တတိုင်းပြည်လုံး ကုသိုလ်တရား မပွားနိုင်ကြတော့ပါ
မောင်လူရေး
ဧပြီ ၂၉၊ ၂၀၁၃
အခုလောလောဆယ် လက်ပတောင်းဒေသခံတွေ အလွန်ပူပြင်းတဲ့နေပူကြီးထဲမှာ ငရဲခံနေရသလို နေနေကြရတယ်။
သူတို့ဝန်းကျင်မှာ ငရဲခွေးတွေရဲ့ဟောင်သံ အူသံ၊ ဟိန်းသံ ဟောက်သံတွေလဲ ညံလို့ပေါ့။
ဒီငရဲကို ဖန်တီးတဲ့အခြေအနေတွေဟာ အစီရင်ခံစာမှာပါပါတယ်။
လူမှုဝန်းကျင်အခြေအနေ ဆိုပြီးလေ့လာတင်ပြထားချက်ပေါ့။ ဖတ်ကြည့်ပါအုံး။
“လက်ပံတောင်းတောင် ကြေးနီသတ္တုတွင်းစီမံကိန်းကြောင့် နေရာအပြောင်းအရွေ့တည်ထောင်ပေးခြင်းခံရသော ကျေးရွာသစ်များမှာ သင့်တော်သော စံပြကျေးရွာအဆင့် မမီကြောင်း၊ လယ်ယာမြေရယူခြင်းနှင့် ပေးလျော်ခြင်းတို့တွင် ပွင့်လင်းမြင်သာမှုမရှိကြောင်း၊ ဒေသခံတို့နှင့် ကြိုတင်ညှိနှိုင်းဆွေးနွေးမှု မရှိခဲ့ကြောင်း၊ သတင်းအချက်အလက် ရရှိစေရန် အခွင့်အလမ်းအားနည်းသည့် အများစုဖြစ်သော ဒေသခံတို့အား မြေယာသိမ်းယူမှု၊ ပေးလျော်မှုတို့နှင့်စပ်လျဉ်း၍ ရှင်းရှင်းလင်းလင်းအသိပေးပြောကြားမှု မရှိခဲ့ ကြောင်း၊ မြေနှင့် သီးနှံလျော်ကြေးငွေပေးရန်ဟု ကြောညာခဲ့သည့် မြေပိုင်ရှင် လက်မှတ်ထိုးရသည့် စာရွက်စာတမ်းတွင်မူ မြေယာအား စွန့်လွှတ်ကြောင်းနှင့် လျော်ကြေးငွေ ရရှိကြောင်းဟု ရေးထားကြောင်းစသည့် ရှေ့နောက်မညီမညွတ်မှုများ (Inconsistencies) ရှိခဲ့ကြောင်း၊ လက်မှတ်ရေး ထိုးရသည့် စာရွက်စာတမ်းများအား လက်မှတ်မရေးထိုးမီ သေချာစွာရှင်းပြခြင်း၊ ဖတ်ကြားပြခြင်းမရှိကြောင်း၊ မြေယာစွန့်လွတ်ရသူအတွက် ခိုင်မာသော အထောက်အထား စာရွက်တစ်စုံတစ်ရာကို စနစ်တကျ ပြန်လည်းပေးအပ်ခြင်း မရှိကြောင်း၊ မြေယာလျော်ကြေးသည်လည်းကာလပေါက်ဈေး (Maker Value) အတိုင်း မဟုတ်ခဲ့ကြောင်း သုံးသပ်ရပါသည်” တဲ့ဗျာ။
အဲသလိုမျိုး ကိုယ့်ပြည်သူ ဒေသခံတောင်သူတွေအပေါ် လူစိတ်ပျောက်၊ ဘီလူးစိတ်ရောက်လုပ်ခဲ့တဲ့သူတွေ၊ ပက်စက်ခဲ့တဲ့သူတွေ၊ ယုတ်ကန်းခဲ့တဲ့သူတွေအပေါ် နိုင်ငံတော်က ပုဒ်မ ၁၄၄ ကြီးထုတ်ပြီး အကာအကွယ်တွေမပြတ်တမ်းပေးလို့။
သားစဉ်မြေးဆက် ယုတ်ချင်တိုင်းယုတ်၊ ကန်းချင်တိုင်းကန်းလို့ရအောင်၊ မြေယာတွေ မတရားအနိုင်ကျင့်သိမ်းလို့ရအောင် ကူညီညာပြီး တောင်သူတွေကို သတ်ဖြတ်ပေးလို့၊ ခြိမ်းချောက်ရိုက်နှက်ပေးလို့၊ ဖမ်းဆီးပေးလို့။
