>
မင်္ဂလာနှင့် နိုင်ငံရေး ၂၃
မောင်လူရေး
ဖေဖော်ဝါရီ ၂၅ ၊ ၂၀၁၁
သောဝစဿတာမင်္ဂလာ= နူးညံ့ပျော့ပျောင်းခြင်းမင်္ဂလာ။
သူ့ဆန့်ကျင်ဘက်ကတော့ စည်းကမ်းမဲ့ခြင်း၊ ခေါင်းမာခြင်း။
အရှင်မဟာမောဂ္ဂလ္လာန်က – မိမိတို့မှာ ပြောမှုဆိုမှုကို ခံယူနိုင်သော အရည်အချင်းရှိပါသည်၊ မိမိတို့ကို ပြောပါဆိုပါရန် ဖိတ်ကြားပါသည်ဆိုသည့် ပုဂ္ဂိုလ်မွန်များအကြောင်းနှင့် ထိုပုဂ္ဂိုလ်မွန်တို့၏ ပြောဆိုရန်လွယ်ကူ စေသော ဂုဏ်အရည်အသွေးတို့ကို ဟောတော်မူပါသည်။
ထိုအရည်အသွေးတို့သည် မြန်မာ့နိုင်ငံရေးအကျပ်အတည်းများ ပြေနိုင်သည့် သဘောထားအမြင်များသာတည်း။
ယနေ့မြန်မာနိုင်ငံတော်သည် ရွေးကောက်ပွဲပြုကျင့်ခံထားရသော နိုင်ငံတော်ဖြစ်၏။
ဒီမိုကရေစီရေးကို ဘဝပေးထားကြရသူတွေ တနည်းအားဖြင့် သက်ဆိုင်သူတွေ တစ်ဦးမှမပါဝင်ကြ။
အဲဒီကထဲက တရားမျှတမှုကင်းလာ ခဲ့ရာ တကယ့်ရွေးကောက်ပွဲသို့ သွားရာကာလတလျှောက်မှာလည်း တရားမျှတမှုကို ထင်ထင်ရှားရှားမတွေ့ရ။
အဲဒီတော့ အကျပ်အတည်းကို အခက်အခဲနှင့် ထပ်ပေါင်းလိုက်သလိုသာ ဖြစ်နေသည်။
ဘယ်သူဘယ်သူဖြည်ပါမှ သည်ချည်ထွေး ရှင်းနိုင်ပါ့လေး ဟူ၍သာ ညည်းနေရန် ရှိတော့သည်။
မောင်စူးစမ်းပြောသလို ပါလီမန်နိုင်ငံရေးသည်သာ အစစ်အမှန်နိုင်ငံရေးဆိုသည် ဟုတ်၏။ အစစ်အမှန်ပါလီမန် မဖြစ်တာက ခက်နေသည်။ လူတစ်ဦးတစ်ယောက်၏စီမံမှုသည် လူအများစုအတွက် ဘယ်လိုမှ သင့်တော် ကောင်းမှန်မှု မဖြစ်နိုင်ချေ။
ဒီကနေ့အခြေအနေသည် တစ်ဦးတစ်ယောက်တစ်ဖွဲ့၏ အစီအမံများသာ ဖြစ်နေ ပေသည်။ အောက်ပါ အရှင်မဟာမောဂ္ဂလ္လာန်၏ ပြောဆိုရန်လွယ်ကူစေသည့် ဂုဏ်ရည်များကို ယုံကြည်သိမှတ် ဆည်းကပ်ပါလေဦး-
ယုတ်မာသော အလိုဆန္ဒမရှိခြင်း။
မိမိကိုယ်ကို ဂုဏ်မတင်၊ အခြားသူများကို မရှုတ်ချခြင်း။
အမျက်ဒေါသကင်းလျက် အမျက်ဒေါသ၏လွှမ်းမိုးမှု မခံရခြင်း။
အမျက်ဒေါသအလျောက် အပြစ်ရှာရန်ငြိုးဖွဲ့သူ မဟုတ်ခြင်း။
အမျက်ဒေါသအလျောက် အပြစ်မရှာခြင်း။
အမျက်ဒေါသနှင့် နီးစပ်သောစကားများကို မပြောဆိုခြင်း။
စွဲချက်တင်သူကို ပြန်လည်ပြစ်တင်ပြောဆိုမှု မပြုခြင်း။
စွဲချက်တင်သည့်အတွက် စွဲချက်တင်သူကိုပင် ကြိမ်းမောင်းမှု မပြုခြင်း။
စွဲဆိုသည့်အပြစ်ကို စွဲဆိုသူအပေါ်သို့ ပြန်တင်မှု မပြုခြင်း။
စွဲဆိုသူကို အခြားစကားမေးမြန်းပြောဆိုလျက် သူ၏ စွဲဆိုမှုကို မဖြေရှင်းဘဲ ချောင်ထိုးမထားခြင်း၊ လိုရင်းအချက်ကို ရှောင်လွှဲ မဖြေဆိုခြင်း၊ အမျက်ဒေါသ သုန်မှုန်မှုကိုမပြ၊ မပြုခြင်း။
စွဲဆိုသူကို ဦးတည်၍ အောင်မြင်စွာဖြေရှင်းနိုင်ခြင်း။
