တခါက ဆရာ ဒဂုန်တာရာ မွေးနေ့ ပွဲ
စံလင်း
မေ ၂၀၊ ၂၀၁၃
မြန်မာပြည်ရဲ့ စာပေရတနာ တပါး လည်းဖြစ်၊ ခေတ်အဆက်ဆက် ပြည်သူ့ ဘက်က သာရပ်တည်ခဲ့တဲ့ ငြိမ်းချမ်းရေး စာဆိုလဲဖြစ်တဲ့ သက်တော်ရှည် စာရေးဆရာကြီး ဒဂုန်တာရာ ရဲ့( ၉၄ ) နှစ်ပြည့် မွေးနေ့ အချိန်အခါ ကို ရောက်ရှိခဲ့ပြန်ပါပြီ ။ ဆရာကြီး ဒဂုန်တာရာ အသက်ရှည်၍ ကျန်းမာစေကြောင်းဆုတောင်းစာ တွေလဲ အများကြီး ဖတ်ရပါတယ် ။ တချိန်တခါက မောင်လူပေတို့ လူငယ်တစု ဆရာ့မွေးနေ့ လေးကို ကျွန်တော်တို့ တတ်နိုင်သမျှအားလေးနဲ့ ကျင်းပဖြစ်ခဲ့တာကိုလဲ ပြန်ပြောင်း အောင်းမေ့မိပါတယ် ။
တိတိကျကျ ပြောရရင် ၁၉၈၉ ခုနှစ်ရဲ့ မေလ မှာပါ ။ ရှစ်လေးလုံး ပြည်သူ့အရေးတော်ပုံကြီး ရဲ့ အရှိန်နဲ့ နိုင်ငံရေးရေချိန် တွေ တက်နေတဲ့ မောင်လူပေတို့  လူငယ်တစု ဆရာ ဒဂုန်တာရာရဲ့ မွေးနေ့ပွဲလေးလုပ်ဖို့ တိုင်ပင်ကြပါတယ် ။ ရန်ကုန် ၊ မန္တလေး စတဲ့ မြို့ တွေမှာ အရေးအခင်း ပြီးခါစမို့ဆရာ့မွေးနေ့ ပွဲ မကျင်းပဖြစ်ကြောင်း သိရလို့  ဒီလို အကြံရခဲ့တာပါ ။
ဆရာ ဒဂုန်တာရာ ဆိုတာကလဲ လူငယ်တွေ ရင်ထဲမှာ အလွန်ချစ်မြတ်နိုးပြီး တလေးတစားနဲ့တန်ဖိုးထား ရသူပါ ။ ပါတိတ်အဆင် ရှပ်လက်တို အမြဲလိုဝတ်တတ်တဲ့ ဆံပင်ရှည်ရှည်ပိန်ပိန်ပါးပါး မျက်မှန်ထူထူနဲ့ ဆရာ့ကိုတွေ့ ချင်လွန်းလို့ ရန်ကုန်ရောက်တိုင်း လို ဆရာရှိတတ်တဲ့ ၃၃ လမ်းက လေထန်ကုန်း ကိုလဲသွားရတာအမောပါ ။ ဆရာကလဲ လူငယ်တိုင်းကို တလေးတစားနဲ့ ခင်ဗျား ၊ ကျွန်တော် သုံးပြီးဆက်ဆံတတ်သူမို့  လူငယ်များရဲ့ ချစ်ခင်မှု အပြည့်ရသူပါ ။ ဒါကြောင့်လဲ ဆရာ့မွေးနေ့ကျင်းပဖို့ အားလုံးကသဘောတူခဲ့ကြပါတယ် ။ မွေးနေ့ ပွဲကျင်းပမဲ့ နေရာကတော့ စာပေဝိုင်းနေရာလေး တခု မှာပေါ့။
