>
တင်မိုး
စက်တင်ဘာ ၁၉၊ ၂၀၁၁
“—တပြည်လုံးအတွက် အခက်ဝေေ၀နဲ့ ရတက်ပွေနေသမျှ ရင်ထဲကလှိုင်းသံကာရန်တွေ ထုဆစ်ပြီး ဗျိူးဟစ်သလို ဟစ်လိုက်ချင်ပါတယ်။ ခံစားမှုတွေ ပေါက်ကွဲတဲ့အခါကိုး—“
၁။
“စာဆိုမှုမှာ ကြက်ဥကို အစရှာတတ်ရသေး” သတဲ့။ ရာမရကန် ဆရာကြီးဦးတိုးက ဆိုခဲ့ဖူးတယ်။ မှန်ပါပေ့လို့ စာဆိုကြီးဦးတိုးကို ထောက်ခံချင်တယ်။ ကြက်ဥအစရှာရခက်သလို စာဆိုမှုဆိုတဲ့ ကိစ္စကလဲ အစရှာဖို့ အလွန်ခက်ပါတယ်။
ဉာဏ်ရှိသူတုိ့ စေလိုရာစေနိုင်တဲ့ဉာဏ်မျိုး။ နဂိုပါ ဇာတာအလိုက် စရိုက်အခံရှိပြီးသားလူတွေအဖို့တော့ ဆေးစက်ကျရာ အရုပ်ထင်တဲ့ဉာဏ်မျိုးလို့ဆိုရမှာပါ။
ဒါကြောင့် ဦးတိုးက “ပါရမီယဉ်၊ အရင်ကရှိဖူး၊ စိတ်နူးသူတို့၊ သို့ကသို့၊ သည်ကသည်၊ ဆိုတိုင်းတည်ရသည်” လို့ ဆက်လက်မိန့်မှာခဲ့တာပေါ့။ စာဆိုဉာဏ်ဆိုတာ ပါရမီအခံရှိသူတို့ လိုသလိုဖန်ဆင်းနိုင်တဲ့ ဉာဏ်မျိုးပါ။ “ညွန့်ရှည် ပင်သန် သိဒ္ဓိပြီးဉာဏ်” တဲ့။ အရာရာကို သိဒ္ဓိပြီးဖန်ဆင်းတတ်တဲ့ဉာဏ်မို့ ထိုဉာဏ်ရှင်မျိုးကို မည်သူကမှ ပုန်ကန်လို့ မဖြစ်နိုင်ဘူး .. တဲ့။
ဦးပုည ဟာသနှောပြီး ပြောခဲ့ဖူးသလို “၀မ်းလေပင်စုန်သော်လည်း၊ သုဉ်ဒသမြည်လောက်သည်” ဆိုတဲ့ အာဂဉာဏ်ကို ဆိုလိုခြင်းဖြစ်ပါတယ်။ ပါရမီရှိမှ ပါရဂူမြောက်နိုင်ပါတယ်။ ကဗျာဉာဏ်အာဘော် ကလော်တိုင်း ထွက်နိုင်ပါတယ်။ ပါရမီနည်းသူတို့အဖို့ “အဖြစ်” မျှ၊ “မည်ကာမတ္တ” မျှ ထွက်ပေါ်နိုင်ပါလိမ့်မယ်။ ရွက်ကြမ်းရေကျို စာဆိုမျိုးအဖို့ အမျိုးမျိုးညှစ်ထုတ် ခေါင်းကိုပင်ကုတ်သော်လဲ ကဗျာတပုဒ် စာတပုဒ်ထွက်ဖို့ ခဲယဉ်းပါဘိတောင်း။
“သုံးချက်ညီနဘေထပ်ကယ်နဲ့၊ ထုံးလက်မှီမသွေစပ်နိုင်ဖို့” ဆိုတဲ့ ဆရာလှသမိန်ကဗျာသွားလို ကဗျာ ရေအလျဉ် တသွင်သွင်စီးနိုင်ဖို့ ဝေးသေးစွ။ ကြိုးစားက အထိုက်အလျောက်ဖြစ်နိုင်ကောင်းပါရဲ့။ ဒါပေမဲ့ မလွယ်ကြောမို့ တကယ်မောလှပါတကား။
(၂)
အာရုံထဲမှာ အရုပ်တွေ၊ အသံတွေ ရှုပ်ယှက်ခတ်နေတယ်။ အရုပ်တွေ အရောရောအနှောနှော၊ အသံတွေ တသောသောနဲ့။ အခန်းထဲမှာ လူသူမရှိ။ ချောက်ချားဖွယ်အတိ။ ကဗျာရေးချင်ချင်မို့ ကလောင်ကို ပြင်မိတယ်။
လူသူမဲ့ ဧည့်ခန်း
ဘင်လာဒင်ရဲ့ မုတ်ဆိတ်မှာ
ဗိုလ်နေ၀င်းပုံချိတ်ပြီး
အကြမ်းဖက်သမားတွေရဲ့ပုံရိပ်
ဘွဲ့တံဆိပ်။
ဟိုအဝေး …
ငါတို့မွေးရပ်မြေမှာ …
သေနတ်မောင်းတင်သံ
ဂျောက်ခနဲ အသံကြားရတယ်။
ဧည့်ခန်းထဲမှာ
စားပွဲဝိုင်းကြီးတခု
ထိုင်သူမရှိ။
စကားပြောသူမရှိ။
အသံသာသာ ကဗျာရွတ်သံရှရှ
ခန်းမပြင်ဘက်က ကြားမိတယ်။
