ဧပြီ ၁၂၊ ၂၀၁၂
နာရေးကူညီမှုအသင်း (ရန်ကုန်) သည် ၂၀၀၈ ခုနှစ်တွင် အသင်းမှတ်ပုံတင်ကုန်ဆုံးသွားပါသဖြင့် ပြန်လည်၍ (၃) ကြိမ် (၄) ကြိမ်ခန့် ပြည်ထဲ ရေးဝန်ကြီးဌာနသို့လျှောက်ထားခဲ့ရာ ၂၀၁၂ ခုနှစ်၊ မတ်လ (၁၂) ရက်နေ့တွင် အသင်းအဖွဲ့ ဖွဲ့စည်းခွင့်လက်မှတ် (အသင်းမှတ်ပုံတင်) အမှတ် -၁၈၇၉ ဖြင့် ပြန်လည်၍အသင်းအဖွဲ့များ ဖွဲ့စည်းခြင်းဆိုင်ရာဥပဒေနှင့်အညီ ဖွဲ့စည်းခွင့်ပြန်လည်ရရှိခဲ့သည်။ ၂၀၀၈ ခုနှစ်မှစ၍ ၂၀၁၅ ခုနှစ် အသင်းမှတ်ပုံတင်ပြန်လည်၍မချပေးသည့်ကာလနေ့ရက်များတွင် နာရေးကူညီမှုအသင်း (ရန်ကုန်) အနေဖြင့် လုပ်ငန်းများဖြစ်သော နာ ရေး၊ ကျန်းမာရေး၊ ပညာရေး၊ သဘာဝဘေးဒဏ်၊ ကူညီစောင့်ရှောက်ရေး၊ အရေးပေါ်ကူညီထောက်ပံ့ရေး စသည့် လူသားချင်းစာနာစိတ်နှင့် ပရဟိတလုပ်ငန်းရပ်များကို ကိုယ်ကျိုးမဖက်ဘဲ အများအကျိုးအတွက် စဉ်ဆက်မပြတ် လုပ်ကိုင်ပေးဆပ်ခဲ့ပါသည်။ ထိုသို့ အသင်းမှတ်ပုံတင် မကျမှီ ကြားကာလတွင် ကယ်ဆယ်ရေးလုပ်ငန်းများကို ရန်ကုန်တိုင်းပြင်ပ တိုင်း/ဒေသ/ခရိုင်များတွင် ကူညီဖေးမမှုများကို ကုသိုလ်ဖြစ်လုပ် ဆောင်ပေးရာ၌ မြို့နယ်၊ တိုင်း၊ ခရိုင် စသည့် ဒေသဆိုင်ရာအာဏာပိုင်အချို့မှ မိမိတို့အသင်း၏ လာရောက်ကူညီပေးဆပ်မှုများဖြစ်သော ကုသိုလ်ရေးကိစ္စရပ်များကို ဟန့်တားခြင်း၊ ပိတ်ဆို့ခြင်း၊ နှောက်ယှက်ခြင်း စသည့် အကုသိုလ်လုပ်ရပ်များဖြင့်ကြိုဆိုမှုများကို ပြုလုပ် ခြင်း အား တွေ့ကြုံခဲ့ရသည်။ ကျွန်တော်တို့အနေဖြင့် ကုသိုလ်ရေးကိစ္စရပ်များအား မည်သို့အနှောက်အယှက် အတိုက်အခိုက် အဟန့်အတား တွေ့ကြုံသည်ဖြစ်စေ ရဲရဲဝံ့ဝံ့၊ ကြံ့ကြံ့ခံကာ တရားမျှတသော ဥပဒေဘောင်အတွင်းမှရင်ဆိုင်၊ ဖြေရှင်းကာ ဒုက္ခသည်များထံသို့ အထောက်အပံ့ အကူအညီပစ္စည်းများ၊ အလှူငွေများကို ဒုက္ခသည်များလက်အတွင်းသို့ မရောက်ရောက်အောင် ကိုယ်တိုင်ကိုယ်ကျ ပေးအပ်လှူဒါန်း ခဲ့ကြ သည်။ ယခု ၂၀၁၂ ခုနှစ်၊ မတ်လ (၁၂) ရက်နေ့တွင် အသင်းမှတ်ပုံတင်ပြန်လည်၍ နိုင်ငံတော်အစိုးရမှချမှတ်ပေးလိုက်ပြီဖြစ်ပါ၍ ထပ်မံ၍ လူမှုရေးပေးဆပ်မှုများကို အရှိန်အဟုန်မြင့်မားစွာဖြင့် စတင်လုပ်ကိုင်နေပြီဖြစ်သည်။
