>
အချိန်က ၁၉၉၃ သြဂုတ်လ မနက် (၁၂) နာရီခန့်။ ရွှေတိဂုံဘုရား ပြည်သူ့ဥယျာဉ်အတွင်းမှာရှိတဲ့ သစ်လုံး စားတော်ဆက်။
‘’သင်္ကန်းဝတ်တွေတယောက်မှ မလှုပ်နဲ့။ ခုခံဘို့လည်း မကြိုးစားနဲ့။ ခုခံရင်အားလုံးကို ပစ်သတ်ပစ်မယ်’’
အထက်ပါစကားကိုပြောဆိုရင်း စားသောက်ဆိုင်အတွင်းမှာရှိတဲ့ ရဟန်း (၃) ပါးကို သေနတ်တွေနဲ့ ချိန်ပြီး လက် လိမ်ချိုးသူကချိုး၊ လည်ပင်းညှစ်သူက ညှစ်၊ လက်ထိပ်ခတ်သူ ခတ်နဲ့ န၀တထောက် လှမ်းရေး (၉) ယောက်က ဘုန်းကြီးတွေကိုဖမ်းလည်း ဖမ်း၊ အမိန့်လည်းပေးရင်း ဟိန်းဟောက်နေတဲ့ အသံတွေပါ။
တပည့်တော်တို့ အဲဒီနေ့က ရဟန်းပျိုသမဂ္ဂက အစည်းအဝေးဖိတ်လို့ စားသောက်ဆိုင်မှာဆွမ်းစားရင်း အစည်း လုပ်နေတုန်း အဖမ်းခံရတာဘဲ။ အတော်ရုပ်ပျက် ဆင်းပျက်ကြီးကို အဖမ်းခံရတာပါဘုရား။
ဦးစန္ဒောဘာသအဖမ်းခံရတုန်းက သက်တော်က ၃၀ နှစ်။ ရန်ကုန် ရွှေပြည်သာ ပရိယတ္တိစာသင်တိုက်မှာ တိုက် အုပ်စာချဘုန်းကြီးအဖြစ်နဲ့ ရဟန်းသာမဏေတွေကို စာပေသင်ကြားပို့ချပေးနေတဲ့ဆရာတော်ဖြစ်ပါတယ်။ တ ရားမျှတမှု၊ ငြိမ်းချမ်းမှု၊ စစ်အာဏာရှင်စနစ်အောက်က လွတ်မြောက်မှုအတွက် ကျောင်းသားတွေနဲ့အတူ တတ်နိုင်သမျှပါဝင်ဆောင်ရွက်ခဲ့ပေမယ့် ရဟန်းသံဃာတော်တွေကို နိုင်ငံတော်ပုန်ကန်တဲ့ပုဒ်မတွေတပ်ပြီး မတ ရားဖမ်းဆီးထောင်ချခံခဲ့ရတာပါ။
စစ်အာဏာရှင် သူခိုးဒမြတွေက ရဟန်းရှင်လူကျောင်းသားပြည်သူတွေကို သူခိုး သူခိုးလို့ ပြန်ဟစ်နေတာ အတော်အခံရခက်တယ်ဘုရားဟု ခံပြင်းဒေါသထွက်သံဖြင့် ပြောပါတယ်။
အဲဒီနေ့က အဖမ်းခံရပြီး ဘယ်နေရာမှန်းမသိတဲ့နေရာတနေရာကို ခေါ်သွားတာကိုခံရပါတယ်။ (နောက်မှ အ မှတ် (၇) ထောက်လှမ်းရေးစခန်းဆိုတာသိရတယ်)
‘’ဆင်း’’ဆိုတဲ့ဟိန်းဟောက်သံနဲ့အတူ ရဟန်းတော်တွေ မမြင်မကန်းနဲ့ အောက်အရောက်မှာ ထောက်လှမ်းရေး လို့ယူဆရသူတွေက လက်သီးနဲ့ထိုး ခြေထောက်တွေနဲ့ဆောင့်ကန်ပြီး အခန်းတခန်းထဲထည့်ထားတယ်။