မခက်ထန် မကြမ်းတမ်းခြင်း၊ အငြိုးအတေးမထားခြင်း။
မနာလို ဝန်တိုမှု မရှိခြင်း။
သစ္စာမဲ့မှု၊ လိမ်ညာလှည့်ဖျားမှု မရှိခြင်း။
ခေါင်းမာမှု၊ မာနကြီးမှု မရှိခြင်း။
အပြန်အလှန်မရ၊ မိမိအယူကိုသာဆုပ်ကိုင်မထားခြင်း။ မိမိအယူကို တင်းကျပ်စွာ ဆုပ်ကိုင်မထား၊ လွယ်ကူစွာ ဖြေလျော့ပေးခြင်းတို့တည်း။
ဘုရားရှင်လက်ထက်တော်တုန်းက အဖြစ်အပျက်တစ်ခု ရှိခဲ့သည်။ ဘုရားလောင်းတောထွက်စဉ်က အနော်မာ မြစ်ထိလိုက်ပါပို့ဆောင်ခဲ့သူ ဖွားဖက်တော်ဆန္ဒသည် နောင်သံဃာ့ဘောင် ဝင်ရောက်လာသောအခါ သူ့ကို ပြောဆိုဆုံးမတဲ့သံဃာတော်များကို ပြန်လှန်ငြင်းဆို လေ့ရှိသည်။
သူက … သင်တို့က ငါ့ကို ပြောဆိုဆုံးမသင့်တယ်လို့ ဘာ့ကြောင့် ထင်ကြတာလဲ။ တကယ်တော့ ငါကပဲ ပြောရ ဆိုရမှာ။ ဗုဒ္ဓက ငါ့သခင်၊ ဓမ္မက သူ့အဆုံးအမ၊ သံဃာဆိုတဲ့ သင်တို့ အားလုံးကိုတော့ အမျိုးအသီးသီးကနေ သခင်ကြီးသုဒ္ဓေါဒနရဲ့သား ငါ့သခင်က စုစည်းထားခဲ့တာ။ လေနဲ့အတူ ရေစီးကြောင်းနဲ့အတူ အမှိုက်သရိုက်တွေကို စုပုံထားသလိုပဲ – ဟုပြောခဲ့၏။
ဤသို့ ပြောလွယ်ဆိုလွယ် ဂုဏ်အရည်အသွေးမရှိမှုကို အကြောင်းပြု၍ သိက္ခာပုဒ်(ဥပဒေစည်းမျဉ်း)တစ်ခု ပညတ်ခဲ့သည်။ ထိုသိက္ခာပုဒ်၌ အစုအဖွဲ့(နိုင်ငံ)၏ အရည်အသွေးတိုးတက်ဖွံ့ဖြိုးခြင်း၏ ပဓာနအကြောင်း နှစ်ချက်ကို ဗုဒ္ဓက ထုတ်ပြခဲ့သည်။ ယင်းတို့မှာ-
– အချင်းချင်း အကြံပေးခြင်း ဆုံးမသွန်သင်ခြင်းနှင့်
– အပြစ်တည်းဟူသော ညွန်အိုင်မှ ထမြောက်စေရန် အချင်းချင်း ရိုင်းပင်းကူညီခြင်းတို့တည်း။
ဤဂုဏ်ရည်များသည် သင့်ကိုသော်၎င်း၊ သင့်နိုင်ငံကိုသော်၎င်း ဘေးကင်းသောအခြေအနေ၊ ထောက်တည်မှီခိုအားထားရမည့်နေရာ၌ တည်ရှိနေစေမည့်အခြေအနေတို့ကို ပေးပေလိမ့်မည်။
သင်သည် လူ့အဖွဲ့အစည်း၏ တစ်နေရာရာမှာတော့ ရှိနေပါလိမ့်မည်။ သင့်မှာ နူးညံ့ပျော့ပျောင်းမှုရှိမည် ဆိုလျှင် သင်၏ နူးညံ့ပျော့ပျောင်းမှုသည် သင့်အစုအဖွဲ့အတွင်း ရှိကြသူများအဖို့ အလေးထားစရာ ဖြစ်နိုင်ပါသည်။ ယင်း နူးညံ့ ပျော့ပျောင်းမှုကိုတည်မှီ၍ အပြန်အလှန်လေးစားမှု၊ အပြန်အလှန်နားလည်မှုများ ရင့်သန်လာပြီး လူ့အဖွဲ့ အစည်းအတွင်း(နိုင်ငံအတွင်း)၌ ဖြေရှင်းမရနိုင်သောပြဿနာရှိတော့မည် မဟုတ်ပါ။
ဤသဘောထားမင်္ဂလာသည် မြန်မာ့နိုင်ငံရေးအကျပ်အတည်းဖြေရှင်းမှုကို အထောက်အကူပြုမည်ဟု ယုံကြည် ပါကြောင်း။
(မောင်လူရေး၏ မင်္ဂလာစီးရီး ဇာတ်သိမ်းပြီ။ မြန်မာပြည် စစ်အာဏာရှင်တို့ကား ယခု ဒေသနာအဆုံးမှာ အကျွတ်တရား မရကြကုန်။)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