သို့သော် ၂၀၁၂ ခုနှစ်၊ ဧပြီလ (၁၀) ရက်နေ့တွင် ကျွန်တော်တို့ နာရေးကူညီမှုအသင်း (ရန်ကုန်) သို့ မင်းလှမြို့ရှိ မြင့်မြတ်ကြယ်စင်နာရေးကူညီ မှုအသင်းမှ ဆက်သွယ်မှုပြုခဲ့သည်။ မင်းလှမြို့၊ မြင့်မြတ်ကြယ်စင်နာရေးကူညီမှုအသင်းအား အများပြည်သူအပေါင်းတို့ကို ကူညီမှုလုပ်ငန်းများ အား ရပ်ဆိုင်းပေးရန်အတွက် မြို့နယ်အုပ်ချုပ်ရေးမှူးမှ အကြောင်းကြားစာပို့လိုက်သည့်ကိစ္စရပ်ပင်ဖြစ်တော့သည်။
မင်းလှမြို့ မြင့်မြတ်ကြယ်စင်နာရေးကူညီမှုအသင်းသည် မင်းလှမြို့နယ်တွင် ဘ၀တစ်ပါးသို့ ပြောင်းလဲသွားကြသူများအတွက် အစဉ်ပြေချော မွတ်ရန် လူသားချင်းစာနာစိတ်ဖြင့် မြို့မိမြို့ဖများ၊ လူမှုရေးစိတ်ဓါတ်ထက်သန်သော ပရဟိတလူငယ်များဖြင့်စုစည်းကာ ကိုယ့်ရပ်၊ ကိုယ့်ရွာ၊ ကိုယ့်မြို့နယ်အတွက် တနိုင်တပိုင် ကူညီမှုဖြစ်သော နာရေးကူညီမှုလုပ်ငန်းအား မြို့လယ်ဓမ္မာရုံဘုရားကြီး၌် (၂၃.၇.၂၀၁၁) ရက်နေ့တွင် စတင်ဖွဲ့စည်းထူထောင်ခဲ့ခြင်း ဖြစ်သည်။ မြင့်မြတ်ကြယ်စင်နာရေးကူညီမှုအသင်း ဖွင့်လှစ်သောနေ့တွင် အခမ်းအနားသို့ မြို့နယ်အုပ်ချုပ်ရေး မှူးအပါအ၀င် ဌာနဆိုင်ရာများ၊ မြို့မိမြိုဖများ စုံညီစွာတက်ရောက်ခဲ့ကြသည်။ မင်းလှမြို့၊ မြင့်မြတ်ကြယ်စင် နာရေးကူညီမှုအသင်းသည် မင်းလှမြို့တွင် နာရေးကိစ္စများဆောင်ရွက်ရာ၌ မင်းလှမြို့သုဿန်အား သန့်ရှင်းရေးပြုလုပ်ခြင်း၊ သုဿန်ဇရပ်တည်ဆောက်ခြင်းတို့အပြင် ကိုယ်ထူကိုယ်ထ မီးသင်္ဂြိုလ်စက်ကြီးအားလည်း ကျပ်သိန်းပေါင်း (၄၀၉) သိန်းအကုန်အကျခံကာ အများအကျိုးဆောင်ရွက်ပေးနေသော အဖွဲ့အစည်းလည်းဖြစ်သည်။ ယနေ့အထိ ကွယ်လွန်သူ (၁၂၀) ဦးအား မြေမြုပ်သင်္ဂြိုလ်ပေးခြင်းနှင့် မီးသင်္ဂြိုလ်ပေးသောအလောင်းပေါင်း (၈၀) ဦး ရှိခဲ့ပြီဖြစ်သည်။ ထိုကဲ့သို့မြို့နေ မိဘပြည်သူအပေါင်းတို့အတွက် ကိုယ်ကျိုးမဖက် အများအကျိုးထမ်းရွက်ပေးနေသော ကုသိုလ်ရေး လုပ်ငန်းရပ်တစ်ခုဖြစ်သည့် နာရေးကူညီမှုအသင်းအဖွဲ့အား မြို့နယ်အာဏာပိုင်အဖွဲ့ဖြစ်သည့် မြို့နယ်အုပ်ချုပ်ရေးမှူးမှ အသင်းအား စည်း လုံးမှုမရှိခြင်းဟူသော အကြောင်းပြချက်တစ်ခုနှင့် ပိတ်ပင်တားဆီးမှုကြောင့် မင်းလှမြို့နယ်နေ ပြည်သူလူထုအပေါင်းတို့သည် အနိစ္စတရား သည် မမြဲကြောင်း သိရှိနားလည်ကြသော်လည်း အနိစ္စဟူသောစကား၊ အနိစ္စဟူသောအသံကို မကြားဝံ့၊ မကြုံဝံ့ဖြစ်နေတော့သည်။ ထိုကဲ့သို့သော မတရားပိတ်ဆို့ဟန့်တားမှုကို လက်ကိုင်ပြုနေကြသော အောက်ခြေမြို့နယ်အဖွဲ့အစည်းများ၏လုပ်ဆောင်ချက်များကို ဒီမိုက ရေစီနိုင်ငံတော်သို့ ချီတက်နေပြီဖြစ်သော နိုင်ငံတော်သမ္မတကြီးနှင့်တကွ လွှတ်တော်အမတ်ကြီးများအားလုံးအား အသိပေးရန်မှလွဲ၍ အခြားမရှိနိုင်တော့ချေ။
ခိုင်မာကျစ်လစ်ပြီး တိုးတက်မြင့်မား၊ စည်းကမ်းပြည့်ဝသော ဒီိမိုကရေစီနိုင်ငံတော်သစ်ထူထောင်ရာတွင် အောက်ခြေခိုင်မာမှုရှိရန် အရေးကြီး လှသည်။ တိုင်းပြည်၏ အောက်ခြေအဆောက်အအုံ (Foundation) သည် ဆင်းရဲနွမ်းပါးသော ပြည်သူလူထုပင်ဖြစ်သည်။ ထိုကဲ့သို့ဆင်းရဲနွမ်း ပါးသော ပြည်သူလူထုတို့အား တနိုင်တပိုင်ပံ့ပိုး၊ ကူညီဖေးမပေးနေသော လူမှုရေးအသင်းတစ်သင်းဖြစ်သော မြင့်မြတ်ကြယ်စင်နာရေးကူညီမှုအသင်းအားလည်း ကူညီခွင့်၊ ဖေးမခွင့်၊ လုပ်ကိုင်ခွင့်များပေးရန်လိုအပ်သည်ဟု ကျွန်တော်မြင်မိသည်။ မင်းလှမြို့၊ မြင့်မြတ်ကြယ်စင် နာရေးကူညီမှုအသင်းကဲ့သို့ အသင်းပေါင်းမြောက်များစွာတို့သည် မြန်မာပြည်အရပ်ဒေသအသီးသီးတို့တွင်ရှိနေသည်။ ယခုမြင့်မြတ်ကြယ်စင်နာရေးကူညီမှုအသင်းနည်းတူ ပိတ်ပင်တားဆီးဟန့်တားမှုများကို တွေ့ကြုံခံစားနေရသော အသင်းပေါင်းမြောက်များစွာတို့သည်လည်း ဒုနဲ့ဒေးပင်ရှိနေသည်။ ထို့ကြောင့် နိုင်ငံတော်သမ္မတကြီး၏ မိန့်ခွန်းတွင်ပါရှိသော (NGO) အဖွဲ့များ၊ (Foundation) များ၊ လူမှုရေးအသင်း အဖွဲ့များကို ဒီမိုကရေစီနိုင်ငံတော်သစ်ထူထောင်ရာတွင် နိုင်ငံတော်အစိုးရမှ အားပေးကူညီမှုများပြုလုပ်ပေးမည်ဟုပြောကြားခဲ့သော်လည်း ယခုကဲ့သို့မြို့နယ်အာဏာပိုင်များအနေဖြင့် သမ္မတကြီး၏ဆန္ဒ၊ မြို့နယ်မိဘပြည်သူအပေါင်းတို့၏ဆန္ဒများကိုဆန့်ကျင်ကာ ပိတ်ဆို့မှုများ၊ ဟန့်တားမှုများကို ပြုလုပ်နေခြင်းသည် ဒီမိုကရေစီနိုင်ငံတော်သစ်တည်ဆောက်ရာတွင် ကြီးမားသောတားဆီးမှုတစ်ရပ်ပင် ဖြစ်တော့သည်။
