နှစ်လည်များစွာ
အရှင်ဥာဏိက၊ ဇူလိုင် ၂၄၊ ၂၀၁၂
မုဒိတာရွှေကျောင်းရဲ့ နှစ်ပတ်လည်ပွဲဖိတ်စာကုိုရုိုက်နေရင်း တစ်နှစ်တာကာလဆုိုတဲ့ အချိန်အကြောင်း စဉ်းစားမိတယ်။ နှစ်ပတ်လည်ပွဲကျင်းပမယ်လုို့ နီးစပ်သူအချို့ကုိုပြောဖြစ်တော့ အော် တစ်နှစ်တောင် ပြည့်သွားပြီလား၊ ဘာမှ မကြာသေးဘူး၊ ခဏလေးပဲထင်ရတယ်လုို့ ပြောကြတာ မနည်းဘူး။ တစ်ဦး နှစ်ဦးစကတော့ အော်ခုမှ တစ်နှစ်ပဲရှိသေးတာလား။ တော်တော်ကြာသွားပြီလုို့ အောက်မေ့နေတာလုို့ ပြောပါတယ်။
တစ်နှစ်ဆုိုတဲ့အချိန်ကာလဟာ ကုန်လွယ်တယ်ထင်သူတွေအဖုို့ မြန်လွန်းနုိုင်သလုို အကုန်မြန်လုိုသူ တွေအတွက်တော့ အလွန်ပဲကြာညောင်းပါလိမ့်မယ်။ အချိန်ကာလက လူအမျိုးမျိုးကုိုလုိုက်ပြီး အတုို အရှည် ပြောင်းရုိုးမရှိပေမယ့် လူအမျိုးမျိုကတော့ ကုိုယ့်ခံစားချက်ကုိုအခြေခံလုို့ အချိန်ကာလအတုို အရှည်ကုို အဓိပ္ဗါယ်ဖွင့်ကြတာမုို့ ခုလုိုပဲ အချိန်ကာလ အတုိုအရှည် ဖြစ်သွားတာဖြစ်မှာပါ။
ပြီးခဲ့တဲ့တစ်နှစ်အတွင်း ကျောင်းပြုပြင်ရေး အဟောင်းပြုပြင်ရေး တော်တော်များများလုပ်နေခဲ့လုိုက် တာနဲ့ အချိန်က ကုန်လုို့ကုန်သွားမှန်းတောင် မသိလုိုက်ဘူး။ အချိန်အကုန်မြန်လွန်းလုိုက်တာလုို့ ထင်သူတွေထဲမှာ ကုိုယ်လည်းပဲ အပါအဝင်လုို့ဆုိုရမှာပေါ့။ လုပ်လုိုပါလျက်ကယ်နဲ့ မလုပ်နုိုင်သေးတဲ့ အလုပ်တွေလည်း တော်တော်များများကုိုပဲ ရှိနေသေးတာမုို့ တစ်နှစ်တာအချိန်ကာလဟာ အကုန် မြန်လွန်းတယ်လုို့ ထင်မိတာလည်း ဖြစ်မှာပါ။
မုဒိတာရွှေကျောင်း မပြုပြင်မီကအနေအထားနဲ့ လက်ရှိအနေအထားက တော်တော်ကွာခြားသွားလုို့ ကျောင်းက တစ်ခေါက်နဲ့တစ်ခေါက် မမှတ်မိလောက်အောင်ပဲ ပြောင်းလဲသွားတယ်လုို့လည်း ပြော တတ်ကြတယ်။ ကျောင်းလေးက သိပ်ချစ်စရာကောင်းတာပဲလုို့ ထူးထူးခြားခြား ပြောကြသူတွေလည်း မနည်းဘူး။ သက်ရှိအရာများနဲ့ပတ်သက်ပြီး ချစ်စရာကောင်းတယ်ဆုိုတဲ့ စကားကုို ကြားမိတတ်တာ မဆန်းပေမယ့် အဆောက်အဦတစ်ခုကုိုကြည့်ပြီး ချစ်စရာကောင်တယ်ဆုိုတဲ့စကားကုို ပြောခဲ့ကြသူတွေ ထဲမှာ ရဟန်းတော်များရော၊ အမျိုးသားများရော၊ အမျိုးသမီးများမှာ ပါနေခဲ့တာကုိုလည်း ထူးထူးခြား ခြား သတိပြုမိတယ်။
