ဇွန် ၃၊ ၂၀၁၂
အဲဒီ အိတ်(ဒ်စ်) ရောဂါ
အဆိပ်ရောဂါ
အကျိတ်ရောဂါ၊ အနှိပ်ရောဂါ
ဘယ်ဆီက ဘယ်လိုလာသလဲ
ရောဂါဇစ်မြစ်၊ သေချာစစ်တော့
အမြစ်မြေက အချစ်အခြေချ
အိတ် (ဒ်စ်) * ရောဂါအစ၊ အိပ်ရာကတဲ့။
ဃရာဝါသ သံဝါသနဲ့
ကိစ္စများမြောင် လူတို့ဘောင်မှာ
သူမပါလဲ ဘယ်ဟာမှမပြီး
သူပါလဲ ဘယ်ဟာမှမပြီး
မက်စရာဆိုလဲ မက်စရာကြီး
ရှက်စရာဆိုလဲ ရှက်စရာကြီး
ဖက်ပါဆိုလဲ ဖက်စရာကြီး
အဲ- ခက်စရာဆိုတော့လဲ
အခက် မဟာကြီး။
အချစ် အချစ်တဲ့
သိပ်ချစ်တဲ့ အချစ်တဲ့
ကိုယ့်ဘာသာ ချစ်တာ
ဘာာဖြစ်လဲ ဘာဖြစ်လဲတဲ့။
ဘာမှ မဖြစ်ဘူး ဘာမှ မဖြစ်ဘူး
ဖြစ်တော့လဲ မမြင်လိုက်ဘူး
မြင်လဲ မြင်လိုက်ရော
ခြင်ကိုက်သလိုလို ယင်နှိုက်သလိုလိုနဲ့
တင်ကိုရိုက်လို့ အယားဖြေသလို
ပြေဖို့ရာတော့ မလွယ်ဘူး။
အချစ်မှာ မျက်စိမရှိဘူးတဲ့
ရှိတဲ့မျက်စိက ကြောင်တောင်ကမ်း
အငန်းမရ၊ အနမ်းမ၀၊ နှုတ်ခမ်း တသသနဲ့
လှလို့ ချစ်ရတာရော
ဝလို့ ချစ်ရတာရော
ညမို့ ချစ်ရတာရော
ချစ်တာဟာ မုန်းတာမဟုတ်လို့
ရှုတ်ချလို့ မရပေမဲ့
ဒုက္ခတော့ စခဲ့ပြီ။
ပိုးဖလံမျိုး မီးကိုတိုးတော့
ကိုယ်ကျိုးနည်းမှာ မလွဲပါဘူး
သူကျိုးနည်းမှာလဲ မလွဲပါဘူး၊
လူဖလံမျိုး လူကိုတိုးတော့
လူကျိုးလဲနည်း၊ သူကျိုးလည်းနည်း
မလွဲပါဘူး မလွှဲသာ ဆူး။
မင်းတို့ သိပါစ .?
အသိနောက်ကျရင်
ဂျောက်ကျတတ်တယ်
ဂျောက်မကျ အညွှန့်မတုံးချင်ရင်
“ကွန်ဒုံး” ** တဲ့၊
ကွန်ဒုံးဟာ အလွန်အသုံးကျဆိုပဲ၊
သန္ဓေခြားလို့လဲ ရသတဲ့၊
သန္ဓေတားလို့လဲ ရသတဲ့၊
တဏှာနယ်မို့ သွားလို့
“အရှာသယ်” နဲ့ ညားရင်
အကာအကွယ် အတားလဲ ရသတဲ့။
ကွန်ဒုံး ခေါ် သားရေအိတ်
မြေပေါ်မှာပဲ အိပ်အိပ်၊ လေပေါ်မှာပဲ အိပ်အိပ်
မိန်းမက ယောင်္ကျားနဲ့ပဲ အိပ်အိပ်
ယောက်င်္ကျားက မိန်းမနဲ့ပဲ အိပ်အိပ်
နှစ်ယောက်သား မငြင်း ဖောက်ပြားရင်းပဲ အိပ်အိပ်
ယောက်င်္ကျားချင်းပဲ မှောက်မှား ကမြင်းလို့ အိပ်အိပ်
အိပ်လေရာမှာ အဆောင်လုပ်ရင်
နောက်မရှုပ်ဖူးပေါ့။
အဲ့ .. အလုပ်ကများသမို့
ရှုပ်ပ အလကားဆိုရင်
ဒုက္ခများပြီသာ မှတ်ပေတော့တဲ့။
ဝါသနာမပါဘူးဆိုပြီး ကွန်ဒုံးကို
ဘာသာလ၀ါနဲ့ သင်မသုံးရင်
ဝါစာကမာနဲ့ သင်ဘ၀ဆုံးလတံ့။
ဟယ်..တဏှာ ယောင်္ကျား၊ လက်သမား
သင်ကား တရားခံ
တရားခံ ဆိုသော်ငြား
တရားသော်လဲခံ၊ မတရားသောလဲခံ
သင့်အကြံနဲ့ သင်ဆောက်
သင့်ကံနဲ့ သင်မှောက်
သင်ရောက်တဲ့ တဏှာအိမ်မှာ
ဂနာမငြိမ် ဗွေဖေါက်
မသာအိမ် အဆွေဆောက်မိပြီ
သည်ရောဂါ သည်ကိုရောက်အောင်
သင့်ဉာဏ်နဲ့ သင်ဖောက်
သင့်ကံနဲ့ သင်လျှောက်
သင်ဖောက်တဲ့လမ်း သင်ကမ်းတဲ့လက်
သင့်အတွက် သင်ရွေး
သင်မွှေးတဲ့မီး သင့်ကိုယ်မှားတောက်
သင်မွေးတဲ့မျောက် သင့်ကိုပဲခြောက်ခဲ့ပြီ။