တနည်းအားဖြင့် မြန်မာပြည်ကြီး တရုတ်ပြည်ပိုင်ဖြစ်အောင် အားသစ် အင်သစ်တွေဖြည့်လို့၊ ရဲစိတ် ရဲမာန်တွေ တက်ကြွလို့။
တိုင်းပြည်အပေါ် ဘယ်လိုဖြင့်ကောင်းခဲ့တယ်ဆိုတာကို ဘယ်နေရာက အစထုတ်ပြရမှန်းမသိတဲ့ ဘီလူးမနိုင် ဦးပိုင်တွေအတွက် အားကြိုးမာန်တက် ကိုယ့်သဘောဖြူ လူရိုး တောင်သူတွေကို ပစ်သတ်လို့။
ဦးပိုင်ဆိုတာ တိုင်းပြည်အပေါ်စေတနာထားဖို့ဝေးလို့၊ သေချာပေါက်ဘယ်လိုနေနေ မြတ်နေတဲ့ဖုန်းကဒ်တောင် လွတ်လပ်တဲ့ဈေးကွက် စီးပွားရေးနဲ့ ကမ္ဘာလုံးချီ ဒီမိုကရေစီစနစ်ကြီးထဲမှာ သူခိုးဈေးနဲ့ မှောင်ရိပ်ခိုလုပ်ပိုင်ခွင့်ယူပြီး တလ တလ ဘယ်၍ ဘယ်မျှ မသုံးရင် ဘယ်လိုဖြတ်လိုက်မယ်ဆိုတဲ့ စီးပွားရေးမုဒိမ်းကျင့်တဲ့ MEC ရဲ့ဆရာ၊ လူအယုတ်ကန်းဆုံးကြီးတွေလေ။
ဘီလူးတွေအကုန်လုံးက ဦးချရတဲ့ဦးပိုင်ပေါ့။
အဲဒီလူ့သဘက်၊ ဥပဒေမဖက်၊ တရားကင်းပျက်တွေအတွက် နိုင်ငံတော်က၊ လယ်သမားတွေက ပြည်သူတွေက ဘာတွေဆက် ပေးဆပ်နေရအုံးမှာလဲ။
တပြည်လုံး အိုးအိမ်စွန့်ပေးရမှာလား။
တပြည်လုံး တိုင်းပြည်ကြီးထားခဲ့ပြီး နိုင်ငံခြားထွက် ကျွန်ခံပြီး ဘဏ္ဍာတော်ဆက်နေရမှာလား။
ခြုံငုံသုံးသပ်အကြုံပြုချက်ဆိုတဲ့ အစီရင်ခံစာလေး ဆက်ဖတ်ကြည့်ပါအုံးခင်ဗျာ။
“(က) လက်ပံတောင်းတောင် ကြေးနီသတ္တုတွင်းစီမံကိန်းနယ်မြေ၏ လက်ရှိ ဂေဟစနစ် (Ecosystem or Ecological System) သည် မျက်မှောက်ကာလတွင် အရည်အသွေးကျဆင်းမှု၊ ယိုယွင်းပျက်စီးမှု ကြီးကြီးမားမား မရှိသေးသော်လည်း ကြေးနီသတ္တုတူးဖော် ထုတ်လုပ်ခြင်း၊ သတ္တုသန့်စင်ခြင်း စသည့်လုပ်ငန်းများကို ရှေ့တွင် ဆက်လက်လုပ်ဆောင်လာသည်နှင့်အမျှ ဤနယ်မြေရှိ သစ်ပင်၊ သစ်တော၊ သက်ရှိသတ္တဝါ၊ တိရစ္ဆာန်၊ ရေ၊ မြေတိုကို ဧကန်မုချပြောင်းလဲကာ သိသာထင်ရှားသော ထိခိုက်မှုများ ဖြစ်ပေါ်လာ စေမည်ဖြစ်သောကြောင့် ကြိုတင်ကာကွယ်မှုပြုလုပ်နိုင်ရန် သဘာဝပတ်ဝန်းကျင်စီမံခန့်ခွဲမှုစနစ် (Environmental Management System) တစ်ရပ်ကို လုပ်ငန်းမစမီကပင် ပြင်ဆင်၍ ကျင့်သုံးသင့်သည်ဟု သုံးသပ်အကြံအပ်ပါသည်။