ထို့ကြောင့် နိုင်ငံတော်သစ်ဆီသို့ ချီတက်ကြရာဝယ် ပြည်သူပြည်သားအားလုံးအတွက် စားဝတ်နေရေး၊ ပညာရေး၊ ကျန်းမာရေး စသည့် လူမှုဘ၀တွင် ကြုံတွေ့ခံစားကြရမည့်ကိစ္စရပ်များအား လူသားချင်း စာနာစိတ်ပြည့်ဝစွာဖြင့် ဦးဆောင်ဦးရွက်လမ်းပြချီတက်နေသော ခေါင်း ဆောင်ကောင်းတစ်ယောက်၏ ဆန္ဒ၊ သြ၀ါဒ၊ လမ်းညွှန်ချက်များကို လိုက်နာ၊ ကျင့်သုံး၊ ဆောင်ရွက်၊ အကောင်အထည်ဖော်ပေးရမည့် မြို့ နယ်အဆင့် အာဏာပိုင်များအနေဖြင့် ယခုကဲ့သို့ နိုင်ငံတော်သမ္မတကြီးဧ။် သြ၀ါဒမိန့်ခွန်းအား ကန့်လန့်တိုက်ခြင်း၊ မထီမဲ့မြင်ပြုလုပ်ခြင်းတို့ သည် လွဲမှားမှုတစ်စုံတစ်ရာရှိနေပြီဟု ထင်မိတော့သည်။ တိုးတက်မြင့်မားသော နိုင်ငံတော်သစ်ဆီ လျင်မြန်စွာရောက်အောင် နိုင်ငံတော် သမ္မတကြီးနှင့်တကွ အစိုးရဌာနဆိုင်ရာများနှင့်အတူ တိုင်းရင်းသားပြည်သူပြည်သားအားလုံး လက်တွဲမဖြုတ် စည်းလုံးညီညွတ်စွာ ချီတက် ကြရန် အရေးကြီးလှသည်။
မြန်မာနိုင်ငံတွင် မင်းလှမြို့ဟူ၍အမည်တူ မြို့နှစ်မြို့ရှိသည်။ မကွေးတိုင်း သရက်ခရိုင်၊ သရက်နယ်တွင်ရှိသော မင်းလှမြို့နှင့် သာယာဝ တီခရိုင်တွင်ရှိသော မင်းလှမြို့ဟူ၍ဖြစ်သည်။ ဤတွင် မင်းလှမြို့မှဖြစ်ရပ်ကို ပြန်လည်သုံးသပ်သော် ဒုတိယအင်္ဂလိပ်၊ မြန်မာစစ်ပွဲတွင် (သရက်ခရိုင်)၊ မင်းလှမြို့တွင် နယ်ချဲ့တို့အား မျိုးချစ်မြန်မာများမှ စည်းစည်းလုံးလုံး၊ ရွပ်ရွပ်ချွံချွံ တော်လှန်တိုက်ပွဲဝင်ခဲ့သော မင်းလှခံတပ် ဟူ၍ ရာဇ၀င်တွင်ကဗျည်းတင်ခဲ့သည်။ ယခုမူ (သာယာဝတီခရိုင်) အတွင်းရှိ မင်းလှမြို့တွင် နာရေးကူညီမှုတည်းဟူသော အများပြည် သူလူထုကို ကူညီဖေးမပေးနေသော လူမှုရေးအသင်းကိစ္စရပ်ဖြင့် မြန်မာ … မြန်မာအချင်းချင်း စိတ်ဝမ်းကွဲမှု၊ ဟန့်တားပိတ်ဆို့မှုများ ဖြစ် ပေါ်ခြင်းသည် အချင်းချင်းသွေးကွဲကာ မြန်မာ့ရာဇ၀င်ရိုင်းစေမည့်ကိစ္စရပ်ပင် ဖြစ်တော့သည်။ ထိုသို့ မြန်မာ့ရာဇ၀င်မရိုင်းစေရန်အတွက် တိုင်းပြည်၏ခေါင်းဆောင်၊ နိုင်ငံတော်၏ဖွဲ့စည်းပုံယန္တရား၏ ထိပ်ဆုံးတွင်ရှိ်သော၊ နိုင်ငံတော်၏ အပေါ်ဆုံး၊ အမြင့်ဆုံးတွင်နေထိုင်နေသောသူများအပေါ် နိုင်ငံတော်၏အောက်ထပ်တွင်တည်ရှိနေသော နိုင်ငံ့ဝန်ထမ်းများဖြစ်သော မြို့နယ်အာဏာပိုင်အဖွဲ့အစည်းများသည် စည်း လုံးညီညွတ်စွာဖြင့်အထက်မှ အမိန့်၊ ဆန္ဒ၊ သြ၀ါဒစကားများကို လေးစားသမှုပြုစွာဖြင့် နာခံ၊ လက်ခံ၊ လိုက်နာကျင့်သုံးကြရမည်ဖြစ်သည်။
သို့မဟုတ်ပါက “အပေါ်ထပ်နှင့်အောက်ထပ်ဇာတ်လမ်း” ကဲ့သို့ မည်သည့်လုပ်ငန်းရပ်များမှ အကောင်အထည်ဖော်နိုင်ခြင်းမရှိဘဲ၊ လွဲမှားမှု များစွာဖြင့် အပျက်အပျက်နှင့် နှာခေါင်းသွေးထွက်မည့်အရေးကို တွေးမြင်မိပါတော့သည်။
ကိုရီးယားနိုင်ငံမှာတော့ လူမှုရေးအသင်းအဖွဲ့တွေအနေနဲ့ သူတို့ရဲ့ လူထုအကျိုးပြုလုပ်ငန်းစီမံကိန်းကို သက်ဆိုင်ရာဒေသ အုပ်ချုပ်ရေးအဖွဲ့ကို တင်ပြလိုက်တာနဲ့ ဘတ်ဂျက်ကို အစိုးရက ထောက်ပံ့ပေးပါတယ်။ တင်ပြတဲ့ စီမံကိန်းအတိုင်း လုပ်ဆောင်မှု ရှိ၊ မရှိဆိုတာကို စစ်ဆေးတာ ရှိပေမယ့် လူမှုရေးလုပ်ငန်းတွေ လည်ပတ်အောင် အစိုးရက အဓိက တာဝန်ယူပြီး၊ စေတနာရှင်တွေရဲ့ လှူဒါန်းငွေတွေနဲ့ပါ ပိုပြီး ထိရောက်အောင် ဆောင်ရွက်ပေးပါတယ်။ တကယ်တော့ လူမှုရေးအသင်းအဖွဲ့တွေ ဖွံ့ဖြိုးအောင် လုပ်ပေးဖို့ရာ အစိုးရမှာ အဓိက တာဝန်ရှိတာပါ။ အခုတော့ ကိုယ်ထူကိုယ်ထနဲ့ လူထုအကျိုး ကူညီဆောင်ရွက် ပေးနေတဲ့ အသင်းအဖွဲ့တွေကိုတောင် ဒီလိုမျိုး အနှောက်အယှက် ပေးနေတာဟာ တိုင်းပြည်အနာဂါတ်အတွက် ရင်လေးစရာပါ။ အစိုးရအနေနဲ့ အမြန်ဆုံး ဖြေရှင်းဖို့ တာဝန်ရှိပါတယ်။
လူလိုမသိ လူစိတ်မရှိတဲ့ ဒီလိုကောင်တွေ အုပ်ချုပ်ရေးပိုင်းမှာနေရာရနေတာ တိုင်းပြည်အရမ်းနာတယ် ။ လူတဦးတယောက် ရဲ့နောက်ဆုံးခရီးချောမွှေ့ အဆင်ပြေစေရေးအတွက် ကူညီပံ့ပိုးနေတာကို မကူညီရင်နေပါ ၊ မနှောက်ရှက်သင့်ဘူး ဆိုတာ ထမင်းစားပြီးကြီးလာတာမှန်ရင် နားလည်ရမယ် ။ သေရင်တောင်မြေကြီးလက်မခံတဲ့ တစ်ဘဝစံဆိုတာ ဒီလိုကောင်မျိုးတွေဘဲ ။ ဒီလိုကောင်တွေကို (လားပင်စင်) ပေးမယ့် တဦးတယောက် ၊ တစုတဖွဲ့တော့ လိုအပ်နေပြီ ။