>
ဒုတိယလစ်ဗျား သည် မြန်မာပြည်တဲ့လား …
ဒါဖတ်ပြီးမှ စိတ်ကူးယဉ်ပါ
ဇာဝါရီ
မတ် ၂၇၊ ၂၀၁၁
(တော်လှန်ရေးနေ့ အထူးဘာသာပြန် ဆောင်းပါး)
ဒီရက်ပိုင်းအတွင်း အမေရိက၊ ဗြိတိန်၊ ပြင်သစ် တို့ ဦးဆောင်ပြီး ကမ္ဘာ့အာဏာရှင် တဦးဖြစ်တဲ့ လစ်ဗျားနိုင်ငံခေါင်းဆောင် ကဒါးဖီ အစိုးရအား တိုက်ခိုက်နေကြတာကို ကြည့်မြင် ကြားသိကြပြီး မြန်မာတွေလည်း စိတ်တွေလှုပ်ရှား တက်ကြွနေကြတယ်။ အင်တာနက်သတင်း၊ အီးမေးလ်၊ ဘလော့၊ ဖေ့စ်ဘုတ် စာမျက်နာတွေကနေ အနောက်နိုင်ငံ အင်အားစုများ တိုက်ခိုက်နေကြတဲ့ ဓါတ်ပုံ၊ သတင်း၊ ဗွီဒီယိုများကို ဖြန့်ဝေနေကြပြီး၊ ဒီလို အနောက်နိုင်ငံတို့ရဲ့  ပံ့ပိုးကူညီမှုနဲ့ မြန်မာစစ်အာဏာရှင်ကိုလည်း တိုက်ခိုက်နိုင်ဖို့ အခွင့်အလမ်း၊ မျှော်လင့်ချက်၊ ဆန္ဒတွေ ရှိနေကြတယ်။
အီရတ်ကို အမေရိကန်တပ်တွေ ဝင်ရောက်တိုက်ခိုက်ချိန်တုန်းကလည်း တချို့  အထင်ကရ နိုင်ငံရေးသမားများ၊ အရေးတော်ပုံသမားများ အပါအဝင် မြန်မာနိုင်ငံသားများက အီရတ်ပြီးရင်တော့ မြန်မာပြည်ဆိုတဲ့ မျှော်လင့်တောင်းတခဲ့ကြသလို အခုလည်း လစ်ဗျား ကဒါးဖီနောက် မြန်မာအာဏာရှင်တို့ ခံရလိမ့်မယ့် လေသံ၊ ပြောဆိုသံတွေကို ကြားနေရပြန်တယ်။
နိုင်ငံတကာတပ်တွေ တရားနည်းလမ်းအရ၊ အများသဘော ထောက်ခံမှုအရ မြန်မာနိုင်ငံဘက် ဦးတည်လာနိုင်စရာ ရှိသလားဆိုတာ လက်ရှိ ကမ္ဘာ့နိုင်ငံရေး နဲ့ အင်အားကြီးနိုင်ငံများရဲ့  နိုင်ငံခြားမူဝါဒကို ယေဘုယျ လေ့လာအကဲခတ်မိသူတိုင်း သုံးသပ်နိုင်ကြပါလိမ့်မယ်။
အခြေခံအားဖြင့် ယနေ့ အနောက်နိုင်ငံများရဲ့ နိုင်ငံခြားရေးမူဝါဒက လူ့အခွင့်အရေးဆိုင်ရာကို အလေးထားပေမယ့် အများအားဖြင့် ပါးစပ်နဲ့ပြော၊ စာထုတ် ပြစ်တင်ရှုတ်ချ၊ နှစ်ပတ်လည် အစီရင်ခံစာထုတ်ပြန် ပြောဆိုရုံမျှဖြစ်ပြီး။ အပြင်းထန်ဆုံး လုပ်ရပ်က စီးပွားရေးဒဏ်ခတ် ပိတ်ဆို့မှုလောက်နဲ့ ဖိအားပေးကြပြီး၊ နောက်ဆုံး စစ်ရေးအရ ဝင်ရောက်တိုက်ခိုက်မှုကတော့ မိမိတို့ စီးပွားရေး၊ နိုင်ငံရေး ကိုယ်ကျိူးစီးပွားနဲ့ တိုက်ရိုက်ဆက်နွှယ်နေမှု၊ မိမိတို့ နယ်မြေ၊ ဂုဏ်သိက္ခာ ထိပါးလာတော့မှ တုံ့ပြန်ကြတာကို တွေ့ရှိနိုင်ပါတယ်။