(ခ) လက်ပံတောင်းတောင် ကြေးနီသတ္တုတွင်း စီမံကိန်းနယ်မြေတွင် ဖြစ်ပွားခဲ့သော လူမှုဝန်းကျင်ပြဿနာများသည် မြေယာ သိမ်း ဆည်းမှုနှင့် ပြောင်းရွှေ့နေရာချထားမှုအပေါ်တွင် အဓိကအားဖြင့် အခြေပြုခဲ့သည်ဟု သုံးသပ်ရပါသည်။ ထို့အပြင် ကြေးနီ သတ္တုတွင်းစီမံကိန်းလုပ်ငန်းအဆင့်ဆင့်အား ပွင့်လင်းမြင်သာစေမှု (Transparency)၊ သတ္တုတွင်းတူးဖော်ထုပ်လုပ်ရန်အတွက် မြေ လိုအပ်ချက်အား စနစ်တကျ သိရှိနားလည်စေမှုနှင့် အဆိုပါ လုပ်ငန်းများကြောင့် နိုင်ငံတော်နှင့် သက်ဆိုင်ရာအရပ်ဒေသအတွက် အကျိုးကျေးဇူးရှိနိုင်ပုံများအား သိသာသောအထောက်အထားအချက်အလက်များ ပြသမှု၊ ထိုက်တန်သော ပေးလျော်မှု၊ အစားထိုး တည်ဆောက်ပေးမှုနှင့် ဒေသခံပြည်သူများ၏ လူမှုစီးပွားရေးနှင့် အသက်မွေးဝမ်းကြောင်းဘဝအတွက် ထိရောက်သော စီမံဆောင်ရွက် ပေးမှုများ လိုအပ်သည်ဟု သုံးသပ်အကြံပြုအပ်ပါသည်။
(ဂ) မျက်မှောက်ကာလတွင် အကောင်အထည်ဖော်ဆောင်ရွက်နေသော လက်ပံတောင်းတောင် ကြေးနီသတ္တုတွင်းစီမံကိန်း၏ အထောက် အထားများ၊ ရည်ညွှန်းအကိုးအကားများကို အသေးစိတ် လေ့လာစိစစ်ချက်အရ ယနေ့တိုင်အောင် နိုင်ငံတကာပြဋ္ဌာန်းချက် များ၊ စံချိန်စံညွှန်းများနှင့် အဆင့်အတန်းဘောင်ဝင်သော ပတ်ဝန်းကျင်စီမံခန့်ခွဲမှုစနစ်၊ လုပ်ငန်းခွင်စီမံခန့်ခွဲမှုစနစ်၊ လူမှုဝန်းကျင် လေ့လာခြင်းနှင့် စီမံခန့်ခွဲမှုစနစ်များရေးဆွဲကျင့်သုံးလိုက်နာ ဆောင်ရွက်မှုမရှိကြောင်းသုံးသပ်ရပါသည်။
ကြေးနီစီမံကိန်းဆောင်ရွက်ခြင်းကြောင့် နိုင်ငံတော်၊ ပြည်သူလူထုနှင့် အနာဂတ်မျိုးဆက်များအတွက် အကျိုးရှိ/မရှိ
နိုင်ငံတော်အတွက် အကျိုးကျေးဇူး။ ဤကြေးနီစီမံကိန်းမှာ နိုင်ငံတော်သည် ခိုင်ကြေး (Royalty) 4%၊ ကုန်သွယ်လုပ်ငန်းခွန်း (Commercial Tax) ၈%နှင့် ဝင်ငွေခွန် (Income Tax) ၁၅% တို့ ရရှိမည်ဖြစ်ပါသည်။ ၎င်းအခွန်များနှင့် စီမံကိန်း၏တူးဖော်မှုနှင့် ထုပ်လုပ်မှုကုန်ကျစရိတ်ကို နုတ်ပယ်၍ နောက်ဆုံးဝင်ငွေအားခွဲဝေရာ မြန်မာစီပွားရေးဦးပိုင်လီမိတတ်မှ ၅၁% ကိုလည်းကောင်း၊ ဝမ်းပေါင်ကုမ္ပဏီမှ ၄၉% ကိုလည်းကောင်း အသီးသီးရရှိကြမည်ဖြစ်ပါသည်။ နိုင်ငံတော်မှ ရရှိမည့်အကျိုးကို အောက်ပါအတိုင်း တွက်ချက်နိုင်သည်-
စုစုပေါင်းဝင်ငွေ (သို့) ကြေးနီရောင်းရငွေ (Total Revenue) = ၁၀၀%
