>
ဆောင်းယွန်းလ
အနီအောက်ရောင်ခြည်နေ့စွဲပါ အကြောင်းအရာ
ခရမ်းလွန်ရောင်ခြည်အမှတ်တံဆိပ်နှိပ် အတွေးဝါဝါတွေဟာ
ထွက်ပေါက်မဲ့ တနင်္ဂနွေလမ်းကျဉ်းလေးထဲမှာ
လေပြေညင်းရဲ့ခြေရာတွေကို မီးကုန်ယမ်းကုန်ရှာနေရင်းနဲ့
အရင်လိုနေ့လည်ခင်းတွေကုန်ဆုံးခဲ့ပြီး
အရင်လိုညနေခင်းတွေနဲ့ မိုးစုန်းစုန်းချုပ်ခဲ့ပြန်တယ်…
ရေတစက်မှမပါပဲ သောက်နေမိတဲ့
လက်ထဲက တနလာင်္ကြွေခွက်ဖြူဖြူလေးတလုံးလိုပါပဲ….
ကောက်ဖွာမိနေတဲ့ စီးကရက်တလိပ်ထဲမှာလည်း
ခရီးမရောက်တဲ့ အဂါင်္မီးတောက်မီးခဲတွေက တရိပ်ရိပ်
အဖုံးမပိတ်ရသေးတဲ့ ပစ္စုပ္ပန်စာအိတ်ထဲမှာ
အနာဂတ်ဆိုတဲ့ အပြာရောင်စာရွက်တရွက်ဟာ တွန့်လိပ်နေတယ်…
ပဋိသန္ဒေပျက်ကျခဲ့ဖူးတဲ့ အတိတ်ကာလတွေကို
ထစ်အနေတဲ့ စီဒီရွန်တချပ်ထဲ ကူးသွင်းထားမိခဲ့တော့
နိုင်ငံရေးထရော်မာကို
ကြာသာပတေးဆေးရုံရဲ့ အတွင်းလူနာအဖြစ်ကုသထားရတဲ့နေ့မှာ
မုန်တိုင်းမိနေတဲ့စိတ်တွေက ဆက်သွယ်မှုဧရိယာပြင်ပရောက်နေခဲ့ကြတယ်..
မိုးမလင်းသေးတဲ့ သောကြာကဖေးမှာ
အရည်ပျော်ဖို့ခက်တဲ့ နွေဖျော်ရည်တခွက်ကိုမှာသောက်ပြီး
အရုဏ်ဦးကို တီးခတ်ကြည့်မိပြန်တော့လည်း
နက်မှောင်တဲ့နေရောင်က အသံကြောင်နေပြန်တယ်…
တိမ်တွေလိုအရောင်ပြောင်းတတ်ပြီး
တောနက်မဲကြီးလိုလှည့်စားတတ်တဲ့ စနေလမ်းခွဲမှာတော့
နီညိုရောင်ဇူလိုင်မိုးတွေက အိပ်မက်ဆိုးအဖြစ်ရွာချနေခဲ့တာ
… … … … ၄၉နှစ်… … … ကြာခဲ့ပြီ… …. … … … ။ ။
*ထရော်မာ = Trauma
(မေ့ပျောက်မရနိုင်အာင်ဖြစ်စေသောဒဏ်၊ စိတ်၊ကိုယ်တွင်ပေါ်လာသောဒဏ်)