ပြောကြသူတွေက အတန်းအစားစုံဆုိုတော့ တစ်ခုခုထူးလုို့ပဲဖြစ်မယ်လုို့ ယူဆပါတယ်။ အဆောက်အဦ တစ်ခု ချစ်စရာကောင်းတယ်လုို့ အမြင်ခံရခြင်းမှာ အရောင်လှလှချည်းကြောင့်လည်း မဟုတ်သလုို ပုံစံ ကျမှုတစ်ခုကြောင့်လည်းပဲ ဟုတ်မယ်မထင်ပါဘူး။ အရောင်ရွေးတာ ဘယ်သူလဲ၊ ဒီဇုိုင်းရွေးတာဘယ် သူလဲစသဖြင့်လည်း မေးတတ်ကြတယ်။ ကျောင်းထဲကုိုရောက်တော့ အေးချမ်းမှုတစ်ခုကုို ခံစားရတယ် လုို့လည်း အချို့က ပြောတတ်တယ်။ ခုလုိုပြောတတ်သူတွေကုိုတော့ လာရောက်သူတွေ ကြည်နူးချမ်း မြေ့နုိုင်စေဖုို့ ၊ အေးချမ်းစေဖုို့ မေတ္တာတွေ စေတနာတွေအများကြီးထည့်ပြီး ပြင်ဆင်ခဲ့တာလုို့ ပြန်ပြော မိတတ်ပါတယ်။
နေ့စဉ်တွေ့မြင်နေရတဲ့ ကုိုယ့်အဖုို့ တဖြေးဖြေးပြောင်းလဲသွားတာကုို သတိမထားခဲ့မိပေမယ့် ရံဖန်ရံခါမှ ရောက်လာတတ်ကြသူတွေအတွက်တော့ တစ်ခေါက်နဲ့တစ်ခေါက် တစ်ကြိမ်နဲ့တစ်ကြိမ် ပြောင်းလဲသွား တာက သိသိသာသာ ဖြစ်ကောင်းဖြစ်နုိုင်မှာပါ။
တစ်ခေါက်နဲ့တစ်ခေါက် မတူဘူးလုို့ပြောတတ်ကြသူတွေရဲ့စကားနောက်ကွယ်မှာ ကျောင်းဝင်းနဲ့ ကျောင်းအဆောက်အဦက အလျင်တစ်ခေါက်ကထက် ပုိုမုိုသပ်ရပ်လာတယ်၊ ပုိုမုိုပြီးလည်း သစ်လွင် တောက်ပလာတယ်လုို့ ဆုိုလုိုချင်တာလည်း ပါပါလိမ့်မယ်။ ကြည့်ပျော်ရှုဖွယ်မရှိတဲ့ အရာတော်တော် များများကုို ပြုပြင်မွန်းမံလုိုက်တာဆုိုတော့ မူလအနေအထားနဲ့ တော်တော်ကွာခြာသွားခဲ့ပါပြီ။
ခြားနားသွားတယ်၊ တော်တော်ပြောင်းသွားတယ်ဆုိုတဲ့ စကားကုိုကြားရတုိုင်း သူတုို့တွေ မမြင်နုိုင်တဲ့ ပြောင်းလဲခြင်းအကြောင်းကုိုလည်း သတိရမိတတ်ပါတယ်။ နေထုိုင်ရာ အဆောက်အဦတစ်ခုကုို ပုိုပြီး ကြည့်ပျော်ရှုပျော်ဖြစ်အောင် ဦးစီးစီမံနေတဲ့ သူကုိုယ်တုိုင်က ကုိုယ့်ခန္ဓာအဆောက်အဦကုိုကော ပုိုပြီး ကြည့်ပျော်ရှုပျော်ဖြစ်လေအောင် ဖန်တီးနုိုင်စွမ်းရှိပါရဲ့လား။
အဆောက်အဦတစ်ခုကုို သစ်လွင်လာအောင် ဦးစီးမွမ်းမံခဲ့တဲ့သူကုိုယ်တုိုင်မှာတော့ တစ်နှစ်တာအတွင်း ယွင်းယုိုလာမှုများက မနည်းမနော။ အပေါ်ယံကြော ရုပ်လွှာကုို မြင်ရသူတွေအဖုို့ ထင်ထင်ရှားရှား သတိ ထားမိကောင်းမှ ထားမိနုိုင်မှာဖြစ်ပေမယ့် ကုိုယ်ကုိုယ်တုိုင်ကတော့ ပြောင်းလဲခြင်းများကုို ကောင်း ကောင်း အမှတ်ပြုမိပါတယ်။ ကုိုယ့်ထံကုိုရောက်ရောက်လာတဲ့ အပြောင်းအလဲတစ်ခုခုကုို အမှတ်ပြုမိ လေတုိုင်း ဟုိုတုန်းကဆုို . . .ဟုိုတုန်းကဆုို . . .ရယ်လုို့ အလျင်အချိန်များနဲ့ လက်ရှိကုိုယ့်အနေအထား ကုိုလည်း ပြန်လည်နှိုင်းယှဉ်ကြည့်မိတတ်ပါတယ်။
