန်းက ဆရာလေး ဘာတွေကို အဓိက ဇောင်းပေး လေ့လာလိုက်စားခဲ့ပါသလဲ။
ဖြေ။ ။ သတိတရားကို ပိုပြီးအာရုံစိုက်အားထုတ်တတ်ဖို့ အတွက် နည်းပေးလမ်းပြ ဆရာတော်တွေကလည်း အကြံပေးမိန့် ကြားတဲ့အတွက် သတိတရားဖက်မှာ ပိုအားသန်တယ်ပြောရပါမယ်။ စာပေလေ့လာတဲ့အပိုင်းကိုလည်း ဆရာလေး ၀ါသနာပါပါတယ်။

မေး။ ။ ဆရာလေးရဲ့နည်းပေးလမ်းပြ လက်ဦးဆရာတော်က ဘယ်ပုဂ္ဂိုလ်ပါလဲ။
ဖြေ။ ။ ဆရာတော်ကြီး ဘဒ္ဒန္တသုမနသကာရ ဖြစ်ပါတယ်။ ၁၉၉၃ ခုနှစ်က ဂျာမဏီနိုင်ငံမှာ သာသနာပြုနေခဲ့တဲ့ မြန်မာထေရ၀ါ ဗုဒ္ဓဘာသာ ဘုန်းတော်ကြီး တစ်ပါးပါ။ ၂၀၁၁ ခုနှစ်မှာ ပျံလွန်တော်မူသွားခဲ့ပါပြီ။ ဒီဆရာတော်ကြီးက သီလ နှင့် မေတ္တာအကြောင်းတွေကို နည်းပေးလမ်းပြ သင်ကြားပို့ ချခဲ့ပါတယ်။ မြန်မာနိုင်ငံကို သွားရောက်လေ့လာပြီးတော့ သာသနာ့လုပ်ငန်းတွေလုပ်ဆောင်ဖို့ ၊ ဗုဒ္ဓစာပေကျမ်းဂန်တွေလေ့လာဖို့ အတွက်လည်း ဆရာတော်ကြီး ဦးသုမနသကာရက မကြာခဏ မိန့် ကြားခဲ့ဖူးပါတယ်။ ရန်ကုန်မြို့ ညောင်ကန်အေး သာသနာ့ရိပ်သာ ကျောင်းကိုလည်း ဒီဆရာတော်ကြီးကပဲ လမ်းညွှန်ပေးခဲ့တာပါ။ ညောင်ကန်အေး သာသနာ့ရိပ်သာမှာ တရားအားထုတ်တဲ့အခါ နည်းပေးလမ်းပြပေးကြတဲ့ ပုဂ္ဂိုလ်တွေကတော့ ဆရာတော် ဘဒ္ဒန္တအိန္ဒက နှင့် ဦးဝိစာရတို့ ဖြစ်ကြပါတယ်။

မေး။ ။ ဆရာလေးက မြန်မာစကားလည်း နည်းနည်းပြောတတ်တာတွေ့ ရပါတယ်။ မြန်မာဘာသာစကားကို ဘယ်လိုလုပ်လေ့လာခဲ့ပါသလဲ။
ဖြေ။ ။ မြန်မာစကားကို ဒီထက်များများသိနားလည်အောင် လေ့လာသင်ကြားချင်ပါတယ်။ ဒါပေမဲ့ နည်းပေးလမ်းပြ ဆရာတော်တွေက တရားကိုများများလေ့ကျင့်အားထုတ်လေ ပြောရမယ့် စကားတွေက နည်းသွားလေဖြစ်တဲ့အတွက် စကားများများမပြောပဲ တရားများများအားထုတ်ဖို့ ကို အကြံပေးခဲ့ပါတယ်။ စကားသင်ယူတတ်မြောက်ခဲ့တဲ့ နေရာက ဘုန်းကြီးကျောင်းဆောင်ရဲ့ မီးဖိုချောင်လို နေရာမျိုးတွေမှာပါ။ တပည့်တကာတကာမတွေက ဆွမ်းပန်းချက်ကြတော့ မနားတမ်းကို စကားပြောကြဆိုကြတော့တာပါပဲ။

မေး။ ။ ထေရ၀ါဒ ဗုဒ္ဓဘာသာနဲ့ ပတ်သက်ပြီးတော့ ဆရာလေးရဲ့အဓိက ရည်မှန်းချက်က ဘာတွေပါလဲ။
ဖြေ။ ။ ထေရ၀ါဒ ဗုဒ္ဓဘာသာ မဖြစ်ခင်ကတည်းက ဆရာလေးအဓိက ရည်မှန်းတောင်းတခဲ့တာက စိတ်ရဲ့ငြိမ်းချမ်းမှုပါ။ ပမားနားနိုင်ငံကနေ ဂျာမဏီနိုင်ငံကိုရောက်တော့ မေတ္တာနဲ့ ပတ်သက်ပြီး ဂျာမန်ဘာသာနဲ့ ရေးထားတဲ့ ဆောင်းပါး၊ အက်ဆေးတွေကို လေ့လာဖတ်ရှု့ ခွင့်ရတော့ ပန်းတိုင်ကိုရောက်မည့် လမ်းခရီးကို အဲဒီကနေ စတင်တွေ့ ရှိခဲ့တာပါပဲ။