ဘယ်လိုပဲဖြစ်ဖြစ် မိုးမခစာချစ်သူများ အမေရိကန်ပြည်ထောင်စုရဲ့  နိုင်ငံခြားရေးမူဝါဒဆိုင်ရာ တစိတ်တပိုင်းကို စိတ်နှလုံးရွှင်ပြုံးစွာနဲ့ သိရှိနိုင်ဖို့ အမေရိကန်နိုင်ငံရဲ့  အထင်ကရ ဟာသလူရွှင်တော် ဂျွန် စတီးဝက်ထ် (The Daily Show with Jon Stewart) ဟာသနှော ရှင်းလင်းထားတာကို တင်ပြပေးလိုက်ပါတယ်။ ဗွီဒီယိုထဲက ပြောဆိုချက်များကို ဆီလျော်အောင် ဘာသာပြန်ဆို ပေးထားပါတယ်။
အမေရိကန်ရဲ့ သူတပါးတိုင်းပြည်လွတ်လပ်ရေးအတွက် ကူညီဝန်ဆောင်မှု အမျိူးအစားများ
(ဗွီဒီယို ကောက်နုတ်ချက်)
ဂျွန် စတီးဝက်ထ် ။ ။ အမေရိကန်အစိုးရအနေနဲ့ တလျှောက်လုံး သည်အရေးတော်ပုံကြီးကို တသမတ်တည်း လုပ်ဆောင်ခဲ့တယ်။
[သမ္မတ အိုဘားမား ။ ။ ဒီလို အပြောင်းအလဲကာလမှာ အမေရိကန်ပြည်ထောင်စုအနေနဲ့ လူသားအားလုံးရဲ့  လွတ်လပ်မှု၊ တရားမျှတမှု၊ ဂုဏ်သိက္ခာတို့အတွက် မားမားမတ်မတ် ရပ်တည်လုပ်ဆောင်သွားပါမယ်။ ]
ဂျွန် စတီးဝက်ထ် ။ ။ ကျနော်တို့ ရပ်တည်သွားမယ်ဟုတ်လား။ ဒီလို လှုံဆော် ၀ါဒဖြန့်မှုတွေ ပြောဆိုမှုတွေ မကြာခင်မှာ စမ်းသပ်ခံရ ပါတော့တယ်။
[အေဘီစီ သတင်းကြေညာသူ ။ ။ ဒီနေ့မနက်ပဲ အစိုးရဆန့်ကျင် ဆန္ဒပြနေသူများ စခန်းချနေတဲ့ ဘာရိန်း (Bahrain) မြို့တော်ရဲ့  အထင်ကရ ပြည်သူ့ရင်ပြင်ကို ဆော်ဒီအာရေးဗျ (Saudi Arabia) တပ်များ ဝင်ရောက်တိုက်ခိုက်ကြလို့ ဆန္ဒပြသူ (၆) ယောက် သေဆုံးခဲ့ပါတယ်။]
ဂျွန် စတီးဝက်ထ် ။ ။ ဒီမိုကရေစီအရေး ငြိမ်းချမ်းစွာ ဆန္ဒပြနေကြသူတွေ အသတ်ခံနေရတယ်။ ဒီလိုလုပ်တာကို လွတ်လပ်မှုကို ထောက်ခံအားပေးနေတဲ့ အမေရိကန် အစိုးရအနေနဲ့ ဒီအတိုင်းနေသွားမှာ မဟုတ်ဘူး။