ကျမစောင့်နေတာကြာပြီ။
စားပွဲဝိုင်းမှာ အဖြေရှာဖို့
စေတနာတွေ သွန်းလောင်း
စကားကောင်းပြောရအောင်။
တိတ်ဆိတ်မြဲ တိတ်ဆိတ်နေတယ်။
တိတ်ဆိတ်မှုကလွှမ်းမိုးနေတယ်။
သေနတ်မောင်းတင်သံလား …
လက်ထိပ်ခတ်သံလား …
ရင်တဖိုဖို စောင့်စားမှု
လူထုရဲ့ရင်ခုန်သံ
နဲနဲမြန်နေတယ်။
(၃)
ကျွန်တော့်ဇာတိက ကန်မြဲရွာ။ တောင်သာမြို့နယ်၊ မြင်းခြံခရိုင်က။ အနော်ရထာတူးဖော်တဲ့ကန်ကို မြဲအောင်ဆည်ဖို့တည်ဆောက်ကြတဲ့ရွာလို့ အဓိပ္ပာယ်ရှိပါတယ်။
ကျွန်တော်တုိ့နိုင်ငံကတော့ “ကံမွဲရွာ” လို့ဆိုရမယ်ထင်တယ်။ ကုန်းဘောင်ခေတ်မှာ ဂျပန်နဲ့မြန်မာ နိုးထလာပုံချင်းအတူသား။ ကျွန်တော် ဂျပန်မှာတည်းတဲ့နေရာက မဲဂျိဒိုရိလမ်း၊ ဟိုရိဝါရိမှတ်တိုင်တဲ့။ “မဲဂျိဒိုရိ” ဆိုတာ “မေဂျီ ဧကရာဇ်ကို” ကို ဂုဏ်ပြုမှည့်ထားတဲ့လမ်းပါ။ မီဂျီခေတ်မှာ ဂျပန်တို့ တိုးတက်ခဲ့တယ်။ မင်းတုန်း၊ ကနောင်၊ ယောမင်းကြီးတို့ခေတ်ပေါ့။
အခုတော့ ဂျပန်နဲ့ မြန်မာ ယှဉ်ကြည့်ပါဦး။ အဲဒီအဖြစ်ကိုတွေးမိရာက အတွေးစကလေးတွေ ဖွာထွက်လာပြန်တယ်။ ဆန်းစစ်ချင်စိတ်ပေါ်မိတယ်။
ကံမွဲရွာ
ထနောင်းကြောင်ခြစ်၊ ဆူးရစ်ပွင့်ခါ
မိုးမရွာ
ရွာပါသော်လဲ၊ မိုးမသဲတဲ့
ကံမွဲရွာ။
မီဂျီခေတ်မှ၊ သူနိုးထ
တက်ကြွမိုးပျံ၊ အို … ဂျပန်
သူတောင်းစားတဲ့
တို့နိုင်ငံ။
ကုန်းဘောင်ခေတ်မှ၊ ပြိုင်တူထလဲ
အထနှေးနှေး၊ အိပ်ရေးမ၀
သူကတမျိုး၊ ငါတမျိုး
အနိုးမတတ်၊ ထမင်းငတ်
မတ်တတ်ရပ်လို့ လမ်းမှာငို
ရွှေဘိုနေညိုတော့
မြေမျိုခံရ မြန်မာ့ကံ။
သခင်မျိုးဟေ့၊
တရေးနိုးထအော်
ကြွေးကြော်သံကြီး၊ လှိုင်းကိုစီးလဲ
ခရီးတထောက်မှာ
မီးတောက်လိုတောက်
လှေမှောက်လိုမှောက်
တက်ခေါက်ရင်း လက်မြှောက်
အရှက်အကြောက်မဲ့တဲ့တုိ့နိုင်ငံ။
ကမ္ဘာရွာခေတ်၊ မသမာမြစ်မှာ
ဗမာနစ်နေဦးမှာလားကွယ့်ရို့။
ရာစုသစ်မှာ၊ ဘာပြုလို့ နစ်ရမှာလဲ
ခေတ်တခေတ်ကို
အသစ်အသစ်ဖန်၊
နိုင်ငံတည်ဆောက်ဖုိ့
သဘောမပေါက်သေးဘူးလား
ကွယ်ရို့။
ရဲဘော်သုံးကျိပ်
မအိပ်မနေကြိုးစား၊
အသက်ကို ပမာမထားသော်လဲ
အများထဲက တယောက်၊
အဆိပ်အတောက်ကြောင့်
သောက်ကျိုးနဲ မှောက်ထိုးလဲခဲ့ရ
အိုးကွဲရေလျှံ၊
ရာသီမမှန် ဗမာပြည်ရဲ့ကံကို
အသစ်ဖန် အမှန်ဖြစ်အောင်
ခေတ်တခတ်
တည်ဆောက်ကြပါစို့။
တပြည်လုံးအတွက် အခက်ဝေေ၀နဲ့ ရတက်ပွေနေသမျှ ရင်ထဲကလှိုင်းသံကာရန်တွေ ထုဆစ်ပြီး ဗျိူးဟစ်သလို ဟစ်လိုက်ချင်ပါတယ်။ ခံစားမှုတွေ ပေါက်ကွဲတဲ့အခါကိုး။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
