မာမာအေး
ဇူလိုင် ၂၉၊ ၂၀၁၂
“…ဟိုက အဆိုတော်တွေ ဓါတ်ပြားတချပ်လောက် အောင်မြင်တာနဲ့ ထိုင်စားရော့ ဆိုတာမျိုးပေါ့။ ဒီအသိ ရလာတော့ သူတို့ဘာကြောင့် ဒီလိုနေသွားနိုင်တာလဲ – စပ်စုတယ်လေ။ ဒီတော့ ရာခိုင်နှုန်းအသီးသီးနဲ့ သီချင်းလွှင့်တိုင်း ရောင်းတိုင်း သုံးတိုင်း ငွေထပ်ရတဲ့အကြောင်း၊ ကိုယ့်ဆိုနည်း ကိုယ့်သီချင်းကို နောက်တယောက်က သုံးချင်တယ် ဆိုရင်လဲ ကိုယ့်ခွင့်ပြုချက်ပေးမှ ဆိုတာတွေ အို…”သောတရှင်များ ကျန်းမာတော်မူကြပါစရှင် …
မာအေးချစ်တဲ့သောတရှင်တွေ ဂီတ၀ါသနာရှင်တွေအားလုံး မာအေးရဲ့အသံလေး ကြားရတဲ့အခါမှာ ကိုယ်ရောစိတ်ပါ ချမ်းသာကြပါစေလို့ ဆုမွန်ကောင်း တောင်းလိုက်ပါတယ်။
သောတရှင်တို့ရေ … ပြီးခဲ့တဲ့အစီအစဉ်မှာတုန်းက ယဉ်ကျေးမှုအမွေ “ရကန်” ဆိုပုံဆိုနည်း ဆရာကြီးစေါင်းဦးဘသန်း ဆိုပြတုန်းက အမှတ်တရ သိမ်းထားတာလေး ဖြန့်ပေးလိုက်တာပါ။ ဟိုနေ့က ပြောစတုန်းကတော့ ဂီတ ဥပဒေလမ်းကြောင်း မြောင်းပေးမလို့ ဆုတောင်းနေတာပါဘဲ။ ငွေပေါ်ဂီတ ထုတ်လုပ်ကြတဲ့အခါ ဘယ်နေရာက လာခိုးမှန်းမသိဘဲ အခွေအတုက အရင်ချည်း ရှေ့က ထွက်နေတာကြောင့် တေးသံသွင်းက ထုတ်လုပ်သူရော ကိုယ်ပိုင်ထုတ်လုပ်ချင်တဲ့ တေးသံရှင်တွေရော အမောသာ အဖတ်တင် ဖြစ်နေကြတယ် တဲ့။ အသစ်ထုတ်လုပ်ဖို့ ဘယ်သူမှ မစွန့်စားဝဲ့လောက်အောင် လမ်းဘေးမှာ ဗျောင်ရောင်း ဗျောင်ဝယ် ခိုးကူးခွေတွေနယ်က ကျယ်လှတယ် ဆိုလို့၊ ကိုယ်ရင်ဆိုင်ခဲ့ဖူးတဲ့ ဂီတဥပဒေကိစ္စ ပြန်ပြောပြမလို့ပေါ့လေ။
ခိုးတဲ့ခေတ်အခြေအနေကို ပြောမယ် ဆိုရင် မခိုးတဲ့ခေတ်ကစမှ ထင်ရှားသိမြင်နိုင်မှာမို့ နောက်လှည့်အကြည့်ကေါင်းလိုက်တာ – “ရကန်” ဆိုနည်းကါးဆီ ပြန်ရောက်သွားတာ ကြားတယ် မဟုတ်လား။ ဟိုနေ့က ဆရာစေါင်းဦးဘသန်း ရွတ်ပြသွားတဲ့ ရကန်ရဲ့ နာမည် ခေါင်းစဉ်သီးသန့် မရှိပါဘူး။ စာဆိုတော်ဦးတိုး ရေးတဲ့ ရာမရကန်ထဲက ကေါက်နှုတ်ထားတဲ့ သဇင်ပန်းအကြောင်းကလေး ဆိုတော့ “သဇင်ပန်းရကန်” ဆိုရင် ဒီကဗျာအပိုင်းလေးဘဲ လို့ သဘောပေါက်လိုက်ပါနော်။