အနှီကိစ္စ သည်ကိစ္စကို
သိပ္ပံနည်းကျ၊ နာမသညာ
ဆိုရပါလျှင် ၊ ဟိုဟာ သည်ဟာ
သွယ်ဝိုက်လို့ မနေသာဘူး
အခြေပါပါ ခေါ်ရမှာမို့
“အလျှော် ကိစ္စ”၊ “အဖေါ်ကိစ္စ” လို့
အခေါ်သိပ်လှရင်
အရိပ်ပြလို့ အကောင်မထင်ဘူး။
လင်ဆိုလဲလင်၊ လိင်ဆိုလဲ လိင်
ဇိမ်ဆိုလဲ ဇိမ်ပေါ့
ထမိန်ဆိုလဲ ထမိန်ပေါ့
မတိမ် မ၀ှက် ပြောကြစို့
–တ္ထိလိင်၊ ပုလ္လိင်၊ နပုလ္လိင်၊ ဒွိလိင်
ကြိလိင် ဗဟုလိင်
တလိင် နှစ်လိင် ပွေလိမ်ရှုပ်တော့
အမယ်ဘုတ်ကဲ့ သူ့ချည်ခင်
ဘယ်သူထွင်မှ သည်ရှုပ်ထွေး
ရှင်းပါမယ်လေးတဲ့။
ရှေးက တဘောင်ပေါ်ဖူးတယ်။
ရှေးကတော့ “တဘောင်” တဲ့
ခုတော့ကွယ် နှစ်ပေါင် သုံးပေါင်
လေးငါးပေါင်တဲ့
ပေါင်တွေ လိမ်ရှုပ်တော့
“ပေါင်ချိန်” *** လဲ ဖြုတ်မရ ဖြေမရ
ယောင်္ကျားကလဲ
ယောင်္ကျားကောင်း မောင်းမတထောင်တဲ့
မိန်းမကလဲ မိန်းမကောင်း ယောင်မတထောင်တဲ့
လင်တထောင်နဲ့ ခြင်ထောင်ချရင်
ဆင်ကောင်မတောင် နားရွက်ပြုတ်ပြီး
မြက်ဖုတ်မှာ ကြွက်စုတ်လို ဆန့်ငင် ဆန့်ငင်
မသန့်မစင်နဲ့ မသေခင် ပုပ်ပွပြီး
ရုပ်မလှတော့တဲ့၊ မနုဿတကောင်ကြီးဟာ
ဒုဗ္ဗလဆောင်လို့ ဒုက္ခကောင်ကြီးဖြစ်ခဲ့ပြီ။
အိုင်တွေ့ရင် ခြေဆေးသတဲ့
ကျားမရွေး မ မရွေး ပေးရင်ယူ
မပေးရင် ၀ယ် ၀ယ်မရလု
ကာမေသု ကာမ သုခလ္လိကာ နိရောဓေါ
ဟိနောဂါမော၊ ပေါထုဇ္ဇနီကော
အကြောကို အလိုလိုက်
တဏှာမြေမှာ
ကညာမေ ဗျာကေ၀ိုက်တွေနဲ့
အပ်စိုက် ဘိန်းဖြူ
အသားဆူလို့ အယားထူရင်
မယားယူ လင်မြှောင်၊ အိမ်ထောင်မထူ
သဘောတူရင် အတူအိပ်
လူစိတ်တွေ ပျောက်၊ မျောက်စိတ်တွေထား
“လစ်ဗင်း တူဂဲသား” **** နေ
မျောက်ပိုးတွေ ပွားပြီး
မျောက်များမှာ စွဲတဲ့ မျောက်လွှဲကျော် ရောဂါ
တော ၀နာက မြို့နဂရာကို တက်
ဝက်ဝက်ကွဲ ကမ္ဘာတုန်
ကုနည်းတွေဆန်း ဆေးမျိုးတွေစုံပေမဲ့
လူဘုံက လူသား၊ လူကဖွားသူဟာ
လူသားကို သစ္စာဖေါက်
လူ့အောက်ကို ဆင်း
“အီဗေါ်လူရှင်း” ***** ကို ဖေါက်ပြန်ကဲ့ပြီး
“ရီဗေါ် လူရှင်း” ****** ကို နောက်ပြန်လှည့်တဲ့ခါ
ကုရာ နတ္ထိ၊ ဆေးမရှိ
ရှိတဲ့ဆေးက၊ ကုမရ
လူ့ဘ၀ အညွှန့်တုံး
ကုထုံးမဲ့ ဒီရောဂါဟာ
သော ဘဂ၀ါ ပရမံမြတ်နဲ့လဲ မဆိုင်
တော ၀နာက ပထမံ အတတ်နဲ့လဲ မပိုင်
မကုနိုင်တဲ့ အမှားဟာ
ဘုရားက ဒဏ်ခတ်တာမို့
မနာခင်က အိုပြီး၊ အိုပြီးမှ မနာဘဲ
နာရာ အိုသေ ဆိုလား၊ “ကရာအိုကေ” ******* ဆိုလား
ဇရာ အကြိုနဲ့ သေပေရော့။
အိတ် (ဒ်စ်) * – AIDS
ကွန်ဒုံး ** – Condom
ပေါင်ချိန် *** – တရုတ်ပညာရှိ
လစ်ဗင်း တူဂဲသား **** – Living together
အီဗေါ်လူးရှင်း ***** – Evolution
ရီဗေါ်လူးရှင်း ****** – Revolution
ကရာအိုကေ ******* – Karaoke
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
