မြို့မငြိမ်း၏ နောက်ဆုံးတေး တိမ်လွှာမုို့မုိုလွင်
ရန်ဝင်း (တောင်တံခါး)
မေ ၁၇၊ ၂၀၁၃
တိမ်လွှာမုို့မုိုလွင်ဆုိုတဲ့ စာလုံးကလေးတွေကတော့ ဂီတစာဆုို မြို့မငြိမ်းက သူ့ဘ၀ခရီး နောက်ဆုံးရက်တွေအတွင်းမှာ ရေးသွားတဲ့ တိမ်လွှာ မို့မုိုလွင် သီချင်းရဲ့ နောက်ဆုံးစာသားကတွေပါပဲ။
မြို့မအဖွဲ့ကြီးက တိမ်လွှာမုို့မုိုလွင်သီချင်းကုို ချောမွေ့အောင် သီချင်းတုိုက်နေဆဲမှာပဲ မြို့မငြိမ်း ရုတ်တရက်ကွယ်လွန်သွားခဲ့ပါတယ်။ ဒီကနေ့တော့ မရှိတော့ပြီဖြစ်တဲ့ မန္တလေးမြို့ ရွာဟုိုင်းသုဿန်ထဲက မြို့မငြိမ်း အုတ်ဂူကလေးမှာ တိမ်လွှာမို့မုိုလွှင်ဆုိုတဲ့ စာသားကလေးကုိုရော ဂီတသင်္ကေတကုိုပါ ကျောက်ပြားပေါ်မှာ ထွင်းပြီး ကပ်ထားခဲ့ပါတယ်။
 |
| မန္တလေးမြို့ ရွာဟုိုင်းသုဿန်ထဲက မြို့မငြိမ်းရဲ့ အုတ်ဂူကလေး |
ကြာတော့လည်း ကြာခဲ့ပြီလေ။ ကျနော် မန္တလေးမြို့မှာနေတုန်းကဆုိုရင် နာရေးတခေါက် ကျောင်းဆယ်ခေါက်ဆုိုသလုို သံဝေဂရစရာ နာရေးကိစ္စတွေကုို ပုို့ဆောင်ရင်း ရွာဟုိုင်းသုဿန် ရောက်တဲ့အခုိုက် မြို့မငြိမ်းရဲ့အုတ်ဂူကလေးဆီသွားပြီး မြို့မငြိမ်းကုို မှန်းဆ တမ်းတ ဂါဝရပြုရင်း … မှိုင်းပြာရီညို့ တိမ်လွှာမုို့မုိုလွင် … လုို့ အမြဲ ရွတ်ဆုိုပါတယ်။
တိမ်လွှာမုို့မုိုလွင် သီချင်းက သံစဉ်ရော ဖွဲ့နွဲ့ပုံရော၊ သီချင်းစာသားလှပပုံရော အကောင်းတွေချည်း တစုတဝေးနဲ့မုို့ အဖက်ဖက်က ပြည့်စုံတဲ့ သီချင်းကလေးပါပဲ။
မြို့မငြိမ်းက သူနောက်ဆုံးရေးခဲ့တဲ့ တိမ်လွှာမုို့မုိုလွင် သီချင်းလုိုပဲ သီချင်းတပုဒ်ရေးပြီဆုိုရင် စာသားနဲ့ သံစဉ်ကုို တပြိုင်တည်းရှာလေ့ရှိပါသတဲ့။ သီချင်းကုို တီးမှုတ်ကြတဲ့အခါ ဘယ်တူရိယာက ဘယ်နေရာမှာ ဘယ်လုိုတီးမှုတ်ရမယ်၊ ဘယ်တူရိယာက ဘယ်နေရာမှာ ရပ်နေရမယ်၊ ဘယ်တူရိယာက ဘယ်နေရာမှာ ၀င်လာရမယ်ဆုိုတာတွေကုိုပါ တူရိယာတခုချင်းစီအတွက် သင်္ကေတတမျိုးစီရေးပါတယ်။ တူရိယာ တခုတည်းတီးမှုတ်ရင် သီချင်းမဖြစ်ဘဲ တီဝုိုင်းတခုလုံးတီးမှုတ်ကြမှသာ သီချင်းပီပီပြင်ပြင် ဖြစ်လာပါတယ်။ အဲ့ဒါ မြို့မငြိ်မ်းရဲ့ သြခက်စတြာ တီးဝုိုင်းဖွဲ့စည်းမှု ဟန်ပါပဲ။
မြို့မငြိမ်းက သူ့သီချင်းစာသားတွေမှာ စာလုံးတလုံးစီကုိုလည်း အင်မတန်မှ အလေးအနက်ထားပြီး ရွေးချယ်လေ့ရှိပါတယ်။ ဒါကြောင်ပဲ သူ့ သီချင်းတွေထဲက စာလုံးတလုံးကုို ဖယ်ထုတ်လုိုက်မယ်၊ ပြင်လုိုက်မယ်၊ ထပ်ဖြည့်လုိုက်မယ်ဆုိုရင် သီချင်းရဲ့အနှစ်သာရကုို ပျက်ပြားစေမှာပါပဲ။