မေး။ ။ ဆရာလေးက ကိုလံဘီယာနယ်စပ် ပနားမားနိုင်ငံကနေ ဂျာမဏီနိုင်ငံကို ဘယ်လိုရောက်ရှိလာခဲ့တာပါလဲ။ ဘယ်နှစ်ခုနှစ်လောက်က ရောက်ရှိခဲ့တာပါလဲ။
ဖြေ။ ။ ပနားနိုင်ငံမှာ ၁၉၈၇ ခုနှစ် မတိုင်မီက နိုင်ငံစီးပွားရေး အကျပ်အတည်းဖြစ်တော့ နိုင်ငံသူ နိုင်ငံသားတွေ အလုပ်လက်မဲ့ ဖြစ်ခဲ့ကြပါတယ်။ ဆရာလေးလည်း အလုပ်အကိုင်အခွင့်အလမ်းအတွက် အမေရိကန်ပြည်ထောင်စု ဖလိုရီဒါပြည်နယ်ကိုရောက်ရှိလာခဲ့ပါတယ်။ ဖလိုရီဒါပြည်နယ်က မြို့ လေးတမြို့ မှာ အလုပ်လုပ်ရင်း အမေရိကန်တယောက်နဲ့ မေတ္တာသက်ဝင်ခဲ့ပြီးတော့ အိမ်ထောင်ဖက်အဖြစ်ရွေးချယ် လက်ထပ်ခဲ့ပါတယ်။ သိပ်မကြာခင်မှာပဲ အိမ်ထောင်ရှင်က တခြားအသစ်တယေက်နဲ့ လက်တွဲသွားခဲ့ပါတယ်။ အဲဒီအချိန်က ဆရာလေး အင်မတန်မှ ကြေကွဲခံစားခဲ့ရပြီး စိတ်ဓာတ်တွေပါ ထောင်းထောင်းကျခဲ့ရပါတယ်။ ဒီလိုနဲ့ ဆရာလေး ပနားမားနိုင်ငံကိုပဲ ပြန်သွားခဲ့ပါတယ်။ ပနားမားနိုင်ငံကိုရောက်တော့ ဂျာမဏီနိုင်ငံက ၀မ်းကွဲအစ်မတစ်ယောက်က ကျန်းမာရေး သိပ်မကောင်းတာနဲ့ အပြန်အလှန် ပြုစုစောင့်ရှောက်ကူညီကြရအောင် လာခဲ့ပါဆိုပြီး လှမ်းခေါ်တော့ ဂျာမဏီနိုင်ငံကို ရောက်သွားခဲ့ပါတယ်။ အဲဒီအချိန်မှာ မဟာယန ဗုဒ္ဓဘာသာတရားတွေနဲ့ နည်းနည်းနီးစပ်နေမိခဲ့ပါပြီ။ မဟာယနနည်းနဲ့ တရားဓမ္မ အားထုတ်တတ်နေပါပြီ။ အိမ်ထောင်ပျက်ဒဏ်ကြောင့် အဲဒီအချိန်မှာ အရမ်းကြေကွဲခံစားနေခဲ့ရပေမဲ့ တရားဓမ္မတွေကို ဖြည်းဖြည်းချင်း ဖြည်းဖြည်းချင်း လေ့လာလိုက်စား အားထုတ်ခဲ့တဲ့အတွက် စိတ်ဓာတ် ပြန်လည် လန်းဆန်းနိုးကြားလာခဲ့ပါတယ်။ အဲဒီနောက်မှာ ထေရ၀ါဒ ဗုဒ္ဓဘာသာကို ရှာဖွေတွေ့ ရှိ ကူးပြောင်းလာခဲ့တာပါ။

မေး။ ။ နောက်ဆုံး မေးခွန်းအနေနဲ့ ပေါ့လေ ဒီမြို့ က ဗုဒ္ဓဘာသာဝင်တွေ နိုင်ငံအနှံ့ က ဗုဒ္ဓသာသာဝင်တွေကို ဘာများ မိန့် ကြားချင်တာရှိပါသလဲ။
ဖြေ။ ။ မေတ္တာ ဘာဝနာ ပွားများကြဖို့ ကို မှာချင်ပါတယ်။ အာရုံတွေ သိပ်မများပဲ အရိယာ သီလ၊ အရိယာ သမာဓိ၊ အရိယာ ပညာ တွေကို အခြေခံပြီးတော့ တရားဘာဝနာတွေကို လေ့လာလိုက်စား အားထုတ်ရင်းနဲ့ မေတ္တာတရား ပွားများကြစေချင်ပါတယ်။ မေတ္တာဟာ လူမျိုး၊ ဘာသာ အဆင့်အတန်းမရွေး ရှိသင့်ရှိထိုက် ထားသင့်ထားအပ်တယ်ဆိုတာကို ဗုဒ္ဓဘုရားရှင်က မှာကြားထားခဲ့ပြီးသားပါ။ ဒီလိုမေတ္တာထားနိုင်ဖို့ အတွက် အခြေခံအနေနဲ့ ဝိပဿနာတရားကို များများအားထုတ်ပြီးတော့ မိမိတို့ အတွင်းစိတ်ကို ငြိမ်းချမ်းအောင်အရင်လုပ်ရင်းနဲ့ အများကိုပါ ငြိမ်းချမ်းအောင် မေတ္တာထားကြပါလို့ မှာကြားချင်ပါတယ်။
ကိုကျော်လင်းသန့် -ဒု ဥက္ကဌ (မြန်မာထေရ၀ါဒ ဗုဒ္ဓဘာသာအသင်း) မှ ပူးပေါင်းပါဝင် ဘာသာပြန်ဆိုသည်။