ဒီရကန်လေးရောက်သွားတာဟာ “စိုင်ကော်လို့ခြုံပေါ်ရောက်” တဲ့သဘောဘဲ သောတရှင်တို့ရဲ့။ ရကန်ရဲ့နောက်ဆုံးနားမှာ နန်းတော်ခေတ်ကဥပဒေသကို ခြေရာကေါက်လို့ ရလိုက်တယ်လေ။ “သဇင်ပန်း” ဟာ တော်သုံး တော်ဝင်ပန်းမြတ် စာရင်းဝင်ဖြစ်လို့ နန်းပြင်မှာ ရောင်းဝယ်ခွင့် မရှိကြောင်း ဆိုတာပေါ့။ ဒါကြောင့်လဲ ဘုရင်ထီးဘုရားအတွက် ဖန်တီးထားတဲ့ ဂီတကို မခိုးရဲတာနေမှာဘဲရှင့်။ ဘုရင့်ဘဏ္ဍာတော် ဘုရင်ပိုင်ကိုး။ ခိုးမယ်ကြံရကင် သေမယ့်ပြင်လို့ ချိန်းခြောက်နေစရာကို မလိုတာပါ။ ဘုရင်ကြီးကို ဆက်သပြီးပြီ ဆိုတော့ စာဆိုတော်ကြီးတွေလဲ ကျုပ် မူပိုင်ပါတယ်လို့ ပြောရဲစရာ မရှိလါတော့ ဂီတသံစဉ် အလိုက်တူ စာကွဲ သီချင်းကြီးတေါ ထပ်ပေါ်လာရင်လဲ ဘုရင့်ဆီ ဆက်တာဘဲ ဆိုတော့ ပြဿနာ မရှိဘူးလို့ ယူဆရတော့မှာပေါ့ရှင်။ မဟာဂီတစာအုပ်တွေလိုက်ကြည့်ရင် ထူးမခြားအလိုက်တို့၊ မြမြမောင်းမောင်းအလိုက်တို့ ဆိုပြီး နောက်စာတမျိုးနဲ့ ထပ်ကပ်ရေးထားတာတွေ တွေ့နိုင်ပါတယ်။
မာအေးတို့ခေတ်ဟောင်းသီချင်းတွေအထိ စာဆိုချင်း သူပိုင်တယ် ငါပိုင်းတယ်လို့ ငြင်းကြခုန်ကြတာ မရှိသလောက်ပါဘဲ။ စည်းပွားလမ်းမ မပေါက်သေးတဲ့ အချိန်မှာ ဂီတသမားဟာ ကိုယ့်သီချင်းလေး ပေါ်ထင် လူကြိုက်တာကို ကျေနပ်နေလို့ပါ။
ရှေးရှေးက – မဟာဂီတ၀င် ကဗျာတွေကိုလဲ ရောက်နေတဲ့ကါလမှာ ထွန်းကါးနေတဲ့ အလိုက်အသွားမျိုး ထည့်သွင်းပြန်စပ်တဲ့ သီချင်းတချို့လဲ ရှိပါတယ်။ ချက်ချင်းထုတ်ပြဘို့ရာ ဂီတလုင်မောင်ကိုကို အသံထည့်စပ် သီဆိုထားတဲ့ “သဇင်ပန်း” ရကန် တဖြစ်လဲ “ရွှေသဇင်” သီချင်း ရှိနေလို့ အတော်ပါဘဲ။ နားထောင်ကြည့်ပါဦး။
(*ရွှေသဇင် – မောင်ကိုကို)