တိမ်လွှာမုို့မုိုလွင်သီချင်းထဲက .. မုို့ နဲ့ မုို ကုိုတော့ မြို့မငြိမ်း တော်တော်ကြိုက်နှစ်သက်ပုံရပါတယ်။ သူ့သီချင်း မင်းလက်ဝဲသုန္ဒရမှာလည်း … မုို့မုို့ မုိုမုို၊ ညို့ ညို့ ညိုညို … လုို့ မြို့မငြိမ်းရေးခဲ့ပါတယ်။ လေဘာတီ မမြရင်သီဆုိုပြီး ဓာတ်ပြားသွင်းတဲ့အခါ တဦးတယောက်က … မုို့မုို့ မုိုမုို၊ ညို့ ညို့ ညိုညို … ကုို … မုို့မုို့ မှိုင်းမှိုင်း၊ ညို့ ညို့ ဆုိုင်းဆုိုင်း … လုို့ ပြင်လုိုက်ပါတယ်။ အဲဒီသီချင်းပြင်တာတွေ ထပ်ဖြည့်ထားတတွေကြောင့် မြို့ မငြိမ်းခမျာ တော်တော်ပဲရင်ထုမနာ ဖြစ်ခဲ့ရရှာပါသတဲ့။ နောက်ပုိုင်းမှာတော့ မူရင်းအတုိုင်း ပြန်ဆုိုကြတာတွေ ရှိပါတယ်။
တကယ်တော့ မုို့တယ် မုိုတယ်၊ ညို့တယ် ညိုတယ် ဆုိုတာ ကဗျာဆန်သလောက် လှပပါတယ်။ မုို ဆုိုတာက မုို့နေရုံမကပဲ ပြည့်မောက်နေပါ တယ်။ ညို့ဆုိုတာကလည်း ညိုရုံမကပဲ အုံ့မှိုင်းလုို့နေပါတယ်။ စကားလုံးလေးတွေက လှပသလောက် အဓိပ္ဗါယ်ကလည်း လေးနက်ပါတယ်။
မြို့မငြိမ်းဇနီး ဒေါ်သန်းမေကလည်း မြို့မငြိမ်းရဲ့ နောက်ဆုံးလက်ရာ တိမ်လွှာမုို့မုိုလွင် သီချင်းကုို ချစ်မြတ်နုိုးရုံ၊ တန်ဖုိုးထားရုံမကပဲ ကရုဏာနဲ့ ယုယမြတ်နုိုးတာက ပုိုနေပါသေးတယ်လုို့ သားဖြစ်သူ (ဦး) သန်းအောင်ခုိုင်က သူ့စာအုပ်၊ မြို့မငြိမ်းနဲ့သူ့အနုပညာမှာ ညွှန်းဆုိုထားပါတယ်။
 |
|
အမေ့အသိ၊ အမေ့စကား
စာမျက်နှာ ၇၀၊ မြို့မငြိမ်းနှင့် သူ့အနုပညာ (သန်းအောင်ခုိုင်)
|
 |
|
တိမ်လွှာမုို့မုိုလွင်
စာမျက်နှာ ၄၆၄၊ ပြည်သူချစ်သော အနုပညာသည်များ (လူထုဒေါ်အမာ)
|
အခုစာရေးနေချိန်က မုိုးရာသီဝင်စပြုပြီဆုိုတော့ ကွင်းပြင်ကျယ်ကြီးတွေရဲ့အထက်မှာ မုိုးတိမ်လွှာတွေက မှိုင်းပြာရီညို့လုို့တေနတတ်ပါတယ်။ လွမ်းသူကုို အဆွေးပုိုစေဖုို့ မုိုးမင်း ပဇ္ဖုန်ရှင်က ကလူကျီည်ဆယ်နေတဲ့အခုိုက်မှာ ဆွေးပူသလုို ကျွမ်းစေတော့ရယ်လုို့ မုိုးသက်လေ လေပြည်လေညင်းကလေးတွေကလည်း ဖေးကူလုို့ဆော်သွေး မွှေ့ရမ်းတတ်တဲ့ ရာသီပေါ့လေ။
တိမ်လွှာမုို့မုိုလွင် သီချင်းသံ ကြားရတုိုင်း၊ ကြားရတုိုင်း မြို့မငြိမ်းကုို သတိရ တမ်းတမိတာနဲ့အမျှ ကျနော်ုို့ရင်ထဲက အလွမ်းတိမ်လွှာတွေလည်း မုို့လုို့ မုိုလုို့ နေတာပါပဲ။
မှိုင်းပြာရီညို့ တိမ်လွှာမုို့မုိုလွင် …
စာကုိုး
၁။ ပြည်သူချစ်သော အနုပညာသည်များ (လူထုဒေါ်အမာ၊ မေလ – ၁၉ ၄၆)
၂။ မြို့မငြိမ်းနှင့် သူ့အနုပညာ (သန်းအောင်ခုိုင်၊ ဒီဇင်ဘာ၊ ၁၉ ၉ ၇)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