[အိမ်ဖြူတော် ပြောရေးဆိုခွင့်ရှိသူ ဂျေ ကာနေ ။ ။ ဘာရိန်းအစိုးရနဲ့ ဘာရိန်းပြည်သူတွေ အစွမ်းကုန် ထိန်းထိန်းသိမ်းသိမ်း ဖြေရှင်းကြဖို့ ကျနော်တို့ တိုက်တွန်းပြောဆိုနေပါတယ်။ အားလုံး (နှစ်ဖက်စလုံး) အစွမ်းကုန် သိမ်သိမ်မွေ့မွေ့ လုပ်ကိုင်ဖို့ လိုအပ်ပါတယ်။]
ဂျွန် စတီးဝက်ထ် ။ ။ ဟုတ်တာပေါ့။ နှစ်ဖက်စလုံး အဆုံးစွန် ထိန်းထိန်းသိမ်းသိမ်း ရှိကြရမှာပေါ့။ နှစ်ဖက်စလုံး – လျှော့လျှော့ပေါ့ပေါ့ လုပ်သင့်တာပေါ့။ ထင်သာမြင်သာတဲ့ ထိန်းသိမ်းလုပ်ကိုင်မှုမျိုးတွေက လွဲလို့ပေါ့။ ဘာရိန်း နဲ့ ဆော်ဒီ တပ်တွေအနေနဲ့ ဆန္ဒပြသူတွေကို ပစ်ခတ်နေတာကို ရပ်စဲကြသလို၊ ဆန္ဒပြသူတွေကလည်း ပစ်ခတ်မခံရအောင် ပစ်ခတ်နေတဲ့နေရာမှာ သွားမနေကြနဲ့ပေါ့။
ဘာကြောင့် လစ်ဗျားသူပုန်တွေအတွက် ရာနဲ့ချီတဲ့ တွန်မာဟော့ခ် ဒုံးကျည်းတွေ အကူအညီ ရရှိနေချိန်မှာ ဘာရိန်းပြည်သူတွေကိုတော့ ဟေ့ – တိုးတိုးတိတ်တိတ် (ပြေပြေလည်လည်) ဖြေရှင်းကြမလားတဲ့။ ဂျွန် အိုလီဗာ (John Oliver) က ဒီအရေးကိစ္စကို ကူညီရှင်းလင်း ပြောပြပါလိမ့်မယ်။
ဂျွန် အိုလီဗာ ။ ။ ကျေးဇူးပါ ဂျွန်။ သိတဲ့အတိုင်း နှစ်ပေါင်းများစွာ လွတ်လပ်မှုအခွင့်အရေး မြတ်နိုးကြတဲ့ လူတွေကို အမေရိကန်ပြည်ထောင်စု ပုံစံအမျိုးမျိုးနဲ့ ပံ့ပိုးကူညီနေခဲ့တယ်။ အထူးသဖြင့် အခြေအနေတွေအလိုက် အံဝင်ခွင်ကျ စီမံလုပ်ဆောင်ပေးတယ်။ ဒီအကြောင်းတွေကို ခင်များအနေနဲ့ ကျနော်ကို ပြောစေချင်မှာ မဟုတ်ဘူး။ ခင်ဗျားက ကျနော်ကို သရုပ်ပြ ရှင်းပြစေချင်တယ် မဟုတ်လား။
ဂျွန် စတီးဝက်ထ် ။ ။ ဘယ်လို။
ဂျွန် အိုလီဗာ ။ ။ ကျနော့်နောက် လိုက်ခဲ့ပါ။ ဂျွန် အများအားဖြင့် နိုင်ငံတော်တော်များက ပြည်တွင်းစစ်ဖြစ်တာကို ကပ်ဘေးတခုလို တွေးထင်နေတတ်ကြတယ်။ တကယ်တော့ ဒါက “စားပေါက်စားလမ်း အခွင့်အရေး” ကပ်ဘေး ဖြစ်တယ်။ ကျနော်ပြောနေတာက အမေရိကန်ရဲ သူတပါးလွတ်မြောက်မှုအတွက် ကူညီပေးနေတဲ့ဝန်ဆောင်မှု အခွင့်အလမ်းတွေကို ဆိုလိုတာ။ လွတ်လပ်ခွင့်အရေး ဝန်ဆောင်မှုတွေ။ ကမ်းလှမ်းမှုတွေပါ။ ဘယ်ဟာက ခင်ဗျားအတွက် အသုံးတည့်သလဲဆိုတာကို ကျနော်အနေနဲ့ ဒီနေ့ ပြောပြချင်နေတာ။