စိမ့်ကြီးမြိုင်ကြီး ရိပ်ကြီးတောတောင်၊ နေရောင်မခံ၊ ပန်းပျံပင်ဆင့်၊ မြေနှင့်ရန်ဘက်၊ ခက်လက်စိမ်းမြ၊ မိုးမခဘူး xxx
နွေလသန်ပေါက်၊ ရင့်ချိန်ရောက်ခါမှ၊ နှင်းသောက်ကယ်ရွှင်ရွှင်၊ ပွင့်ဖူးတွေ ဆင်ကြသည် xxx ရွှေပင်ဆင့် ငွေပင်ဆင့်၊ ပတ္တမြားပင်ဆင့်၊ ဂမုန်းအင်ဘက်၊ ဆောင်စက်ရိပ်ခို ရည်တွက်လို့ဆိုတော့မည်။
လက်တန်တိုတမည်၊ လက်တန်ရှည်နှင့်၊ နေရောင်ခြည် လရောင်ဝါ မိုးလုံးပြာ မိုးလုံးမှိုင်း၊ ပုလဲဆိုင်း ပုလဲနှစ်၊ ချစ်စရာ့ လိပ်ပြာတောင်၊
နီလာရောင် တောင်လုံးမြိုင်၊ သုံးပွင့်ဆိုင် ခိုင်လုံးဆန်း * နွယ်တန်းယိမ်း ညှာတံစိမ်းများတို့၊ လေသိမ်းတိုင်းလှ ကိန္နရီကသည်နှယ်၊
တချို့က နီပြာပြာ၊ တချို့က ဖြူဝါ၀ါ၊ တချို့မှာ ချိတ်ပွင့်၊ တချို့မှာ ပန်းရင့်လို့၊ ပင်ဆင့်ပန်းပျံ၊ ဘွဲ့မည်ရည်ခံခြင်းတွင်၊
ဝေယန်နန်းမြင့် ပန်တိုင်းတင့်မို့ မြို့ဝန်မင်းစာ လိပ်မပါဘဲနှင့်၊ ကွယ်ရာဈေးပြင် ရောင်းလို့များ မြင်မလာ့း၊ သေချင်သေ ရှင်ချင်ရှင်၊ အင်မတန့်အင်မတန် ရာဝတ်တော်ခံရသည် မြတ်ပန်တော်ပန်း ခိုင်လုံးလန်းကို၊ ဟိုလောင်ပန်းပွင့် ဘာဂုဏ်ကြောင့် ၀င့်မတုန်း၊ ဘုန်းနှင့်ကံနှင့် ရွှေသဇင် xxx
ဒါကတော့ ကါလပေါ် မြန်မာသီချင်းပုံစံ ဖန်တီးစပ်ဆိုခဲ့တဲ့ “ရွှေသဇင်” သီချင်းပေါ့ရှင်။ မူရင်းရေးသူ ဦးတိုးရဲ့ ရကန်ကဗျာက အသံပြောင်းစပ်ဆိုလိုက်တာကြောင့် မောင်ကိုကိုပိုင်သီချင်း လုံးဝကြီးဖြစ်ဖို့တော့ မသင့်လျော်ဘူးပေါ့နော်။ သူသွင်းလိုက်တဲ့အသံအလိုက်ကသာ သူ့ပစ္စည်းမှန်တာမို့ နိုင်ငံတကါကလိုဘဲ သိသာအောင် ခွဲခြားရေးထားသင့်ပါတယ်။ စာသား (LYRIC by) ဦးတိုး၊ အသံ (MUSIC by) မောင်ကိုကို – ဒါဆို ရှင်းရောပေါ့။ ခုပြောတဲ့အထိဟာ သီချင်းတပုဒ်ရဲ့ စာပိုင်ရှင်နဲ့ အသံပိုင်ရှင်ဘဲ ရှိပါသေးတယ်။