မောင်လူပေတို့ က အလင်းသစ် စာပေဝိုင်း လို့ အမည်ပေးထားတဲ့ စာကြည့်တိုက်မကျ ၊စာအုပ် အငှားဆိုင်မက အသစ်စက်စက် နေရာလေးတခု တည်ထောင်ပြီးစ အချိန်လေးပါ ။ စာကြည့်တိုက် မကျ ဆိုတာကစာကြည့်တိုက်လို့ နာမည်တတ်ခွင့် မရှိတာရယ် ၊ ကိုယ်တိုင်ကလဲ စာကြည့်တိုက် ပညာမကျွမ်းကျင် သူတွေမို့ ကက်သလောက် ( catalog ) တွေ ဘာတွေနဲ့ အစီအစဉ် တကျ တည်ထောင်နိုင်ခဲ့ချင်း မရှိခဲ့လို့ပါ ။
အငှားဆိုင် မက ဆိုတာကတော့ စဖွင့်ထဲက စာကြည့်တိုက်လို ရည်ရွယ်ခဲ့တာမို့ ထိုင်ခုံတွေချပေးထားပြီးဆိုင်ထဲမှာ ကြိုက်သလောက် ဖတ်ခွင့် ပေးထားလို့ ပါ ။ စာအုပ်တွေ အလှုခံပြီး အုပ်ရေနှစ်ထောင် ကျော်နဲ့ စခဲ့တဲ့ ဒီင်္ စာပေဝိုင်းလေးကျေးဇူးနဲ့ မောင်လူပေတို့ လူငယ်တွေ နေ့ တိုင်းလိုစာပေအကြောင်းတွေ ဝိုင်းထိုင် ပြောဖြစ်ခဲ့ကြပါတယ် ။ ဇော် ( ပျဉ်းမနား ) ၊ မောင်သင်းပန် စတဲ့ နီးစပ်ရာ စာပေ သမားတွေလဲ
လာအားပေးကြပါတယ် ။
ဆရာ ဒဂုန်တာရာ မွေးနေ့ ပွဲ အတွက် ရန်ကုန်က ဆရာများ ဖြစ်တဲ့ မောင်သာချို ၊ဖြိုးထိန် နဲ့ စိုးမြင့်လတ် တို့ ကြွရောက်ခဲ့ပြီး ပရိတ်သတ် များဖိတ်ကြားကာ မွေးနေ့ ရှင်မပါ ၊ မွေးနေ့ ကိတ်မလှီးတဲ့မွေးနေ့ ပွဲလေးကိုတောင်ငူမြို့ ရွှေဆံတော်ဘုရား တောင်ဖက်မုဒ် နားမှာရှိတဲ့ အမှတ် ၆ လမ်း ပေါ်ကအလင်းသစ် စာပေဝိုင်း နေရာလေးမှာ ကျင်းပခဲ့ပါတယ် ။ တက်ရောက်ကြသူအားလုံးကို လက်ဖက်ရည်၊ ကောက်ညှင်းပေါင်း နဲ့ ဧည့်ခံပါတယ် ။
ဆရာဖြိုးထိန် က ဆရာ ဒဂုန်တာရာ ပေးပို့ လိုက်တဲ့ မွေးနေ့ သဝဏ်လွှာကို ဆရာ့ကိုယ်စားဖတ်ကြားပါတယ်။
ဆရာက သူကိုယ်တိုင် မလာနိုင်တဲ့အတွက် တောင်းပန်ကြောင်းနဲ့ သူ့ မွေနေ့ ပွဲကို အမှတ်တရကျင်းပပေးတဲ့အတွက် ဝမ်းသာကြောင်း ၊ စာပေဝိုင်းလေးလဲ တိုးတက်ပါစေကြောင်းစကားပါးပါတယ် ။ ရန်ကုန်ကနေ တကူးတက အချိန်ပေးပြီး ဆရာ့ မွေးနေ့ ပွဲ အတွက်လာရောက်ကြတဲ့ စာရေးဆရာများကလဲဆရာ့ရဲ့ နိုင်ငံရေး သမိုင်းကြောင်း ၊ စာပေ သမိုင်းကြောင်း တွေ အားပါးတရဟောပြောကြပါတယ် ။ မောင်သာချိုဆိုရင်လဲ တက္ကသိုလ်က ဆရာပီပီ ဆရာဒဂုန်တာရာရဲ့  တက္ကသိုလ်ကျောင်းသားဘဝ နိုင်ငံရေးလှုပ်ရှားမှုတွေကို ’ ကိုနု ၊ ကိုအောင်ဆန်း ’ စတဲ့ကျောင်းသားခေါင်းဆောင် များရဲ့ သမဂ္ဂ လှုပ်ရှားမှုများနဲ့  ရောပြီးပုံဖေါ်ဟောပြောခဲ့တာ ကြက်သီးမွေးညှင်းများတောင် ထမိပါရဲ့ ။
ဆရာ့ရဲ့ မွေးနေ့ အတွက် ရည်စူးပြီး ရေးစပ်ထားတဲ့ ကဗျာတွေလဲ ဖတ်ကြပါသေးတယ် ။အဲဒီတုန်းကအနုပညာ သည် အနုပညာ အတွက် ( Art for art’s sake ) နဲ့  အနုပညာ သည် ပြည်သူ့ အတွက်( Art for people’s sake ) ဆိုတဲ့ အယူအဆ နှစ်ခု အားပြိုင်နေချိန်ပါ ။ ဒါပေမဲ့
ဘယ်သူကမှ အဲဒီ အကြောင်းမပြောခဲ့ကြပါဘူး ။ ဆရာရေးတဲ့ စာအုပ်တွေဖြစ်တဲ့ ‘ မေ ‘ တို့ ၊ ‘ ကြာပန်းရေစင် ‘ တို့၊ ‘ တို့ ခေတ်သို့  ရောက်ရမည် မှာ မလွဲပါ ‘ တို့ စတဲ့ အကြာင်းတွေပဲပြောဖြစ်ခဲ့ပါတယ် ။ နေ့ လည် နှစ် နာရီ ကျော်မှာ စတင်ခဲ့တဲ့ဆရာ့မွေးနေ့ ပွဲလေးဟာ ဆရာ အသက်ရာကျော်ရှည်ပါစေကြောင်း ဆုတောင်းပြီး အဆုံးသတ်ချိန်မှာတော့ည ၆ နာရီစွန်းခဲ့ပါပြီ ။
နောက်လထုတ် မဂ္ဂဇင်း တချို့ မှာ တော့ ‘ တောင်ငူမြို့ ရဲ့ အလင်းသစ် စာပေဝိုင်းလေးမှာ ဆရာကြီး ဒဂုဏ်တာရာရဲ့ အသက် ( ၇၀ ) ပြည့် မွေးနေ့ ပွဲလေး ကျင်းပခဲ့ကြောင်း ’သတင်းတိုလေး တခု မထင်မရှားပါလာခဲ့ပါတယ် ။ ဘယ်လိုပဲဖြစ်ဖြစ် မောင်လူပေတို့ လူငယ်တစုကတော့ အဲဒီအချိန်က ဘယ်မှာမှမကျင်းပဖြစ်ခဲ့တဲ့ ဆရာ့ရဲ့ မွေးနေ့ ပွဲလေးကို စီကားစွာ ကျင်းပနိုင်ခဲ့တဲ့ အတွက် ယနေ့ လူကြီးများဖြစ်ခဲ့သည့်တိုင်အမှတ်တရရှိနေဆဲပါ ။ ဒီဆောင်းပါးလေးနဲ့ ပဲ ဆရာ့မွေးနေ့ ကိုဂုဏ်ပြုလိုက်ပါတယ် ။
သက်တော်ရှည် ဆရာကြီး ဒဂုဏ်တာရာ ကျန်းမာရေးကောင်းပြီး နိုင်ငံအကျိုး ကို အသက်ရာကျော်အထိသည်ပိုးရွက်ဆောင်နိုင်ပါစေ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