ဂျွန် စတီးဝက်ထ် ။ ။ ဘယ်နိုင်ငံမဆို အမေရိကန်ရဲ့ လွတ်လပ်ခွင့်အရေး ၀န်ဆောင်မှု ကူညီမှုတွေ ရရှိအောင် ဘယ်လို လျှောက်ထားခွင့်ရ နိုင်မှာလဲ။
ဂျွန် အိုလီဗာ ။ ။ လုံးဝရတာပေါ့ ဂျွန်။ ပြောကြပါစို့ – ခင်များရဲ့  နိုင်ငံက အလွန်ရက်စက်ကြမ်းကြုတ်တဲ့ အာဏာရှင် အစိုးရလက်အောက်မှာ ရှိနေတယ်။ ဒါပေမဲ့ မဟာဗျူဟာအရ အရေးမကြီးဘူး။ ပြီးတော့ သောက်သုံးရေအပြင် တခြားဘာ သယံဇာတမှ များများစားစား မရှိဘူး ဆိုပါတော့။
ဂျွန် စတီးဝက်ထ် ။ ။ ဆူဒန် (Sudan) လို နိုင်ငံမျိုးပေါ့။
ဂျွန် အိုလီဗာ ။ ။ မှန်လိုက်တဲ့ ဥပမာတခုပဲ။ ဒီမှာကြည့် ဒါ ဆူဒန် ပေါ့။ ဘာသာရေး ပဋိပက္ခ၊ ပြည်တွင်းစစ် နဲ့ ငတ်မွတ်ကပ်ဘေးတွေကြောင့် လူ သန်းပေါင်းများစွာ သေကြေပျက်စီးနေခဲ့တယ်။ ဒီလိုအခြေအနေမျိုးမှာ အမေရိကအနေနဲ့ ကြေးတံဆိပ်အဆင့် ဝန်ဆောင်မှုကို ပေးခဲ့တယ်။
ဂျွန် စတီးဝက်ထ် ။ ။ တကယ်ကို မရေမရာ၊ ဟိုလိုလို ဒီလိုလို နှုတ်အားဖြင့် ကူညီ ၀န်ဆောင်မှုပါပဲ။ အဲဒီကနေ ဆူဒန် ဘာ ၀န်ဆောင်မှုတွေ ရရှိပါသလဲ။
ဂျွန် အိုလီဗာ ။ ။ ခဏစောင့်ပါအုံး။ ပထမဦးဆုံး ခင်ဗျားတို့ မရနိုင်တာက စ ပြောကြရအောင်။ ဂတိကဝတ် ပြောဆိုမှု၊ ငွေကြေးထောက်ပံ့မှု နဲ့ တိုက်ရိုက်ဝင်ရောက်ဖြေရှင်း ကူညီမှုတွေကို အမေရိကန်အစိုးရဆီက ရမှာ မဟုတ်ပါဘူး။ ဒါပေမဲ့ မကြာခဏဆိုသလို ခင်ဗျားတို့ရဲ့  အကျဉ်းအကြပ် ဒုက္ခပြဿနာတွေကို “စိတ်ဝင်စားတယ်” ဆိုတဲ့ ပြောဆိုမှု (နှုတ်၏ ဆောင်မခြင်း) ရရှိပြီး၊ ဘိုနို၊ ရှောင်ပန်၊ အန်ဂျလီနား ဂျိုလီ၊ ဂျော့ ခလိုနီ နဲ့ ပြီးတော့ ဂျော့ ခလိုနီနဲ့ ရုပ်ရှင်တွဲရိုက်တဲ့လူတွေရဲ့ အရေးပေးဆက်ဆံရေးကို ရပါလိမ့်မယ်။ စောင့်ကြည့်ပါအုံး။ သူတို့လည်း ကိုယ်ပိုင်အချိန်ဇယားနဲ့ လာရောက်ကြပြီး။ နောက် သူတို့တတွေ မင်းတို့ ဆူဒန်နိုင်ငံကနေ အီးပန်းပြီး ပြန်ကြရလိမ့်မယ်။