ထုပ်လုပ်မှုကုန်ကျစရိတ် (Total Cost) = ၅၆%
ခိုင်ကြေး (Royalty) ၄% + ကုန်သွယ်လုပ်ငန်းခွန်
(Commercial Tax) ၈% = ၁၂%
အခွန်မဆောင်မီ အမြတ်ဝင်ငွေ (Income before Tax) = ၃၂%
စုစုပေါင်းဝင်ငွေ ၁၀၀ အပေါ် နိုင်ငံတော်အစိုးရက ရရှိမည့်ခိုင်ကြေး
(Royalty)
စုစုပေါင်းဝင်ငွေ ၁၀၀ အပေါ် နိုင်ငံတော်အစိုးရက ရရှိမည့်ကုန်သွယ်
ခွန် (Commercial Tax) = ၈%
အခွန်မဆောင်မီ ဝင်ငွေ ၃၂ အပေါ် နိုင်ငံတော်အစိုးရက ရရှိမည့်ဝင်
ငွေခွန်( Income Tax) = ၄.၈%
နိုင်ငံတော်အစိုးရကရရှိမည့် အခွန်ငွေစုစုပေါင်း = ၁၆.၈%
အခွန်မဆောင်မီဝင်ငွေ ၃၂- ဝင်ငွေခွန်၎.၈=၁၇.၂ ၏
မြန်မာ့စီးပွားရေးဦးပိုင်လီမိတက်၏ ဝင်ငွေ ၅၁% =၁၃.၈၇၂%
အခွန်မဆောင်မီဝင်ငွေ ၃၂-ဝင်ငွေခွန်၎.၈=၁၇.၂၏
ဝမ်ပေါင် သတ္ထုတွင်းကုမ္ပဏီ၏ ဝင်ငွေ ၄၉% =၁၃.၃၂၈%
(၁) အထက်ပါ တွက်ချက်မှုတွင် နိုင်ငံတော်ကရရှိမည့်အကျိုးအမြတ်ကို ၁၆.၈% ဟုတွက်ချက် ဖော်ပြထားခဲ့ပါသည်။ မြန်မာစီးပွားရေးဦးပိုင်လီမိတတ်နှင့် ဝမ်းပေါင်ကုမ္ပဏီတို့ ၂၀၁၀ ခုနှစ်၊ ဇွန်လတွင် ချုပ်ဆိုထားသော စာချုပ်အပေါ်မှုတည်ပြီး ၁၆ .၈ % ဟု တွက်ချက်ဖော်ပြခြင်းဖြစ်ပါသည်။
(၂) သို့ရာတွင် လက်ရှိတည်ဆဲဥပဒေအရ ကုန်သွယ်လုပ်ငန်းခွန် ၈% ပေးသွင်းရန် မလိုအပ်တော့ပါ။ သို့ဖြစ်ရာ နိုင်ငံတော်ခံစားရမည့် အကျိုးကျေးဇူးထဲမှ ၈% လျော့နည်းသွားမည်ဖြစ်ပါသည်။ ခံစားရမည့် အကျိုးကျေးဇူးသည် ခိုင်ကြေး ၄% နှင့်ဝင်ငွေ ခွင်ပေါ်မှ ကောက်ခံသည့် အခွန်သာ ဖြစ်ပါသည်။ တစ်နည်းဆိုသော် ဤကြီးမားသော လုပ်ငန်းကြီးမှ နိုင်ငံတော်အတွက် အကျိုးကျေးဇူးရှိသည် မှန်သော်လည်း ရရှိသည့်အကျိုးကျေးဇူးမှာ နည်းပါးပါသည်။ စုံစမ်းစစ်ဆေးရေးကော်မရှင်သည် မြန်မာစီးပွားရေးဦးပိုင်လီမိတတ်မှ တာဝန်ရှိပုဂ္ဂိုလ်များနှင့် တွေ့ရှိသည့်အချိန်တွင် ဤအချက်ကို တွေရှိသုံးသပ်ပြီး အလေးထားပြောကြားခဲ့ပါသည်” တဲ့။
ကဲ ပြောပါအုံး …
ဘယ်နေရာကများ ဘယ်လိုအကျိုးကျေးဇူးတွေ ဘယ်သူတွေအတွက် ရှိနေပါလိမ့်။
ဦးပိုင်ကိုငဲ့ပြီး ဒီလိုမျိုးစီမံကိန်းတွေ ဆက်လက်လုပ်ဆောင်ခွင့်ပြုနေအုံးမယ်ဆိုရင်တော့ မကြာခင်မှာ မြန်မာပြည်ဟာ တရုတ်ပြည်ဖြစ်သွားမှာ သေချာပါတယ်။