ခန္ဓာကုိုယ်က ထိလွယ်ခုိုက်လွယ်၊ နာလွယ်ကျင်လွယ်ဖြစ်လာတတ်တာ သိသာလာသလုို မောလွယ်ပမ်း လွယ် ဖြစ်လာတာကလည်း ထင်ထင်ရှားရှား။ နေထိလုို့ နွမ်းတတ်တာ၊ လေထိလုို့ချမ်းတတ်တာ၊ မြေထိ လုို့ ပမ်းလွယ်တတ်တာက ဟုိုယခင်အချိန်ကများနဲ့ တူမှ မတူတော့တာ။ ပမ်းလွယ် နွမ်းလွယ်တဲ့ရုပ် နောက်ကုိုလုိုက်ပြီး စိတ်ကပါ မပမ်းလွယ် မနွမ်းလွယ်စေဖုို့ လေ့ကျင့်မွေးမြူနေနုိုင်လုို့သာ တော်တော့ တယ်လုို့လည်း ကုိုယ့်ကုိုယ်အားပေးလုို့ ဖေးဖေးမမ တွေးဆမိတတ်ပါသေးတယ်။
အထူးသဖြင့်တော့ တစ်နှစ်ပြီးတစ်နှစ် ကြီးရင့်လာတဲ့ ကုိုယ့်အသက်အရွယ်ကုို သတိပြုမိလေတုိုင်း ကုိုယ့်ရဲ့အသက်ကြီးမှုက အဓိပ္ဗါယ်ရှိတဲ့ ကြီးရင့်မှုမျိုးကော ဟုတ်ပါလေစရယ်လုို့လည်း ဆင်ခြင်မိပါ တယ်။
မကြာမီက ဆရာသမားတစ်ပါးထံ အဖူးမြော်ရောက်ခဲ့တော့ ဘယ်နှစ်ဝါရပြီလဲလုို့ ဆရာသမားက မေးပါ တယ်။ ရောက်ရှိနေတဲ့ဝါကုို ပြန်လည်လျှောက်ကြားတော့ အော် မဟာထေရ်ဖြစ်နေပြီပဲလုို့ ဆရာသမား က မိန့်ပါတယ်။ သာသနာတော်အသုံးအနှုန်းအရ ရဟန်းတော်တွေမှာ ဝါ ၂၀ ကျော်လာလျင် မဟာ ထေရ်လုို့ ခေါ်တာကုိုရည်ညွှန်းပြီး မဟာထေရ်ဖြစ်နေပြီလုို့ မိန့်တာဖြစ်မှာပါ။ ထေရ် ဆုိုတဲ့စကားရဲ့နောက် မှာက တည်ကြည်ခြင်းတွေ၊ ရင့်ကျက်ခုိုင်မာမှုတွေစတဲ့ လေးစားဖွယ်ဂုဏ်တွေ ကိန်းတည်နေတယ်လေ။
ဆရာသမားစကားကုိုကြားမိတော့ ဓမ္မပဒမှာ မြတ်ဗုဒ္ဒမိန့်ကြားတော်မူတဲ့ ထေရ်(မဟာထေရ်) လုို့ ခေါ် ထုိုက်သူအကြောင်းကုို သတိရမိလုိုက်တယ်။ အသက်အရွယ်ကြီးရင့်လာလုို့ သတ်မှတ်ချက်အရ မဟာ ထေရ်ဖြစ်လာတာတော့ ဟုတ်ပါပြီ။ မဟာထေရ်တစ်ပါးမှာ ရှိရမည့်အချက်အလက်တွေရော ကုိုယ့်မှာ တကယ်ရှိတာကော ဟုတ်ရဲ့လား။ အသက်အရွယ်ကြီးရင့်မှုနဲ့အညီ ကြီးသင့်တဲ့ အခြားအရာများက ကော ကြီးလာခဲ့တာမှ ဟုတ်ပါလေစ။ တကယ်ကော မထေရ်ခေါ်ဆုိုနုိုင်တဲ့ ဂုဏ်အင်္ဂါများ ကုိုယ့်မှာ ရှိတာမှ ဟုတ်ပါလေစလုို့လည်း ဆင်ခြင်မိပါတယ်။