ဂျွန် စတီးဝက်ထ် ။ ။ ဝိုး – ဒီလို အကူအညီမျိုးတော့ အီဂျစ် (Egypt) မရပါဘူး။
ဂျွန် အိုလီဗာ ။ ။ မှန်လိုက်တာ။ ဒီလိုမျိုးတော့ မရဘူး။ အီဂျစ်ကိုတော့ အမေရိကန်ပြည်ထောင်စုက မဟာဗျူဟာတန်ဖိုးရှိ နိုင်ငံလို့ သတ်မှတ်ထားတယ်။
ဂျွန် စတီးဝက်ထ် ။ ။ ဝိုး – အလွန် တန်းဖိုးရှိတယ်ပေါ့နော်။ စစ်တပ်အကူအညီမျိုး ရရှိလိမ့်မယ်လို့ ကျနော်ပြောနိုင်တယ်။
ဂျွန် အိုလီဗာ ။ ။ အို နိုးနိုး နိုးနိုး … ဒါပေမဲ့ အီဂျစ်တို့ ငွေတံဆိပ်အဆင့် ဝန်ဆောင်မှု ကမ်းလှမ်းမှုမျိုး ရရှိပါတယ်။ ဒါကတော့ အမေရိကန်ပြည်ထောင်စုရဲ့ ခင်ဗျားတို့ (အီဂျစ်) ဆန္ဒပြနေကြသူတွေကို အသိအမှတ်ပြုကြောင်း တရားဝင်ပြောဆိုမှုပုံစံ နဲ့ မတိမကျ၊ ဝိုးတိုးဝါးတား ဟိုလိုလို ဒီလိုလို ထောက်ခံမှုပုံစံ ထုတ်ပြန်ကြေညာချက်တွေကို ရရှိပါလိမ့်မယ်။
[အမေရိကန် နိုင်ငံခြားရေးဝန်ကြီး ဟီလာရီ ကလင်တန် ။ ။ ကျမတို့အနေနဲ့ (ဖြစ်) ထွက်ပေါ်လာမယ့် အသေးစိတ် အတိအကျ ရလဒ်ကို ထောက်ခံ (ရှေ့ နေလိုက်) မနေပါဘူး။ ကျမတို့အနေနဲ့ အစိုးရ၊ လူမှု့အဖွဲ့အစည်း ကိုယ်စားလှယ်များ၊ နိုင်ငံရေး အတိုက်အခံအင်အားစုများ နဲ့ အရေးတော်ပုံသမားများတို့ ဒီ အရေးကိစ္စအတွက် စတင် စကားပြောဆိုဖြေရှင်းကြဖို့ တိုက်တွန်းပြောဆိုနေတာပါ။ ]
ဂျွန် စတီးဝက်ထ် ။ ။ ဝိုး။ သူ ဘယ်သူ (အုပ်စု) ကို ထောက်ခံပြောဆိုနေတယ်ဆိုတာ ကျနော်အနေနဲ့ အတော်လေး ပြောဆိုဖို့ခက်တယ်။
ဂျွန် အိုလီဗာ ။ ။ သေချာတာပေါ့ ဂျွန်။ ဒါက ငွေတံဆိပ်အဆင့် ၀န်ဆောင်မှု ဆိုတဲ့ သဘောပဲ။
ဂျွန် စတီးဝက်ထ် ။ ။ သူတို့တတွေအတွက် ဘာကြောင့် တိုမာဟော့ခ် ဒုံးကျည်တွေနဲ့ တိုက်ခိုက်ပြီးကူညီဆောင်မခြင်းတွေ မရကြတာလဲ။
ဂျွန် အိုလီဗာ ။ ။ ဒါက ရွှေတံဆိပ်အဆင့် ပလက်တီနမ် (ရွှေဖြူ) ဝန်ဆောင်မှုအဆင့် ကျမှ ရတာဖြစ်တယ်။
