လှည်းတန်း မြေပြဿနာ
မုိုးမခပေးစာ
မေ ၂၆၊ ၂၀၁၃
အခုဖြစ်နေတာက ၀ယ်ထားတဲ့ AA က မလာပဲ စီးပွားကူးသန်းက ညွှန်မှူး၊ ဒုညွှန်မှုး၊ မြိူ့တော်စည်ပင်က ရေသန့် ဌာနမှူး၊ မြို့နယ်အုပ် ချုပ်ရေးမှူး အဲ့ဒီလူတွေပဲ ခဏခဏလာပြီး မြေကြီးလေးတူးဆွလိုက် ပေကြီုးလေးတိုင်းလိုက် လုပ်နေတာ၊ သူတို့လာတိုင်း တိုက် ကလူတွေ က ဆင်းဆင်းတားနေရတယ်။
နဂိုရှိပြီးသား မိလ္လာကန် (၁၀) ကန်ကို ပြန်ဖေါ်ရင် အကောင်းကြီး၊ အဲ့ဒါကို Proposal အရ တိုက်တွေဘက်ကို ၁၀ ပေလောက် ရွှေ့ဖို့လာလာ လုပ်နေတာ အဲ့ဒီလိုရွှေ့လိုက်ရင် ပေ ၁၈၀ x ၁၀ ပေလောက် ဦးဇော်မိုးခိုင်အတွက် ပိုထွက်လာမယ်လေ။ လှည်းတန်းထိပ်က မြေဈေးက သိတဲ့အတိုင်းပဲ။
ဒီအစိုးရ၀န်ထမ်းတွေကို ဦးဇော်မိုးခိုင်က ပိုက်ဆံပေးခိုင်းတဲ့ပုံစံဖြစ်နေတယ်။ ကုန်ကျစရိတ်အားလုံးကို ဦးဇော်မိုးခိုင်( AA Medical Product) ကပေးမယ်ဆိုပြီးလာလုပ်နေတာ။ ဘယ်တုန်းက Proposal လဲမေးတော့ တိုက်ကသူတွေ တစ်ယောက်မှမသိလိုက်တဲ့ Proposal ဖြစ်နေတယ်။ လာလုပ်တဲ့သူတွေက ၀န်ထမ်းတွေ၊အရောင်းအ၀ယ်ကိစ္စ သူတို့နဲ့မဆိုင်ပါဘူး။ အထက်အမိန့်အရလုပ်တာပါ အထက်က မလုပ်နဲ့ဆိုမှ သူတို့ ရပ်မယ်လို့ပြောပါတယ်။
ဆိုတော့ အထက်ဆိုတာကြီးက ဘာလဲ ။ဘယ်သူလဲ၊ ရန်တုန်တိုင်းဒေသကြီး အစိုးရအဖွဲ့ခွင့်ပြုမိန့် စာရွက်ကို စီးပွားကူးသန်းညွှန်မှုး ဦးသန်းအောင်ကျော်ကလက်နဲ့ကိုင်ပြပြီး ပေးဖတ်တယ်၊ ကော်ပီပေးမကူးဘူး၊ ဓါတ်ပုံပေးမရိုက်ဘူးအဲ့ဒါဘာကြောင့်လဲ၊ ဖတ်လိုက်ရတဲ့သူက ပြန်ပြောပြတာကတော့ တိုက်ကပြည်သူတွေနဲ့ညှိနှိုင်းပြီးလို့ ခွင့်ပြုတဲ့ ပုံစံရေးထားတာလို့ပြောတယ်။တိုက်က ဘယ်သူမှမသိလိုက်ဘူး တောက်လျှောက်ကန့်ကွက်နေတာ မြို့နယ်အုပ်ချုပ်ရေးမှုးရုံးကိုအစည်းအဝေးခေါ်တိုင်းတက်ရောက်ကြောင်းလက်မှတ်ထိုးရတယ်အစည်းအဝေးမှတ်တမ်းဆိုပြီး ၃ရက်လောက်မှာ စာထွက်လာတယ် အဲ့ဒီမှာ အမှန်တစ်ကယ်ဆွေးနွေးခဲ့တာတွေ မပါဘူး သူတို့လိုရာဆွဲရေးတာ တွေချည်းပဲ၊ တိုက်ကလူတွေကအစည်းအဝေးမှာ လက်မှတ်မထိုးရဲတော့ဘူး၊ ဒီကိစ္စမှာ မြိုနယ်အုပ်ချုပ်ရေးမှူးကသူသည် AA ကကျွေးတဲ့ ထမင်းစားနေတာမဟုတ်ဘူးလို့ ညင်းတယ်။
ပူးပေါင်းကြံစည်နေကြသလား ထင်မှတ်ရတယ်။ ဒီစာကို ဘယ်သူရေးတာလဲ။ ဒီ Proposal ကို ဘယ်သူတင်တာလဲ ရှင်းနေတာပဲ၊ သူဟာ ခရိုနီ စာရင်းမှာ မပါဘူး ဆိုတဲ့ဗိုလ်ချုပ်တင်နိုင်သိန်းရဲ လက်ရင်း တပည့်ကြီး AA ကဦးဇော်မိုးခိုင်ပဲပေါ့ ။ ၈၈ က ကိုမာကီး တို့ကို အားကိုးတစ်ကြီးတိုင်ပင်ပါတယ်၊ တိုက်ကလူတွေကို သူက မတွေ့ဘူး ၈၈ မို့လို့ လက်ခံတွေ့တာ၊ ဒီမြေဟာ သူပိုင်တဲ့မြေ သူဟာ ခရိုနီ မဟုတ်ကြောင်း ဘယ်တော့မှ နောက်ဆုတ်မှာမဟုတ်ကြောင်းပြောလွှတ်လိုက်တယ်။
အခုဆိုရင် တိုက်နောက်ဖေးကို ၀င်တဲ့တံခါးတွေကို ပိတ်ထားတော့ နောက်ဖေးကစစ်အစိုးရကြောင့် ပျက်စီးနေတဲ့မိလ္ဘာကန်တွေကိုပြုပြင်ချင်ပေမဲ့ လည်းဝင်လို့မရတော့ မိလ္လာကန်တွေပျက်စီးပြီး အများပြည်သူရဲ့ ကျန်းမာရေးကိုအကြီးအကျယ်ထိခိုက်နေပါပြီ။
တိုက်နေပြည်သူများကတော့ အဆိုပါ ၀န်ထမ်းများကို မေတ္တာရပ်ခံတာကတော့ အခုကိစ္စက နိုင်ငံတော်စီမံကိန်းလည်းမဟုတ်၊အများပြည်သူအကျိုးဖြစ်ထွန်းစေမယ့်ကိစ္စလည်းမဟုတ်ပဲ ပုဂ္ဂလိကတစ်ဦးတစ်ယောက်တည်းအတွက် စွမ်းစွမ်းတမံ ကြီုးပမ်းဆောင်ရွက်ရန်မသင့် တော်ကြောင်း ပြောပြပါတယ်။ ဒါကြောင့်မို့ ဒီလို တရားမျှတမှုလုံးဝမရှိတဲ့ ကိစ္စကို တိုက်နေပြည်သူများမှ တရားဥပဒေကြောင်းအရရင်ဆိုင်မည်ဖြစ်ကြောင်း အများပြည်သူ သိရှိစေရန် မိုးမခပေးစာသို့ ပေးပို့တင်ပြအပ်ပါသည်။
ကျေးဇူးတင်လျက်
တိုက်နေပြည်သူများ
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