ဘဝတစ်ခုဖြစ်တည်မှုနဲ့ စပ်နေတဲ့ ဆင်းရဲခြင်းအမှန်တရား၊ ဆင်းရဲခြင်းကုိုဖြစ်ပေါ်စေတဲ့ လက်သည် တရားခံ အကြောင်းမှန်၊ ဆင်းရဲအားလုံးကနေ လွတ်မြောက်ရာအရပ်၊ ဒီလွတ်မြောက်ရာအရပ်ကုို ရောက်ရှိနုိုင်စေဖုို့ လျှောက်လှန်းရမည့်လမ်းကြောင်းနဲ့ လုပ်ရမည့်နည်းလမ်းအသွယ်၊ ဒီအရာတွေကုို သိရှိသူတစ်ယောက်ဖြစ်နေပြီလား။
လောကဆင်းရဲကလွန်မြောက်ရာဌာနကုို အရောက်လှန်းဖုို့ အကျင့်ကောင်းတွေကုို ကျင့်ကြံနေခဲ့တာ ကော ဟုတ်ရဲ့လား။ ကုိုယ့်လုိုပဲ သံသရာခရီးသွား သက်ရှိသတ္တလောကသားများနဲ့ ကုိုယ်မှီတည်နေတဲ့ သက်မဲ့သြကာသကမ္ဘာကြီးအပေါ်မှာ ကုိုယ့်ကြောင့် မထိခုိုက်မနာကျင်ရလေအောင် ညှာတာထောက် ထား အကြင်နာတရားတွေ ထားခဲ့တာရော ဟုတ်ပါရဲ့လား။ ကုိုယ့်ရဲ့ကုိုယ်နှုတ်နှလုံး အမူအကျင့် သုံးမျိုး လုံးကုို ထိန်းချုပ်စောင့်ရှောက်ခဲ့တာကော ဟုတ်ရဲ့လား။ အတုိုးလောဘ၊ အညိုးဒေါသ၊ အဆုိုးမောဟ တရားတွေကုို ပါးသထက်ပါးသွားအောင် ကိလေသာအလွှာတွေကုို ခဝါချနုိုင်ခဲ့တာကော ဟုတ်ရဲ့လား။ အခါခါ စဉ်းစားမိပါတယ်။
မြတ်ဗုဒ္ဓကတော့ ‘ထုိုရဟန်း၏ ဦးခေါင်းသည် ဖွေးဖွေးဖြူ၏၊ ထုိုဦးခေါင်းဖွေးဖွေးဖြူကာမျှဖြင့် ထုိုရဟန်း သည် မထေရ်မမည်။ ထုိုရဟန်း၏ အရွယ်ရင့်အုိုမှုကုို အကျိုးမဲ့ အရွယ်ရင့်အုိုမှုဟု ဆုိုအပ်၏။ အကြင် ပုဂ္ဂိုလ်၌ သစ္စာလည်းရှိ၏၊တရားလည်းရှိ၏။ ညှင်းဆဲမှုမရှိ။ သီလစောင့်ခြင်းလည်းရှိ၏။ ဣနြေ္ဒကုိုလည်း ဆုံးမ၏။ ကိလေသာပျို့အန်ပြီးသော ထုိုပညာရှိပုဂ္ဂိုလ်ကုိုသာ မထေရ်ဟု ဆုိုအပ်၏’-လုို့ မိန့်တော်မူ တယ်။
ဝါကြီးရုံမျှနဲ့ မထေရ်လုို့ မခေါ်နုိုင်သလုို အသက်ကြီးရုံမျှနဲ့ လူကြီးတစ်ယောက်ရယ်လုို့ မဆုိုနုိုင်ဘူးတဲ့။ ရက်တွေ တစ်ရက်ပြီးတစ်ရက် ကုန်လွန်သွားလုို့ အသက်တွေ တစ်နှစ်ပြီးတစ်နှစ် ကြီးရင့်လာတဲ့ကုိုယ့် အဖုို့ ကုန်လွန်သွားမည့်နှစ်တွေဟာ အချည်းနှီးကုန်လွန်သွားတာမျိုး မဖြစ်ရအောင် နေထုိုင်တတ်ဖုို့ လုို ပေလိမ့်မယ်။ ဒါမှသာလျင် နှစ်ပတ်လည်ပွဲကျင်းပခြင်းကလည်း အဓိပ္ဗါယ်ပြည့်တဲ့ ကျင်းပခြင်းမျိုး ဖြစ်ပေလိမ့်မယ်။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