ဂျွန် စတီးဝက်ထ် ။ ။ သူတို့တတွေ အဲဒါအတွက် အဆင့်မရှိကြဘူးလား။
ဂျွန် အိုလီဗာ ။ ။ ဘာကြောင့်လဲဆိုတာကို ကျနော် ပြောပြပါမယ်။ ရယ်စရာလည်း ကောင်းတဲ့အချက်ပါ။ ဘာဖြစ်လို့လဲ ဆိုတော့ သူတို့တတွေရဲ့ အာဏာရှင်က ကျနော်တို့ရဲ့ မိတ်ဆွေဖြစ်နေလို့ပါ။ တကယ်တော့ ရယ်စရာ မဟုတ်ပါဘူး။ လွတ်လပ်မှုကို အလွန်တမ်းတနေကြတဲ့ အလွန်ဆင်းရဲတဲ့ လယ်သမားတွေတောင် အိုဘားမားကို မိတ်ဆွေဖြစ်ခွင့် မရှိရှာကြပါဘူး။
ဂျွန် စတီးဝက်ထ် ။ ။ ဘာဖြစ်လို့ မဖြစ်ချင်တာလဲ ကို ကျနော်မသိဘူး။ ကျနော်တို့ ဆန့်ကျင်ဆန္ဒပြနေတဲ့ အာဏာရှင်က အမေရိကန်ပြည်ထောင်စုရဲ့ ရန်သူတော် ဖြစ်နေရင် ဘယ်လိုဖြစ်မလဲ။ ပြီးတော့ ကျနော်တို့ တိုင်းပြည်မှာ မြောက်မြားစွာသော ရေနံတွေ ရှိနေတယ်ဆိုရင် …
ဂျွန် အိုလီဗာ ။ ။ ဂျွန် .. ဒီလိုမျိုးဆိုရင် ခင်ဗျားတို့အနေနဲ့ ပလက်တီနမ်တံဆိပ်အဆင့် ကူညီကမ်းလှမ်းမှု ၊ ၀န်ဆောင်မှုမျိုးကို ရရှိမယ်။ အဆင့်မီသွားပါပြီ ခင်ဗျား။
ဂျွန် စတီးဝက်ထ် ။ ။ ကောင်းလိုက်လေ။ ဒီ ပလက်တီနမ် ဝန်ဆောင်မှုမျိုး အီရတ် (Iraq) ကရသွားခဲ့တယ် မဟုတ်လား။
ဂျွန် အိုလီဗာ ။ ။ ဟုတ်ပါတယ်။ ဒုတိယအကြိမ်မှာ ရရှိသွားခဲ့တယ်။ ဒီပလက်တီနမ် အကောင်းစား ထိပ်သီး ဝန်ဆောင်မှုဆိုတာမှာ စစ်တပ်နဲ့ အလုံးအရင်း ဝင်ရောက်တိုက်ခိုက်သိမ်းပိုက်ပြီး ခင်ဗျားတို့ရဲ့အာဏာရှင်အစိုးရကို ဖယ်ရှားပေးခြင်း၊ တိုက်ခိုက်သိမ်းပိုက်ချိန်အတွင်း ပျက်စီးသွားခဲ့တဲ့ လမ်းတွေ၊ ကျောင်းတွေ၊ ဆေးရုံတွေကို ပြန်လည်ကူညီ ဆောက်လုပ်ပေးခြင်းတွေ ပါဝင်ပါတယ်။
ဂျွန် စတီးဝက်ထ် ။ ။ သည်းခြေပျက်သွားမတတ်ကို ကောင်းမွန်လှတဲ့ ၀န်ဆောင်မှုကြီးပါပဲ။
ဂျွန် အိုလီဗာ ။ ။ အဲဒီလောက်ထိကို ကောင်းပါတယ်။
ဂျွန် စတီးဝက်ထ် ။ ။ ဟေ့ … အီရန် (Iran) ဆန္ဒပြသူတွေကော ဒီလိုမျိုး ရနိုင်မလား။
