လျှပ်စစ်မီးရရှိရေး လူထုဆန္ဒဖော်ထုတ်ပွဲ ဒုတိယမြောက်နေ့
တာရာဝေယံ၊ ရန်ကုန်။ မေ ၂၄၊ ၂၀၁၂
လျှပ်စစ်မီး ၂၄ နာရီ ရရှိရေး လူထုဆန္ဒဖော်ထုတ်ပွဲကို ဒုတိယမြောက်နေ့အဖြစ် ဒီနေ့ည ၇း၀၀ နာရီက ရန်ကုန်မြို့၊ ဆူးလေဘုရားလမ်းမှာ ပြုလုပ်ခဲ့ပါတယ်။ ပွဲမစတင်မီမှာ အနောက်ပိုင်းခရိုင်ရဲတပ်ဖွဲ့မှူးဦးမျိုးအောင်က လူစုခွဲဖို့သတိပေးစာကို မနော်အုန်းလှနဲ့ ကိုဟန်ဝင်းအောင်တို့ထံ ပေးအပ်ခဲ့ပါတယ်။
ကိုဟန်ဝင်းအောင်က စာပါအကြောင်းအရာကို ပရိတ်သတ်အား ဖတ်ပြခဲ့ပေမယ့် ပရိတ်သတ်က လူစုခွဲမသွားဘဲ မိမိတို့ဆန္ဒကိုဖော်ထုတ်ဖို့ စိတ်အားထက်သန်စွာ ဆက်လက်စုဝေးခဲ့ကြပါတယ်။
ဆန္ဒဖော်ထုတ်သူု စုစုပေါင်း ငါးရာကျော်ခန့်ဟာ ဖယောင်းတိုင်များကို မီးထွန်းညှိပြီး ဆူးလေ ဂုံးကျော်တံတား၊ ရန်ကုန်တိုင်းမီးသတ်ဌာနရှေ့တို့မှ ဖြတ်သန်းပြီး နှစ်ယောက်တစ်တွဲစီ ငြိမ်းချမ်းစွာ ချီတက်ဆန္ဒပြခဲ့ကြပါတယ်။
အဲဒီနောက် ဆူးလေဘုရားရင်ပြင်တော်ပေါ်သို့ တက်ရောက်ပြီး ထွန်းညှိထားတဲ့ ဖယောင်းတိုင်တွေကို မြတ်စွာဘုရားထံ ကပ်လှူပူဇော်ကာ အေးအေး ချမ်းချမ်း လူစုခွဲခြင်းဖြင့် အောင်မြင်စွာ အဆုံးသတ်နိုင်ခဲ့ကြောင်း၊ လူစုမခွဲခင်မှာ ကိုဟန်ဝင်းအောင်က ဒီနေ့ပွဲဟာ ပြည်သူတွေကိုယ်တိုင်က သူတို့ကိုယ်တိုင်ဆုံးဖြတ်ပြီး လုပ်တဲ့ပွဲဖြစ်ကြောင်း၊ လူတိုင်းဟာ ခေါင်းဆောင်တွေဖြစ်ပြီး ဘယ်သူဘယ်ဝါ၊ ဘယ်အဖွဲ့ အစည်းကမှ ခေါင်းဆောင်တာ မဟုတ်ကြောင်း ပြောကြားသွားပါတယ်။
ဒီနေ့ပြုလုပ်တဲ့ ဆန္ဒဖော်ထုတ်ပွဲကို ပရိတ်သတ်ထောင်ပေါင်းများစွာ လာရောက်ကြည့်ရှု အားပေးခဲ့ကြတယ်လို့ သတင်းရရှိပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
