>
ဒီဇင်ဘာ ၃၊ ၂၀၁၁
ဟိုတုန်းကပါ
ကြယ်ကြွေတဲ့အခါ
ပုန်းတယ် ရှောင်တယ်
မြေငလျင် လှုပ်တဲ့အခါ
လပ်ခုပ်တီးတယ်
တောမီးလောင်တဲ့အခါ
ထိုင်ပြီး ဦးညွတ်တယ်
ကမ္ဘာဦးလူသားရဲ့ မီလန်ခိုလီ နေ့များ။
အခုတော့
ဗာဏု ကဗ္ဗလာ ကျောက်ဖြာတင်းတဲ့အခါ
ဖုတ်သွင်းရထား စတင်မောင်းနှင်တဲ့အခါ
ဘုရားသခင်ဖန်ဆင်းတဲ့ ဘိတ်ဆုံးနဲ့ ထိပ်ဆုံး လူနှစ်ယောက်
လက်ဆွဲ နှုတ်ဆက်လိုက်ကြတဲ့အခါ
နိဒါန်းနဲ့ နိဂုံး တထပ်တည်း မြင်မိတဲ့အခါ
သမိုင်းတခုရဲ့ ခေါင်းနဲ့အမြီး ခွဲခြားပြီး မသိတဲ့အခါ
လမ်းကွဲနဲ့ လမ်းခွဲ မသဲမကွဲ ဖြစ်ရတဲ့အခါ
သူ့ဆံပင် နှင်းဆီပွင့်တွေနဲ့ ဂုဏ်တင့်တဲ့အခါ
ညက…
ငြိမ်းဝေတယောက် အိပ်မက် မက်တယ်
ငြိမ်းဝေက ငြိမ်းဝေရဲ့အသုဘကို လိုက်ပို့နေခဲ့တယ် ဆိုပဲ
မနက်မိုးလင်းတော့
မှန်ရှေ့မှာရပ် ပြုံးပြ ငိုပြ လှုပ်ပြ ထိုင်ပြ ထပြ
လက်သီး လက်မောင်း တန်းပြ
စမ်းသပ်မှု အားလုံး ရပ်တန့် ငြိမ်သက် အေးစက် မာတောင်း ဟောင်းအို
(မပေး ပေးပေး ပေးပေးပေး ငါ့ရွှေခွက်ပေး )
အို တကယ့်ကို လွမ်းလောက်ပါရဲ့
ငြိမ်းဝေရဲ့ မီလန်ခိုလီ ညများ။ ။
(မီလန်ခိုလီ = MELANCHOLY )
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