တသက်နဲ့တကိုယ် ဘယ်လိုကြံစည်လို့မှ မရနိုင်တဲ့စည်းစိမ်တွေ စွန့်လွတ်ရပြီး လူတွေအော့နှလုံးနာမဲ့အတူတူဆိုပြီး ဦးပိုင်ဟာ နယ်စားပယ်စားလောက်ဖြစ်လဲ ကျေနပ်နေမယ့် အစားတွေဆိုတော့ တိုင်းပြည်ကြီးထိုးအပ်ဖို့ဝန်လေးမယ်မဟုတ်ပါဘူး။ ဒါကိုလဲ လုပ်ရပ်တိုင်းက သက်သေပြနေပါတယ်။
လက်ရှိမြန်မာ့ရှေ့ရေး ပူပန်ကြောင့်ကြမှုရှိကြတဲ့၊ လူစိတ်ရှိတဲ့သူတွေအကုန်လုံး ဝိုင်းကြဝန်းကြမှ ရွှေဝါပြည် ကမ္ဘေကမ္ဘာတည်နိုင်မှာပါ။
တကယ်တော့ မြန်မာ့ရေ၊ မြန်မာ့မြေက မြန်မာတွေရဲ့လက်ပတောင်းဟာ
ခေါင်းလောင်းသံတွေအတွက် ကြေးနီကို သိုမှီးထားတာပါ။
တတိုင်းပြည်လုံး ဓမ္မတေးသီရမဲ့ ကြေးနီအမွန်တွေပါ။
မြန်မာ့ဝိညာဉ်လက်ပတောင်းဟာ
ကြေးစည်သံတွေအတွက် ကြေးနီကို ကိုယ်ဝန်ဆောင်ထားတာပါ။
တတိုင်းပြည်လုံး ကုသိုလ်အမျှဝေဖို့ပါ။
လယ်တီဆရာတော်ကိန်းဝပ်စံပျော်ခဲ့တဲ့လက်ပတောင်းဟာ
ဆည်းလဲသံတွေအတွက် ကြေးနီကို မွေးဖွားလိုက်တာပါ။
တတိုင်းပြည်လုံး ချစ်ကြည်ချမ်းမြဖို့ပါ။
ကျည်ဆံတွေအတွက် မဟုတ်ပါဘူး။
လူသတ်လက်နက်တွေ ထုတ်ဖို့မဟုတ်ပါဘူး။
မျက်ရည်တွေ၊ မိဖမဲ့ကလေးတွေ၊ မုဆိုးမတွေ၊ သားပျောက်မိခင်တွေပေါ်ထွက်လာဖို့မဟုတ်ပါဘူး။
လူသားမျိုးဆက်အပေါ် အနာဂတ်မကောင်းမှုများစွာအတွက်
မဖြစ်စလောက်ငွေလေးအတွက်
အခုကိုဘဲ ကိုယ့်ပြည်သူတွေ သွေးပွက်ပွက်ကျနေပါပြီ။
မျက်ရည်စက်လက် ဖြစ်နေရပါပြီ။
အချင်းချင်း ကမ္ဘာမကျေ ဆိုနေရပါပြီ။
အမျှမဝေနိုင်တော့ပါဘူး။
မေတ္တာမပို့နိုင်တော့ပါဘူး။
အမျှဝေသံ၊ ဆုချွေသံတွေအစား တက်ခေါက်သံ၊ အံကြိတ်သံတွေ ကြားနေရပါပြီ။
တတိုင်းပြည်လုံး ကုသိုလ်တရား မပွားနိုင်ကြတော့ပါ။
သမတကြီးရော
ဗိုလ်ချုပ်မှူးကြီးရော
ဒေါ်အောင်ဆန်းစုကြည်ရော
နိုင်ငံရေးခေါင်းဆောင်များရော
အင်း ဦးပိုင်ရော
သေချာစဉ်းစားစေချင်ပါတယ်။
ကိုယ့်ရဲ့ကောင်းမြတ်တဲ့၊ ယဉ်ကျေးပျူငှာတဲ့၊ အေးချမ်းတဲ့၊ ကူညီတဲ့၊ ပျော်ရွှင်တဲ့၊ အားနာတတ်တဲ့၊ ရောင့်ရဲတဲ့၊ ဥပုသ်သီတင်းသီလ နဲ့နေထိုင်ကြတဲ့ မြန်မာ့ဓလေ့စရိုက်တွေ အဆုံးရှူံးခံကြတော့မလားဆိုတာကိုပါ။
တာဝတိံသာ နတ်ရွာလောဆိုတဲ့ အင်မတန်နေချင့်စဖွယ်ကောင်းတဲ့ နိုင်ငံကိုရောပေါ့။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