ဂျွန် အိုလီဗာ ။ ။ အို နိုး။ မရနိုင်ဘူး။ အဲဒီမှာက တော်တော်လေးကို ခိုင်မာတဲ့ စစ်တပ်ရှိနေပြီး။ ကာလရှည်စွာနဲ့ တိုက်ရမယ့် အနေအထား၊ သောက်ကျိုးနဲမယ့် စစ်ပွဲမျိုး ဖြစ်ရလိမ့်မယ်။
ဂျွန် စတီးဝက်ထ် ။ ။ ဒါပေမဲ့ ပြည်သူတွေက လွတ်လပ်မှု အခွင့်အရေးကို အတော်လိုလားနေကြတယ်လေ …
ဂျွန် အိုလီဗာ ။ ။ ဒါမျိုး သူတို့ ဆုံးဖြတ်ရမှာ မဟုတ်ဘူး။ နားရှင်းသွားအောင် သေချာနားထောင်ကြပါ။ ဘယ်လို လွတ်လပ်ခွင့်အရေး ဝန်ဆောင်မှုတွေ ရမယ်၊ ဘယ်တော့ ရမယ်ဆိုတာကို ကျနော်တို့က ဆုံးဖြတ်ပေးတာ ဖြစ်တယ်။ ဒါကြောင့် နားထောင်ကြပါ … အရှေ့အလယ်ပိုင်းရှိ လွတ်လပ်ခွင့်ကို တောင်းဆိုနေကြတဲ့ ပြည်သူတွေ လမ်းမပေါ်တွေ ထွက်ကြပြီး၊ ခင်ဗျားတို့ အသက်တွေကို အရင်ဆုံး စတေးကြပါ။ အသေခံပြကြပါ။ အမေရိကန်ပြည်ကြီးက ခင်ဗျားတို့ နောက်မှာ ရှိနေပါတယ်။
[စာတန်းထိုး – ဒီ ၀န်ဆောင်မှုများ ကမ်းလှမ်းချက်များကနေ သမိုင်းဖြတ်စဉ်များအရ မျှော်လင့်မထားတဲ့ နောက်ဆက်တွဲ ဆိုးကျိူးများ၊ ဘေးထွက် အဆိုးရလဒ်များကတော့ ဒေသအတွင်း လူမျိုးရေး ပဋိပက္ခတွေ ဖြစ်ပွားနိုင်ခြင်း၊ အမေရိကန်ရဲ့  ထာဝရ ရန်သူများကို အားကောင်းစေခြင်း၊ လက်ရှိ မဟာမိတ်ကနေ နောက်တချိန် ရန်သူဖြစ်လာပြီး အမေရိကန်လုပ် ဒုံးကျည်များကိုသုံးပြီး ပြန်လည်တိုက်ခိုက်လာခြင်း၊ အလုပ်လက်မဲ့၊ မိန်းမ မရသေးတဲ့ အသက် (၁၉) နှစ်အရွယ် ယောက်ျားက အောက်ခံဘောင်းဘီထဲ ဗုံးဝှက်ပြီး လွတ်လပ်ခွင့်အရေး အမေရိကန်ရဲ့ ၀န်ဆောင်မှုကမ်းလှမ်းချက်များ အပေါ် တုံ့ပြန်တိုက်ခိုက်လာခြင်း တို့ ကြုံတွေ့လာနိုင်ပါတယ်။ ဒီ ၀န်ဆောင်မှုတွေ ကမ်းလှမ်းမှုကို ဝက်စ်ဘန်ခ် နဲ့ ဂါးဇားကမ်းမြောင်ဒေသ (ပါလစ်စတုိုင်းဒေသ) တို့မှာ မရရှိနိုင်ပါ။ ]
ကဲ … ကောင်းပါပြီ ခင်ဗျား။ မြန်မာပြည်ကြီးက ဘယ်လိုမျိူး ဝန်ဆောင်မှု ပံ့ပိုးကူညီမှုတွေ အမေရိကန်ဆီက ရရှိနေပါသလဲ။ (ဖြေကြည့်ပါ)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