ခြေထောက်တွေကားထား၊ လက်တွေကိုအပေါ်မြောက်၊ နောက်နံရံကိုကပ်ထားလို့ပြောပြီး ရှေ့တည့်တည့် ကနေ ရင်ဝကိုစစ်ဘိနပ်နဲ့ဆောင့်ကန်လိုက်တာ အောက်ကိုလဲကျသွားပြီး တပည့်တော်မေ့သွားတယ်။ ဘယ်လောက်ကြာမေ့သွားမှန်းတောင်မသိလိုက်ဘူး။ တယောက်က မေးကိုကုတ်တင်လိုက်မှ နာကျင်မှုနဲ့အတူ တပည့်တော်ပြန်သတိရလာတယ်။ တပည့်တော်ရဲ့လက်မနှစ်ချောင်းကိုပူးပြီး လက်ထိပ်ခတ်သွားတယ်။
တကိုယ်လုံးနာကျင်နေပြီး ရေကလည်း အရမ်းဆာနေတာ။ အနားမှာရေကလဲမရှိ မိလ္လာနံ့ကလည်း နံနဲ့၊ အတော်လေးဒုက္ခရောက်ပါတယ်ဘုရား။ ည (၆) နာရီလောက်မှာတော့ အရက်နံ့တထောင်းထောင်းနဲ့ ထောက် လှမ်းရေးတယောက်ရောက်လာပြီး မကြားဝံ့မနာသာဆဲရေးတိုင်းထွာပြီး၊ ဟိုလူသိလား၊ ဒီလူ သိလားမေးတယ်။ သူတို့လိုချင်တဲ့အဖြေမရမခြင်း လက်သီးနဲ့ထိုးလိုက်၊ တုတ်နဲ့ရိုက်လိုက်လုပ်ပြီး ရန်ကုန်တမြို့လုံးပတ်ပြီး ဆိုင်ကယ်စီးခိုင်း၊ စက်ဘီးစီးခိုင်းတော့တာဘဲ။ လေးရက်လောက် မအိပ်မနေ နေ့ ည လူလဲပြီး နှိပ်စက်နည်းမျိုး စုံသုံးပြီး စစ်ဆေးမေးမြန်းတော့တာဘဲ။ မထင်းမကျွေးရေမတိုက်ဘဲထားတာပါ။ ထမင်းမစားရ ရေမသောက် ရတဲ့အပြင် သူတို့နှိပ်စက်ထားတာတွေကြောင့် နှုံးခွေပျော့ချိနေပါပြီ။ အတော်ရက်စက်တဲ့ လူစိတ်မရှိတဲ့သူတွေ ပါ။ တပည့်တော် နှိပ်စက်မှုမျိုးစုံကို အတော်လေးခံလိုက်ရတယ်လို့ ရှည်လျားစွာပြောရင်း လွန်ခဲ့တဲ့ (၁၆) နှစ်လောက် က အဖြစ်အပျက်တွေကိုပြန်ပြောင်း ရင်အံကြိတ်ထားသလို အတော်လေးခံပြင်းဒေါသ ထွက်နေတဲ့ပုံရိပ်တွေကို သူ့မျက်နှာမှာ အထင်းသား တွေ့မြင်နေရပါတယ်။
ငါးရက်မြောက်တဲ့နေ့မှာတော့ ရေကြည်အိုင် စစ်ကြောရေးစခန်းကို ပြောင်းရွေ့စစ်ဆေးပြန်ပါတယ်။ ထမင်းလက် တဆုပ်ခန့်နဲ့ ကြက်ဥတလုံး ရေတခွက်ပေးတယ်။ ရေမ၀လို့ ထပ်တောင်းမိပါတယ်။ ဒါ မင့်အမေ့လင်အိမ် မဟုတ်ဘူး။ ထောင်ကွ ထောင်- မပေးနိုင်နိုင်ဘူးလို့ ထောက်လှမ်းရေးရဲ့ ရိုင်းရိုင်းစိုင်းစိုင်း တုန့်ပြန်ဆဲဆိုတာကို ခံရပါတယ်။ ည (၁၂) နာရီလောက်မှာ တခါလာခေါ်ပြီး လေးပေ လောက်ရှည်တဲ့ လက်တ၀ါးသာလောက်ရှိတဲ့ ခုံပေါ် ထိုင်ခိုင်းပါတယ်။ ခြေတင်လို့လည်း မရ။ ကောင်း ကောင်းလည်း ထိုင်လို့မရ။ အောက်မပြုတ်ကျအောင် မနည်းထိန်းထားရတယ်။ (၂) ရက်လောက် ဆက်တိုက်မေးစရာရှိတာတွေမေးပြီး သီးခြားအကျဉ်းထောင်ကို အပို့ခံရတယ်။ စစ်ရုံးကနေ တပည့် တော်ကို နိုင်ငံတော်ပုန်ကန်မှု ပုဒ်မ ၁၂၂/၁၊ နိုင်ငံတော်အကြီးအကဲများအား အကြည်ညိုပျက်အောင် လှုံ့ဆော်မှု ၅/ည၊ မတရားအသင်းနဲ့ ဆက်သွယ်မှု ၁၇/၁ နဲ့ ထောင်ဒဏ် (၂၉) နှစ်ချလိုက်တယ်ဘုရား။
အတော်လေးမောသွားဟန်ဖြင့် ရေနွေးတခွက်ယူသောက်နေပါတယ်။ ကြေကြေကွဲကွဲနဲ့ မကျေမနပ်ခံ စားနေရတဲ့ အသွင်သဏ္ဍာန်ကိုလည်း တွေ့နေပါတယ်။ သူ့ရဲအမူအယာကိုကြည့်ပြီး အတော်လေးစိတ်မ ကောင်းဖြစ်မိသလို ကိုယ်ချင်းလဲစာနာမိပါတယ်။ အာဏာရှင်တွေကဆိုတာကလည်း သူတို့ရဲ့ အာဏာ ပါဝါတွေကိုထိပါးလာရင် ဘုန်းကြီးးသော ဘာသော သိတဲ့သူတွေမဟုတ်လေတော့ ဘာဘဲလုပ်ရလုပ်ရ ၀န်လေးတဲ့သူတွေမဟုတ် ဘူးလေ။
(၅) မိနစ်လောက်ကြာမှ… ထောင်ထဲမှာ (၁၆) နှစ်နေခဲ့ရတာဆိုတော့ ဘယ်လိုနေထိုင်စားသောက်ခဲ့ရတယ်ဆို လည်းပြောပါအုံးဘုရားဟု လျှောက်ထားလိုက်ပါတယ်။
အရှင်ဘုရားရေ အရှင်ဘုရားတို့လည်းကြားဘူးမှာပေါ့။ ထောင်ထဲမှာကျွေးတဲ့အစားအစာကို ခွေး တောင် စားမယ်မထင်ပါဘူဘုရား။ ထမင်းက ပိုးထိုး၊ ငပိလောက်တက် ဘာရွက်တွေမှန်း မသိတဲ့ အရွက်တွေ ကို နုပ်နုပ်စဉ်းပြီးကျွေးတာ။ တပည့်တော်တို့က နယ်ကဆိုတော့ ထောင်ဝင်စာလည်း မရှိဘူးလေ။ ခမည်းတော် က အသက်ကလည်းကြီးပြီ။ မယ်တော်ကြီးက လေဖြတ်ထားတယ်။ ညီတွေကလည်း မသွားတတ်မလာတတ်နဲ့ အစားအသောက်အတွက် ဒုက္ခရောက်တာပေါ့။ နောက်တော့ အခြားအမှုနဲ့ ထောင်ကျလာတဲ့ ဒကာလေး တယောက်ကူညီလို့ အထိုက်အလျောက် အဆင်ပြေခဲ့ပါတယ်။ အခြား သူတွေကိုတောင် တတ်နိုင်သလောက် ကူညီခဲ့ရပါသေးတယ်။ နောက်ပိုင်း NLD ထောက်ပံငွေ ၃၀၀၀ လည်းရတော့ အဆင်ပြေတယ်ပြောရမှာပေါ့ ဘုရား။
ထောင်ထဲမှာ နိုင်ငံရေးသမားတွေ ဖိနှိပ်ခံရတဲ့အကြောင်းကိုလည်း ခုလိုပြောပြပါတယ်။ ထောင်ထဲမှာ ထောင် မှူး၊ ထောင်ပိုင်တွေက မွေးထားတဲ့ လူဆိုးလူမိုက်တွေလည်း ရှိတယ်ဘုရား။ ထောင်ထဲမှာ တက်တက်ကြွကြွ လှုပ်ရှားတဲ့ နိုင်ငံရေးအကျဉ်းသားတွေ၊ မဟုတ်မခံတတ်သူတွေကို နှိပ်ကွပ်ဘို့ မွေးထားတယ်။ ငွေကြေးေ ကြာင့်ရော၊ ရာထူးလေးခိုင်မြဲဘို့အတွက်ရောပေါ့။ ကိုယ့်အမျိုးသားချင်း၊ ကိုယ့်လူမျိုးချင်း နှိပ်စက်နေကြတာ ထောင်ထဲမှာ အတော်ဆိုးပါတယ်ဘုရား။ ထောင်ထဲမှာ ငွေရှိလို့ကတော့ မင်းသားလိုနေလို့ရတယ်။ မူးယစ်ဆေး ၀ါးလိုချင်သား၊ မ-လိုချင်သား။ ရတယ်။ ထောင်မှူး ထောင်ပိုင်တွေကအစ အကျင့်ပျက်လာဘ်စားနေကြ တာ။ ငွေမရှိလို့ကတော့ အစားဆင်းရဲ အနေဆင်းရဲမယ်။ ကံမ ကောင်းရင် ပေါ်တာရဲဘက်ရောက်သွားမယ်။ အတော်လေးစိတ်ပျက်ဖို့ကောင်းသလို အနာဂတ်တိုင်း ပြည်အတွက် အတော်လေး ရင်လေးစရာကောင်းပါ တယ်ဘုရားလို့ ထောင်တွင်းအကြောင်ေးတွကို အ တော်လေးစုံလင်အောင်ပြောပြပါတယ်။
သူပြောပြတာတွေက မကြားဘူးတာတွေ၊ မထင်မှတ်တာတွေဖြစ်လို့ အတော်လေးလည်း အံ့သြထိတ် လန့်မိပါတယ်။ တချို့အကြောင်းအရာတွေက ရေးပြဖို့ မသင့်လို့ ချန်ထားလိုက်ပါတယ်။ တပည့်တော် ထောင် (၂၉) နှစ်ကျတာဘုရား။ ၁၉၉၇ ခုနှစ်က လွတ်ငြိမ်းချမ်းသာခွင့်နဲ့ ထောင်သက် (၁၀) လျော့သွားလို့ (၁၆) နှစ်နဲ့ တလဘဲ ထောင်ထဲမှာနေခဲ့ရတယ်။ ၂၀၀၈ ခုနှစ် စက်တင်ဘာ (၁၈) ရက်မှာ ထောင်ကလွတ်တယ်။
ထောင်ထဲမှာနေခဲ့ရတဲ့အချိန်တွေကတော့ တပည့်တော်ဘ၀အတွက်တော့ တကယ့်ကို ငရဲခန်းတွေပါ ဘုရား။ ကိုယ်က ရာဇ၀တ်မှုတွေကျူးလွန်သူမဟုတ်တော့ ထောင်ကျမယ်လို့ ဘယ်တုန်းကမှလည်း မထင်ထားခဲ့ ဘူးလေ။ တပည့်တော်တို့က ရုတ်တရက်ကြီး အသွင်မတူတဲ့ပတ်ဝန်းကျင်ကိုရောက်သွားတာဖြစ်တော့ ရောက် ခါစမှာ အတော်လေးကို မနေတတ် မထိုင်တတ်တော့ဖြစ်တာပေါ့။ အမှုစုံ၊ လူစုံနဲ့ နှစ်ရှည်နေခဲ့ရတော့ လူတွေ အကြောင်းလည်း ပိုသိလာသလို ကိုယ်ဘာဆက်လုပ်ရမယ်ဆိုတာလည်း သဘောပေါက်လာတယ်။
ထောင် (၁၆) နှစ်ကျခဲ့တာနဲ့ပတ်သက်ပြီးတော့လည်း … တပည့်တော်လုပ်ခဲ့တာတွေနဲ့ပတ်သက်လို့ ခုချိန် အထိ နောင်တရတယ်ဆိုတာ မရှိပါဘူး။ အမှားလုပ်ခဲ့တယ်လို့လည်း မထင်ဘူး။ ကိုယ်လုပ်ခဲ့တာ တွေက အများကောင်းစားရေးအတွက် ကိုယ်နိုင်သလောက် ကိုယ်လုပ်ခဲ့တာဘဲ။ ကိုယ်ကျိုးစီးပွာ တခုမှမပါပါဘူး ဘုရား။ ဒါကြောင့် ကိုယ့်လုပ်ရပ်ကို ဂုဏ်လည်းယူတယ်။ ရှေ့ဆက်ပြီးတော့လည်း တိုင်းပြည် ငြိမ်းချမ်းရေး အတွက် ကိုယ်လုပ်သလောက် ဆက်လုပ်သွားမှာပါဘုရားလို့ တက်တက်ကြွကြွ ပြောနေ ပြန်ပါတယ်။ စောစော က မကျေနပ်မှုတွေ၊ ခံပြင်းမှုတွေ ဘယ်ပျောက်ကုန်မှန်းမသိတော့။ ရှေ့ဆက်လုပ်မယ့်အစီအစဉ်တွေကို ရှည်လျားစွာရှင်းပြပါတယ်။
အထူးသဖြင့်တော့ နိုင်ငံရေးအကျဉ်းသားတွေ အမြန်လွတ်မြောက်ဘို့နဲ့ ထောင်ဝင်စာတွေ ပံ့ပိုးနိုင်ဘို့ လုပ်ရမယ်ဘုရား။ ထောင်ထဲက ဒုက္ခကို ထောင်ထဲနေဖူးမှ တကယ်သိရတာပါ။ စာဖတ်ရုံလောက်နဲ့ မသိနိုင်ဘူး။ အားလုံးဝိုင်းဝန်းလုပ်ကြစေချင်တယ်ဟု တိုက်တွန်းသွားပါတယ်။ ဆရာတော် ဦးစန္ဒောဘာသဟာ ခုဆို သက်တော် (၄၈) နှစ်ရှိပါပြီ။ လောကဓံရဲ့ အထုအထောင်းတွေကို နှစ်ရှည်လများ ခံစားလာရတာဆိုတော့ အရွယ်နဲ့မမျှအောင် ရုပ်ကတော့ အိုစာနေသလို ဆံပင်ဖြူတွေကလည်း ထိုးထိုးထောင်ထောင်ထွက်နေပါပြီ။ ဒါပေမယ့် စိတ်ဓာတ်ကတော့ ကြံ့ခိုင်ဆဲ သွက်လက်နုပျိုဆဲ။
နယ်စပ်ထွက်လာခဲ့ရတာနဲ့ ပတ်သက်ပြီးတော့လည်း ခုလို မိန့်တော်မူပါတယ်။
ထောင်ကထွက်တော့ နေစရာကျောင်းမရှိ။ အာဏာပိုင်တွေက ဆက်လက်အနှောင့်အယှက်ပေးနေတာ ကြောင့် မိသားစုတွေနဲ့ တပည့်တော်ကို လက်ခံထားတဲ့ ဆရာသမား ဘုန်းတော်ကြီးတွေကို ထောက် လှန်းရေးက စိတ်အနှောင့်အယှက်ပေးပြန်ပါတယ်။ မိသားစုတွေကိုလည်း ကိုယ့်အတွက်နဲ့ စိတ်မဆင်း ရဲစေချင်တော့ဘူး။ တပည့်တော်ရဲ့ ခမည်းတော်လည်း တပည့်တော် ထောင်ကမလွတ်ခင်မှာ ဆုံးသွားတယ်လေ။ အသက်ကြီး လှပြီးဖြစ်တဲ့ မယ်တော်ကြီးနားမှာနေချင်ပေမယ့် မြန်မာပြည်တွင်းမှာဆက်နေရင်လည်း အချိန်မရွေး ပြန်အဖမ်း ခံရနိုင်တာကြောင့် ရင်နာနာနဲ့ မယ်တော်ကြီးနဲ့ မိသားစုကိုစွန့်ခွာပြီး ထွက်လာခဲ့ရတာပါလို့ ၀မ်းနည်းပူဆွေး သံနဲ့ပြောရင်း သူ့မယ်တော်ကြီးကို သတိရသွားဟန်တူပါတယ်။
နိုင်ငံရေးအကျဉ်းသားဟောင်း တပါးဖြစ်တဲ့ ဆရာတော် အရှင်စန္ဒောဘာသဟာ ထိုင်းနယ်စပ်တနေရာမှာ ချို့ချို့ ငဲ့ငဲ့နဲ့ သီတင်းသုံးနေထိုင်လျှက်ရှိပြီး စစ်အာဏာရှင်တွေကို ဆက်လက် အံတုရင်း ဘ၀ ကိုဖြတ်သန်းနေပါတယ်။