ဒီလိုသီချင်းတပုဒ်ကို ရောင်းတန်းဝင် ထုတ်လုပ်မယ် ဆိုရင်တော့ အဆိုတော်နဲ့ တီးဝိုင်း အသံဖမ်းမယ့် စတူဒီအိုတွေ ပါလာဦးမှာပေါ့ရှင်။ မြန်မာတို့ရဲ့ ဂီတသမားတွေမှာ ၀ါသနာအရင်းခံနဲ့ စကြတာပါ။ အောင်မြင်သူဖြစ်မှသာ အသပြာက သူ့ဟာသူ ပေါ်လာတာမျိုးပါ။ ခေတ်တွေ စံနစ်တွေ ပြောင်းလာသည်နှင့်အမျှ နေရာအသီးသီးမှာ အတွေးအခေါ် အယူအဆ အသိအမြင် တိုးတက်လာမှာ ခေတ်မီလာမှာ ကမ္ဘာကြီးနဲ့ပါ ယှဉ်ထိုးကြည့်ကြမှာမလွဲပါဘူး။ စာတွေ့လဲပါ၊ ငါတွေ့လဲပါပေါ့နော်။
မာအေးကတော့ ငါတွေ့နဲ့ ကိုယ့်ဝန်းကျင်က လူကြီးသူမတွေရဲ့ ကိုယ်တွေ့ပြောပြကြတာတွေကနေ ရလာတဲ့ အသိနဲ့ လောကကြီးကို ထိတွေ့မိတာပါဘဲ။ ဥပမာ ဆိုပါတော့ – မာအေးကို မေတ္တာ စေတနာနဲ့ ဆေးကုပေးကြတဲ့ ဆရာဝန်ကြီးတွေ အသိုင်းအ၀ိုင်းထဲ အလည်ရောက်တဲ့အခါ၊ ညည်းအေ တိုင်းပြည်မှားမွေးလို့သာ – အနောက်နိုင်ငံမှာသာ မွေးရင် သူဌေးဖြစ်မှာ လို့ မာအေးရဲ့ အသံနဲ့ ပါရမီကေါင်းမှုကို အကြောင်းပြုပြီး ပြောတတ်ကြပါတယ်။ နိုင်ငံတကါသွားပြီး ပညာသင်လာတဲ့ ဆရာကြီးတွေပြောတာကတော့ ဟိုက အဆိုတော်တွေ ဓါတ်ပြားတချပ်လောက် အောင်မြင်တာနဲ့ ထိုင်စားရော့ ဆိုတာမျိုးပေါ့။ ဒီအသိ ရလာတော့ သူတို့ဘာကြောင့် ဒီလိုနေသွားနိုင်တာလဲ – စပ်စုတယ်လေ။ ဒီတော့ ရာခိုင်နှုန်းအသီးသီးနဲ့ သီချင်းလွှင့်တိုင်း ရောင်းတိုင်း သုံးတိုင်း ငွေထပ်ရတဲ့အကြောင်း၊ ကိုယ့်ဆိုနည်း ကိုယ့်သီချင်းကို နောက်တယောက်က သုံးချင်တယ် ဆိုရင်လဲ ကိုယ့်ခွင့်ပြုချက်ပေးမှ ဆိုတာတွေ အို … အများကြီးပါဘဲလေ။ ကိုယ်တွေ့မှာကျတော့လဲ ဥပဒေစာအုပ်တွေ ဖတ်ဖူးတဲ့ဗဟုသုတ မရှိလို့ အနှပ်ခံရတာတွေ ရှိလို ဂီတဥပဒေ ဖြစ်ပေါ်စေချင်မိပါတယ်ရှင်။
ဘီဘီစီ အသံလွှင့်ဌာန http://www.bbc.co.uk/burmese/ ၏ ထုတ်လွှင့်ချက်ကို ကူးယူ ဖော်ပြသည်။
စာစီစာရိုက် – မျိုးဇော်
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
